NO IORG
نووترين نووچه
Twitter

336

ئه‌ڤرۆ نيوز، نيوار محه‌مه‌د سه‌ليم:

شانده‌كێ حوكمه‌تا هه‌رێما كوردستانێ، حه‌فتيا بهێت دێ ب مه‌ره‌ما دانوستاندنێ ل سه‌ر پشكا هه‌رێما كوردستانێ د بوودجێ 2020ێ يێ عيراقێ دا سه‌ره‌دانا به‌غدا كه‌ن.

ژێده‌ره‌كى ژ جڤاتا نوونه‌رێن عيراقێ راگه‌هاند كو حه‌فتيا بهێت شانده‌كێ حوكمه‌تا هه‌رێما كوردستانێ ده‌رباره‌ى پرۆژێ قانوونا بوودجا 2020 و به‌هرا هه‌رێما كوردستانێ ژ بوودجێ سه‌ره‌دانا به‌غدا كه‌ن و ل گه‌ل به‌پرسێن عيراقى كۆم بن.

بوودجێ عيراقێ ب 133 ترليۆن و 107 مليار ديناران هاتيه‌ خه‌ملاندن و پشكا هه‌رێما كوردستانێ ژى 10 ترليۆن و 800 مليار ديناره‌.
نها بوودجه‌ ب مه‌ره‌ما ده‌ستكاريكرنێ ل جڤاتا وه‌زيران دهێته‌ پێشبينكرن د حه‌فتيا بهێت دا بۆ جڤاتا نوونه‌ران بهێته‌ ره‌وانه‌ كرن.

1265

ئه‌ڤرۆ نيوز، نيوار محه‌مه‌د سه‌ليم:

مالپه‌رێ كيو ئێن ئاى، رێزبه‌نديه‌كا نوو يا باشترين پاسپۆرتێن وه‌لاتان به‌لاڤكر و ب گۆره‌ى رێزبه‌نديێ فره‌نسا خودان باشترين پاسپۆرتا جيهانێ يه‌ و عيراق ژى ل پلا 149ێ دهێت.

مالپه‌رێ كيو ئێن ئاى، بۆ دياركرنا رێزبه‌نديا پاسپۆرتان پشت ب چه‌ند ئه‌گه‌ران گرێدايه‌ و ژ وان ژى ئاستێ ئابوورى يێ وه‌لاتى، ئاستێ گه‌شه‌پێدانا مرۆڤى، ئاسايش، پێدڤيا ڤيزايێ بۆ وى وه‌لاتى و هه‌موو جور و شيانێن ڤه‌گوهاستنا گه‌شتياران د وى وه‌لاتى دا.

ب گۆره‌ى رێزبه‌نديێ بۆ جارا هه‌شتێ يه‌ ل سه‌ر ئێك وه‌لاتێ فره‌نسا دبيته‌ خودان باشترين پاسپۆرتا جيهانێ و ژ سه‌رجه‌مێ 100 خالان، 83.5 خال ب ده‌ست ڤه‌ ئيناينه‌ و پاشان ژى ئه‌لمانيا و هۆله‌ندا و دانيمارك و نه‌رويج ل پلێن دو هه‌تا چار دهێن.

ل سه‌ر ئاستێ عه‌ره‌بى ژ وه‌لاتێ ئيمارت ل رێزا ئێكێ دهێت كو دبيته‌ يێ 42ێ ل سه‌ر ئاستێ جيهانێ و پاشان ژى كوێت ل رێزا 70ێ و يا دويێ ل سه‌ر وه‌لاتێن عه‌ره‌بى و پاشان ژى عومان و قه‌ته‌ر و سعودى دهێن و عيراق ژى ل رێزا 149ێ دهێت ب كۆمكرنا 19.4 خالان.

2276

ئه‌ڤرۆ نيوز:

جڤاتا به‌رهنگاريا گه‌نده‌ليێ دێ 58 به‌رپرسێن پله‌ بلند ل عيراقێ ژ ئاستێن وه‌زير و په‌رله‌مانتار و پارێزگار و سه‌رۆكێ جڤاتا پارێزگه‌هێ ده‌ته‌ دادگه‌هێ.

جڤاتا وه‌زيرێن عيراقێ ژى راگه‌هاند كو دێ دادگه‌هه‌كا ناڤه‌ندى يا نوو هێته‌ دامه‌زراندن بۆ دادگه‌هكرنا به‌رپرسێن گه‌نده‌ل، په‌رله‌مانتاره‌ك ژى دبێژيت حوكمه‌تا عيراقێ نيه‌تا بنبركرنا گه‌نده‌ليێ يا هه‌ى و پێدڤيه‌ يا ده‌ست ڤه‌كرى بيت و ده‌ليڤه‌كا زێده‌تر بۆ بهێته‌ دان.

126

ئەڤرۆ نیوز، نیوار محەمەد سەلیم:

ئەڤرۆ رۆژا چارشەمبی رێکەفتی 20ی چریا دویێ 2019 لژنا پەروەردە و خواندن ل جڤاتا پارێزگەها دهۆکێ سەرەدانا قەزا ئاکرێ کرن و د روونشتنەکێ دا ل گەل قایمقامێ ئاکرێ و رێڤەبەریا پەروەردێ هایداری رەوشا قوتابخانان ب گشتی و یێن بان ئاخ ب تایبەت بوون.

جمبەد شوکری، سەرۆکا لژنا پەروەردە و خواندن ل جڤاتا پارێزگەها دهۆکێ راگەهاند کو د کۆمبوونا خوە یا ئەڤرۆ دا، سەرەدانا چەندین جهێن شولەژێ و قوتابخانێن بان ئاخ هاتە کرن.

جمبەد خانێ دا زانین ژی کو خودانێ قوتابخانا میدیا یا نێڤدەولەتی یوسڤ مەتی یوسڤ ئەرکێ سەر ژنوو ئاڤاکرنا چار هەتا پێنج قوتابخانان ب ستوویێ خوە ڤە گرتیە.

ئاشکەرا ژی کر کو ل گەل ناڤبری و رێڤەبەرێ پەروەردێ و قایمقامیێ و موختارێن وان گۆندان گەهشتنە رێکەفتنێ ل سەر دەستنیشانکرن و دابینکرنا ئەردی بۆ وان قوتابخانان.

پێشتر 21 قوتابخانێن بان ئاخ ل سنورێ قەزا ئاکرێ و سێ ژی ل قەزا بەردەرەش هەبوون ب بزاڤێن لژنا پەروەردە و خواندن ل جڤاتا پارێزگەها دهۆکێ 14 قوتابخانە هاتبوونە نووژەنکرن و نوو ئاڤاکرن، نها ژی دێ هندەکێن دی هێنە ئاڤاکرن بێی ئەو بهێنە راکرن دا کارتێکرن ل پرۆسا خواندنێ نەبیت.

بڕیارە بۆ سالا نوو یا خواندنێ چو قوتابخانێن بان ئاخ ل سنورێ پارێزگەها دهۆکێ نەمینن.

102

ئەڤرۆ نیوز، بارزان مزوورى:

د رێوره‌سمه‌كێ دا ئه‌ڤرۆ رێكکه‌فتى 20/11/2019 ب هه‌لكه‌فتنا ئیمزاكرنا مافێن زارۆیا زێده‌ترى 300 زارۆیێن باخچێ زه‌لال هاتنە خه‌لاتكرن ژلایێ رێڤه‌به‌ریا چاڤدێریا گه‌شه‌پێدانا جڤاكى ل شێخان ب هه‌ماهه‌نگى دگه‌ل رێڤه‌به‌ریا په‌روه‌ردا شێخان.

جه‌میل عەبدوللا رێڤه‌به‌رێ چاڤدێرى و گه‌شه‌پێدانا جڤاكى ل شێخان بۆ رۆژناما ئه‌ڤرۆ دیار كر كو ب هه‌لكه‌فتنا 20 مه‌ها 11 رۆژا ئیمزاكرنا مافێن زارۆیان چه‌ندین چالاكیا ئه‌ڤ رۆژه‌ هاتنە ساخكرن ژ وان چالاكیا گۆتنا چه‌ندین سترانا ژلایێ گرۆپه‌ك زارۆیان ڤه‌ لدور مافێن زارۆیان و چه‌ند شانوگه‌ریه‌ك هاتبوون به‌رهه‌ڤكرن ژلایێ باخچێ زه‌لال یێ زارۆیان ڤه‌ هاتنە نمایشكرن.

ناڤهاتى خویاكر دووماهیێ 300 زارۆ یێن قه‌زا شێخان هاتنە خه‌لاتكرن ژلایێ مه‌ و په‌روه‌ردا شێخان ڤه‌.

86

ئەڤرۆ نیوز،عەلی حاجی:

ل گورەی راگەهاندنەکا دەروازا ئیبراهیم خەلیل تا نێڤ دەولەتی هاتیە دیار کرن ل هەیڤا ١٠ یا سالا ٢٠١٩ ژلایێ لژنا ژناڤبرنێ ڤە زێدەتری ٢٨١ تەن و ٢٢ کێلویێن کەرەستەیێن جورا و جور هاتینە ژناڤبرن ژ بەر کو ل دووڤ رێنمایان نەبوون.

هەر دوێ راگەهاندنێ دا هاتیە دیار کرن ٦٧٤٩ تەن و ١٨٩ کێلو ژ ( فێقی، گوشتێ مریشکێ، کەرەستەیێن پاقژکرنێ، پێدڤیێن پزیشکی) بۆ وان جهان هاتینە ڤەگەراندن ئەو جهێن ژێ هاتین ژ بەر کو هەمان کەرەستە نە  ل دووف رێنماییێن پێدڤی بوون.

114

ئەڤرۆ نیوز:

سەرۆکێ حوکمەتا هەرێما کوردستانێ مەسرور بارزانی د چارچۆڤێ دیدارا ئاشتی و ئارامیا رۆژهەلاتا ناڤین ل زانکۆیا ئەمریکی ل دهۆکێ دیار کر کو حوکمداریا باش کلیلا سەرکەفتنێ یە و دەمێ خەلک ڤێ یەکێ ببینیت کەیفخوەش دبیت.

سەرۆکێ حوکمەتێ ئەو یەک ژی دیار کر ئەرکێ مە وەکو حوکمەت خزمەتکرنا وەلاتیانە و مە شیایە هەتا رادەیەکێ باش گەندەلیێ کێم بکەین و خەلک هەست پێ دکەت کو مە شیایە گەلەک گوهۆرینێن باش بکەین.

595

ئەڤرۆ نیوز، مەحمود نهێلی:

د کومبوونەکی دا ل رێڤەبەریا ناحیا دێرەلۆک هەژمارەکا رێڤەبەر و بەرپرسێن فەرمانگەهێن سنورێ ناحیا دێرەلۆک و وەبەرهێنەران، پلانا  وەبەرهێنانێ بو ۱۰ سالێن بهێت دانا و ل بەرە چەندین پرۆژەیێن وەبەرهێنانێ ل دەڤەرێ بهێنە بجهئینان.

سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر، کو ئەوان ل بەرە دسالێن بهێت دا بەرێ وەبەرهێنەران بدەنە دەڤەرێ بو وێ یەکی چەندین پرۆژێن وەبەرهینانێ ل دەڤەرێ ئەنجام بدەن.

و گۆت:  (بۆ ڤێ مەرەمێ ئەڤرۆ ۲۰/۱۱/۲۰۱۹ ئەوان کومبوونەکا بەرفرە ل گەل هەژمارەکا بەرپرس و رێڤەبەر و رەوشنبیر و وەبەرهێنانێ ئەنجامدایە و تێدا هەموو ئەو پرۆژەیێن گرنگێن دبوارێ وەبەرهیێنانێ دا هاتنە گەنگەشە کرن).

و خویاکر کو دەڤەرا وان یا گونجایە بو چێکرنا چەندین پرۆژێن وەبەرهێنانێ دبوارێن جودایێن یێن خزمەتگوزاری و پێشختنا بوارێ ژیانێ و ئابوری یێ هاولاتیان.

و ئاشکرا کر کو، ئەڤ پرۆژەیە بوارێن گەشت و گوزاری و چاندنێ و باژێرڤانیێ دا بخوە دگریت، مینا چێکرنا جهێن گوزاری و چێکرنا ئوتێل و موتێلان و چێکرنا کارگەهان و کوگەهێن هەلگرتن و تەزاندنا دەرماتی و هەروەسا چێکرنا یەکەیێن ئاکنجی بوونێ.

493

ئه‌ڤرۆ نيوز، عه‌لى حاجى:

ل سپێدەهیا ئەڤرۆ ل روژا چار شەمبێ ٢٠/١١/٢٠١٩ ل سەر جادەیا سەرەکی یا گوندێ باجیکا سەە ب قەزا زاخۆ ترومبێلەکا بارهەلگر خوە ل زەلامەکێ ددەت و دکوژیت .

کەسەکێ نێزیک ژ وی زەلامێ گیانێ خوە ژ دەست دای کو نەڤیای ناڤێ خوە دیار بکەت بۆ ئەڤرۆ نیوز گوت : هەلات ئەحمەد ل سپێدەهیا ئەڤرۆ کو ل سەر جاددەیا گوندێ باجیکا ل هێڤیق ترومبێلەکا تەکسی دمینیت ل سەر وێ جاددەیێ بەلێ ژ نشکەکێ ڤە ترومبێلەکا بار هەلگر خوە لێدەت و پشتی خوە لێدەت و ژبەری بگەهیننە نەخوشخانێ گیانێ خوە ژدەست دەت و ئەو ترومبێل ژی چوویە و خوە بەرزە کری یە ،بەلێ ل دووف پێزانینان دوو ترومبێلێن بارهەلگر دەست ب سەر دا هاتیە گرتن و ئەم چاڤەرێ نە ترومبێلەکا دیتر ژی دەست ب سەر دا بهێتە گرتن داکو ئەو کەسێ هەلات کوشتی بهێتە دیار کرن.

هەر وی کەسی گوت : هەلات دژیێ ٢١ سالیێ دا بوو و خودان خێزان بوو و سێ زاروو ژی هەبون و ئەم ژی چاڤەرێ ڤەکولینا پولیسێن قەزا زاخۆنە هەتا کو کوژەک دهێتە ئاشکەرا کرن و دەستە سەر کرن.

75407717_2560754490659480_2144554394404782080_n

64

ئه‌ڤرۆ نیوز، عه‌لی حاجی:

د داخویانیه‌كێ‌ دا رێڤه‌به‌رێ‌ په‌روه‌ردا زاخۆ بۆ ئه‌ڤرۆ نیوز دیار كر ل سالا بوری 40% گازا سپی بۆ په‌روه‌ردا زاخۆ هات بوو ته‌رخان كرن بۆ ئه‌ڤ ساله‌ مه‌ مفا ژ وێ‌ پشكا گازا سپی دیت و نوكه‌ ئه‌و گازه‌ ل سه‌ر هه‌می قوتابخانه‌یێن سه‌ر په‌روه‌دێ‌ ڤه‌ هاتیه‌ به‌لڤ كرن .

زێده‌تر نه‌زیر یوسڤ گوت : ژوێ‌ پشكا 40% یا سالا بوری ژ گازا سپی مه‌ ل سه‌ر هه‌می قوتابخانه‌ییچن خوه‌ به‌لاڤ كری یه‌ بتنێ‌ چه‌ند قوتابخانه‌یه‌كێن نوو نه‌بن كو ئه‌وێن دماوه‌یێ‌ هه‌یڤا بوری دا هاتینه‌ ڤه‌ كرن كو ل سه‌ر وان نه‌هاتیه‌ به‌لاڤ كرن و ئه‌و پشكا هاتیه‌ به‌لاڤ كرن تێرا قوتابخانه‌یان هه‌یه‌ كو هه‌تا كورسێ‌ ئێكێ‌ ب دوماهی دهێت و پشتی كورسێ‌ دووێ‌ ده‌ست پێ‌ دكه‌ تدێ‌ مه‌ پێدڤی ب پشكه‌كا دی یا گازا سپی بیت ب رێژه‌یا 40% و هه‌كه‌ ئه‌و پشكه‌ گه‌هشه‌ په‌روه‌ردا مه‌ چو كێشه‌ بۆ مه‌ دروست نابن ل دور گازا سپی بۆ قوتابخانه‌یان .

گوت ژی : ئه‌و پشكا ل سالا بوری مه‌ وه‌رگرتی بۆ ئه‌ڤ ساله‌ مفا ژێ‌ هاته‌ دیتن له‌ورا دنوكه‌ دا ئه‌م چاڤه‌رێ‌ وه‌رگرتنا پشكه‌كا دی نه‌ ژ گازا سپی ژ پشكا مه‌ یا ئه‌ڤ ساله‌ و هه‌كه‌ بارا مه‌ یا گازا سپی گه‌هشته‌ مه‌ دێ‌ ئێكسه‌ر بۆ وه‌رزێ‌ دووێ‌ یێ‌ خواندنێ‌ ل سه‌ر قوتابخانه‌یان به‌لاڤ كه‌ین .

نيشاندان1...1,0006716726731,6702,6703,670...4,558زێده‌تر لاپه‌ر 672 ژ 4,558
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
74 queries in 0.571 seconds.
WP Facebook Auto Publish Powered By : XYZScripts.com