ئه‌ڤرۆ نیوز:
ئێكه‌تیا ته‌پا پێ یا ئیسپانیا خه‌لاتێ باشترین راهێنه‌رێ وه‌رزێ دا راهێنه‌رێ یانا لیگانیس پشتى ئه‌و راهێنه‌ر شیاى خه‌لاتێ رامون كوبو یێ وه‌رزێ 2018-2019 ب ده‌ستخوڤه بینت .
ئێكه‌تیا ته‌پا پێ یا ئیسپانى راگه‌هاندى یه لژنه‌یا تایبه‌ت ب راهێنه‌ران ڤه ل ئێكه‌تیا ئیسپانى خه‌لاتێ باشترینێ سالێ دا راهێنه‌رێ یانا لیگانیس مارویسیو پێلیگرینو كو یانا لیگانیس ب سه‌رپه‌رشتیا وى راهێنه‌رێ ناڤبرى شیابوو ئاسته‌كێ بلند دخۆلا لالیگا دا پێشكێش بكه‌ت.
ئه‌ڤرۆ نيوز:
شه‌ڤا بۆرى د هێرشه‌كا چه‌كدارى يا ناڤبه‌را خانه‌قين و مه‌نده‌لى شه‌ش پۆليسێن عيراقى هاتنه كوشتن.
ب گۆره‌ى پێزانينان ل ده‌سپێكا هێرشێ چه‌كداران پۆليسته‌ك كوشتيه و پاشان دو ترۆمبێلێن پۆليسان د هه‌وارێ چووينه و بۆمبه‌ك ل وان ژى ڤه ته‌قيه، ژ ئه‌گه‌رێ وێ چه‌ندێ ژى پێنج پۆليسێن دى هاتنه كوشتن.
ژێده‌ره‌كى ژ ده‌ڤه‌رێ بۆ كوردستان 24 راگه‌هاند كو ئه‌و جهێ هێرش كريه سه‌ر خاله‌كا پشكنينا پۆليسان بوو و دكه‌ڤيته ده‌رگه‌هێ مه‌نده‌لى.
ئه‌ڤرۆ نيوز:
ب گۆره‌ى ژێده‌رێن فه‌رمانده‌كێ هه‌سه‌دێ ل سه‌رێ كانيێ، سۆپايێ توركيا ب مه‌ره‌ما پێشڤه‌چوونێ به‌ر ب سه‌ركانيێ پێنگاڤ هاڤێتن، به‌لێ ل باكوورێ سه‌رێ كانيێ هێزێن سۆپايێ ديموكرات (هه‌سه‌ده) چار تانك و فرۆكه‌كا بێ فرۆكه‌ڤان تێكشاندينه.
فه‌رماندێ هه‌سه‌دێ ئاشكه‌را ژى كر كو ئه‌و دربا ب به‌ر سۆپايێ توركيا كه‌فتى بوويه ئه‌گه‌ر كو پێشڤه‌چوونا وان بهێته راگرتن، “نه‌هاتيه زانين كا زيانێن گيانى يێن سۆپايێ توركيا چه‌ندن”.
ئه‌ڤرۆ، زنار تۆڤی:
ل به‌ره ئه‌ڤرۆ 10/10 ل ده‌مژمێر شه‌شێ ئێڤاری شانۆگه‌ریا (لیژنا ده‌ستپاكیێ) ل هولا محه‌مه‌د عارفێ جزیری ل دهۆكێ بهێته نیشادان و بۆ ده‌مێ چه‌ند رۆژان دێ یا به‌رده‌وام بیت.
هلكه‌ت ئدریس عابد، ئێك ژ ده‌رهێنه‌رێن وێ شانۆگه‌ریێ بۆ رۆژناما ئه‌ڤرۆ دبێژیت: ئه‌ڤ شانۆگه‌ریه یا نڤیسه‌رێ روسی (نیكولا گوگول) یه، كو د تێكستێ ئۆرجینال یێ نڤیسه‌ری دا ب ناڤێ سه‌رپه‌رشتێ گشتی هاتیه، ناڤه‌رۆكێ ڤێ شانۆگه‌ریێ به‌حسێ هندێ دكه‌ت، كو كه‌سه‌ك ژ پایته‌ختی دهێت و دووڤچوونا رێڤه‌به‌ری و سازیێن ده‌وله‌تێ دكه‌ت، كانێ كارێ خوه چاوا برێڤه دبه‌ن و گه‌نده‌لی د كارێ وان دا هه‌یه، یان ژی نینه، و چونكو ل هه‌رێما كوردستانێ مه سه‌رپه‌رشتێن گشتی نینن، ل جهێ هندێ مه لیژنا ده‌ستپاكیێ هه‌یه، كو ئه‌و سه‌ره‌دانا سازیێن ده‌وله‌تێ دكه‌ن و دووڤچوونا كێشێن گه‌نده‌لیێ دكه‌ن، له‌وما مه ئه‌و ناڤه هه‌لبژارتیه.
ناڤهاتی گۆت: ئه‌ڤ شانۆگه‌ریه ژ ده‌رهێنانا من و ماموستا عادل حه‌سه‌ن، هندی بینه‌ر بهێته پێش ئه‌م دێ نیشاده‌ین، هه‌روه‌سا ئاماده‌كرن و سینوگرافیا ژی یا ماموستا عادل حه‌سه‌ن یه،مه باوه‌ری هه‌یه كو دێ خه‌لكه‌كێ زۆر هێنه پێش و ده‌مژمێر و نیڤا یا درێژه، هه‌روه‌سا مه پێشبینی كریه، كو ل چه‌ند رۆژێن ده‌ستپێكێ ئه‌م دێ پتری 1000 پلێتان فرۆشین، ئه‌ڤه شانۆیه‌كا كۆمێدی یه و بینه‌ر دێ خۆشیێ ژێ بینن.
ل دووماهیێ گۆت: نوكه رێڤه‌ریا شانۆیێ ل دهۆكێ نه‌مایه و شانۆ بوویه پشكه‌ك دناڤ رێڤه‌به‌ریا گشتی یا ره‌وشه‌نبیری و هونه‌ری دا ل دهۆكێ، هه‌ر چه‌نده به‌ری نوكه بزاڤێن بچووك یێن شانۆیێ هاتینه ئه‌نجامدان، لێ پشتی سالێن قه‌یرانێ ئه‌ڤه ئێكه‌م شانۆیه ب ڤی ره‌نگێ مه‌زن دهێنه ئه‌نجامدان، كو 11 ئه‌كته‌ران ژ هه‌ردو ره‌گه‌زان پشكداری د ڤێ شانۆگه‌ریێ دا كرینه.
ئه‌ڤرۆ نیوز:
راهێنه‌رێ به‌رنیاس یێ پورتوگالى جوزێ مورینهو نووترین داخویانیا خوه دا به‌حس ل چێوازیا رونالدویێ به‌رازیلى و هه‌ردو ستێرێن جیهانێ یێن نوكه میسى و كریستیانو رونالدو كر.
زێده‌تر وى راهێنه‌رێ پورتوگالى دیاركر راسته ماوێ 15 سالانه هه‌ر ئێك ژ میسى و كریستیانو رونالدو كونترولا باشترینێن جیهانێ كریه لێ هه‌كه به‌حس ل جێوازیا ئاستێ هونه‌رى بكه‌ین دناڤبه‌را رونالدو به‌رازیلى و میسى و كریستیانو ئه‌و یاریزانى به‌رازیلى وه‌كو ئاستێ هونه‌رى گه‌له‌ك ژ ئه‌وان باشتر بوو .
زێده‌تر ناڤبرى دیاركر ژبه‌ر ئه‌و هنگافتنێن به‌رده‌وام ئه‌و یاریزان نه‌شیا به‌رده‌وامى بده‌ته یاریێ و هه‌كه هنگافتن نه‌با ئه‌و یاریزان دا بوو ماوه‌كێ درێژ كونترولا خه‌لاتێ باشترین یاریزانێ جیهانێ كه‌ت و پشتى چوونا وى یاریزانێ ناڤبرى ئه‌وى هه‌تا نوكه چ یاریزانێن وه‌كو وى نه‌دیتى یه هاتین.
هه‌ژى گوتنێ یه ل سالا 1996 مورینهوى سه‌رپه‌رشتیا وى یاریزانى كربوو ده‌مێ ل یانا به‌رشه‌لۆنا كو مورینهو هاریكارێ راهێنه‌رێ به‌رشه‌لۆنا بوو ل وى ده‌مى.
ئه‌ڤرۆ نیوز:
ئه‌ڤرۆ یاریێن خۆلا پلا سێ و دو یێن توركیا یا ته‌پا پێ هاتنه‌كرن و د هه‌ردو خولان دا هژماره‌كا یانێن كوردى تێدا د پشكدارن د خۆلا پلا دو دا سێ یانه ئه‌وژى هه‌ر ئێك ژ یانێن ئامه‌د سپور و ئورڤا سپور و وان سپور .
د كوما ئێكێ دا هه‌ردو یانێن ئامه‌د و ئورڤا سپور نه‌شیان سه‌ركه‌فتنێ توماربكه‌ن ده‌مێ ئامه‌د ل یاریگه‌ها دیاربه‌كر سپور یا نیڤده‌ولى وه‌كهه‌ڤبووى ل گه‌ل یانا سامسونگ بێ گول و یانا ئورڤا د هه‌مان كوم دا توشى خوساره‌تیه‌كا مه‌زن بووى ل سه‌ر ده‌ستێ یانا ئینگول سپور ب چار گولان بێ به‌رامبه‌ر و د یاریێن كوما دوێ دا یانا وان سپور توشى خوساره‌تیا ئێكێ بوو ل وه‌رزێ ئه‌ڤ ساله پشتى بورینا حه‌فت یاریان ده‌مێ ل ناڤ ئه‌رد و جه‌ماوه‌رێ خوه خوساره‌ت بووى ل گه‌ل یانا ئوتاس ئوسكا سپور ب دو گولان به‌رامبه‌ر گوله‌كێ و سه‌راره‌ى وێ خوساره‌تیێ ژى وان سه‌رێ لیستا كوما دوێ پاراست ب 16 خالان كو پێنچ سه‌ركه‌فتن توماركرینه ل گه‌ل وه‌كهه‌ڤیه‌كى و خوساره‌تیه‌كێ.
د خۆلا پلا سێ دا چار یانێن كورى تێدا پشكدارن كو د كوما دوێ دا هه‌ردو نوونه‌رێن كوردستانێ نه‌شیان سه‌ركه‌فتنێ توماربكه‌ن ده‌مێ جزیره سپور وه‌كهه‌ڤبووى ل یاریگه‌ها خوه ل گه‌ل یانا فاتیا سپور بێ گول و ئاگرى 1970 ژ ده‌رڤه‌ى یاریگه‌ها خوه خوساره‌ت بوو ل گه‌ل ئوف سپور ب گوله‌كێ بێ به‌رامبه‌ر و د یاریێن كوما سێ دا د دێربیا كوردستانێ دا دیاربه‌كر سپور شیا ب سێ خالێن گرنگ ژ باتمان ڤه‌گه‌ریت پشتى شیاى سه‌ركه‌فتنێ ل سه‌ر باتمان په‌ترول توماربكه‌ت ب گوله‌كێ بێ به‌رامبه‌ر ئه‌وا ل ده‌قیقا 7+90 هاتیه توماركرن.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ مه‌سرور بارزانى ئه‌ڤرۆ چارشه‌مبى 9/10/2019 ل گه‌ل فوئاد مه‌عسوم سه‌رۆكێ به‌رێ يێ كۆمارا عيراقێ كۆمبوو.
فوئاد مه‌عسوم زێده‌بارى هيڤيا سه‌ركه‌فتنێ بۆ كابينا نه‌هێ يا حوكمه‌تا هه‌رێما كوردستانێ، پشته‌ڤانيا خوه ژى بۆ دانوستاندنێن د ناڤبه‌را هه‌ولێرێ و به‌غدا و گه‌هشتن بۆ چاره‌سه‌ريه‌كێ د چارچۆڤێ دستوورى ده‌ربرى.
سه‌رۆكێ به‌رێ يێ عيراقێ دووپاتى ل وێ چه‌ندێ ژى كر كو پێدڤيه هه‌رێما كوردستانێ رۆلێ خوه يێ گرنگ د ئارامكرنا ره‌وشا عيراقێ و ده‌ڤه‌رێ بگێريت.
ئه‌ڤرۆ نیوز:
رۆژنامه‌كا ئیسپانى دیاركر هه‌ردو یانێن به‌رشه‌لۆنا و ریال مه‌درید شه‌رى ل سه‌ر ده‌ستڤه ئینانا ستێره‌كا ئیسپانى دكه‌ن.
رۆژناما موندو دیپورتیڤو یا ئیسپانى ئاشكرا كریه هه‌ردو یانێن به‌رشه‌لۆنا و ریال مه‌درید هه‌ڤركیا ئێك دكه‌ن بوو ده‌ستڤه ئینانا ستێرا یانا ناپولى و یاریزانێ هه‌لبژارتیێ ئیسپانیا فابیان رویز كو ل هاڤینا بورى ژى ئه‌و یاریزان ئارمانجا هه‌ردو یانان بوو.
هه‌ردیسان وێ رۆژنامێ ئاشكراكریه ژى ئه‌و یاریزان گرێداى هه‌ڤبه‌ستا خوه یه ل گه‌ل یانا ناپولى هه‌تا 2023 كو نوكه بهایێ ڤه‌گوهاستنا ئه‌وى یاریزانى گه‌هشتى یه 60 ملیون یورۆیا .
هه‌ژى گوتنێ یه فابیان رویز ل هاڤینا 2018 ژ یانا ریال بتیس هاتبوو ڤه‌گوهاستن بوو ناڤ رێزێن ناپولى به‌رامبه‌ر 30 ملیون یورۆیا.
ئه‌ڤرۆ نیوز:
لژنه‌یا سزایا ل ئێكه‌تیا ته‌پا پێ یا ئیسپانیا سزایێ یاریزانێ یانا به‌رشه‌لۆنا عوسمان دێمبیلى راگه‌هاند و دو یاریان ئه‌و یاریزان سزادا.
ئێكه‌تیا ته‌پا پێ یا ئیسپانى د نڤێسنه‌كێ دا راگه‌هاندى یه عوسمان دێمبیلى ژلایێ لژنه‌یا سزایا ل سه‌ر ئێكه‌تیا ئه‌وان ڤه دو یاریان سزادایه ژبه‌ر ئه‌و رافتارا وى یاریزانى كرى پشتى كارتا سور وه‌رگرتى و هێرشكریه دادڤانێ وێ یاریێ ماتیو لاهوز كرى و هه‌ردیسان دیاركرى ئه‌و دادڤانه‌كێ نه باشه ژبه‌ر وێ رافتارا وى ئه‌و یاریزان دو یاریان هاته راوستاندن و ل گه‌ل 600 یورۆیان .
نيشاندان