ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو سوبه‌هى رۆژا چارشه‌مبى وه‌زاره‌تا ساخله‌ميێ دێ مووچێ هه‌يڤا هه‌شت وه‌رگريت.
ئاشكه‌را ژى كر كو بڕياره رۆژا پێنجشه‌مبى ژى مووچێ وه‌زاره‌تا كار و كاروبارێن شه‌هيد و ئه‌نفالكريان ل گه‌ل كه‌سوكارێن شه‌هيدان و زيندانيێن سياسى بهێته به‌لاڤكرن.
بڕياره ئه‌ڤرۆ ژى مووچێ هه‌يڤا هه‌شت يێ وه‌زاره‌تا دارايى و ئابوورى ل حوكمه‌تا هه‌رێما كوردستانێ بهێته به‌لاڤكرن.
ئه‌ڤرۆ نيوز:
ئەڤرو ئێڤاری 11/11/2019 فەرهاد ئەمین پارێزگەرێ دهوكێ ب ئامادەبونا رێڤەبەرێ ئەوقافا دهوك و هژمارەكا زور یا ماموستایێن ئاینی و رێڤەبەرێن دەزگایێن حكومەتا هەرێما كوردستانێ و جەماوەرێ تاخَ ماسیكێ مزگەفتا برایان ل تاخێ ماسیكا 2 كو ژلایێ خیرخواز مه‌شهوود حه‌جی ئه‌مين ڤە هاتیە چێكرن ڤەكرن مزگەفتا برایان ل سەر روبەرێ 6400م2 هاتیە ئاڤاكرن ب گۆژمێ 750 هزار دۆلاران هاتیە چێكرن وهەموو پێدڤیێن مزگەفتێن نوكە تێدا هەنە.
د ددوڤدا قوتابخانەكا 12 رێزی ل تاخێ نافیبری ژلایێ پارێزگەرێ دهوكێ ب ئامادەبونا رێڤەبەرێ گشتی یێ پەروەرێ ل پارێزگەها دهوكێ هاتەڤەكرن كو هەر ژلایێ سەرمایەدار مه‌شهوود حەجی ئەمین و برایێ ویڤە هاتیە ئاڤا كرن و گۆژمێ زێدەتر ژ 800 هزار ددۆلاران لێ هاتیە مه‌زاختن و ل سەرروبەرێ 6500 م2 و هه‌موو پێدڤیێن قوتابخانێ تێدا هاتینە دابینكرن وەكو تاقیگەهێن زانستی و كومپیوتەری و كورەپانێن وەرزشی .
د رێ و رەسمێن ئاهەنگا ڤەكرنا هەردو پرۆژان دا، ل بەراهیێ پاێزگەرێ دهوكێ د پەیڤەكێ دا بناڤێ حوكمه‌تا هەرێما كوردستانێ و كارگێریا پارێزگەها دهوكێ پیروزباهیا قوتابی و خەلكێ تاخێ نافبری كر بۆ ڤەكرنا ڤان پرۆژان و ئاماژە كرە گرنگیا پێشڤەبرنا زانست و زانینێ بۆ پێشكەفتنا هەر مللەتەكی و داخواز ژ رێڤەبەریا پەروەردێ و كارگێریا قوتابخانێ كر كو د هاریكار بن بۆ هندێ ئەف پرۆژە جهی مفا وەرگرتنێ بیت و دەستخوه‌شی ل سەرمایەدار مه‌شهوود حەجی ئەمین و برایێ وی كر بۆ ئەنجامدانا ڤان پرۆژێن خیرخوازی.
دلایەكێ دیێ پەیڤا خودا پارێزگەرێ دهوكێ گوت : حوكمه‌تا هەرێما كوردستانێ ل بەرنامێن خوه یێن سالانە ل دەمێ هەبوونا بودجێ چ خه‌مسارى نەكریە ببۆ بجهئینانا پرۆژێن پەروەردێ و بناغەكێ بهێز دانایە و ب سه‌دان قوتابخانە و باغچێن زارۆيان هاتینە ئاڤاكرن و هەردەم ل دووڤ شیانان پرۆژە هاتینە بجهئینان و سەكتەرێن گریدای ژیانا وەلاتیان گرنگی پێ هاتیە دان.
مه‌شهوود حەجی ئەمین، د پەیڤەكێ دا سوز دا كو بەردەوام بیت ل سەر كارێ خێرێ بۆ وەلاتی چونكی كەسێن مەردەمێر ئەف ئاخە ب خوینا خوه پاراستیە و به‌رگرى ژ كەرامەتا وەلاتیان كریە، ئەڤرۆ ئەركە ل سەر ملی ههه‌موو وەبەرئێنه‌ر و سەرمایەداران د هاریكار بن بۆ ئاڤاكرنێ و نەهێلانا كێماسیان
عومه‌ر عه‌لی، رێڤەبەرێ گشتی یێ پەروەردێ ل پارێزگەها دهوكێ بناڤێ پەروەردێ سوپاسیا مه‌شهوود حه‌جى ئه‌مين كر بۆ ئاڤا كرنا وێ قوتابخانا پێشكەفتی و دیار كر كو پرۆژەكێ زور یێ گرنگە و دێ ئاریشا خواندنێ ل تاخەكێ مەزن چارەكەت و گوت، سەرمایەدار و وەبەرئێنه‌رين پارێزگەها دهوكێ ل هه‌موو دەلیڤێن تەنگاڤیان د هاریكار و پشتەڤان بووینە بۆ حوكمه‌تا هەرێمێ و پیروزباهیا قوتابیێن تاخێ ماسیكا 2 كر بۆ ڤەكرنا ڤێ قوتابخانێ.
ئه‌ڤرۆ نيوز:
سه‌رۆكێ هه‌رێما كوردستانێ، نێچيرڤان بارزانى لايه‌نێن په‌يوه‌نديدارێن سه‌رۆكاتيا هه‌رێما كوردستانێ و وه‌زاره‌تا پێشمه‌رگه راسپاردن كو لژنا تايبه‌ت بۆ دووڤچوونا پرۆسا ئێكخستنا پێشمه‌رگه‌ى پێكبينن و گاڤێن كردارى د رێكخستنا وارێن كارگێرى و قانوونێ دا ب هاڤێژن.
نێچيرڤان بارزانى، سه‌رۆكێ هه‌رێما كوردستانێ و فه‌رماندێ گشتيێ هێزا پێشمه‌رگه‌ى، ئه‌ڤرۆ دوشه‌مبى 11/11/2019 ل باره‌گايێ سه‌رۆكاتيا هه‌رێما كوردستانێ ل گه‌ل وه‌زاره‌ت و فه‌رمانده و پله‌دارێن پێشمه‌رگه كۆمبوو ب مه‌ره‌ما ژ نێزيك ئاگه‌هداريا دووماهى گاڤێن پرۆسا چاكسازيێ ل وه‌زاره‌ت و رێكخستنێن پێشمه‌رگه‌ى بيت.
د كۆمبوونێ كو جێگرێن سه‌رۆكێ هه‌ريمێ و وه‌زير و فه‌رمانده و پله‌دارێن پێشمه‌رگه به‌رهه‌ڤ بووين، ب درێژى به‌حسێ وان گاڤان هاته كرن كو دچارچۆڤێ پرۆسا چاكسازيا وه‌زاره‌تا پێشمه‌رگه دا هه‌تا نوكه بۆ ئێكخستنا پێشمه‌رگه‌ى هاتينه هاڤێتن، هه‌روه‌سا به‌حسێ وان گرفتێن دهێنه به‌رده‌م پرۆسێ و چه‌ندێن پێشنياز و تێبينى بۆ بله‌زكرن و سه‌ركه‌فتنا پرۆسێ هاتنه به‌رچاڤكرن.
هه‌ر د وێ كۆمبوونێ دا سوپاسيا هاريكارى و پشته‌ڤانيا هه‌ڤپه‌يمانا نێڤده‌وله‌تى هاته كرن، كو بۆ سه‌رخستنا پرۆسێ ژ نێزيك ل گه‌ل وه‌زاره‌تا پێشمه‌رگه كار دكه‌ن، هه‌روه‌سا بريار هاته دان كۆمبوونێن ده‌ورى بۆ دووڤچوون و سه‌رخستنا پرۆسێ بهێنه ئه‌نجامدان.
ئه‌ڤرۆ نيوز:
جێگرا سه‌رۆكێ لژنا دارايى ل په‌رله‌مانێ كوردستانێ راگه‌هاند، پشتى ل ده‌مێ بۆرى سه‌ره‌دانا وه‌زاره‌تا دارايى هاتيه كرن و داخوازا هه‌يكه‌لێ جڤاتێن پارێزگه‌هێن و يه‌كه‌يێن ژمێريارى يێن وان هاتيه كرن، كو ده‌مێ چار سالايه نينه، وه‌زيرێ دارايى رازيبوون ده‌ربرى و نڤيساره‌ك ئاراسته‌ى جڤاتا وه‌زيران كر كو ل وێرێ ژى هاتيه په‌سه‌ندكر و بۆ وه‌زاره‌تا دارايى هاتيه ئاراسته‌كرن و كۆپيه‌ك بۆ مه هاتيه هنارتن، له‌وما ل ڤان نێزيك دێ ده‌ست ب دانانا هه‌يكه‌ل و يه‌كه‌يێن ژمێريارى يێن جڤاتێن پارێزگه‌هان هێته كرن.
خانزاد مام وسو، جێگرا لژنا دارايى ل په‌رله‌مانێ كوردستانێ زێده‌تر بۆ مالپه‌رێ فه‌رميێ پارتى گۆت” هه‌يكه‌لێ نوو يێ جڤاتێن پارێزگه‌هان دێ هێته دانان و ئه‌يه‌كيێن ژمێريارى ژى دێ بۆ هێنه دانان، به‌لێ هه‌تا نوكه مه بودجه و فه‌رمانبه‌ر بۆ جڤاتێن پارێزگه‌هان ديار نه‌كرينه”.
گۆت ژى” د كابينا بۆرى دا يا حوكمه‌تا هه‌رێما كوردستانێ رازيبوون ل سه‌ر دامه‌زراندنا هه‌يكه‌لێ نوو يێ جڤاتێن پارێزگه‌هان و يه‌كه‌يێن ژمێريارى هاتبوو دان، به‌لێ ژ به‌ر قه‌يرانا دارايى ل وى ده‌مى نه‌هاته بجهئينان و نوكه دێ هێته بجهئينان”.
ئه‌ڤرۆ نيوز:
سه‌رۆكا فراكسيۆنا پارتى ديموكراتى كوردستان ل په‌رله‌مانێ عيراقێ و ئه‌نداما لژنا راستڤه‌كرنا دستوورێ عيراقێ راگه‌هاند، سوباهى سێشه‌مبى 12/11/2019 ل به‌غدا لژنا راستڤه‌كرنا دستوورى دێ ئێكه‌م كۆمبوونا خوه ئه‌نجامده‌ت.
ڤيان سه‌برى، سه‌رۆكا فراكسيۆنا پارتى ديموكراتى كوردستان ل په‌رله‌مانێ عيراقێ گۆت” ب پشكداريا 18 ئه‌ندامان، لژنا راستڤه‌كرنا دستوورێ عيراقێ دێ ئێكه‌م كۆمبوون ل به‌غدا ئه‌نجامده‌ت”.
گۆت ژى” ئێكه‌م كۆمبوونا لژنا ناڤبرى دێ بۆ رێكخستنا كاران بيت و هژماره‌كا كه‌سايه‌تيێن ئه‌كاديمى و قانوونى ژى دێ پشكداريێ د كۆمبوونێ دا كه‌ن”.
ل دۆر وان مادێن كو دخوازن راستڤه‌كرن د دستوورى دا، ڤيانێ گۆت” هه‌تا نوكه ئه‌وا هه‌ى هزره و به‌حس ل هيچ ماده‌كێ نه‌هاتيه كرن”.
ئه‌ڤرۆ نیوز، رێوار محه‌مه‌د ره‌شید:
سه‌رۆكێ لژنا قانوونی ل په‌رله‌مانێ كوردستانێ بۆ ئه‌ڤرۆ نیوز دیار كر كو په‌رله‌مانێ كوردستانێ دێ ل رۆژا چارشه‌مبی 13/11/2019 خواندنا ئێكێ بۆ چار پێشنیار و بڕیارێن قانوونی كه‌ت.
بژار كۆچه‌ر، سه‌رۆكێ لژنا قانوونی ل په‌رله‌مانێ كوردستانێ دیار كر كو نێزیكی 29 هزار و 886 فه‌رمانبه‌رێن گرێبه‌ست ل هه‌رێما كوردستانێ هه‌نه و ل رۆژا چارشه‌مبی په‌رله‌مانێ كوردستانێ دێ خواندنا ئێكێ بۆ چار پێشنیار و بڕیارێن قانوونی كه‌ت و گۆت: “ئێك ژ وان پێشنیاران دامه‌زراندنا فه‌رمانبه‌رێن گرێبه‌سته ل هه‌رێما كوردستانێ”.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ پێشوازی ل شاندەکێ پارتا سوسیالیست یا باکورێ کوردستانێ ب سەرۆکاتیا مەسعود تەک کر و د هەڤدیتنێ دا بەحسی ئێکرێزیا پارت و ئالیێن سیاسی یێن کوردستانێ هاتە کرن.
د هەڤدیتنێ دا بەحسێ چارەسەرکرنا پرسا کوردی ب رێیێن ئاشتیانە و دوور ژ شەری هاتە کرن کو ئەو یەک دێ بیتە فاکتەرەکێ سەرەکی بۆ ئارامیا دەڤەرێ.
ئەڤرۆ نیوز:
سیرگێی لاڤرۆڤ وەزیرێ دەرڤە یێ روسیا بەری کو سەرەدانا ئەرمەنستانێ بکەت بۆ دەزگەهێن راگەهاندنێ دیار کر کو ئەمریکا تانکێن ئابرامز و چەکێن گران ل دەڤەرێن پەترۆلێ ل سووریێ بجه کرینە، ئەو یەک ب چو رەنگەکێ ناهێتە قەبوولکرن و دڤێت شام کۆنترۆلا هەموو ئاخا سووریێ بکەت.
ناڤهاتی راگەهاند ئەو وەکو روسیا دێ هاریکاریا شامێ کەن دا دەستهەلاتا سووریێ جارەکا دی بشێت کۆنترۆلا هەموو ئاخا سووریێ بکەت.
ئەڤرۆ نیوز:
بەری دەمەکێ سێ پەقینێن ئێک ل دووڤ ئێک ل باژێرێ قامشلۆ یێ رۆژئاڤایێ کوردستانێ روو دان کو د ئەنجام دا هەتا نها سێ کەسان جانێ خوە ژ دەست داینە و گەلەک کەس ژی بریندارن.
ل گۆر زانیاریان دو پەقین ب رێیا ترۆمبێلێن بۆمبرێژکری بووینە و ئێک ژی بۆمب بوویە و ئاگرەکێ مەزن بەربوویە ناڤ بازارێ قامشلۆ و هێزێن هەوارهاتنێ ژی هەر بلەز گەهشتینە جهێ روودانێ.
ئەڤرۆ نیوز:
رێکخراوا samaritans purse کو رێکخراوەکا خێرخوازی یا ئەمریکی یە هاریکاریا ئاوارێن رۆژئاڤایێ کوردستانێ دکەت کو دەمەکە هاتینە هەرێما کوردستانێ.
موسا ئەحمەد سەرۆکێ رێکخراوا خێرخوازی یا بارزانی راگەهاند کو ئەڤ رێکخراوە دێ بۆ ماوەیێ شەش مەهان هاریکاریا برایێن مە یێن رۆژئاڤایێ کوردستانێ کەت و رێکخراوا ناڤهاتی بەری نها ژی گەلەک هاریکاریا خەلکێ ئاوارە و یێن هەژار ل کوردستانێ کریە.
نيشاندان