ئەڤرۆ نیوز:
سیرگێی لاڤرۆڤ وەزیرێ دەرڤە یێ روسیا بەری کو سەرەدانا ئەرمەنستانێ بکەت بۆ دەزگەهێن راگەهاندنێ دیار کر کو ئەمریکا تانکێن ئابرامز و چەکێن گران ل دەڤەرێن پەترۆلێ ل سووریێ بجه کرینە، ئەو یەک ب چو رەنگەکێ ناهێتە قەبوولکرن و دڤێت شام کۆنترۆلا هەموو ئاخا سووریێ بکەت.
ناڤهاتی راگەهاند ئەو وەکو روسیا دێ هاریکاریا شامێ کەن دا دەستهەلاتا سووریێ جارەکا دی بشێت کۆنترۆلا هەموو ئاخا سووریێ بکەت.
ئەڤرۆ نیوز:
بەری دەمەکێ سێ پەقینێن ئێک ل دووڤ ئێک ل باژێرێ قامشلۆ یێ رۆژئاڤایێ کوردستانێ روو دان کو د ئەنجام دا هەتا نها سێ کەسان جانێ خوە ژ دەست داینە و گەلەک کەس ژی بریندارن.
ل گۆر زانیاریان دو پەقین ب رێیا ترۆمبێلێن بۆمبرێژکری بووینە و ئێک ژی بۆمب بوویە و ئاگرەکێ مەزن بەربوویە ناڤ بازارێ قامشلۆ و هێزێن هەوارهاتنێ ژی هەر بلەز گەهشتینە جهێ روودانێ.
ئەڤرۆ نیوز:
رێکخراوا samaritans purse کو رێکخراوەکا خێرخوازی یا ئەمریکی یە هاریکاریا ئاوارێن رۆژئاڤایێ کوردستانێ دکەت کو دەمەکە هاتینە هەرێما کوردستانێ.
موسا ئەحمەد سەرۆکێ رێکخراوا خێرخوازی یا بارزانی راگەهاند کو ئەڤ رێکخراوە دێ بۆ ماوەیێ شەش مەهان هاریکاریا برایێن مە یێن رۆژئاڤایێ کوردستانێ کەت و رێکخراوا ناڤهاتی بەری نها ژی گەلەک هاریکاریا خەلکێ ئاوارە و یێن هەژار ل کوردستانێ کریە.
ئه‌ڤرۆ نیوز:
ستێرا یانا ریال مه‌درید لوكاس ڤاسیكیز دیاركر ئه‌وى ل ماوێ بورى داخوازیا سێ یانێ، به‌رنیاس ل سه‌ر ئاستێ ئورۆپا ره‌تكرن ژبه‌ركو ئه‌وى دخواست یێ به‌رده‌وام بیت ل یانا خوه.
زێده‌تر رادیویا ئوندا سیرو یا ئیسپانى دیاركریه ل ماوێ بورى هه‌ر ئێك ژ یانێن ئه‌رسینال و مانچێسته‌ر یونایتد یێن ئنگلیزى و بایرن میونیخ یا ئه‌لمانى ژ ڤاسكێز خواست بوو هه‌ڤبه‌ستێ ل گه‌ل ئیمزا بكه‌ن لێ وى یاریزانى داخوازیا ئه‌وان یانا ره‌تكر ژبه‌ركو دخواست به‌رده‌وامى بده‌ته كرنا یاریێ ل یانا ریال مه‌درید.
ڤاسكێز ئه‌وێ ده‌ستپێكا ژیانا خوه ل گه‌ل یانا ریال مه‌درید ده‌ستپێكرى و ل سالا 2014 ژ تیما ریال یا دوێ ب شێوه‌یێ خواستن په‌یوه‌ندى ب ئیسپانیول كر بوو پاش ل وه‌رزێ 2015-2016 ڤه‌گه‌ریا یانا ریال مه‌رید ڤه و هه‌تا نوكه ئه‌و یاریزان یێ به‌رده‌وامه ل گه‌ل وێ یانێ و هه‌ر راهێنه‌ره‌كێ هاتیه وێ یانێ پشت به‌ستن ل سه‌ر ئه‌وى یاریزانى كریه ل زوربه‌یا یاریان ل وه‌رزێ سالى و هه‌تا نوكه 192 یارى ل گه‌ل ریال مه‌درید ئه‌نجامداینه و شیایه 22 گولان توماربكه‌ت و ل گه‌ل 45 ئه‌سیست هه‌ردیسان ل گه‌ل هه‌لبژارتیێ ئیسپانیا پشكدارى د قاره‌مانیا یورۆیا 2016 و موندیالا جیهانێ یا 2018 دا ژى كربوو.
ئه‌ڤرۆ نیوز:
پشتى ل وه‌رزێ ئه‌ڤ ساله راهێنه‌رێ به‌رشه‌لۆنا پشت به‌ستن ل سه‌ر ستێرا كرواتى و یانێ ئیڤان راكیتچ نه‌كرى وه‌كو یاریزانه‌كێ سه‌ره‌كى و ئه‌و چه‌نده بوویه جهێ نه ئارامیا وى یاریزانى و هه‌ر ژبه‌ر وێ چهندێ ئه‌وى ل ماوێ بورى داخوازى ژ به‌رپرسێن یانێ كربوو ده‌لیڤه‌یێ بده‌نه ئه‌وى په‌یوه‌ندى ب یانه‌كا دى بكه‌ت ل ڤه‌گوهاستنێن زڤستانا بهێت .
رۆژناما موندو دیپورتیڤو یا ئیسپانى ئاشكراكریه یانا به‌رشه‌لۆنا نابیته رێگر به‌رامبه‌ر چوونا راكیتچ و دیاركریه هه‌ر یانه‌كا حه‌زا ئیمزاكرنا هه‌ڤبه‌ستێ ل گه‌ل وى یاریزانى هه‌بیت پێدڤى یه كوژمێ 30 ملیون یورۆیا پێشكێشى یانێ بكه‌ن .
هه‌ردیسان وێ رۆژنامێ ئاشكراكریه ژى به‌رشه‌لۆنا ناخوازیت وى یاریزانى بده‌ته چ هه‌ڤركێن خوه دخولێ دا تایبه‌ت پشتى ل چه‌ند رۆژێن بورى هاتبوو به‌لاڤه‌كرن ئه‌تله‌تیكو مه‌درید دخوازیت هه‌ڤبه‌ستێ ل گه‌ل وى یاریزانى ئیمزا بكه‌ت.
ئه‌ڤرۆ نيوز، نيوار محه‌مه‌د سه‌ليم:
بڕياره پاسپۆرتا عيراقى بهێته گوهۆڕين و ب گۆره‌ى وان گوهۆڕينێن نوو ئێدى پێدڤى ب مۆرێ نابن ژ به‌ر هه‌بوونا سيمكارتى تێدا.
عه‌ميد دلدار نورى، رێڤه‌به‌رێ پاسپۆرتان ل پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز ئاشكه‌را كر كو ئه‌وان پێزانين ل سه‌ر وێ چهندێ هه‌نه كو پاسپۆرت دێ هێنه گوهۆڕين، به‌لێ هێشتا چو نڤيسارێن فه‌رمى نه‌گه‌هشتينه ده‌ستێ وان.
عه‌ميد دلدار گۆت: “ب گۆره‌ى پێزانينێن وان گوهۆڕينا پاسپۆرتان دێ ب ره‌نگه‌كى بيت كو سيمكارته‌ك ل سه‌ر په‌رێ وێ يێ ده‌ستپێكى بيت و ئه‌و سيمكارت دێ هه‌موو پێزانين تێدا بن و خواندنا سه‌روچاڤان ژى كه‌ت و ئێدى پێدڤى ب مۆرێ نابن”.
ب گۆره‌ى ئه‌و پێزانينێن ل به‌ر ده‌ستێ ئه‌ڤرۆ نيوز دێ وێنه وه‌كو هێما بۆ پارێزگه‌هان ل سه‌ر پاسپۆرتان هێنه دانان كو هه‌ر وێنه‌ك ده‌ربڕينێ ژ پارێزگه‌هه‌كێ بكه‌ت، د ڤێ ده‌ربارێ دا رێڤه‌به‌رێ پاسپۆرتان گۆت: “چو پێزانينێن ژ ڤى ره‌نگى نه‌گه‌هشتينه مه”.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا كار و كاروبارێن جڤاكى ل حوكمه‌تا هه‌رێما كوردستانێ راسپارده‌ك ده‌رباره‌ى قه‌رێن بچووك دايه په‌رله‌مانى و داخوازا راستڤه‌كرنا قانوونا پێدانا قه‌رێن بچووك، بۆ ده‌ستپێكرنا پرۆژه‌ى ژى داخوازيه‌ك ئاراسته‌ى جڤاتا وه‌زيران دهێته كرن.
كوێستان محه‌مه‌د، وه‌زيرا كار و كاروبارێن جڤاكى ل حوكمه‌تا هه‌رێما كوردستانێ د كۆنگره‌كێ رۆژنامه‌ڤانى دا راگه‌هاند كو پێداچوون ب پرۆژێ قه‌رێن بچووك دا دهێته كرن بۆ راستڤه‌كرنێ راسپارده‌ك ئاراسته‌ى په‌رله‌مانى هاتيه كرن. پاشان پشتى په‌سه‌ندكر‌نا رێنمايان دێ داخوازێ ژ جڤاتا وه‌زيران كه‌ين كو رێ بده‌نه مه ده‌ست ب پێدانا قه‌رێن بچووك بكه‌ين، “ب ڤێ چهندێ دێ كۆمه‌كا ده‌رفه‌تێن كارى بۆ گه‌نجان هێنه ديتن و هه‌ر ژى دێ بيته ئه‌گه‌ره‌ك بۆ ڤه‌ژاندنا ئابوورێ”.
گۆتژى: “ل سه‌ر شێوازێ به‌رێ قه‌رێن بچووك ناده‌ين، به‌لكو دێ ب ره‌نگه‌كێ نوو ده‌ست ب دانا قه‌ران ب گه‌نجان كه‌ين، چونكو پشكه‌ك ژ پرۆژێن به‌رى نها شكه‌ستن ئينايه”.
ئه‌ڤرۆ نیوز:
پشتى یانا مانچێسته‌ر یونایتد شیاى سه‌ركه‌فتنه‌كا گرنگ ل سه‌ر یانا برایتون توماربكه‌ت ب سێ گولان به‌رامبه‌ر گوله‌كێ ژ چارچوڤێ یاریێن گه‌را 12 ژ خۆلا ئنگلته‌را كو ب وێ سه‌ركه‌فتنێ مان یونایتد ژ رێزا 14 پێشڤه هاته رێزا حه‌فتێ د هه‌لویستێ خولێ دا . راهێنه‌رێ مانچێسته‌ر یونایتد سولسكایر بوو رادیویا (بی بی سی) یێ برێتانى یاریزانێن ئه‌وان ئاسته‌كێ بلند ل یاریا به‌رامبه‌ر برایتون پێشكێشكر و ئه‌و ئاستێ ئه‌وان یێ دروست بوو.
زێده‌تر راهێنه‌رێ مان یونایتد سه‌باره‌ت هه‌لویستێ ئه‌وان د رێزبه‌ندیا خولێ دا ناڤبرى دیاركر نوكه هه‌لویستێ خولێ بوو ئه‌وان یێ گرنگ نینه و یا گرنگ ئه‌وه ئاستێ تیمێ یه و ل گه‌ل ئاست و ئه‌نجامێن باش دێ هه‌لویستێ یانێ د خولێ دا به‌ر ب باشى ڤه چیت.
هه‌ژى گوتنێ یه مان یونایتد ل وه‌رزێ ئه‌ڤ ساله دخۆلا پرێمێرلیگ دا 12 یارى كرینه شیایه 4 سه‌ركه‌فتنا ل گه‌ل هه‌مان خوساره‌تى و وه‌كهه‌ڤیان هه‌نه.
ئه‌ڤرۆ نيوز:
كۆچكا سپى داخواز دكه‌ت دووماهى ب توندوتيژى و ئالوزيێن عيراقێ بهێت و وه‌لات به‌ر ب هه‌لبژارتنێن پێشوه‌خت پێنگاڤێ ب هاڤێژيت.
د راگه‌هاندنه‌كێ دا كوچكا سپى راگه‌هاند كو عيراقى ده‌ست به‌ستى نامينن به‌رامبه‌ر ب هه‌ده‌ردانا سامانێن عيراقێ ژ لايێ ئيرانێ و بكارئينانا گرۆپێن چه‌كدار بۆ رێگريكرن ل ئازاديا راده‌ربڕينێ و بۆچوونێن وان ب ئاشتيانه.
دايه زانين ژى كو ئه‌مريكا ژى هه‌روه‌كو به‌رنامێ هاريكاريێ يێ “يو ئێن”ێ داخواز ژ عيراقێ دكه‌ين توندوتيژيێ دژى خونيشانده‌ران ب راوه‌ستينن.
ئه‌ڤرۆ نیوز، عه‌لی حاجی :
نوونه‌رێ چاڤدێریا بازرگانی دلنا هه‌پشك دا ل زاخۆ د داخویانیه‌كێ دا بۆ ئه‌ڤرۆ نیوز دیار كر ماوه‌یێ چار هه‌یڤایه دیارده‌یا ئینانا مریشكێن فرێشكری ژتوركیا بۆ كوردستانێ ب شێوه‌یه‌كێ نه‌یاسایی ده‌ست پێكری یه و پێدڤی یه رێكارێن توندێن یاسایی بهێنه گرتن به‌رامبه‌ر ڤێ دیاردێ .
زێده‌تر داخاز حسێن گوت : ماوه‌یێ چار هه‌یڤایه ب شێوه‌یه‌كێ نه‌یاسایی ئینانا مریشكێن فرێشكری ژ توركیا بۆ كوردستانێ به‌ره‌ڤ زێده‌بونێ ڤه چوویه ژلایێ هاولاتیان ڤه و ئه‌ڤ چه‌نده پشتی وێ یه‌كێ یه كو ئینانا مریشكێن فرێشكری بۆ ناڤ ئاخا كوردستانێ هاتیه قه‌ده‌غه كرن و ئه‌ڤ مریشكه سه‌ره‌رای هندێ كو ب شێوه‌یه‌كێ نه‌دروست دهێته كوردستانێ بتنێ ماوه‌یێ ب كارئینانا وان ژ چار روژان هه‌تا پێنچ روژایه،له‌ورا ئه‌م هاولاتیێن خوه ئاگه‌هدار دكه‌ین كو هه‌ر مریشكه‌كا فریَِشكری ژبه‌ریا بكرن بلا سه‌حكه‌نه مێژوویا وێ و هه‌ر ده‌ما ژ پێنچ روژان زێده‌تر بوری بیت مێژوویا وێ ئه‌و ب كێر خوارنێ ناهێت و زیانێن خوه هه‌نه و په‌یدا بونا ڤێ دیاردێ ژی ژبه‌ر وێ چهندێ یه كو بهایێ مریشكا فرێشكری ل وه‌لاتی ئه‌رزانتره و خه‌لكه‌ك ژبه‌ر بهایێ وێ دكریت .
ناڤهاتی گوت ژی : مه هه‌وه‌كا ده‌ست ب سه‌ر وان مریشكان دا ده‌ست پێكری یه و دماوه‌یێ 10 روژان دا نێزیكی 1190 مریشكان دناڤ ماركێتان دا ده‌ست ب سه‌ر دا هاتینه گرتن و هاتینه ژناڤبرن و ئه‌و مریشك هه‌می ژی به‌رهه‌مێن توركی بوون ،زێده‌بار وێ چهندێ ژی ئینانا مێلاكا توركی ژی ب رێكێن نه‌یاسایی دهێته ناڤ كوردستانێ دا و مه شیایه 210 كێلویێن مێلاكێ ده‌ست ب سه‌ردا بگرین و ژناڤ ببه‌ین و فروتنا وێ مێلاكێ دناڤ ماركێتان دا وه‌كو بازرگانیه‌كێ لێهاتی یه و پێدڤی یه هاولاتی هوشیار بن ل سه‌ر ب كارئینانا وێ مێلاكێ .
نيشاندان