ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ رۆژا پێنجشه‌مبى مه‌سرور بارزانى سه‌رۆكێ حوكمه‌تا هه‌رێما كوردستانێ سه‌ره‌دانا وه‌لاتێ توركيا بكه‌ت و ل گه‌ل سه‌رۆكێ وى وه‌لاتى كۆم ببيت.
ب گۆره‌ى سه‌رۆكاتيا كۆماريا توركيا ئه‌ڤرۆ ل ده‌مژمێر 05:00 سه‌رۆك وه‌زيرێن هه‌رێما كوردستانێ ل كۆچكا كۆمارى دێ ل گه‌ل سه‌رۆك كۆمارێ توركيا ره‌جه‌ب ته‌يب ئه‌ردوگان كۆم بيت.
ئه‌ڤرۆ نیوز:
پشتى راهێنه‌رێ پورتوگالى جوزێ مورینهو شیاى د ئێكه‌م یاریا خوه دا ل گه‌ل یانا توتنهام د قاره‌مانیا چامپیونیز لیگ دا شیاى سه‌ركه‌فتنه‌كا گرنگ ل سه‌ر یانا ئولومپیاكوس یا یونانى توماربكه‌ت ب چار گولان به‌رامبه‌ر دو گولان و ب وێ سه‌ركه‌فتنێ مورینهو شیا سه‌ركێشیا یانا خوه بكه‌ت بوو ده‌ربازبوونێ بۆ قوناغا 16 كو ب وێ چه‌ند ئه‌و راهێنه‌ر شیا نمره‌كا پیڤاى د مێژویا وێ قاره‌مانیێ دا توماربكه‌ت.
مورینهو بوو راهێنه‌رێ ئێكێ د مێژویا قاره‌مانیا چامپیونیز لیگ دا بشێت سه‌ركێشیا شه‌ش یانێن جودا جودا بكه‌ت بوو ده‌ربازبوونێ بۆ قوناغا 16.
ئه‌و یانێن مورینهوى سه‌ركێشیا ئه‌وان كرى ئه‌وێن خوارێ نه
پورتو یا پورتوگالى
چێلسى یا ئنگلیزى
ئه‌نتر میلان یا ئیتالى
ریال مه‌درید یا ئیسپانى
مان یونایتد یا ئنگلیزى
توتنهام یا ئنگلیزى
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى، د به‌رپه‌رێ خوه دا ل سه‌ر تۆرا جڤاكى يا تويته‌ر په‌يامه‌ك به‌لاڤكر و تێدا دبێژيت” ب رۆهنى من راگه‌هانديه كو ئه‌م ناخوازين حه‌زا خوه ل سه‌ر خه‌لكى بسه‌پينين، به‌لكو ئه‌م ژبۆ خزمه‌تكرنا خه‌لكى ل ڤێرێ نه، له‌وما مه دڤێت كوردستانه‌كا ب هێز ئاڤا بكه‌ين”.
د پشكه‌كا دى يا په‌ياما خوه دا، مه‌سرور بارزانى دووپاتى ل وێ چه‌ندێ كر كو دێ ژێده‌رێ ئابوورێ خوه به‌رفره‌هتر كه‌ين و په‌يوه‌نديێن خوه ل گه‌ل به‌غدا ئاسايى كه‌ين و بێگومان پێدڤيه چاكسازيێن زێده‌تر بكه‌ين، بۆ ڤێ مه‌ره‌مێ ژى مه پرۆسا چاكسازيێ يا ده‌ستپێكرى.
سه‌رۆكێ حوكمه‌تا هه‌رێما كوردستانێ ئاشكراكر كو دڤێت خه‌لكى باوه‌رى ب حوكمه‌تا خوه هه‌بيت، چونكه پێدڤيه خه‌لك هه‌ست بكه‌ت كو نوونه‌رێن وان ل حوكمه‌تێ رێزێ لێ دگرن ودڤێت خه‌لك هه‌ست بكه‌ت ئه‌و حوكمه‌تا هه‌ى وان دپارێزيت و خزمه‌تا وان دكه‌ت.
ئه‌ڤرۆ نیوز:
خوه‌نیشانده‌رێن پارێزگه‌ها نه‌جه‌ف به‌رى ده‌مه‌كێ كێم شیان بگه‌هنه ئاڤاهیێ كونسۆلخانا ئیرانى ل باژێرێ نه‌جه‌ف و ئاگرى به‌رده‌نێ.
به‌رى ده‌مه‌كێ كێم زێده‌تر ژ دو هزار خوه‌نیشانده‌ران ل باژێرێ نه‌جه‌ف روو ب روویێ هێزێن ئه‌منى بوون و نه‌چاركرن پاشڤه بچن و شیان بگه‌هنه ئاڤاهیێ كونوسلخانا ئیرانى و ئالایێ ئیرانێ ئینا خوار و ل شوونا وى ئالایێ عیراقێ بلندكر و پاشى كونسولخانه سوت.
ئەڤرۆ نیوز، مەحمود نهێلی:
د رێ و رەسمەکی دا و ب بەرهەڤبوونا هەژمارەکا بەرپرسێن میری و حزبی و کەساتیێن دەڤەرێ، ئەڤرۆ ۲۷/۱۱/۲۰۱۹ فەرمانگەها کارتا نیشتیمانی ل ناحیا سەرسنکێ هاتە ڤەکرن و دەست ب چێکرنا کارتا نیشتیمانی هاتە کرن .
ئیسماعیل موستەفا رەشید، قایممقامێ قەزا ئامێدیێ دیار کر کو ب ڤەکرنا ڤێ فەرمانگەهێ دبیتە ئاسانکەری بۆ وه‌لاتیێن ناحیێن بامەرنێ و چەمانکێ و سەرسنکێ بۆ چێکرنا کارتا نیشتیمانی و زێدەتر خزمەتا وه‌لاتیان بهێتەکرن دی بواری دا. و هیڤی ژی خواستن کو ئەڤ فەرمانگەهە هاریکاربیت دگەل وه‌لاتیان دا ل دەمێ برێڤەبرنا مامەلەیێن وان، هەر ئەڤرۆ ژی دەست ب دروستکرنا کارتا نیشتیمانی بۆ هندەک خێزنێن شەهیدان هاتەکرن .
ئەڤرۆ نیوز:
بێگەرد تالەبانی وەزیرا چاندنێ و ژێدەرێن ئاڤێ ل هەرێما کوردستانێ راگەهاند کو ئەو وەکو وەزارەت کار بۆ هندێ دکەن دا خەلکێ هەرێما کوردستانێ پتر بەرهەمێن ناڤخوەیی یێن هەرێما کوردستانێ بنیاسن و ژ بۆ هندێ ژی گرنگیێ ب پێشانگەهێن جودا جودا ل هەرێما کوردستانێ ددەن.
ناڤهاتیێ راگەهاند کو ئەو کار بۆ ڤەکرنا بازارەکێ نشتیمانی ل هەرێما کوردستانێ دکەن چونکو ئارمانجا سەرەکی یا وەزارەتا وان گرنگیدانە ب بەرهەمێن ناڤخوەیی یێن هەرێما کوردستانێ.
ئەڤرۆ نیوز، عەلی حاجی :
د داخویانیەکێ دا پشکا زێدەگاڤیان ژ باژێرڤانیا ناحیا باتیفا بۆ ئەڤرۆ نیوز دیار کر نێزیکی ١٤٠ گوڤان دناڤ سەنتەر و دەوروبەرێن ناحیا باتیفا دا هەنە و دڤێ حەفتیێ دا نێزیکی ١٧ گوڤان ل سەر جاددەیا سەرەکی هاتنە لادان و ڤەگوهاستن.
زێدەتر زەکەریا خەلیل گوت: (پێشتر ژبەری چەند سالەکان رێکخراوەکێ ب مەرەما هاریکاریێ رێژەیەکا مەرو مالاتی ل سەر هاولاتیان بەلاڤ کر و ئەو هاریکاری یە دنوکە دا بویە جهێ نەرەحەتیێ ژبەر کو ئەو مەرو مالاتە مانە دناڤ ناحیا باتیفا دا و خەلکەکێ گوڤ ئاڤاکرن و هەتا نوکە ١٤٠ گوڤ ماینە دناڤ سنورێ باژێرڤانیا ناحیا باتیفا دا و ڤێ چەندێ ژی سەرگێژی بۆ باژیرڤانی و خەلکێ وێ ناحیێ دروست کری یە و خەلکێ ناحیێ ب خوە ژی داخازا ڤەگوهاستنا وان گوڤان دکەت ژبەر کو رێژەیەکا زورە یا گوڤا دناڤ باتیفا دا هەیی و دیمەنەکێ نەجوان ژی دایە وێ دەڤەرێ و بۆ چەندێ باژێرڤانیێ گەلەک هەولداینە ئەڤ گوڤە بهێنە ڤەگوهاستن یان ژی لادان بەلێ خەلکێ وان گوڤان داخازا قەرەبوکرنێ دکەت).
ل دوماهیێ ناڤبری گوت: (بەری چەند روژەکان نێزیکی ١٧ گوڤان ل سەر جاددەیا سەرەکی یا باتیفا هاتنە لادان و ڤەگوهاستن بۆ جهەکێ گونجایتر ب مەرەما بەرفرەهکرنا جاددەیێ ژبەرکو جاددە بەرەڤ نەمانێ ڤە چوو بوو و ئەڤ کارە ژی ب هاریکاریا خودانێن وان گوڤان هاتیە کرن بەلێ پێدڤی یە حکومەت ب ئێکجاری ڤێ ئاریشەیێ دناڤ ناحیا باتیفا دا ئێکلا بکەت).
ئەڤرۆ نیوز:
بەیان سامی عەبدولرەحمان نوونەرا حوکمەتا هەرێما کوردستانێ ل ئەمریکا راگەهاند کو ئەڤرۆکە پێگەهێ هەرێما کوردستانێ گەلەک بهێزە و هەرێما کوردستانێ پەیوەندیێن گەلەک باش ل گەل سیناتۆرێن کۆماری و دیموکراتان هەیە و گەلەک هێز ل ئەمریکا رێزێ ل قوربانیدانا پێشمەرگەی و خەلکێ کوردستانێ د شەرێ ل دژی تیرۆرێ دا دگرن.
ناڤهاتیێ راگەهاند کو ئەمریکا بەرژەوەندیێن ستراتیژی ل گەل هەرێما کوردستانێ هەنە و ئەڤرۆکە پتر ژ هەر دەمەکێ ئەمریکا ژی گرنگیێ ددەتە رۆل و پێگەهێ هەرێما کوردستانێ ل دەڤەرێ و د سەرەدانێن ڤێ دووماهیێ دا ژی ئەو یەک پتر دیار دبیت.
ئه‌ڤرۆ نیوز:
ستێره‌كا به‌رى نوكه یا یانا به‌رشه‌لۆنا ل ماوێ بورى په‌یوه‌ندى ب ستێرا یانێ و یێ ئه‌رژه‌نتینى لیونێل میسى كریه بوو ڤه‌گه‌راندنا وى بوو ناڤا پێكهاتیێ یانا به‌رشه‌لۆنا ڤه.
رۆژناما دون بالون یا ئیسپانى ئاشكراكریه تیاگو ئه‌لكانتارا ستێرا هێلا ناڤینا به‌رى نوكه یا به‌رشه‌لۆنا و یانا بایرن میونیخ یێ نوكه ل ماوێ چه‌ند رۆژێن بورى په‌یوه‌ندیه‌كا نه‌هێنى ب میسى كربوو و داخوازى ژ وى ستێرا ئه‌رژه‌نتینى كریه هاریكاریا ئه‌وى بكه‌ت ب ڤه‌گه‌رینته یانا به‌رشه‌لۆنا ڤه ژبه‌ركو ئه‌و ناخوازیت به‌رده‌وامى بده‌ته پێكهاتیێ یانا بایرن میونیخ تایبه‌ت پشتى دورخستنا راهێنه‌رێ یانێ یێ به‌رى نوكه و راهێنه‌رێ نوكه یێ وێ یانا ئه‌لمانى پشت به‌ستنێ ل سه‌ر وى یاریزانى ناكه‌ت و ئه‌و چه‌نده بوویه جهێ نه ئارامیا تیاگو .
هه‌ژى گوتنێ یه ل سالا 2013 تیاگو ئه‌لكانتارا ژ یانا به‌رشه‌لونا هاتبوو ڤه‌گوهاستن بوو ناڤ رێزێن یانا بایرن میونیخ ل سه‌ر داخوازیا راهێنه‌رێ یانا بایرن میونیخ یێ وى ده‌مى گواردیولا و هه‌تا نوكه وى یاریزانى شیایه 212 یاریان ل گه‌ل وێ یانا ئه‌لمانى بكه‌ت .
ئه‌ڤرۆ نیوز:
پشتى ستێرا هه‌لبژارتیێ ئنگلته‌را و یانا توتنهام هارى كین شیاى سه‌ركێشیا یانا خوه بكه‌ت بوو سه‌ركه‌فتنه‌كا گرنگ ل سه‌ر یانا ئولومپیاكوس یا یونانى ب چار گولان به‌رامبه‌ر دو گولان كو پشتى دو گول د وێ یاریێ دا توماركرین.
مالپه‌رێ ئوپتا یێ تایبه‌ت ب ئامارێن وه‌رزشى ڤه ئاشكراكر ب توماركرنا دو گولان ل سه‌ر ئولومپیاكوس هارى كین شیا هژمارا گولێن خوه ب گه‌هینته 23 گولان ل وه‌رزێ ئه‌ڤ ساله د 23 یاریان دا ل گه‌ل هه‌لبژارتیێ ئنگلته‌را و یانا توتنهام د هه‌موو قاره‌مانیێن تێدا پشكدار.
هه‌ردیسان هاتیه ئاشكراكرن ژى كین شیا هژمارا گولێن ب گه‌هینته 20 گولان د 24 یاریان دا د مێژویا پشكداریا خوه د قاره‌مانیا چامپیونیز لیگ دا .
وى مالپه‌رى ئاشكراكریه ژى هارى كین بوو یاریزانێ له‌زترین یاریزان د 24 یاریان دا شیا هژمارا گولێن خوه ب گه‌هینته 20 گولان.
هه‌ژى گوتنێ یه هارى كین بوو یاریزانێ پێنچێ د مێژویا ئنگلته‌را دا بشێت هژمارا گولێن خوه ب گه‌هینته 20 گولان د قاره‌مانیا چامپیونیز لیگ دا كو به‌رى نوكه هه‌ر ئێك ژ واین رونى (30 گول)، پول سكولز (24 گول )، فرانك لامپارد (23 گول )، وستیفن جیرارد (21 گول).
نيشاندان