ئەڤرۆ نیوز، زنار تۆڤی:
ل دووڤ خشتێ بەلاڤکرنا مووچەی، ل حەفتیا بهێت مووچێ هەموو وان جهان دێ هێتە دابەشکرن، یێن کو هەتانوکە مووچە وەرنەگرتی:
رۆژا ئێکشەمبی 22 ئیلۆنێ دێ مووچێ ئەڤان جهان هێتە دان:
– وەزارەتا سامانێن سرووشتی
– وەزارەتا نافخۆ
• خواندنا بلند
• وەزارەتا ئەوقافێ
• رێڤەبەریا گشتی یا رەگەزناما هەرێمێ
• لیوا نەفتێ
• زێرەڤانی
• بەرگری و هەوارهاتن
• دەزگەهێ ئاسایشێ
• جڤاتا ئاسایشێ
رۆژا دوشەمبی 23 ئیلۆنێ ئەڤ جهە دێ مووی وەرگرن:
• وەزارەتا شارەوانیێ
• وەزارەتا كارەبا
• وەزارەتا ڤەگوهاستن
• وەزارەتا پلاندانان
• وەزارەتا چاندنێ
• دیوانا چاڤدێریا دارایی
• مافێ مرۆڤی
• دەڤەرێن كوردستانی
• ژینگەهـ
• دەستەیا وەبەرهێنانێ
• دەستەیا دەستپاكیێ
• كۆمسیۆنا بلند
• دەزگەهێ مینان
• وەزارەتا پیشەسازی
• ئاڤەدانكرن
• رەوشەنبیری
• سەرۆكاتیا هەرێمێ
• سەرۆكاتیا پەرلەمانی
• جڤاتا وەزیران
ئەڤرۆ نیوز، مەحمود نھێلی:
دەمێ ھاولاتیەک ئەردێ خوە یێ جھێ خانی دەشت دکەت ب مەرەما ئاڤاکرنێ ئەڤرۆ 19/9/2019 سپێدێ ل سەنتەرێ ناحیا دێرەلۆک گورەک دەردکەڤیت و خودانێ ئەردی ژی لایەنێن پەیوەندیدار ئاگەھدار دکەت.
سامی ئوشانە رێڤەبەرێ ناحیا دێرەلۆک بۆ ئەڤرۆ نیوز دیارکر، کو ئەو ھاتینە ئاگەھدار کرن ل سەر دیتنا گورەکی ل جھێ دەشت کرنا پارچەکا ئەردی ل تاخێ سەردەشتێ ل سەنتەرێ ناحیا دێرەلۆک و گۆت: ( پشتی ئەم و سەرۆکێ باژێرڤانیێ چوینە وی جھی دیار بوویە کو ل جھێ پارچا ئەردی ئەڤ گورە دەرکەفتیە و چێدبیت ھێشتا گورێن دیتر ل ناڤ پارچێن ئەردی ل وێ دەڤەرێ دەربکەڤن).
ناڤھاتی خویا ژی کر، کو بەری نوکە ژی ل دەمێ چێکرنا جادەیەکی ھەر ھەمان دەڤەر بەری سالەکی چوار گورێن دیتر دەرکەفت بوون و ب رازیبوونا ئەوقافێ و پشتی ڤەدیتن بۆ ھاتیە کرن ھاتنە ڤەگوھاستن بۆ گورستانا دێرەلۆک و گۆت ژی : ھەر ل سەر وێ رازیبوونا بەری نوکە ھەر گورەکی دەرکەڤیت دێ ھێتە ڤەگوھاستن بۆ گورستانی و ئاشکرا کر ، ل دووڤ ڤەکولینان چێدبیت ئەڤ گورستانە یا بەری 300 بۆ 400 سالان بیت و ئەڤ کەسێن تێدا ژی ل سەر شێوازێ ئولێ موسلمانان ب ئاخێ ھاتینە سپاردن.
ئه‌ڤرۆ نيوز:
سه‌رۆك وه‌زيرێن عيراقێ ته‌كست ل سه‌ر وێ چه‌ندێ كر كو سه‌ره‌ده‌ريا وان ل هه‌رێما كوردستانێ ده‌رباره‌يى بۆدجه‌ى يا دستورى يه.
د ديداره‌كا رۆژنامه‌ڤانى دا ل گه‌ل ژماره‌كا ده‌زگه‌هێن ميديايى، عادل عه‌بدولمه‌هدى، سه‌رۆك وه‌زيرێن عيراقێ راگه‌هاند، بۆدجێ هه‌موو پارێزگه‌هێن عيراقێ ب گۆره‌يى دستوورى و ب وه‌كهه‌ڤى دهێته به‌لاڤكرن.
ئاماژه ب وێ چه‌ندێ ژى كر كو د قانوونا بوودجێ دا هاتيه كو پێدڤيه هه‌رێما كوردستانێ 250 هزار به‌رميلان راده‌ستى به‌غدا بكه‌ت، “هه‌كه نه‌شيا ڤێ بكه‌ت، ل دووڤ وى كۆژمێ په‌ترۆلێ، پشكا بۆدجا هه‌رێما كوردستانێ دێ هێته بڕين و مه ژى ئه‌و كريه”.
ده‌رباره‌يى كێشا كه‌ركووك ژى گۆت: “ل گه‌ل حوكمه‌تا هه‌رێما كوردستا،ێ ده‌رباره‌يى ئيدارا پارێزگه‌ها كه‌ركووك دێ گه‌هينه رێكه‌فتنێ”.
ئه‌ڤرۆ نيوز:
ئه‌ڤرۆ رۆژا پێنجشه‌مبى 19ى ئيلونا 2019ێ محه‌مه‌د حه‌لبۆسى، سه‌رۆكێ جڤاتا نوونه‌رێن عيراقێ، گه‌هشته هه‌ولێر و ل فرۆكخانا نێڤده‌وله‌تى يا هه‌ولێر ژ لايێ رێواس فايه‌ق سه‌رۆكا په‌رله‌مانێ كوردستانێ هاته پێشوازيكرن.
ب گۆره‌ى وان پێزانينێن ل به‌ر ده‌ست، حه‌لبۆسى گه‌له‌ك ل هه‌ولێر نامينيت و دێ هێته پارێزگه‌ها دهۆكێ و پشكداريێ د چه‌ندين چالاكيان دا كه‌ت، به‌لێ دێ ل گه‌ل هه‌ر ئێك ژ مه‌سعود بارزانى و نێچيرڤان بارزانى و مه‌سرۆر بارزانى كۆم بيت و مه‌ره‌م ژى ژێ كێشێن هه‌ولاويستى يێن هه‌ولێر و به‌غدا نه.
ئه‌ڤرۆ نیوز:
ل دۆر به‌لاڤبوونا هنده‌ك ده‌نگوباسێن جه‌واشه‌كارانه ل هنده‌ك ده‌زگه‌هێن راگه‌هاندنێ، نڤیسینگه‌ها سه‌رۆك وه‌زیرێن هه‌رێما كوردستانێ رۆهنكرنه‌ك به‌لاڤكر و تێدا ئه‌و پێزانینه ره‌ت كرن.
د رۆهنكرنا نڤیسینگه‌ها سه‌رۆك وه‌زیرێن هه‌رێمێ دا هاتیه” د ده‌مه‌كى دا كو حوكمه‌تا هه‌رێما كوردستانێ مژوولى ئه‌نجامدانا رێكارێن زێده‌تره بۆ خزمه‌تا وه‌لاتیان، هنده‌ك ده‌زگه‌هێن نه به‌رپرس یێن راگه‌هاندنێ د ئاراسته‌یه‌كێ به‌رۆڤاژى دا مژوولى دروستكرن و به‌لاڤكرنا ده‌نگوباسێن جه‌واشه‌كارانه‌نه و ب تایبه‌ت بزاڤێ دكه‌ن ناڤێ سه‌رۆكێ حوكمه‌تێ بكه‌نه د ناڤ ڤێ بزاڤا نه هه‌ژى دا”.
زێده‌تر تێدا هاتیه” د كڤانێ وێ هه‌لمه‌تێ دا و ل دووماهى بزاڤا وان ناڤێ كه‌سه‌كى یێ ئیناى كو دێ حزبه‌كێ دامه‌زرینیت و سۆزا دامه‌زراندنا خه‌لكى یا بۆ هاتیه دان”.
رۆهنكرنا ناڤبرى ئاماژێ ده‌ت كو ئه‌و هه‌موو ده‌نگوباسه ژ خه‌یالا نه‌خوه‌ش یا وانه و جهێ داخێ یه كو شیانێن دراڤى و مرۆڤى یێن كوردستانێ دهێته خستن د ناڤ ده‌زگه‌هێن جه‌واشه‌كارى یێن نه پرۆفێشنال دا.
ئه‌ڤرۆ نیوز:
مه‌سرور بارزانى سه‌رۆك وه‌زیرێن هه‌رێما كوردستانێ ئه‌ڤرۆ چارشه‌مبى 18/9/2019 پێشوازى ل به‌رهه‌م سالح سه‌رۆك كۆمارا عیراقا فیدرال كر.
د دیداره‌كێ دا ب به‌رهه‌ڤبوونا قوباد تاله‌بانى، جێگرێ سه‌رۆك وه‌زیرێن هه‌رێما كوردستانێ، و فوئاد حسێن جێگرێ سه‌رۆك وه‌زیران و وه‌زیرێ دارایى یی عیراقێ ه ژهماره‌كا به‌رپرسێن حوكمه‌تا هه‌رێمێ، دانوستاندن ل دۆر په‌یوه‌ندیێن د ناڤبه‌را هه‌رێما كوردستانێ و حوكمه‌تا فیدرال هاته كرن، دووپاتى ژى هاته كرن كو نوكه ده‌لیڤه‌كا باش یا هاتى بۆ چاره‌سه‌ركرنه‌كا بنه‌ره‌تى یا كێشان ل سه‌ر بنه‌مایێ دستوورى، كو پێدڤیه ب تمامى بهێته بجهئینان.
هه‌روه‌سا دووپاتى هاته كرن، چاره‌سه‌ركرنا كێشێن د ناڤبه‌را هه‌رێما كوردستانێ و حوكمه‌تا فیدرال د مفا و به‌رژه‌وه‌ندیا هه‌موو خه‌لكێ عیراقێ دایه و هۆكاره‌كێ سه‌ره‌كى ی بۆ سه‌قامگیربوونا ره‌وشا عیراقێ، ب تایبه‌تى ژى كو هێشتا تیرۆرست ل چه‌ند ده‌ڤه‌رێن عیراقێ گه‌فن ل سه‌ر ئاسایشا وه‌لاتیان.
ئەڤرۆ نیوز :
حوكمەتا هەرێما كوردستانێ ب نڤیسارەكا فەرمی هەموو باژێرڤانیێن پارێزگەهان و یەكەیێن ئیداری ئاگەهدار كرن كو هەموو ئەردێن ب كرێ هاتینە دان ب شێوەكێ ب لەز ئامارێن وان ئەردان بۆ ب هنێرن.
ئه‌ڤرۆ چاشەمبی 18/9/2019 ل دووڤ نڤیسارەكا دیوانا جڤاتا وەزیران و وه‌زاره‌تا باژێرڤانیان و گەشتوگوزار هاتیە، پێدڤیە هەموو باژێرڤانیێن پارێزگەهان و یەكەیێن ئیداری د دەمێ 20 رۆژان دا ئامارا هەموو وان ئەردێن ب هنێرن كو بۆ دەمەكی ب وەلاتیان هاتینە دان، هەروەسا هاتیە رۆهنكرن ژی كو مە پێزانینێن تمام دڤێن ل سەر ئامارا هەموو گرێبەستان و ئامارا وان پرۆژێن ژ لایێ وەزارەتان ڤە ب گرێبەست هاتینە دان و پاشی هاتینە تەملیك كرن.
د وێ نڤیسارێ ئەوژی هاتیە بەحسكرن كو پێدڤیە ئامارا وان پرۆژێن ب گرێبەست هاتینە دان و پاشی بووینە پرۆژێن وەبەرهێنانێ، ل گەل چەند پرۆژێن گرێبەست ل رێڤەبەریا خانوبەران هاتینە تۆماركرن د دەمێ 20 رۆژان دا بهێتە هنارتن.
نڤیسارا وەزاره‌تا باژێرڤانیان كو هاتیە ئاراستەكرن بۆ هەموو پارێزگەهان ل گەل رێڤەبەرێن یەكەیێن ئیداری و داخواز هاتیە كرن د چار لیستان دا وان داخوازیان ب هنێرن.
ئەڤرۆ نیوز ، زنار تۆڤی:
شێوەکارا کورد بەفرین رەشید بۆ ئەڤرۆ نیوز گۆت: کو وێ ب شەش تابلۆیان پشکداری د پێشانگەها تاما هونه‌ری دا کریە ل رۆژئاڤایێ باژێرێ له‌نده‌ن، ل گه‌له‌ریا زه ستودیۆ، کو پێشا‌نگەهەکا هەڤبه‌ش هاتبوو رێکخستن بۆ كۆمه‌کا هونه‌رمه‌ندێن شێوه‌كار ل جیهانێ.
ناڤهاتیێ گۆت ژی: ڤێ پێشانگەهێ حه‌فت شێوه‌كار، کو هه‌ر ئێک ژ پێشینه‌کا گەلەک جۆداتر ژ ئێک، هه‌ر ئێک ب تامەکا جۆداتر ژ ئێک د ئێک جهدا كۆمكربوون، کو وێ ب شه‌ش تابلۆیان پشکداری تێدا کربوو، تابلۆیێن وێ زێدەتر فیگه‌ر و ئینتیباعی بوون، پتریا وان زەیت ل سه‌ر كه‌نڤه‌س بوون، ب قه‌بارێن جۆدا. هەروەسا تابلۆیێن وێ تاما سروشتی پێڤه دیار بوون، هه‌ر ژ ره‌نگ و روویان ڤە، هەروەسا ئەڤ پێشانگەهە ئه‌زموونەکا تازه بوو بۆ وێ، چ ژ روویێ ناساندنا هونه‌رێ وێ ب خەلکەکێ دیتر، دیسان ژ ئالیێ ناساندنا شێوه‌كارێن جۆدا ب شێواز و هونەرێ وێ.
ئه‌ڤرۆ نيوز:
ئه‌ڤرۆ چارشه‌مبى 18/9/2019 ب به‌رهه‌ڤبوونا (خەدیجە محمد) رێڤەبەرا رێك و پرا ل قەزا دهوكێ و رێڤەبەرێ ناحیا روڤیا وزكرى به‌شير سەرۆكێ كۆمپانیا كاڤین گرۆپ پێنج كيلۆمه‌ترێن رێيا سەرەكی دهۆك – هەولێر ژ رۆڤیا بۆ چەمەیی هاتنە ڤەكرن وكەفتنە د خزمەتا هاتنوچونا وەلاتیان دا.
رێيا سەره‌كی یا دهۆك بۆ هەولێرێ ژرۆڤیا هەتا گوپالی و چەمەی(22)كم هەموو دو سایدی یە و(26) متران یا فرەهە وهەتا نوكە 70% هاتیە بجهئینان و ئه‌ڤرۆ پێنج كيلۆمه‌تر ل هەمبەر هاتنوچوونا گشتی یا وەلاتيان هاتنە ڤەكرن ، رێيا ناڤبری هەموو ل دووڤ پیڤەرێن ئەندازیاری يێن پێشكه‌فتى دهێتە چێكرن وحەفت ئوڤەر پاس و90 قەنتەرا بخوه‌ڤە دگریت وهەموو جوت سایدە ودهێتە چاڤەرێكرن ل دووماهیا ئەڤ سالە هەموو رێ ب دوماهی بهێت وبكەڤیتە د خزمەتا وەلاتیێن كوردستانێ دا.
حوكمه‌تا هەرێما كوردستانێ گۆژمێ (80) مليۆن دۆلار بۆ پرۆژەی تەرخانكرینە وپشتی ب دووماهی دهێت، هاتن وچوون ژ دهۆكێ بۆ هەولێرێ دێ ساناهى تر لێ هێت و نێزیكی نیڤ دەمژێرێ دێ كورت بيت و روودانێن هاتنوچوونێ ژی دێ كێمتر لێ هێن .
نيشاندان