ئەڤرۆنیوز،عەلی حاجی :
پشتی دوھی رۆژا سێ شەمبێ سێ پێشمەرگەیێن خەلکێ زاخۆ ژئەگەرێ نەشارەزاییا وان دەما ڤەگەریانێ ژ ھەولێرێ، ب شاشی بەرەڤ باژێرێ موسل ڤە چووین و ژلایێ حەشدا شەعبی ڤە ھاتینە دەستە سەرکرن،ل بەریا دەمەکێ کێم ھاتنە ئازاد کرن.
ھاشم مەحمود، بابێ ئێک ژ پێشمەرگەیێن دەستە سەر کری ،بۆ ئەڤرۆ نیوز دیار کر پشتی ماوەیێ دو رۆژان کورێ من و دو پێشمەرگەیێن دی ماینە د دەستێ حەشدا شەعبی دا، به‌رى نیف دەمژمێرێ پەیوەندی ژلایێ فەرماندێن پێشمه‌رگێ زێرەڤانی ب مە ھاتە کرن،کو کورێ من و ھەردو پێشمەرگەیێن دی ھاتینە ئازاد کرن و نوکە ل ھەولێرێ نە،بریارە ئەڤ شەڤە ل دەف ھێزێن پێشمەرگەی بمینن و سوباھی پێنچ شەمبێ ڤەگەرنە مال،من ب خوە ژی ب پەیوەندیێ دگەل کورێ خوە ئاخڤتیە و رەوشا وان یا باشە و ب سلامەتن.
ناڤھاتی گوت ژی : ئەز سوپاسیا وان کەسان دکەم یێ شیاین کورێ من رزگار بکەن و ب تایبەتی ژی ھێزێن زێرەڤانی،کو شیاین ل ماوەیەکێ کورت دا کورێ من و ھەردو ھەڤالێن وى ئازاد بكه‌ن.
نيشاندان
