ئه‌ڤرۆ نیوز:
پشتى یانا ریال مه‌درید ل شه‌ڤا بورى نه‌شیاى سه‌ركه‌فتنێ توماربكه‌ت ده‌مێ وه‌كهه‌ڤبووى ل ناڤ ئه‌رد و جه‌ماوه‌رێ خوه‌ ل گه‌ل یانا پاریس سانجێرمان ب دو گولان ژ چارچوڤێ یاریێن قوناغا كومان ژ قاره‌مانیا چامپیونیز لیگ .
ستێرا هێلا ناڤینا یانا ریال مه‌درید تونى كروس پشتى یاریێ دیاركر وه‌كهه‌ڤیا به‌رامبه‌ر پاریس ب ئه‌نجامه‌كێ ره‌ش دبینت ژبه‌ركو تیما ئه‌وان ژ هه‌ژى وه‌كهه‌ڤیێ نه‌بوون و گه‌له‌ك نێزیكى سه‌ركه‌فتنێ بوون لێ تیما به‌رامبه‌ر ب دو هێرشان دو گول توماركرن و ئه‌و ب وێ وه‌كهه‌ڤیێ نه‌ د كه‌یفخوشحالن .
هه‌ردیسان ناڤبرى دیاركر ژى تیما ئه‌وان شیا ئاسته‌كێ بلند پێشكێش بكه‌ن و یاریزانێن یانێ چه‌ندین ده‌رفه‌تێن مسوگه‌ر ژ ده‌ستدان و شیابوون كونترولا یاریێ بكه‌ن ب تمامى لێ ل دووماهیێ ئه‌و شیان دو هێرشان دا دو گولان توماربكه‌ن.
ل دووماهیێ ناڤبرى دیاركر ژى سه‌ره‌راى وه‌كهه‌ڤیێ لێ هه‌تا نوكه‌ یانا ئه‌وان یا د ره‌وشه‌كا باش دا د بوریت تایبه‌ت ل دووماهیى شه‌ش یاریێن یانێ كو شاینه‌ چار سه‌ركه‌فتنا توماربكه‌ن ل گه‌ل دو وه‌كهه‌ڤیا لێ پێدڤى یه‌ ل یاریێن بهێت ب هوشدارى بكه‌ن دا توشى چ شاشیێن دى نه‌بن.

ئه‌ڤرۆ نیوز:
یانا ریال مه‌درید یا به‌رده‌وامه‌ بوو لێگه‌ریانا یاریزانه‌كێ به‌رنیاس هێلا ناڤین ل سه‌ر ئاستێ جیهانێ كو ماوه‌كێ درێژه‌ یانا ریال مه‌درید دانوستاندنان ل گه‌ل چه‌ند یاریزانێن به‌رنیاس دكه‌ت.
به‌رنامه‌یێ وه‌رزشى یێ الشیرنجیتو شیرنجیتو یێ ئیسپانى ئاشكراكر ل ماوێ بورى كارگێریا یانا ریال مه‌درید داخوازى ژ راهێنه‌رێ یانێ زێدان كر هه‌ڤبه‌ستێ ل گه‌ل ئێك ژ هه‌ردو ستێرێن به‌رنیاس ئاریكسن یێ دانماركى و یانا توتنهام یان فابیان رویز یاریزانێ یسپانى و یانا ناپولى ئیمزا بكه‌ن لێ زێدان داخوازیا كارگێریا یانا ریال ره‌تكر و داخوازى ژ به‌رپرسێن وێ یانێ كر هه‌ڤبه‌ستێ ل گه‌ل پوگباى ئیمزا بكه‌ن .

ئه‌ڤرۆ نیوز:
به‌رنامه‌یه‌كێ وه‌رزشى ل ئیسپانیا ئاشكراكریه‌ یانا ئه‌تله‌تیكو مه‌درید هزر ل ئینانا راهێنه‌رێ ئه‌رژه‌نتینى و یانا توتنهام یێ به‌رى نوكه‌ ماوریسیو پوكیتینو كریه‌ هه‌كه‌ راهێنه‌رێ ئه‌وان یێ نوكه‌ دیگو سیمیونى ل دووماهیا ڤى وه‌رزى ده‌ست ژ پوستێ خوه‌ به‌رده‌.

به‌رنامه‌یێ شیرنجیتو یێ وه‌رزشى یێ ته‌له‌فزونى ل ئیسپانیا ئاشكراكر كارگێریا یانا ئه‌تله‌تیكو مه‌درید پوكیتینو كریه‌ ئارمانجا خوه‌ وه‌كو پێگوهورێ راهێنه‌رێ خوه‌ یێ نوكه‌ دیگو سیمیونى هه‌كه‌ ل دووماهیا ڤى وه‌رزى پوستێ راهێنه‌ریا وێ یانێ ب جه هێلا.
هه‌ژى گوتنێ یه‌ ل چه‌ند رۆژێن بورى پوكیتینو پوستێ راهێنه‌ریا یانا توتنهام هاتیه‌ دورخستن چه‌ند یانێن به‌رنیاس ل سه‌ر ئاستێ ئورۆپا ئارمانجا خوه‌ كریه‌ ئه‌و راهێنه‌ر ئه‌وژى یانێن بایرن میونیخ و مانچێسته‌ر یونایتد و به‌رشه‌لۆنا.

ئه‌ڤرۆ نیوز:

گولچیێ كوستریكى و یانا پاریس سانجێرمان كیلور ناڤاس ل شه‌ڤا بورى شیا یانا خوه‌ ژ خوساره‌تیه‌كا مسوگه‌ر قورتال بكه‌ت پشتى شیاى به‌رامبه‌ر چه‌ندین هێرشێن یانا خوه‌ یا به‌رى نوكه‌ ریال مه‌درید راوستاى و ببو دیواره‌كێ ب هێز به‌رامبه‌ر هه‌موو هێرشێن یانا ریال مه‌درید.
هه‌ردو یانێن ریال مه‌درید و پاریس سانجێرمان ل شه‌ڤا بورى ب دو گولان وه‌كهه‌ڤبوون ژ چارچوڤێ یاریێن گه‌را 5 ژ قاره‌مانیا چامپیونیز لیگ ژ قوناغا كومان.
ناڤاس بوو مالپه‌رێ یویڤا دیاركر ئه‌و كه‌ڤتبوونه‌ د هه‌ڤركیا ب هێز دا به‌رامبه‌ر ئێك ژ باشترین یانێن جیهانى و تیما ئه‌وان د نیڤا ئێكێ دا نه‌ ل ئاستێ پێدڤى بوون لێ ل نیڤا دوێ یاریزانێن ئه‌وان ئاسته‌كێ باشتر پێشكێشكر و ئه‌نجامێ یاریێ د به‌رژوه‌ندیا ئه‌وان دا بوو.
سه‌باره‌ت ڤه‌گه‌راندنا وى بوو یاریگه‌ها سانتیاگو برنابیو ناڤبرى دیاركر ئه‌وى گه‌له‌ك بیرهاتنێن خوش ل وێ یاریگه‌هێ هه‌نه‌ و شیاینه‌ چه‌ندین ده‌ستكه‌فتیا ل گه‌ل یانا مه‌له‌كى ل وێ یاریگه‌هێ ب ده‌ستخوڤه‌ بینن و ئه‌و سوپاسیا جه‌ماوه‌رێ یانێ دكه‌ت بوو وێ پێشوازیا ل وى هاتیه‌كرن و دبینت شه‌ڤه‌كا گه‌له‌ك خوش بوو.