ئه‌ڤرۆ نيوز:
سامر غه‌زبان، جێگرێ سه‌رۆك وه‌زيرێن عيراقێ بۆ كاروبارێن وزێ كو د هه‌مان ده‌م دا وه‌زيرێ په‌ترۆلێ يه، ئاشكراكر د دانوستاندنێن د ناڤبه‌را شاندێ هه‌رێما كوردستانێ و حوكمه‌تا به‌غدا دووپاتى ل سه‌ر دو خالان هاته كرن.
سامر غه‌زبان گۆت” د كۆمبوونا وى شاندێ حوكمه‌تا هه‌رێما كوردستانێ كو شه‌ڤا بۆرى سه‌ره‌دانا به‌غدا كربوو ل گه‌ل حوكمه‌تا ناڤه‌ندى، دو خالێن سه‌ره‌كى هاتنه به‌حسكرن، يا ئێكێ يا تايبه‌ت بوو ب راده‌ستكرنا گۆژمه‌كێ دياركرى يێ په‌ترۆلا هه‌رێمێ ب كۆمپانيا سۆمۆ و زڤرينا داهاتێ وى بۆ گه‌نجينا ده‌وله‌تێ”.
ل دۆر خالا دويێ، وه‌زيرێ په‌ترۆلا عيراقى گۆت” خالا دويێ يا تايبه‌ته ب لايه‌نێ دارايى، وه‌كو هنارتنا مووچێ فه‌رمانبه‌رێن هه‌رێمێ و شايستێن دى يێن دارايى”.
دياركر ژى” بۆ ب دووماهى ئينانا پرسان و چاره‌سه‌ريا دووماهيێ، برياره سوباهى دوشه‌مبى شانده‌كێ دى يێ هه‌ريما كوردستانێ سه‌ره‌دانا به‌غدا بكه‌ت”.
ئاماژه كر” سه‌قايێ دانوستاندنان ل گه‌ل شاندێ هه‌رێمێ يێ باش و ئه‌رێنى بوو و حوكمه‌تا هه‌رێمێ ب به‌غدا راگه‌هانديه كو ئه‌و بۆ مه‌ره‌ما زێده‌كرنا داهاتێ دارايى بۆ وه‌لاتى ئه‌و سه‌ره‌دانه ئه‌نجامدايه، ئه‌ڤه ژى ب رێيا زێده‌كرنا ئاستێ هنارتنا په‌ترۆلا هه‌رێما كوردستانێ يه، بۆ وێ مه‌ره‌مێ ژى حوكمه‌تا هه‌ريمێ به‌غدا سه‌رپشك كريه”.
نيشاندان