ئەڤرۆ نیوز:
نڤیسەرەکێ ناڤدارێ تورکیا دیار دکەت کو ل سووریێ ئێدی چو رێککەفتنەک بێی روسیا، بەشارن و یەپەگێ یا سەرکەفتی نابیت و رێککەفتنا تورکیا و ئەمریکا ب کریاری ناهێتە بجهئینان و ژ بەر هندێ ژی یا سەرکەفتی نابیت.
مەتین مونیر ئاماژە ب هندێ ژی دکەت کو د رێککەفتنا ڤێ دووماهیێ دا تنێ کار بۆ راگرتنا شەری هاتیە کرن و چو تشتەک تێدا نینە کو د بەرژەوەندیا کوردان دا بیت، ئانکۆ کورد ژی قەبوول ناکەن و دێ پتر بەرێ خوە دەنە شامێ و روسیا و دێ ژ ئەمریکا دوور کەڤن.
ئەڤرۆ نیوز:
لیژنا دوفچوونا جوانکاری وسەنتەرێن جوانکاریا ل قائیمقامیا قەزا دهوکێ، کو ژچەندین رێڤەبەریێن حکومی پشکدارن ب شێویەکێ فەرمی دەستبکاربو وچەند جوانکاری سزادان.
هەیفا سەدیق بەرپرسا لیژنا دوفچوونا جوانکاریا راگەهاند ل ڤان روژێن بوری سەرەدانا چەندین جوانکاری وسەنتەرێن جوانکاریێ ل باژێرێ دهوکێ هاتیە کرن وگوت دوفچوونا مە بو ڤان جهان ئەڤ بریارە هاتنە دان .
1-جوانکاریا (جیهان )هاتە سزادان ب گوژمەکێ پارەی ژبەر هەبونا چەند بویاغا نینوکا یێن ئکسپایر ونەهلاویستنا بهایان ل جوانکاریێ.
2-جوانکاریا(MH)هاتە داخستن ژبەر بسەرڤەچوونا مولەتا کارکرنێ.
3- کلینیکا جوانکاریا (خوناڤ) هاتە سزادان ب گوژمەکێ پارەی ژبەر نەبونا مولەتا کارێ تاتوی، کو نابیت نوژدارێ ددانا کارێ جوانکاریا بوتکس وفلر ولێزەر وتاتوی بکەن بتنێ نوژدارێ پیستی دشێت لدیف رێنمایان ڤی کارێ جوانکاریێ ئەنجام بدەت.
ئەڤرۆ نیوز، نەوزاد هلۆری:
ئێڤاریا ئەڤرۆ مەسرور بارزانی، سەرۆکێ حوکمەتا هەرێما کوردستانێ د رێورسمەکێ دا، بەرێ بنياتى بۆ چەند ئەندەرپاس و پرۆژێن خزمەتگۆزاری ل سەر جادا بارزان ل دهۆکێ دانا.
د گوتارەکێ دا، سەرۆکێ حوکمەتا هەرێما کوردستانێ دیارکر، ئەو دێ ل سەر کار و پرۆژە و خزمەتگۆزاریان ل هەموو دەڤەرێن کوردستان و دهۆکێ ژی بەردەوام بن و گۆت: (ئه‌م یێ بزاڤێ دكه‌ین كو ده‌لیڤێن كارى بۆ وه‌لاتیان دابین بكه‌ین و 500 ملیار دینار بۆ هژماره‌كا پرۆژێن ستراتیژى ته‌رخانكرینه، پێدڤیه كه‌رتێ تایبه‌ت ژى مل ب ملێ حوكمه‌تێ كار و خزمه‌تێ بۆ وه‌لاتیان دابین بكه‌ن).
پرۆژێن ئەندەرپاس و خزمەتگۆزاریێن کو نوکە کار ل سەر دهێتەکرن ل جادا بارزان پێکدهێن ژ سێ ئەندەرپاس و جاددەکا خزمەتگوزاری و جاددا کەمەری کو ژلایێ کومپانیا کاڤین گرۆپ دهێنە بجهکرن، کوژمێ 73 ملیار و 638 ملیون و 643 هزار دیناران بۆ هاتینە تەرخانکرن ژلایێ حوکمەتا هەرێما کوردستانێ.
ئه‌ڤرۆ نيوز:
جان ئيڤ لۆدريان وه‌زيرێ ده‌رڤه يێ فره‌نسا گه‌هشته هه‌ولێرێ ول فرۆكخانا هه‌ولێرێ يا نێڤده‌وله‌تى ژ لايێ قوباد تاله‌بانى جێگرێ سه‌رۆكێ حوكمه‌تا هه‌رێما كوردستانێ و به‌رپه‌رسێن بلند يێن هه‌رێمێ پێشوازى لێ هاته كرن.
ئه‌ڤه چاره‌مين جاره جان ئيڤ لۆدريان وه‌زيرێ ده‌رڤه يێ فره‌نسا سه‌ره‌دانا هه‌رێما كوردستانێ دكه‌ت و برياره د ڤێ سه‌ره‌دانێ دا ل گه‌ل سه‌رۆك مه‌سعود بارزانى و سه‌رۆكێ هه‌رێما كوردستانێ و سه‌رۆكێ حوكمه‌تا هه‌رێما كوردستانێ كۆمببيت.
ئه‌ڤرۆ نيوز:
جەهوەر عەلی قایمقامێ قەزا دهوکێ،ئەڤرۆ پێنجشه‌مبى۲۰۱۹/۱۰/۱۷ سەرەدانا رێڤەبەریا لژنێن نوشدارى ل دهۆکێ کر.
قایمقامێ قەزا دهوکێ، ل دووڤ به‌رپه‌رێ قايمقاميێ ل سه‌ر تۆرا جڤاكى يا فه‌يسبووكى، ژنێزیک لسەر کارێ لژنێن نوشدارى ئاگەهدار بوو وگوت” ژبەر هەبوونا قەرەبالغەکا مه‌زن ل سەر ڤان لژنان بریار هاتە دان رێڤەبەریا گشتی یا ساخلەمیا پارێزگه‌ها دهوکێ ب هەفکاریا پارێزگەهێ رابيت ب زێدەکرنا لژنێن نوشدارى ل سپێده‌یان وپشکنین بێ بەرامبەر بهێنە ئەنجامدان.
ئەڤرۆ نیوز، زنار تۆڤی:
سەرۆکێ حوکمەتا هەرێما کوردستانێ 500 ملیار دیناران بۆ چەندین پرۆژێن خزمەتگوزاری تەرخان دکەت.
ئەڤرۆ پێنجشەمبی 17-10-2019، مەسرور بارزانی، سەرۆکێ حوکمەتا هەرێما کوردستانێ ل تۆرا جڤاکی یا (تویتەر)، راگەهاند، ئەڤرۆ بڕیارا مەزاختنا 500 ملیار دیناران بۆ چەندین پرۆژان دایە.
هەروەسا مەسرور بارزانی ئاماژە ب ژێرخانەکا نوو و بناغێ ئابوورەکێ نوو بۆ کوردستانەکا ب هێز دایە، دیسان گۆت، ئەو گۆژمێ پارەی بۆ پرۆژێن رێک و پران و سایلۆیان، هێلێن کارەبێ و تۆرێن دابەشکرنا ئاڤێ هاتینە تەرخان کرن. هەروەسا ئەڤرۆ ئێڤاری دێ سەرۆکێ حوکمەتێ بەرێ بنیاتێ بۆ ئۆڤەر پاسا جادا بارزان دانیت.
ئه‌ڤرۆ نيوز، نيوار محه‌مه‌د سه‌ليم:
زێده‌بارى هه‌بوونا بوودجه‌كێ سالانه يێ زه‌به‌لاح، ئێك ل سه‌ر چارێ يا وه‌لاتيێن عيراقێ د هه‌ژاريێ دا دژين.
نه‌ته‌وێن ئێكگرتى رۆژا 17ى چريا ئێكێ 2019 وه‌كو رۆژا جيهانى يا نه‌هێلانا هه‌ژاريێ پێناسه كريه.
به‌نكا نێڤده‌وله‌تى راگه‌هانديه كو رۆژا زێده‌تر ژ 22%ێ وه‌لاتيێن عيراقێ د هه‌ژاريێ دا دژيت كو دبيته نيڤ مليۆن وه‌لاتى، پتريا وان ل باژێرێن باشوورێ وه‌لاتى دژين.
هه‌بوونا ڤێ ژمارا مه‌زن يا وه‌لاتيێن عيراقێ د ده‌مه‌كى دايه كو بوودجا سالانه يا عيراقێ دبيته نێزيكى 100 مليار دۆلاران و عيراق ب به‌رهه‌مئينه‌ره‌كا سه‌ره‌كى يا په‌ترۆلا جيهانێ دهێته هه‌ژمارتن.
نيشاندان