ئه‌ڤرۆ نیوز:

به‌ره‌ڤانێ یانا ئه‌نتر میلان میلان سكرینیار د داخویانیه‌كێ دا بوو مالپه‌رێ سپورت میدیاست سه‌باره‌ت كیژان یاریزان باشتره‌ میسى یان رونالدو یان گارس بێل ناڤبرى دیاركر ئه‌و دبینت میسى ژ هه‌ردو یاریزانان باشتره‌ و ده‌مێ ئه‌و یارى ل گه‌ل یانا به‌رشه‌لۆنا دكه‌ت هێزه‌كا مه‌زن د ده‌ته‌ وێ یانێ و دبینت ئه‌و چیڤانوكه‌كا ته‌پا پێ یا مه‌زنه‌.
هه‌ردیسان ناڤبرى ئاماژه‌ ب وێ چه‌ندێ ژى كر رونالدو كارس بێل ژى ژ یاریزانێن ستێر ل سه‌ر ئاستێ جیهانێ .

میلان سكرینیار  یێ 24 سالى  خودانێ 24 یاریێن نێڤده‌وله‌تى یه‌ ل گه‌ل هه‌لبژارتیێ وه‌لاتێ خوه‌ سلوڤینیا و نوكه‌ دهێته‌ هژمارتن ئێك ژ به‌رنیاسترین به‌ره‌ڤانان ل سه‌ر ئاستێ ئورۆپا و ژ سالا 2017 وه‌ره‌ ل گه‌ل یانا ئه‌نتر میلان یارى دكه‌ت و هه‌تا نوكه‌ 95 یارى ل گه‌ل وێ یانێ كرینه‌ و شیایه‌ 5 گولان توماربكه‌ت

ئه‌ڤرۆ نیوز:
ستێرا یانا ریال مه‌درید كه‌ریم بن زیما شیا بوو جارا دوێ ل دیڤ ئێك ل وه‌رزێ ئه‌ڤ ساله‌ خه‌لاتێ باشترین یاریزانێ مه‌هێ ب ده‌ستخوڤه‌ بینت .
خه‌لاتێ هه‌یڤانه‌ یێ باشترین یاریزانێ یانا مه‌له‌كى ژلایێ جه‌ماوه‌رێ یانێ ڤه‌ دهێته‌ هه‌لبژارتن ب رێیا ده‌نگدانا ئه‌لكترونى كو ل هه‌ردو مه‌هێن بورى كه‌ریم بن زیما شیا رێژه‌یا هه‌ره‌ ده‌نگان ب ده‌ستخوڤه‌ بینت پشتى شیاى وى ئاستێ بلند ل گه‌ل یانێ پێشكێش بكه‌ت .
كه‌ریم بن زیما ل مه‌ها ئه‌یلول شیابوو سه‌ركێشیا یانا خوه‌ بكه‌ت بوو دو سه‌ركه‌فتنێن گرنگ ئه‌وژى ل گه‌ل لیفانتى ده‌مێ شیاى دو گولان توماربكه‌ت و ل گه‌ل سیڤیلیا گوله‌كێ ل یاریگه‌ها وێ .
وى یاریزانێ فره‌نسى سه‌باره‌ت خه‌لاتێ هه‌یڤانه‌ كو دو جاران ل دیڤ ئێك هاتیه‌ خه‌لاتكرن د داخویانیه‌كێ دا بو موندو دیپورتیڤو دیاركر خه‌لات هه‌رده‌م یێ باشه‌ و تایبه‌ت ئه‌ڤ خه‌لاته‌ ژلایێ جه‌ماوه‌رێ یانێ ڤه‌ دهێته‌ هه‌لبژارتن و سوپاس بوو ئه‌وان ئه‌و هه‌ژى خه‌لاتێ باشترینێ مه‌هێ دیتى.

ئه‌ڤرۆ نیوز:
ژێده‌ره‌كێ نێزیك ژ یانا هه‌ولێر بۆ ئه‌ڤرۆ نیوز دیاركر نوكه‌ هه‌ر ئێك ژ رادان یێ كرواتى و ئیوان مارین به‌ربژارێن هه‌ره‌ ب هێزن بوو وه‌رگرتنا پوستێ راهێنه‌ریا وێ لێ هه‌تا نوكه‌ یانه‌ نه‌شیایه‌ ئه‌وان هه‌ردو راهێنه‌ران رازى بكه‌ت ژبه‌ر كوژمێ پاره‌ى كو هه‌ردو راهێنه‌ر داخوازیا كوژمه‌كێ مه‌زن ژ یانێ كریه‌ .
ژێده‌ره‌كێ نێزیك ژ راهێنه‌رێ رومانى ئیوان مارین بوو ئه‌ڤرۆ نیوز دیاركر به‌رپرسێن یانا هه‌ولێر ب فه‌رمى دانوستاندن ل گه‌ل وى راهێنه‌رى كرینه‌ و ئه‌وى راهێنه‌رى رازیبوونا خوه‌ دیاركریه‌ پوستێ راهێنه‌ریا وێ یانێ وه‌ربگریت لێ ژبه‌ر كوژمێ پاره‌ى هه‌تا نوكه‌ هه‌ردو لایه‌ن نه‌ گه‌هشتى نه‌ رێككه‌فتنێ .
هه‌ردیسان وى ژێده‌رى دیاركریه‌ ژى وى راهێنه‌رى وه‌كو داخوازیا ئێكێ وى راهێنه‌رى داخوازیا 25 هزار دولارا ژ یانێ كریه‌ وه‌كو موچه‌یێ هه‌یڤانه‌ كو د گه‌هیته‌ 30 ملیون دیناران.
هه‌ردیسان وى ژێده‌رى ئاشكراكریه‌ ژى دبیت ب دانوستاندنان كوژمێ وى راهێنه‌رى ب گه‌هیته‌ 20 هزار دولاران وه‌كو موچه‌یێ هه‌یڤانه‌

هه‌ژى گوتنێ یه‌ ئیوان مارین ئێك یێ 64 سالى راهێنه‌ریا چه‌ندین یانێن رومانى یێن به‌رنیاس و عه‌ره‌بى كریه‌ كو ژ ئه‌وانا دینامو بوخارست یا رومانى و كوێت یا كوێتى ل گه‌ل وێ یانێ شیابوو چه‌ندین ناسناڤێن نافخوى و دو جاران كاسا ئێكه‌تیا ئاسیا ب ده‌ستخوڤه‌ بینت و راهێنه‌ریا یانێن قادسیه‌ یا كوێتى و ئیتفاق یا سعودى و دوبى و زه‌فره‌ یێن ئیماراتى و راهێنه‌رێ زاخۆ بۆ ل 2016 و راهێنه‌رێ مینا بوو 2016-2017.

ئه‌ڤرۆ نیوز:
راپورتێن رۆژنامه‌ڤانى ل برێتانیا ئاشكراكرینه‌ راهێنه‌رێ پورتوگالى جوزێ مورینهو ل ماوێ بورى هه‌ڤبه‌ستا یانا لیون یا فره‌نسى ره‌تكر پشتى وێ یانێ ب فه‌رمى داخوازى ژ ئه‌وى راهێنه‌رى كرى لێ ئه‌وى راهێنه‌رى داخوازیا وێ یانێ ره‌تكر.
هه‌ردیسان ئه‌وان رۆژناما دیاركریه‌ مورینهو چاڤه‌رێ وه‌رگرتنا یانه‌كا به‌رنیاس و دخوازیت جاره‌كا دى ڤه‌گه‌ریته‌ خۆلا ئنگلته‌را و نوكه‌ ئه‌و چاڤه‌رێ وێ چه‌ندێ یه‌ ئه‌ركێ راهێنه‌ریا یانا توتنهام وه‌ربگریت تایبه‌ت پشتى ئه‌و ئاریشه‌یێن دناڤبه‌را راهێنه‌رێ یانێ ماوریتسیو بوتشیتینو كارگێریا وێ یانێ دا په‌یدابوو هه‌ردیسان ئه‌نجامێن وى راهێنه‌رى ژى ل گه‌ل یانا توتنهام د لاوازن كو ل هه‌شت یاریان بتنێ سێ سه‌ركه‌فتن توماركرینه‌.
ل دووماهیێ ئه‌وان رۆژناما دیاكریه‌ ژى بوتشیتینو پشتى هه‌ردو خوساره‌تیێن ڤێ دووماهیێ ل گه‌ل بایرن 7-2 گولان ژ چامپیونیس لیگ و ل گه‌ل برایتون ل خۆلا ئنگلته‌را دا به‌رپرسێن وێ یانێ هزر ل گوهورینا ئه‌وى كریه‌ و مورینهو ئێك ژ به‌ربژارێن ب هێزه‌ بوو وه‌رگرتنا پوستێ راهێنه‌ریا وێ یانێ .

ئه‌ڤرۆ نیوز:
پشتى یاریزانێ هه‌لبژارتیێ به‌لجیكا ناینگولان پێكهاتیێ ئه‌نتر میلان ل ڤه‌گوهاستنێن بورى دا ب جه هێلاى و هه‌ردیسان ئه‌و یانه‌ د ڤه‌گوهاستنا یاریزانێ شیلى و یانا به‌رشه‌لۆنا ڤیدال سه‌رنه‌كه‌فتى به‌رپرسێن وێ یانێ دخوازن ل ڤه‌گوهاستنێن زڤستانا بهێت هه‌ڤبه‌ستێ ل گه‌ل یاریزانه‌كێ نوو ئیمزا بكه‌ن.
رۆژناما توتو سپورت یا ئیتالى دیاركریه‌ یانا ئه‌نتر میلان چار یاریزان به‌ربژاركرینه‌ بوو ڤه‌گوهاستنێن بهێت كو بریاره‌ هه‌ڤبه‌ستێ ل گه‌ل ئێك ژ ئه‌وان ئیمزا بكه‌ن ئه‌وژى هه‌ر ئێك ژ یاریزانێ كرواتى و یانا به‌رشه‌لۆنا ئیڤان راكیتیچ و ڤان دى بیك یاریزانى هوله‌ندى و یانا ئه‌یاكس ئه‌مستردام ڤان دى بیك كو نوكه‌ ئه‌و یاریزان ئارمانجا ریال مه‌درید ژى یه‌ و هه‌ردیسان هه‌ردو یاریزانێن هه‌لبژارتیێ سربیا ئه‌وژى نیمانیا ماتیتچ ژ یانا مانچێسته‌ر یونایتد و میلینكوڤیڤ ساڤیچ ژ لازیو