ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ شه‌مبيێ 7/9/2019 ل گه‌ل شانده‌كێ هه‌ده‌په ب سه‌رۆكاتیا سه‌زاى ته‌مه‌للى هه‌ڤسه‌رۆكێ هه‌ده‌په كۆمبوو و ره‌وشا سياسى يا ده‌ڤه‌رێ و په‌يوه‌نديێن هه‌ده‌په و هه‌رێما كوردستانێ و ره‌وشا هه‌ده‌په ل توركيا هاته به‌حسكرن.
به‌رى كۆمبوونێ، سه‌زاى ته‌مه‌للى، هه‌ڤسه‌رۆكێ هه‌ده‌په راگه‌هاند” مه‌به‌ست ژ سه‌ره‌دانا سه‌رۆك بارزانى، وه‌رگرتنا بۆچوونا وى بوو ل سه‌ر پرسێن گه‌رم يێن ده‌ڤه‌رێ، ژ به‌ركو سه‌رۆك بارزانى بۆ كورد و گه‌لان سه‌ركرده‌كێ گرنگه”.
ته‌مه‌للى گۆت ژى” مه‌سعود بارزانى سه‌ركرده‌كێ گرنگ و پێشه‌نگه، ئه‌و نه تنێ بۆ كوردان، به‌لكو بۆ سياسه‌تا ده‌ڤه‌رێ يێ گرنگه”.
ئاماژه ب وێ چهندێ ژى كر كو ئه‌و دخوازن ئاشتى و سه‌قامگيرى ل ده‌ڤه‌رێ به‌رقه‌رار بيت و بزاڤا چه‌سپاندنا ديموكراسيێ د ده‌ن، له‌وما چاره‌سه‌ركرنا پرسا كوردى ل رۆژهه‌لاتا ناڤه‌راست دێ گاڤه‌كا گرنگ بيت.
ژ لايێ خوه‌ڤه سه‌رۆك بارزانى سه‌ره‌دانا شاندێ ناڤبرى بۆ هه‌رێما كوردستانێ ب گرنگ دا زانين و زێده‌بارى ئاماژه دان كو هه‌ر پارچه‌كا كوردستانێ تايبه‌تمه‌نديا خوه يا هه‌ى، راگه‌هاند” بۆ ده‌ركه‌فتنێ ژ ئالۆزيان پێدڤيه لايه‌نێن كوردى وان تايبه‌تمه‌نديان ل به‌رچاڤ وه‌ربگرن كو ل هه‌ر پشكه‌كا كوردستانێ يا هه‌ى”.
سه‌رۆك بارزانى دووپاتى ل وێ چهندێ ژى كر كو هيچ كێشه‌ك ژوان ژى كێشا گه‌لێ كوردى ژىب شه‌ر و توندوتيژيێ ناهێته چاره‌سه‌ركرن ول دووماهيێ پێدڤيه رێچاره‌يا سياسى و ئاشتيانه سه‌ربگريت.
سه‌رۆك بارزانى ب شاندێ مێهڤان راگه‌هاند كو بۆ هاريكاريا چاره‌سه‌ريا ئاشتيانه يا كێشا كوردى ل توركيا و پشكێن دى، ئه‌وا ژ ده‌ستێ بهێت بۆ ڤێ مه‌ره‌مێ دێ ئه‌نجام ده‌ت، سه‌رۆك بارزانى داخواز ژ شاندێ مێهڤان كر كو سه‌ره‌راى ئالۆزى و هه‌بوونا گرفتێن كوور، ب هيچ شێوه‌كى ژ چاره‌سه‌ريا ئاشتيانه بێ ئومێد نه‌بن و رێ نه‌ده‌ن كو هه‌بوونا ناكۆكيێن سياسى ببيته ئه‌گه‌رێ سه‌رهلدانا ناكۆكيا نه‌ته‌وى د ناڤبه‌را كورد و توركان دا.
ئه‌ڤرۆ شانده‌كێ هه‌ده‌په ب سه‌رۆكاتيا سه‌زاى ته‌مه‌للى هه‌ڤسه‌رۆكێ هه‌ده‌په گه‌هشته هه‌ولێرێ و برياره د ده‌مێ چار رۆژان دا چه‌ندين ديدار و چاڤپێكه‌فتنان ل گه‌ل لايه‌نێن سياسى ئه‌نجام بده‌ن.
ئه‌ڤرۆ نيوز:
هه‌موو چاڤ چاڤه‌رێ ڤه‌گه‌ريانا ستێرێن به‌رشه‌لونا ليونێل مێسى و لويس سوارێزى نه پشتى ژ ده‌سپێكا خولا ئسپانيا تووشى هنگافتنێ بووين لێ سه‌نته‌رێ نوشداريێ يێ يانا كه‌تالونى دووماهى پێشهات ل سه‌ر ڤه‌گه‌ريانا ڤان هه‌ردو ياريزانان راگه‌هاندنه‌ك به‌لاڤ كر.
رۆژناما ئاس يا ئسپانى دياركر سوارێز ئه‌وێ د ياريا ئێكێ يا خولێ دا تووشى هنگافتنێ بووى د دووماهى قوناغا خوه چاره‌سه‌ريێ دايه و دهێته پێشبينى كرن بۆ ياريا رۆژا شه‌مبيا بهێت به‌رامبه‌ر يانا ڤالێنسيا ئاماده‌بيت پشتى چار حه‌فتيان ژ دووركه‌فتنێ.
ده‌رباره‌ى هنگافتنا ليونێن مێسى ژى هه‌مان ژێده‌ر ئاشكرا كر ئه‌و ژى ژ هنگافتنا خوه خلاسبوويه و نوكه د قوناغا راهێنانێن هێزا له‌شى دايه و به‌رى ياريا رۆژا شه‌مبيا بهێت به‌رامبه‌ر يانا ڤالێنسيا دێ پشكنينێن هێزا له‌شى بۆ هێنه كرن و بريار ل سه‌ر پشكداريا وى هێته‌دان.
ئەڤرۆ نیوز:
دەزگەهێن راگەهاندنا ئیرانێ دیار کرن کو حەسەن رۆحانی سەرۆک کۆمارێ ئیرانێ دێ ناڤەراستا ڤێ مەهێ بۆ پشکداری کرن د کۆمبوونا ٧٤ یا نەتەوێن ئێکگرتی دێ سەرەدانا ئەمریکا کەت.
ژ ئالیێ خوە ڤە موجتەبا زوننور سەرۆکێ لیژنا ئاسایشا نەتەوی ل پەرلەمانێ ئیرانێ ژی هۆشداری دا سەرۆک کۆمارێ ئیرانێ کو نابیت ب چو رەنگەکێ ل گەل بەرپرسێن ئەمریکا دانوستاندنان بکەت، چونکو ئەو یەک دێ بیتە ئەگەرێ ئالۆزیێن زێدەتر ل ئیرانێ.
ئه‌ڤرۆ نيوز:
وه‌زاره‌تا دارايى و ئابوريا هه‌رێما كوردستانێ ئاشكرا كر سوباهى رۆژا ئێكشه‌مبى 8-9-2019 دێ ده‌ست ب به‌لاڤكرنا مووچێ هه‌يڤا شه‌ش (خزه‌يرانێ) 2019 به‌لاڤ كه‌ت.
گه‌نجينه‌يا وه‌زاره‌تا دارايى ل دووڤ نڤيساره‌كا وه‌زاره‌تا دارايى يا هه‌رێمێ سوبه‌هى دێ مووچێ وه‌زاره‌تا پێشمه‌رگه‌ى و ليوايێن ب سه‌ر ڤه به‌لاڤ كه‌ت.
برياربوو ژ 4/9/2019 ده‌ست ب به‌لاڤكرنا مووچه‌ى بهێته كرن لێ ژ ئه‌گه‌رێ كێشه‌يێن ته‌كنيكى هاته پاشخستن.
ئەڤرۆ نیوز:
بریارە سپێدێ مەسرور بارزانی سەرۆکێ حوکمەتا هەرێما کوردستانێ ل گەل شاندەکێ ژ حوکمەتا هەرێما کوردستانێ ل گەل فراکسیۆنێن کوردی یێن پەرلەمانێ عیراقێ کۆم بیت، د کۆمبوونێ دا دێ بەحسێ رەوشا نها یا عیراقێ و ئاریشێن د ناڤبەرا هەولێرێ و بەغدایێ دا هێتە کرن.
ل گۆر زانیاریێن ئەڤرۆ نیوز سەرۆکێن هەموو فراکسیۆنێن کوردی یێن ل پەرلەمانێ عیراقێ دێ د کۆمبوونا سپێدێ دا بەرهەڤ بن.
ئه‌ڤرۆ نیوز ، زنار تۆڤى:
ره‌نج جه‌عفه‌ر ئه‌حمه‌د نوونه‌رێ راگه‌هاندنێ ل وه‌زاره‌تا پێشمه‌رگێ كوردستانێ، بۆ ئه‌ڤرۆ نیوز دیار كر: ب نڤێساره‌كا فه‌رمى كو ئیمزا وه‌زیرێ پێشمه‌رگێ كوردستانێ ل سه‌ره، تێدا داخوازى هاتیه كرن كو ده‌رماله‌یێن باوه‌رنامێ و پله‌یان بۆ هه‌موو ئه‌فسه‌ر و پله‌دار و پێشمه‌رگه‌یان بهێنه مه‌زاختن، هه‌تا راده‌كێ ئه‌ڤه دێ دۆخێ پشكه‌كێ ژ هێزێن پێشمه‌رگێكوردستانێ خۆش كه‌ت، ل ده‌مێ كو ئه‌ڤ بریاره دكه‌ڤیته د وارێ بجهئینانێ دا، هه‌ر چه‌نده ئه‌ڤ داخوازیا وه‌زاره‌تا پێشمه‌رگه‌ى رادوه‌ستیت ل سه‌ر به‌رسڤدانا جڤاتا وه‌زیران و وه‌زاره‌تا دارایى و هه‌كه ئه‌و ل سه‌ر ڤێ بریارێ رێككه‌فتن و هه‌كه بوودجه‌كێ تایبه‌ت بۆ هاته ته‌رخانكرن، پشتى هنگێ ئه‌ڤ بریاره دێ كه‌ڤیته د قۆناغا بجهئینانێ دا، هه‌تا نوكه ئه‌ڤ بریاره هاتیه پێشكێش كرن، لێ هێشتا نه‌هاتیه جێبه‌جێ كرن، هه‌روه‌سا د وێ نڤێسارا وه‌زاره‌تا پێشمه‌رگه‌ى دا هه‌موو رێژێن ده‌رمالان تێدا هاتینه دیار كرن.
ئەڤرۆ نیوز، عەلی حاجی:
ل روژا ئەینیێ رێکەڤتی ٦/٩/٢٠١٩ د چەند روودانێن جودا دا ، دو گەنجێن زاخۆ گیانێ خوە ژ دەستدان و نەھـ کەسێن دیتر ژی بریندار دبن.
حەمزە رەزیکی، بەرپرسێ راگەھاندنا رێڤەبەریا گشتی یا ساخلەمیا پارێزگەھا دھوکێ بۆ ئەڤرۆ نیوز دیار کر دوھی ل روژا ئەینیێ کچەکا ١٦ سالی بناڤێ فاتیما خشمان،کو خەلکا باژێرێ زاخۆ،د روودانەکا سوتنێ دا،ژبەر رێژەیا سوتنا زێدە یا لەشێ وێ،کو ٨٠٪ سوت بوو،دناڤ نەخوشخانەیا تایبەت ب سوتنێ ڤە ل باژێرێ دھوکێ گیانێ خوە ژدەستدا.
رائید بێوار عەبدولعەزیز بەرپرسێ راگەھاندنا بەرەڤانیا باژێری ل پارێزگەھا دھوک بۆ ئەڤرۆ نیوز گوت: د روودانەکا خەدقینێ دا ل نێزکیک گوندێ سەر ب قەزا زاخۆ ڤە،گەنجەکێ ١٩ سالی بناڤێ ئەحمەد عەبدی کو خەلکێ دەڤەرا زاخۆ بوو،ژ ئەگەرێ نەزانینا مەلەڤانیان ل دەمژمێر ٥:٣٠ خەندقیت،پشتی تیمێن مەیێن نقومەڤانی ل جھێ روودانێ ئامادە بووین،شیان ل دەمژمێر ٦:٠٠ێ ئێڤاری یا ھەمان روژ تەرمێ وی ژ ئاڤێ بیننە دەر و ھاتە رەوانە کرن بۆ پزیشکیا داد ل نەخوشخانا زاخۆ.
ژلایێ خوەڤە ئەمیر عەلی، بەرپرسێ راگەھاندنا ساخلەمیا زاخۆ گوت : شەڤا دەرباز بویی ل روژا ئەینیێ ل نێزیکی دەمژمێر ١٢:٠٠ی شەڤ،ژ ئەگەرێ شەرەکێ دناڤبەرا دو مالان د ب کێر و چەکی،سێ زەلام و ئاڤرەتەک بریندار دبن و دنوکە دا رەوشا وان یا ساخلەمیێ باشتر بویە ،پشتی نوشدارێن نەخوشخانا ھاوار ھاتنێ چارەسەریا پێدڤی بۆ وان برینداران ئەنجام دایی،ئەگەرێن وی شەری ژی بۆ ئاریشەیەکا خێزانی ڤەدگەریت.
ل دور ئامارەکا رێڤەبەریا ھاتن و چوونێ ل قەزا زاخۆ ،د دو روودانێن ھاتن و چوونێ دا ل باژێرێ زاخۆ نەھ کەس بریندار دبن و برینا سێ ژ وان برینداران ژی یا کویرە و ھاتینە رەوانە کرن بۆ نەخوشخانا ھاوار ھاتنێ ل زاخۆ،ھەر دیسان زیانێن مەزن ژی بەر ب ترومبێلێن وان کەڤتن.
نيشاندان