ئه‌ڤرۆ نیوز:
راهێنه‌رێ هه‌لبژارتیێ فره‌نسا دیدیر دیشهامپ به‌رسڤا وه‌لاتیێ خوه‌ و راهێنه‌رێ یانا ریال مه‌درید زێدان دا پشتى ل ماوێ بورى وى راهێنه‌رێ ناڤبرى دیاركرى كه‌ریم بن زیما هه‌ژى كرنا یاریێ یه‌ ل گه‌ل هه‌لبژارتیێ فره‌نسا و یا دروست پێدڤى یه‌ نوكه‌ ژ یاریزانێن سه‌ره‌كى یێن فره‌نسا بیت ژبه‌ركو دڤى ده‌مى دا ئه‌و باشترین هێرشبه‌ره‌ ل سه‌ر ئاستێ فره‌نسا و دبینت ژ ئه‌وان هه‌موو یاریزانان باشتره‌ ئه‌وێن ل جهێ وى یاریێ دكه‌ن.
راهێنه‌رێ هه‌لبژارتیێ فره‌نسا دیشهامپ بوو رۆژنامه‌كا ئیسپانى دیاركربوو ئه‌و نابینت ئاریشه‌كا مه‌زنه‌ بوو ئه‌وى ئه‌و داخویانیا زێدان ل سه‌ر كه‌ریم بن زیما ژبه‌ركو بێ گومان ئه‌و دێ به‌حس ل یاریزانێ خوه‌ كه‌ت ژبه‌ركو ئه‌و راهێنه‌رێ وى یه‌ .
هه‌ژى گوتنێ یه‌ دیشهامب پشتى وێ ئاریشا دناڤبه‌را كه‌ریم بن زیما و هه‌ڤالێ وى فالبوینا په‌یدابووى ژ سالا 2015 وه‌ره‌ كه‌ریم بن زیما داخوازى هه‌لبژارتیێ فره‌نسا نه‌كریه‌ وه‌كو سزایێ وى یاریزانى .

ئه‌ڤرۆ نیوز:
پشتى ل ماوێ بورى یانا ریال مه‌درید بزاڤێن ب ده‌ستڤه‌ ئینانا ستێرا هه‌لبژارتیێ فره‌نسا و یانا چێلسى ئه‌نگولو كانتى كرین بوو ڤه‌گوهاستنێن زڤستانا بهێت یان هاڤینا بهێت هه‌ڤبه‌ستێ ل ڤه‌ل ئه‌وى یاریزانى ئیمزا كه‌ن .
رۆژناما زه‌سه‌ن یا برێتانى دیاركر ل ماوێ چه‌ند رۆژێن بورى كانتى بوو به‌رپرسێن یانا چێلسى دیاركریه‌ ئه‌وى گوهدارى ژ ئه‌وان داخویانیا هه‌یه‌ و چه‌ند یانێن به‌رنیاس یێ بزاڤێن ده‌ستڤه‌ ئینانا ئه‌وى دكه‌ن لێ ئه‌و دخوازیت به‌رده‌وامى ب ده‌ته‌ پێكهاتیێ یانا خوه‌ چێلسى و ناخوازیت ل ڤى ده‌مى په‌یوه‌ندى ب چ یانێن دى بكه‌ت.
هه‌ردیسان وێ رۆژنامێ ئاشكراكریه‌ ژى یانا ریال مه‌درید ب فه‌رمى ده‌ست لڤینا كربوو ل گه‌ل وى یاریزانى و بریكارێ وى بوو ده‌ستڤه‌ ئینانا ئه‌وى لێ وى یاریزانى ره‌تكریه‌ په‌یوه‌ندى ب چ یانێن دى بكه‌ت ل ڤى ده‌مى.
هه‌ژى گوتنێ یه‌ كانتى گرێداى هه‌ڤبه‌ستا خوه‌ یه‌ ل گه‌ل یانا چێلسى هه‌تا هاڤینا 2023 .

ئه‌ڤرۆ نیوز:
چاڤه‌رێ دهێته‌كرن ل ده‌ستپێكا سالا نوو قاره‌مانیا سوپه‌را ئیسپانیا ب شێوه‌كێ نوو ده‌ستپێبكه‌ت و ژ سالێن بورى یا جێواز كو ب پشكداریا چار یانان بهێته‌كرن ل وه‌لاتێ سعودى .
ستێرا هێلا ناڤینا یانا به‌رشه‌لۆنا سێرجیو بوسكیتس بۆ رۆژناما موندو دیپوتیڤو یا ئیسپانى دیاركر یاریا ئه‌وان یا پێش دووماهیا قاره‌مانیا سوپه‌را ئیسپانیا یا ب زه‌حمه‌ته‌ و كرنا یاریێ ل پێش دووماهیا قاره‌مانیێ به‌رامبه‌ر یانه‌كا وه‌كو ئه‌تله‌تیكو مه‌درید گه‌له‌ك ب زه‌حمه‌ت ژبه‌ركو هه‌كه‌ ئه‌و ده‌ربازى دووماهیا قاره‌مانیێ ژى بن دێ ئه‌ركێ ئه‌وان هه‌ر یێ ب زه‌حمه‌ت بیت ژبه‌ركو ئه‌و ژ یاریه‌كا ب زه‌حمه‌ت ده‌ربازبوونه‌ و هه‌ردیسان جێوازی دناڤبه‌را بێنڤدانێ ژى دا هه‌یه‌ یا ئه‌وان دێ رۆژه‌كێ كێمتر بیت هه‌كه‌ گه‌هشتنه‌ دووماهیا قاره‌مانیێ لێ دڤێت چ ده‌ستێ ئه‌وان دا نینه‌ و ئه‌و شێوازێ قاره‌مانیێ یه‌.

زێده‌تر بوسكیتس دیاركر یا ب زه‌حمه‌ته‌ به‌رده‌وام ئه‌و یارى به‌رامبه‌ر یانه‌كێ بكه‌ن كو راهێنه‌رێ وێ دیگو سیمیونى بیت ژبه‌ركو ئه‌و راهێنه‌ره‌كێ شاره‌زایه‌ و ئه‌و تیما به‌رامبه‌ر خوه‌ باش دخوینت و تایبه‌ت ل هێلا به‌ره‌ڤانیێ شاره‌زایه‌كا گه‌له‌ك باش هه‌یه‌.
ل دووماهیێ ناڤبرى دیاركر ژى لێ ئه‌و دێ هه‌موو بزاڤا كه‌ن بوو برنا ناسناڤێ قاره‌مانیێ راسته‌ رێیا ئه‌وان یا ب زه‌حمه‌ته‌ لێ یانه‌كا وه‌كو به‌رشه‌لۆنا هه‌رده‌م ل قاره‌مانیێن ب ڤى شێوه‌ى هێزا ئه‌وان دیاردبیت.
هه‌ژى گوتنێ یه‌ قاره‌مانیا سوپه‌را ئیسپانیا بریاره‌ ل ده‌ستپێكا مه‌ها سالا نوو ب پشكداریا هه‌ر ئێك ژ یانێن ئه‌وژى یانێن به‌رشه‌لۆنا قاره‌مانا لالیگا وه‌رزێ بورى و خودانا رێزا دوێ د كاسا ئیسپانیا و ڤالنسیا قاره‌مانا كاسا ئیسپانیا و ئه‌تله‌تیكو مه‌درید خودانا رێزا دوێ د خولێ دا و ریال مه‌درید خودانا رێزا سێ كو ل 8-1-2020 ریال دێ به‌رامبه‌ر ڤالنسیا كه‌ت و 9-1-2020 به‌رشه‌لۆنا دێ هه‌مبه‌رى ئه‌تله‌تیكو مه‌درید بیت و سه‌ركه‌فتى ئه‌وان هه‌ردو یاریان دێ ل 12 وێ مه‌هێ هه‌مبه‌رى ئێك به‌ن.

ئه‌ڤرۆ نیوز:
چاڤه‌رێ دهێته‌كرن ل ده‌ستپێكا سالا نوو قاره‌مانیا سوپه‌را ئیسپانیا ب شێوه‌كێ نوو ده‌ستپێبكه‌ت و ژ سالێن بورى یا جێواز كو ب پشكداریا چار یانان بهێته‌كرن ل وه‌لاتێ سعودى و بریاره‌ ریال مه‌درید یاریا خوه‌ به‌رامبه‌ر ڤالنسیا بكه‌ت و به‌رشه‌لۆنا ل گه‌ل ئه‌تله‌تیكو مه‌درید .

كابتنێ یانا ریال مه‌درید و ستێرا هێلا به‌ره‌ڤانیا وێ یانێ سێرجیو راموس بوو رۆژناما موندو دیپورتیڤو دیاركر دێ بوو مرنێ كه‌ن بوو ده‌ستڤه‌ ئینانا ناسناڤێ سوپه‌را ئیسپانیا هه‌ر چه‌نده‌ وه‌رزێ ئه‌ڤ ساله‌ دێ هه‌ڤركى یا ب زه‌حمه‌تر بیت ژ هه‌موو سالێن بورى لێ ریال مه‌درید هێزه‌كا مه‌زن و شیانێن مه‌زن هه‌نه‌ بوو قاره‌مانیێن ب ڤى شێوازى .
هه‌ردیسان ناڤبرى دیاركر ژى ئه‌و نزانیت كا پشتى بێنڤه‌دانا سه‌رێ سالێ دێ ئاستێ تیما ئه‌وان یێ چه‌وا بیت لێ ئه‌و د وێ باوه‌ریێ دا دێ شێن هه‌ڤركیێ كه‌ن بوو برنا وى ناسناڤى .
هه‌ژى گوتنێ یه‌ ریال مه‌درید دێ ل 8-1-2020 به‌رامبه‌ر ڤالنسیا كه‌ت و سه‌ركه‌فتى وێ دێ یاریا دووماهیێ به‌رامبه‌ر سه‌ركه‌فتى یاریا به‌رشه‌لۆنا و ئه‌تله‌تیكو مه‌درید كه‌ت.