ئه‌ڤرۆ نیوز:
یانا هه‌ولێر به‌رى ده‌مه‌كێ كێم سه‌ركه‌فتنه‌كا ب زه‌حمه‌ت و ب شێوه‌كێ دراماتیكى سه‌ركه‌فتن ل سه‌ر یانا دوز توماركر ب سێ گولان به‌رامبه‌ر دو گولان ژ چارچوڤێ یاریێن گه‌را 32 ژ كاسا عیراقێ.
یانا دوز ده‌ستپێكێ ب رێیا یاریزانێ خوه‌ هاوكار محه‌مه‌د پێشكه‌ڤت و نیڤا ئێكێ د به‌رژوه‌ندیا دوز دا ب دووماهیى هات و ل نیڤا دوێ ل ده‌قیقا 71 دانا عوسمان گولا وه‌كهه‌ڤیێ توماركر و به‌رى ب دووماهیى هاتنا یارى ب پێنچ ده‌قیقا ئاسو روسته‌م گولا دوێ بوو هه‌ولێر توماركر لێ پاش ب سێ ده‌قیقان و ده‌قیقا 88 یاریزانێ یانا دوز حسێن یاسین گولا وه‌كهه‌ڤیێ توماركر و ل ده‌مێ زێده‌كرى ده‌قیقا 90+4 یانا هه‌ولێر ب رێیا حسێن عه‌لى گولا سێ و سه‌ركه‌فتنێ توماركر .

ئه‌ڤرۆ نیوز:

پشتى چوونا هێرشبه‌رێ به‌لجیكى ل هاڤینا ئه‌ڤ ساله‌ ژ یانا مانچێسته‌ر یونایتد به‌رپرسێن وێ یانێ به‌رده‌وام یێ لێگه‌ریانا هێرشبه‌ره‌كێ نوو دگه‌رن وه‌كو پێگوهورێ وى یاریزانى .
مالپه‌رێ “Le10sport” یێ فره‌نسى ئاشكراكریه‌ یانا مانچێشته‌ر یونایتد هێرشبه‌رێ یانا لیون موسا دێمبلى كریه‌ ئارمانجا خوه‌ یا سه‌ره‌كى بوو ڤه‌گوهاستنێن زڤستانا بهێت وه‌كو پێگوهورێ لوكاكوى.
هه‌ردیسان وى مالپه‌رى ئاشكراكریه‌ ژى به‌رپرسێن مان یونایتد دانوستاندن ل گه‌ل یانا لیون كرینه‌ و هه‌تا راده‌یه‌كى هه‌ردو لایه‌ن گه‌هشتى نه‌ رێككه‌فتنێ و چاڤه‌رێ دهێته‌كرن ل ده‌ستپێكا سالا نوو ئه‌و یاریزان په‌یوه‌ندى ب وێ یانا ئنگلیزى بكه‌ت.

ئه‌ڤرۆ نیوز:

به‌رنامه‌یێ شیرنجیتو یێ به‌رنیاس یێ ئیسپانى ئاشكراكریه‌ به‌رپرسێن یانا ریال مه‌درید ل ماوێ بورى دانوستاندن ل گه‌ل ستێرا خوه‌ و گولكه‌رى تیما خوه‌ یێ نوكه‌ كه‌ریم بن زیما كربوون بوو درێژكرنا هه‌ڤبه‌ستا ئه‌وى و به‌رپرسێن وێ یانێ شیان وى یاریزانى رازى بكه‌ن بوو درێژكرنا هه‌ڤبه‌ستا ئه‌وى بوو ماوێ ساله‌كێ .
هه‌ردیسان وى به‌رنامه‌ى ئاشكراكریه‌ ژى بن زیما و به‌رپرسێن یانێ رێككه‌فتى نه‌ هه‌ڤبه‌ستا ئه‌وى بهێته‌ درێژكرن هه‌تا هاڤینا 2022 به‌رامبه‌ر مه‌چه‌یێ سالانه‌ 11 ملیون یورۆ.
هه‌ژى گوتنێ یه‌ هه‌ڤبه‌ستا كه‌ریم بن زیما دێ ل گه‌ل یانا ریال مه‌درید ل هاڤینا 2021 ب دووماهیى هێت كو نوكه‌ موچه‌یێ وى یێ سالانه‌ هه‌شت ملیون یورۆنه‌ و بوو هه‌ڤبه‌ستا نوو 3 ملیون هاتینه‌ زێده‌كرن.