ئەڤرۆ نیوز:
بەری دەمەکێ دۆنالد ترامپ سەرۆکێ ئەمریکا راگەهاند کو هێزێن وان شیاینە شەڤا بۆری ل باکورێ سووریێ د ئەنجاما ئۆپەراسیۆنەکا سەرکەفتی دا ئەبوبەکر بەغدادی خەلیفێ رێکخراوا تیرۆرستی یا داعشێ ل گەل چەند هاریکارێن وی بکوژن.
ترامپی راگەهاند کو بەغدادی ل تونێلەکێ خوە پەقاند و سێ زارۆ ژی ل گەل خوە دا کوشتن.
ئه‌ڤرۆ نیوز:
سه‌رۆكێ یانا ریال مه‌درید فلورنتینو پێریز نه‌خشه‌یه‌ك دارشتى یه بوو ده‌ستڤه ئینانا ستێرا گه‌نچ یا هه‌لبژارتیێ فره‌نسا و یانا پاریس سانجێرمان كلیان مباپێ .
رۆژناما موندو دیپورتیڤو یا ئیسپانى ئاشكراكریه ل سالا 2017 هه‌ردو یانێن ریال مه‌درید و موناكو گه‌هشتبوونه رێككه‌فتنێ بوو ڤه‌گوهاستنا وى یاریزانێ فره‌نسى مباپێ به‌رامبه‌ر 100 ملیون یورۆیا لێ یانا ریال مه‌درید ل دووماهیى چركه داخوازیا وى یاریزانى ره‌تكر پشتى داخوازیا موچه‌یه‌كێ بلندكرى و پاش به‌ر ب یانا پاریس سانجێرمان ڤه چووپشتى وێ یانێ موچه‌یێ سالانه 18 ملیون یورۆ پێشكێشكرین.
زێده‌تر وێ رۆژنامێ دیاركریه ژى سه‌رۆكێ یانا ریال مه‌درید هه‌تا نوكه چ پێنگاڤێن فه‌رمى ده‌ست پێنه‌كرینه بوو دانوستاندنان ل گه‌ل وى یاریزانى ژبه‌ركو ناخوازیت ئه‌و په‌یوه‌ندیێن خوه یێن خوش ل گه‌ل وێ یانا فره‌نسى تێكبده‌ت لێ پلانه‌ك دارشتى یه بوو ده‌ستڤه ئینانا ئه‌وى یاریزانى ئه‌وژى چه‌ند یاریزانێن به‌رنیاس ل یانێ بفروشیت بوو ده‌ستڤه ئینانا كوژمه‌كێ مه‌زن بوو كرینا وى یاریزانى.
هه‌ردیسان وێ رۆژناما ئیسپانى دیاركریه ژى مباپێ ل چه‌ند رۆژێن بورى داخوازیا پاریس ره‌تكر بوو پشتى وێ یانێ داخوازى ژێ كرى هه‌ڤبه‌ستا خوه درێژ بكه‌ت بوو دو سالێن دى لێ وى یاریزانى داخوازیا موچه‌یه‌كێ بلند ژ وێ یانا پایته‌ختێ فره‌نسا كربوو .
وێ رۆژنامێ ئه‌و چه‌نده ژى دیاركریه یانا ریال مه‌درید 300 ملیون یورۆ بوو ڤه‌گوهاستنا وى یاریزانى به‌رهه‌ڤكرینه و ل گه‌ل موچه‌یه‌كێ بلند یێ سالانه هه‌ر چه‌نده نوكه بهایێ ڤه‌گوهاستنا وى یاریزانى 200 ملیون یورۆنه لێ یانا ریال 100 ملیون زێده‌تر به‌رهه‌ڤكرینه .
ژلایه‌كێ دیڤه چه‌ند رۆژنامه‌یێن فره‌نسى دیاركریه ئارمانجا مباپێ برنا چامپیونس لیگ و ئه‌وى بوو به‌رپرسێن وێ یانێ دیاركریه پشتى دووماهیا ڤى وه‌رزى ئه‌ڤ دێ بریارێ ل سه‌ر درێژكرنا هه‌ڤبه‌ستا یانێ ده‌ت ژبه‌ركو ئه‌و دخوازیت بتنێ نوكه هزر ل گه‌ل یانێ بكه‌ت تایبه‌ت ل قاره‌مانیا چامپیونس لیگ كو ئارمانجا وى یا سه‌ره‌كى برنا وێ قاره‌مانیێ یه.
هه‌ردیسان ئه‌وان رۆژناما ئاماژه ب وێ چه‌ندێ ژى كریه دبیت مباپێ ب رێژه‌یا هه‌ره مه‌زن ل وه‌رزێ بهێت په‌یوه‌ندى ب یانا ریال مه‌درید بكه‌ت ژبه‌ر ئه‌و په‌یوه‌ندیێن باش یێن راهێنه‌رێ نوكه یێ ریال زێدان ل گه‌ل وى یاریزانى هه‌ردیسان ژى چوونا مباپێ بوو ریال مه‌درید دێ بوو وى ب سانه‌هى تربیت بوو برنا چامپیونس لیگ و هه‌ڤركیێ ل سه‌ر باشترین یاریزانێ جیهانێ ژى بكه‌ت .
ئه‌ڤرۆ نيوز:
رێڤه‌به‌رێ كارگه‌ها كواشێ یا ژێكجوداكرنا گلێشی ب وه‌كاله‌ت راگه‌هاند، بۆ جارا ئێكێ دێ به‌رهه‌مێ كارگه‌ها گلێشێ كواشێ د سه‌رێكزێده‌كرنه‌كێ هێته فرۆتن.
ئه‌ندازیار دیار سادق سه‌عید، رێڤه‌به‌رێ كارگه‌ها كواشێ یا جوداكرنا گلێشی ب وه‌كاله‌ت سه‌رب رێڤه‌به‌ریا گشتیا باژێرڤانیان ڤه ل پارێزگه‌ها دهۆكێ دیاركر، ب تنێ د ده‌ما نێزیكی دوو هه‌یڤان دا، 16 ته‌نێن ئه‌له‌منیوم، 60 ته‌نێن بتلێن ئاڤێ، 50 ته‌نێن ماددێ pp، دیسان 65 ته‌نێن ئاسنی، پتری 250 ته‌نێن كارتونان، 20 ته‌نێن نایلونێ جوراوجۆ و 50 ته‌نێن نایلونێ ره‌ش، دیسان 19 ته‌نێن سندوقا هاتنه جوداكرن كو ئه‌ڤ رێژه و داتایه بۆ هه‌یڤه‌كێ یان دوو هه‌یڤان زۆرن، د پلانا كارگه‌هێ دایه ل سه‌ر ڤێ یه‌كێ به‌رده‌وام بیت دا كو ب باشترین مفا و كێمترین زیان هه‌بیت.
ئاشكرا ژی كر كو پشتی چه‌ند گوهۆرین د كارگه‌ها گلێشی دا هاتینه كرن، رێژا جوداكرنا گلێشی ب رێژا 100% بو رێژا 500% زێده‌بوویه.
ئه‌ڤرۆ نيوز:
مه‌زلۆم كۆبانى، فه‌رماندێ گشتى يێ هێزێن سوريا ديموكرات (هه‌سه‌ده) د تۆيته‌كى دا ل هژمارا تايبه‌ت يا خوه وه‌كو ئاماژه‌ك بۆ كوشتنا ئه‌بۆ به‌كر به‌غدادى سه‌رۆكێ داعش نڤيسيه: “مه ئۆپه‌راسيۆنه‌كا مێژوويى و سه‌ركه‌فتى ژ ئه‌نجامێ كاره‌كێ هه‌ڤپشكێ هه‌والگێرى دا ل گه‌ل ئه‌مريكا ئه‌نجام دا”.
ژەنەڕاڵ مەزڵوم کۆبانێ، فەرماندەی گشتی هێزەکانی سوریای دیموکرات (هەسەدە) لە تویتێکدا لە هەژماری تایبەتی خۆی وەکو ئاماژەیەک بۆ کوژرانی ئەبوبەکر بەغدادی سەرکردەی داعش نوسیویەتی، “ئۆپەراسیۆنێکی مێژویی و سەرکەوتومان لە ئەنجامی کارێکی هاوبەشی هەواڵگریدا لەگەڵ ویلایەتە یەکگرتوەکانی ئەمریکا ئەنجامدا”.
ئه‌ڤرۆ نیوز:
یانا ریال مه‌درید دخوازیت ل ڤه‌گوهاستنێن زڤستانا بهێت هێلا به‌ره‌ڤانیا تیما خوه ل لایێ راستێ ب هێزتر لێ بكه‌ت تایبه‌ت پشتى یاریزانێ وێ ئه‌لڤارو ئودروزیلا ئه‌وێ هه‌تا نوكه نه‌شیاى وى ئاستێ چاڤه‌رێكرى پێشكێش بكه‌ت ل گه‌ل یانێ .
مالپه‌رێ كاتشیو مێركاتو یێ ئیتالى دیاركریه راهێنه‌رێ یانا ریال مه‌درید زێدان داخوازى ژ سه‌رۆكێ یانێ كریه ل ڤه‌گوهاستنێن بهێت هه‌ڤبه‌ستێ ل گه‌ل یاریزانه‌كێ هێلا به‌ره‌ڤانیێ ل لایێ راستێ ئیمزا بكه‌ت بیته هێزه‌كا دى ل گه‌ل هه‌ر ئێك ژ كارفاخال و ئودروزیلا .
هه‌ردیسان وێ رۆژنامێ دیاركریه ژى یانا ریال مه‌درید سێ یاریزان به‌ربژاركرینه بوو ئیمزاكرنا ئێك ژ ئه‌وان یاریزانان ئه‌وژى هه‌ر ئێك ژ داڤید كالابریا یاریزانێ میلان كو ئارمانجا زێدانى یا سه‌ره‌كى ئه‌و یاریزانه و هه‌ردیسان هه‌ر ئێك ژ لوكاس كلوسترمان یاریزانێ لایبزێگ یا ئه‌لمانى و یوسف عه‌تال یێ جه‌زائیرى و یانا نیس یا فره‌نسى.
هه‌ردیسان هاتیه دیاركرن ژى ب ئینانا ئێك ژ ئه‌وان سێ یاریزانان دێ ریال نه‌چار بیت ل ڤه‌گوهاستنێن هاڤینا بهێت پاش ده‌ستا ژ ئودروزیلا یان كارڤاخال به‌رده‌ت یان ژى ب شێوه‌یێ خواستن بده‌ته یانه‌كا دى.
ئه‌ڤرۆ نيوۆ، نيوار محه‌مه‌د سه‌ليم:
ئاژانسێن ئه‌مريكى ل سه‌ر زارێ مه‌زنه به‌پرسه‌كێ په‌نتاگۆنێ به‌لاڤكر كو د ئۆپه‌راسيۆنه‌كا هێزێن تايبه‌ت يێن ئه‌مريكا دا، سه‌رۆكێ رێكخراوا تيرۆرستى يا داعش، ئه‌بۆ به‌كر به‌غدى ل سوريا يێ هاتيه كوشتن.
كۆڤارا نيوزويك يا ئه‌مريكى به‌لاڤكر كو ئه‌ڤ ئۆپه‌راسيۆنه ل رۆژا شه‌مبى ل ئيدلب هاتيه ئه‌نجام دان پشتى كو ده‌نگوباس ل سه‌ر جهێ دروست يێ ئه‌بۆ به‌كر به‌غدادى گه‌هشتينه ئه‌مريكا و ئۆپه‌راسيۆن ب رێيا هێزه‌كا تايبه‌ت ل پارێزگه‌ها ئيدلب يا سوريا هاتيه ئه‌نجام دان.
تورا سى ئێن ئێن ژى به‌لاڤكريه كو ل ده‌مێ نێزيكبوونا هێزێن ئه‌منى بۆ جهێ ئه‌بۆ به‌كر به‌غدادى وى ب خوه، خوه كوشتيه دا كو نه‌كه‌ڤيته ده‌ستێ وان، د ڤێ روودانێ دا يا كو خێزانا وى ژى ئاماده، چو زارۆ نه‌هاتينه كوشتن، به‌لێ هه‌ردو ژنێن وى هاتبوونه كوشتن و دبيت ژى ژ به‌ر وێ بۆمبێ بيت يا ب خوه ڤه په‌قاندى.
دۆنالد تره‌مپ، سه‌رۆكێ ئه‌مريكا ژى تويته‌ك به‌لاڤكربوو و تێدا گۆتبوو “تشته‌كێ مه‌زن نها چێبوو” بێ كو روونكرنێن زێده‌تر بده‌ت و پشتى چه‌نده‌كا دى دێ په‌يڤه‌ك هه‌بيت و دبيت به‌حسێ ڤى بابه‌تى ژى بكه‌ت.
ژ لايێ خوه ڤه به‌رپرسێ ئيرانى راگه‌هاند كو سوريا ئه‌و پشت راست كرينه كو ئه‌بۆ به‌كر به‌غدادى هاتيه كوشتن. ئه‌ڤه ئاژانسا رويترز ل سه‌ر زارێ به‌پرسێن عيراقى ژى نووچه‌يێ كوشتنا سه‌رۆكێ رێكخراوا تيرۆرستى يا داعش پشت راست كريه.
ئه‌ڤرۆ نيوز:
ئه‌ڤ شه‌ڤه خوه‌نيشادانێن به‌رفرهه ل هژماره‌كا پارێزگه‌هێن عيراقى هاتنه ئه‌نجامدان و ل باژێرێ كه‌ربه‌لا ژى خوه‌نيشانده‌ران باره‌گايێ كونسۆلخانا ئيرانى دۆرپێچكر.
ئه‌ڤرۆ شه‌مبيێ 26/10/2019 وه‌كو دوهى ئه‌ينيێ، خوه‌نيشادانێن وه‌لاتيێن عيراقى ل چه‌ند پارێزگه‌هان هاتنه ئه‌نجامدان و هه‌تا نوكه ژى د به‌رده‌وامن، ل دووڤ وان ڤيديۆيێن هاتينه به‌لاڤكرن ل باژێرێ كه‌ربه‌لا كو خه‌لكێ وێ شيعه مه‌زهه‌بن، ب گۆره‌ى باسنيوز، خوه‌نيشانده‌ران باره‌گايێ كونسولخانا ئيرانى دۆرپێچكريه و خوه‌نيشانده‌ره‌كى ژى ئالايێ عيراقێ ل سه‌ر بانێ كونسولخانێ بلند كريه”.
ئێڤاريا ئه‌ڤرۆ شه‌مبيێ، كۆمسيۆنا مافێن مرۆڤى ل عيراقێ د به‌ياننامه‌كێ دا راگه‌هان، دووماهى ئامارێن كوشتى و بريندارێن دو رۆژێن بۆرى يێن خوه‌نيشادانێن پارێزگه‌هێن باشوور و نازه‌راستا عيراقێ به‌لاڤرن و راگه‌هاند، د خوه‌نيشادانان دا 63 كه‌س هاتينه كوشتن و 2595 كه‌س ژى بريندار بووينه.
ئه‌ڤرۆ نیوز:
وه‌كو دهاته چاڤه‌رێكرن، پشتى دووماهى به‌یانناما موقته‌دا سه‌در سه‌رۆكێ ره‌وتێ سه‌درى و لیستا سائیرون كو ب ئاشكرا پشته‌ڤانیا خوه بۆ خوه‌نیشانده‌ران ده‌ربرى و داخوازا ده‌ست ژ كاركێشانا حوكمه‌تا عیراقى كرى، ئه‌ڤرۆ فراكسیۆنا هه‌ڤپه‌یمانیا سائیرون ل په‌رله‌مانێ عیراقێ ئۆپۆزسیۆنا خوه و مانگرتن د ناڤ په‌رله‌مانى دا دا راگه‌هاند.
ئەڤرۆ نیوز، نەوزاد هلۆری:
ب مه‌ره‌ما گرنگیدان ب ئاستێ ره‌وشه‌نبیریا پێشمه‌رگه‌ی، فه‌رمانده‌یا دهۆك ب هه‌ڤكارى ل گه‌ل ده‌سته‌یا گشتى یا رێكخستنا پێشمه‌رگه‌ى و سه‌نته‌رێ پێشمه‌رگه یێ ره‌وشه‌نبیرى، رێ و ره‌سمه‌ك بۆ ده‌رچوونا 70 پێشمه‌رگه‌یان ژ خولا داستانا سحێلا گێرا.
نيشاندان