ئەڤرۆ نیوز:

مەسرور بارزانی سەرۆکێ حوکمەتا هەرێما کوردستانێ پێشوازی ل رۆبێرت وایت فەرماندارێ هێزێن هەڤپەیمان ل سووریێ و عیراقێ کر و د کۆمبوونێ دا بەحسێ رەوشا دەڤەرێ و مەترسیێن داعشێ ل سەر خەلکی ل عیراقێ هاتە کرن.

هەر د کۆمبوونێ دا فەرماندارێ هێزێن هەڤپەیمان دیار کر کو ئەمریکا دێ بەردەوام هاریکاریا هەرێما کوردستانێ کەت و رۆلێ هێزێن پێشمەرگەی د ژناڤبرنا داعشێ دا بلند هاتە نرخاندن.

ئه‌ڤرۆ نيوز، نيوار محه‌مه‌د سه‌ليم:

رێكخراوا لێبۆرينا نێڤده‌وله‌تى رۆژا ئه‌ينى راگه‌هاند كو حوكمه‌تا توركيا سه‌ره‌راى هه‌بوونا شه‌روئالۆزيان ل رۆژئاڤايێ كوردستانێ، ل به‌ره‌ په‌نابه‌رێن عه‌ره‌بێن سوريا ل توركيا نه‌چار كرينه‌ كو ب زۆره‌ملى ل ده‌ڤه‌را ئارام بنه‌جهـ بكه‌ت.

ب گۆره‌ى راپۆرته‌كا ئاژانسا رۆيترز و پێزانينێن رێكخراوا لێبۆرينا نێڤده‌وله‌تى كو ژ هنده‌ك په‌نابه‌رێن سورى وه‌رگرتينه‌، پۆليسێن توركيا ب زۆرى نه‌چار كرينه‌ كو به‌لگه‌ و دێكيۆمێنتێن ڤه‌گوهاستنێ بۆ ده‌ڤه‌را ئارام ل سه‌ر رێيا گرێ سپى و سه‌رێ كانيێ ئيمزا بكه‌ن.

لێبۆرينا نێڤده‌وله‌تى ئاماژه‌ ب وێ چه‌ندێ ژى كر كو حوكمه‌تا توركيا ب ڤه‌گوهاستنا وان په‌نابه‌رێن عه‌ره‌بێن سورى بۆ ده‌ڤه‌را ئارام گيانێ وان دئێخيته‌ مه‌ترسيێ.

ب گۆره‌ى پێزانينێن رۆيترز، نها ل توركيا نێزيكى سێ مليۆن و 600 هزار په‌نابه‌رێن سورى ژ ئه‌گه‌رێ شه‌رێ هه‌شت ساليێ سوريا دژين و ئه‌وى وه‌لاتى ل به‌ره‌ دو مليۆن كه‌سان ل باژێرێن “گرێ سپى و سه‌رێ كانيێ” ل رۆژئاڤايێ كوردستانێ بنه‌جهـ بكه‌ت.

ل دووڤ گۆتنا به‌رپرسێن ئه‌نقه‌ره‌ پێشتر سێ هزار و 500 په‌نابه‌رێن سورى ل توركيا ل دلخوازيا خوه‌ ڤه‌گه‌رياينه‌ سوريا.

ئه‌ڤرۆ نيوز:

كۆما جڤاكێن كوردستانێ (كه‌جه‌كه‌) كو تايێ له‌شكرى يێ په‌كه‌كێ يه‌، رێكه‌فتنا توركيا و رۆسيا ل دۆر رۆژئاڤايێ كوردستانێ ره‌تكر.

كه‌جه‌كێ د راگه‌هاندنه‌كێ ئاماژه‌ ب وێ چه‌ندێ كر كو سۆزێن ئه‌مريكا و رۆسيا ل گه‌ل توركيا بێ ئيرادا كوردان داينه‌ و قه‌بۆل ناكه‌ين.

كه‌جه‌كێ گۆتژى: “هه‌بوونا هێزێن سوريا و رۆسيا ل ده‌ڤه‌رێن سنورى كاره‌كێ قه‌بوولكريه‌، به‌لێ ڤه‌كێشانا هێزێن هه‌سه‌دێ و هه‌بوونا هه‌ڤپشك يا توركيا و رۆسيا ل ده‌ڤه‌رێن سنورى كاره‌كێ قه‌بوولكرى نينه‌”.

كه‌جه‌كێ داخواز ژ هه‌سه‌دێ كر كو به‌رسڤه‌كا دژوار و مێژوويى يا رێكه‌فتنا توركيا و رۆسيا بده‌ت.