ئه‌ڤرۆ نيوز:
په‌رله‌مانێ كوردستانێ پرۆژێ قانوونا خانيێن زێده‌گاڤ په‌سه‌ند كر.
په‌رله‌مانێ كوردستانێ پرۆژێ قانوونا خانيێن زێده‌گاڤ په‌سه‌ند كر
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سه‌ره‌كى Twitter
سه‌در: عه‌بدولمه‌هدى ده‌ست ژ كار نه‌كێشيت دێ عيراق وه‌كو سوريا و يه‌مه‌ن لێ هێت
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ ته‌ڤگه‌را سه‌در ئه‌ڤرۆ رۆژا چارشه‌مبى هوشدارى دا، هه‌كه سه‌رۆك وه‌زيرێن عيراقێ ده‌ست ژ كاركێشانا خوه رانه‌گه‌هينيت دێ وه‌كو سوريا و يه‌مه‌ن لێ هێت.
موقته‌دا سه‌در، د تويته‌كى دا ل سه‌ر تۆڕا جڤاكى يا تويته‌رى راگه‌هاند كو ب ده‌ست ژ كارنه‌كێشانا عادل عه‌بدولمه‌هدى خوين رێتن راناوه‌ستيت.
هه‌رديسا هوشدارى دا كو دێ عيراقێ وه‌كو سوريا و يه‌مه‌ن لێ هێت هه‌كه هات و سه‌رۆك وه‌زيرێن عيراقێ ده‌ست ژ كاركێشانا خوه رانه‌گه‌هاند.
دا زانين ژى كو ئه‌و ئێدى چو هه‌ڤپه‌يمانيا ل گه‌ل لايه‌نێن سياسى پێك نائينيت.
— مقتدى السيد محمد الصدر (@Mu_AlSadr) October 30, 2019
جڤاتا وه‌زيران ئه‌ڤرۆ دێ كۆم بيت
ئه‌ڤرۆ نيوز، نيوار محه‌مه‌د سه‌ليم:
جڤاتا وه‌زيرێن هه‌رێما كوردستا،ێ ئه‌ڤرۆ دێ كۆم بيت و تێدا كاودانێن رۆژئاڤايێ كوردستانێ و عيراقێ گه‌نگه‌شه كه‌ت.
ژێده‌ره‌كێ ئاگه‌هدار ل جڤاتا وه‌زيران راگه‌هاند كو بڕياره ئه‌ڤرۆ جڤاتا وه‌زيرێن هه‌رێما كوردستانێ ب سه‌رۆكاتيا مه‌سرۆر بارزانى كۆم ببيت دانوستاندنا كاودانێن نها يێن ناڤه‌راست و باشوورێ عيراقێ بكه‌ت.
هه‌ر د وێ كۆمبوونێ دا، جڤاتا وه‌زيران دێ دووماهى پێشهاتێن ئاوارێن رۆژئاڤايێ كوردستانێ و چاوانيا خزمه‌تكرنا وان گه‌نگه‌شه كه‌ت.
هه‌تا سزايێن ئه‌مريكا ل سه‌ر توركيا بهێته سه‌پاندن پێدڤيه جڤاتا پيران و تره‌مپ ژى ئيمزا بكه‌ن
ئه‌ڤرۆ نيوز:
جڤاتا نوونه‌رێن ئه‌مريكا ب پتريا ده‌نگان پرۆژێ قانوونا سزادانا ئه‌مريكا په‌سه‌ندكر.
پرۆژێ سزادانا توركيا ل سه‌ر بنه‌مايێ هێرشێن له‌شكرى بۆ سه‌ر رۆژئاڤايێ كوردستانێ هاتيه ئاماده‌كرن و ژ سه‌رجه‌مێ 435 ئه‌ندامێن جڤاتا نوونه‌رێن ناڤ كۆنگرێسى، 403 ئه‌ندامان پرۆژێ قانوونێ په‌سه‌ند كر و د به‌رامبه‌ر دا، 16 ئه‌ندامان ده‌نگ ب نه‌خێر دا.
پشتى په‌سه‌ندكرنێ ب پتريا ده‌نگان پرۆژێ قانوونێ بۆ جڤاتا پيران دێ هێته بلندكرن و هه‌كه ل وێرێ ژى ب پتريا ده‌نگان په‌سه‌ندكر دێ ره‌وانه‌ى كۆچكا سپى هێته كرن و هه‌كه هات و سه‌رۆكێ ئه‌مريكا په‌سه‌ند كر دێ بيته قانوون.
پرۆژه وه‌زيرێ به‌ره‌ڤانيێ و ئابوورى و وان هه‌موو داموده‌زگه‌هان ب خوه ڤه دگريت يێن سه‌ره‌ده‌ريێ ل گه‌ل له‌شكرێ توركيا دكه‌ن. ديسان ب گۆره‌ى ڤێ قانوونێ ئه‌مريكا چه‌كێ خوه نافرۆشيته توركيا.
زيندى: كۆمبوونا په‌رله‌مانێ كوردستانێ يا به‌رده‌وامه
وەزیرێ ئاڤەدانکرنێ سەرەدانا ناحیا کانی ماسێ دكه‌ت
ئەڤرۆ نیوز ، زنار تۆڤی:
ئەڤرو سێشەمبی 29.10.2019 دانا عەبدولکەریم حەمە سالح وەزیرێ ئاڤەدانکرن و ئاكنجيكرنێ ل ھەرێما کوردستانێ سەرەدانا ناحیا کانی ماسێ دا و ژ ئالیێ ئیسماعیل مستەفا رەشید قایمقامێ قەزا ئامێدیێ و سەربەست سەبری ئاکرەیی رێڤەبەرێ ناحیا کانی ماسێ و رێڤەبەرێ گشی یێ رێک و پرا ل پارێزگەھا دھوکێ ڤە ھاتە پێشوازیکرن.
وەزیرێ ئاڤەدانکرنێ سەرەدانا رێکا گوندێ ئاسھێ ل سنورێ ناحیا کانی ماسێ دا، کو ب درێژيا پێنج کیلومەتر و 600 میتران ھاتیە قێرکرن.
رێڤەبەریه‌كا نوو ل بەردەرش دێ هێـتە ڤەكرن
ئەڤرۆ نیوز، سالار دۆسكی:
ئەندامەكێ جڤاتا پارێزگەها دهۆكێ راگه‌هاند كو ل نێزكترین دەم دێ رێڤەبەریا چاڤدێریا جڤاكی ل بەردەرش هێـتە ڤەكرن.
هشیار گولی، سەرۆكێ فراكسیۆنا پارتى ل جڤاتا پارێزگەها دهۆكێ بۆ ئەڤرۆ نیوز گۆت: وەك فراكسیوونا پارتی هەموو بزاڤا دكەین كو رێڤەبەریا چاڤدێریا جڤاكی ل قەزا بەردەرش بهێتە دانان دا پتر بكەڤیتە د خزمەتا خەلكێ وێ دەڤەرێ دا و تایبەت ئەو كەسێن كێم ئەندام و پەككەفتی.
هێشتا گۆت: مە سەره‌دانا رێڤەبەریا گشتی یا چاڤدێریا جڤاكی ل پارێزگەها دهۆكێ كریە و دیسا دێ سەره‌دانا قایمقامیا قه‌زا بەردەرش ژی كەین كو رێڤەبەریا چاڤدێریا جڤاكی ل بەردەرش بهێتـە ڤەكرن.
هێشتا گۆت: هەموو بزاڤێن مە ئەون وەكو فراكسیۆنا پارتى و بەرنامێ كابینا نوو یا حوكمەتا هەرێما كوردستانێ نەبوونا روتینیێ و ئاسنكاری ل كارۆبارێن خەلكی دا بهێنەكرن و پتر خزمەتا خەلكێ مە بهێـتە كرن.
كونسێرتەكا مۆزیكا چیكی ل دهۆكێ هاتە گێران
ئەڤرۆ نیۆز، هەرهین محەمەد:
رێڤەبەریا هونەرێ مۆزیكێ یا ب سەر رێڤەبەریا گشتی یا رەوشەنبیری و هونەری ل دهۆكێ ب هەڤكاری ل گەل كونسۆلیا وەلاتێ چیك ل هه‌ولێرێ كونسێرتەكا مۆزیكێ ژێرناڤێ(Bohemia saxophone quartet) ئه‌ڤرۆ سێشه‌مبى 29/10/2019 ل هولا پەیمانگەها هونەرێن جوان گێرا.
سەمەدار مایی، رێڤەبەرێ هونەری مۆزیكێ بۆ ئەڤرۆ نیوز گۆت: ئەڤ كونسێرتە هاتە گێران ژلایێ مۆزیكژەنێن وەلاتێ چیك كو پتریا كارێ كونسولیا چیكىكارێن ئەكادیمی نە و مەرەم ژ گێرانا ڤێ كونسێرتێ ئەوە پەیوەندی د ناڤبەرا وەلاتێ چیك و هەرێما كوردستانێ بهێنە خورتكرن و ئەم ژی مۆزیكا وان ب بینین و ئەو ژی مۆزیكا مە بینن و ب رێیا گێرانا ڤان كونسێرتا مفای ژشیان و هزرێن ئێك و دوبینین د بیاڤێ مۆزیكێ دا.
مایکل كونسلی َگشتیێ وەلاتی چیك ل هه‌ولێرێ گوت: گەلەك یێ خوەشحالم جارەكا دی هاتیمە ئێك ژباژێرێن هەرێما كوردستانێ و هەرگاڤەكا هاتیمە كوردستانێ من خەلكەكێ هزر ڤەكری و هەڤال خوەش دیتیە و ئەڤە ژی بۆ من جهی َدلخوەشیێ یە و مەرەم ژهاتنا مە بۆ باژێرێ دهوكێ من كومەكا هاریكارێن مرۆڤایەتی ل گەل خوە ئینایە، بەلێ بۆ ئەڤرۆكە ژی من تشتەكێ جوداتر ل گەل خوە ئینایە وەكو مۆزیكا كلاسیكی یا وەلاتێ چیك من ئینایە، چونكو وەلاتێ چیك یێ ناڤدارە ب بەرهەرمێن مۆزیكێ یێن تایبەت و ئێك ژوان بەرهەمان مۆزیكە یا هاتیە دانان ژلایێ خەلكێ چیك ڤە و ئەڤ كونسێرتە هاتە گێران ژلایی َگروپەكێ مۆزیكێ ل وەلاتێ چیك.
باره‌گايێن ده‌زگه‌هێن راگه‌هاندنێ ل به‌غدا بۆ هه‌ولێرێ دهێنه ڤه‌گوهاستن
ئه‌ڤرۆ نيوز:
نه‌قيبێ رۆژنامه‌ڤانێن كوردستانێ، ئازاد حه‌مه‌د ئه‌مين راگه‌هاند، ژ به‌ر مه‌ترسيا هێرشكرنێ ل سه‌ر باره‌گايێن ده‌زگه‌هێن راگه‌هاندنێ ل به‌غدا، هنده‌ك ژ وان ده‌زگه‌هان باره‌گايێ خوه يێ سه‌ره‌كى ئينايه هه‌ولێرێ.
ئازاد حه‌مه ئه‌مين، نه‌قيبێ رۆژنامه‌ڤانێن كوردستانێ د داخۆيانيه‌كا رۆژنامه‌ڤانى دا گۆت” هژماره‌كا ده‌زگه‌هێن راگه‌هاندنێ يێن عه‌ره‌بى و جيهانى ل به‌غدا گه‌فێن هێرشكرنێ يێن ل سه‌ر هه‌ين و هنده‌ك ژ وان يێن هاتينه داخستن، به‌لێ بۆ به‌ديلێ ڤێ چه‌ندێ ئۆفيسێن خوه ل هه‌ولێرێ ڤه‌دكه‌ن، بۆ نموونه كه‌نالێ (العربيه) ل به‌غدا ئۆفيس هه‌بوو و ل هه‌ولێرێ ژى ب هه‌مان شێوه، نوكه ئۆفيسا به‌غدا يا داخستيه و ل هه‌ولێرێ كارێن ئۆفسا به‌غدا ژى دكه‌ن، ده‌زگه‌هێن راگه‌هاندنێ يێن دى ژى ب هه‌مان شێوه‌نه، ب تايبه‌ت پشتى خوه‌نيشادانێن به‌غدا، هه‌ولێر دێ بيته ناڤه‌ندا باره‌گايێن وان ده‌زگه‌هێن راگه‌هاندنێ”.
نه‌قيبێ رۆژنامه‌ڤانێن كوردستانێ گۆت ژى” ئاراميا هه‌رێما كوردستانێ بۆ ده‌زگه‌هێن راگه‌هاندنێ يا گرنگه و ب گۆره‌ى راپۆرتێن ده‌زگه‌هێن نێڤده‌وله‌تى، ئارامى و سه‌قامگيريا كوردستانێ يا گرنگه بۆ سه‌لامتيا ده‌زگه‌هێن راگه‌هاندنێ”.
شانده‌كێ وه‌زاره‌تا به‌رگريا عيراقێ دێ سه‌ره‌دانا كوردستانێ كه‌ت
ئه‌ڤرۆ نيوز:
به‌رپرسه‌كێ بلند ل وه‌زاره‌تا پێشمه‌رگه ل هه‌رێما كوردستانێ ئاشكرا دكه‌ت، برياره ل هه‌يڤا چريا دويێ شانده‌كێ بلند يێ وه‌زاره‌تا به‌رگريا عيراقێ سه‌ره‌دانا هه‌ولێرێ بكه‌ت.
ليوا (قاره‌كان شێخ كه‌مال) جێگرێ سه‌رۆك ئه‌ركانێ سوپا بۆ ئۆپه‌راسيۆنان ل وه‌زاره‌تا پێشمه‌رگه راگه‌هاند” په‌يوه‌نديێن د ناڤبه‌را وه‌زاره‌تا پێشمه‌رگه و وه‌زاره‌تا به‌رگريا عيراقێ د لاوازن و پشتى سه‌ره‌دانا وه‌زيرێ پێشمه‌رگه، نوكه بزاڤ دهێنه كرن په‌يوه‌ندى بهێنه ئاسايى كرن”.
ناڤبرى د داخۆيانيه‌كا رۆژنامه‌ڤانى دا زێده‌تر گۆت”د وان ئۆپه‌راسيۆنێن ل سه‌ر داعشێ دهێنه ئه‌نجامدان، نوكه هه‌ماهه‌نگى د ناڤبه‌را پێشمه‌رگه‌ى و له‌شكرێ عيراقێ دا نينه، تنێ چه‌ند ئپه‌راسيۆنه‌ك نه‌بن كو هه‌ڤپه‌يمان د ئاگه‌هدار بوون، له‌وما بزاڤ دهێته كرن دووباره په‌يوه‌ندى بهێنه رێكخستن”.
نيشاندان
WP Facebook Auto Publish Powered By : XYZScripts.com