ئەڤرۆ نیوز:
درێژی پێدان ب وان چاكسازیێن شاهزادە (محەمەد بن سەلمان) شاهنشینێ عەرەبستانا سعودی ل وەلاتێ خوە ئەنجام ددەت، قانوونا سەپاندنا لبەركرنا حیجابێ بۆ ژنان هەلوەشاند.
لدووڤ وێ بریارێ، ئێدی هەر ژنەك چ وەلاتیا سعودیێ بیت، یان بیانی بیت و ئاكنجیا وی وەلاتی بیت، دشێن حیجابێ نە پۆشن، هەڤدەم بریار هاتیەدان ئەو كەسە بهێنە سزادان یێن سفكاتیێ ب ژنێن بێ حیجاب دكەن.
بریارا هەلوەشاندنا حیجابێ ل سعودیێ پشت بەستنێ ب ئایەتا قورئانێ كریە كو دبێژیت (لا اكراە فی الدین) ئانكو زۆری لێكرن دئاینی دا نینە.
ئەڤرۆ نیوز:
پشکه‌ك ژ راگه‌هاندنێن ئیتالیا و ئسپانیا ئاماژێ ب وێ چه‌ندێ ددە‌ن، کو لویس سوارێزێ ئوروگوایی و هێرشبه‌رێ به‌رشه‌لونا قۆبیا كریه د تاقیكرنێن وه‌رگرتنا ره‌گه‌زناما ئیتالیا دا، كو ل ڤی دووماهیێ ل زانكۆیا بروجیا یا ئیتالی ئه‌نجامدایە و ئه‌و كاره ب هه‌تكبه‌ری به‌حس كریه.
هەروەسا راگەهاندیە: به‌ری ده‌مێ تاقیكرنێ پرسیارێن زمانێ ئیتالی بۆ سوارێزی هاتینه گوتن و هه‌روه‌سا به‌ری وی ده‌می لسه‌ر نمرا تاقیكرنێ ژی رێككه‌فتینه.
نڤێسینگه‌ها داخوازكه‌رێ گشتی یێ بروجیا ڤه‌كولینا وێ روودانێ ده‌ستپێكریه ل سه‌ر ده‌نگویێ رێکكه‌فتنا پێشوه‌خت یا سوارێزێ و به‌رپرسێن تاقیكرنان، ژ لایه‌كێ دیترڤه زانكۆیا بروجیا راگه‌هاندیه تاقیكرنا سوارێزی یا قانوونی یه و ل دوماهیا ڤه‌كولینێ دا ئه‌ڤ راستیه دێ ئاشكرا بیت.
ئه‌ڤ تاقیكرنا سوارێزی بو وه‌رگرتنا ره‌گه‌زناما ئیتالی بوو، داكو بشێت په‌یوه‌ندیێ ب یانا یوڤێنتوس بكه‌ت، ژبه‌رکو یوڤێنتوس دپێكهاتیێ خودا كورسیێن ڤالا نینن بۆ وه‌رگرتنا یاریكه‌رێن ژ ده‌رڤه‌ی ئێكه‌تیا ئورۆپا.
ئەڤرۆ نیوز:
سەرۆکێ حوکمەتا هەرێما کوردستانێ راگەهاند: سیاسەتا ب عەرەبکرن و گوهۆرینا دیمۆگرافیا دەڤەرێن کوردستانی یێن دەرڤەی ئیدارا هەرێما کوردستانێ، ب تایبەتی ل پارێزگەها کەرکوکێ ب ئاوایەکێ بەرنامە بۆدارێژتی یا بەردەوامە و گۆتیە ژی: بۆ چارەسەرکرنا وی بابەتی، دێ شاندەکێ حوکمەتا هەرێمێ سەرەدانا بەغدا کەت.
ئەڤرۆ سێشەمبێ 22.9.2020، مەسرور بارزانی، سەرۆکێ حوکمەتا هەرێما کوردستانێ د راگەهاندنەکێ دا ئاماژە ب وێ چەندێ کر، ب دلگرانی ڤە چاڤدێریا رەوشا دەڤەرێن کوردستانی یێن دەرڤەی ئیدارا هەرێمێ دکەین، ب تایبەتی ل سنورێ پارێزگەها کەرکوکێ سیاسەتا ب عەرەبکرن و گوهۆینا دیمۆگرافیا وێ ب ئاوایەکێ بەرنامە بۆدارێژتی یێ بەردەوامە.
هەروەسا گۆت ژی: ئەڤ کارێ دوبارە هەمان سیاسەتا ب عەرەبکرنا سەردەمێ رژێما ژ ناڤچوویا بەرێ یا عێراقێ یە ل دژی خەلکێ دەڤەرێ.
ئەڤرۆ نیوز، زنار تۆڤی:
د. ئازاد عەبدولجەبار شێخ حەليم، پروفیسۆرێ هاریکار د وارێ نەخوشیێن زارۆیان دا، سەرۆکێ پشکا زارۆیان ل کۆلیژا نۆشداری ل زانکۆیا دهۆکێ، هاریکارێ رێڤەبەرێ نەخۆشخانا هیڤی یا زارۆیان ل دهۆکێ، بۆ ئەڤرۆ نیوز دیاركر: نوکە ڤایروسێ کۆرۆنایێ بەلاڤەبوویە و وەکو پەرسیڤی لێهاتیە، یا ب زەحمەتە مرۆڤ ژێ قورتالبیت، دبیت مرۆڤ تووش ببیت، لێ سیستەمێ بەرگریا خوە بهێز بێخە و خوە بەرهەڤ بکە، ب ڤی رەنگی:
.دروست بنڤە، چونکی کێم خەوی و خەوا نەرێکخستی سیستەمێ بەرگریێ بێ هێز دکەت.
. وەرزشێ بکە و ب کێمی دەمژمێرەکا پیاسێ، سێ جاران د حەفتیێ دا بکە.
. خوارنا ساخلەم: تشتێ سروشتی بخۆ، وەک فێقیێ خومالی و کەسکاتی، پرۆتینی بخۆ وەک هێک و گوشت و بەقلیاتا، زەیتا زەیتۆنێ بخۆ و شەکرێ کێم بکە یان نەخۆ، هەروەسا فاست فۆدێ نەخۆ.
. فیتامیناتان بخۆ: وەک زنکی( ناهێلیت ڤایرۆس بچیتە دناڤا شانێن مرۆڤی دا)، هەروەسا ڤیتانین ئی و دی و گلوتامین و گلایسینی.
. میلاتونین: بەرگریێ بهێز دکەت و رۆلەکێ باش هەبوو ل دژی ڤایرۆسێ H1N1
. رەش رەشک و چایا کەسک رۆلەکێ باش هەیە بۆ زێدەکرنا بەرگریا جیهازێ نەفەسێ.
. گەلەک ئاڤێ ڤەخۆ، لێ بلا یا تەزی نەبیت.
. سۆبا مریشکێ و کیڤارکا سیستەمێ بەرگریا دەسپێکی ب هێز دکەت.
. سپیناغ و کەلەمی و خەس و زەنجەبیل و فلفل و لیمون بلا هەڤالێت تەبن.
. ماسی و ماست بلا ل بیراتەبن، باشترە د حەفتیێ دا دو جاران ماس بخوی، جارەک قەلاندی و جارەک شەوی.
. یێ ب کەیف بە و خوە نەترسینە و گێولێ خوە خۆش بکە، دەواتێ بکە و سترانا بێژە و دلێ خوە رحەت بکە.
. هەرە بەر حەتاڤێ رۆژانە نیڤ دەمژمێرێ .
. سەرشووشتن: بەرگریێ ب هێز دکەت ب تایبەت ب ئاڤا گەرم و پاش ل بەر هینکاتیێ بۆ دەمەکێ درێژ.
. ڤاکسینا ژ بیرنەکە بۆ زارۆیان و ڤاکسینا ئنفلوەنزا یا وەرزی، دێ بەرگریا لەشێ تە دژی ڤایرۆسان ب گشتی بهێز کەت.
. ژ تایێ نەترسە و بزانە تا ئانکو سیستەمێ بەرگریێ یێ کارێ خوە دکەت.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا چار ھزار و ٧٢٤ حالەتێن نوو یێن کۆرۆنایێ و سێ ھزار و ٦٨٢ حالەتێن باشبوونێ و ٥٧ حالەتێن وەغەرکرنێ ھاتینە تۆمار کرن.
ھەتا نوکە ٣٢٧ ھزار و ٥٨٠ کەس ل عیراقێ تووشی ڤایرۆسێ کۆرۆنایێ بووینە، دیسان هەتا نوکە هەشت ھزار و ٦٨٢ کەسان وەغەرکریە.
ئەڤرۆ نیوز:
سەرۆکێ حوکمەتا هەرێما کوردستانێ ل گەل نوونەرێ تایبەت یێ سەرۆکێ ئەمریکا بۆ کاروبارێن سووریێ کر و د هەڤدیتنێ دا بەحسێ گوهۆرینێن سیاسی ل عیراقێ و دەڤەرێ و هەڤدیتنێن د ناڤبەرا هەرێما کوردستانێ و بەغدا دا هاتنە کرن.
مەسرور بارزانی دیار کر کو هەرێما کوردستانێ دڤێت هەموو ئاریشێن هەی ل گەل بەغدا چارەسەر بکەت و ژ بۆ هندێ ژی دانوستاندنێن هەرێما کوردستانێ و بەغدا بەردەوامن.
جێمز جێفرێ ژی راگەهاند کو هەرێما کوردستانێ پێگەهەکێ خوە یێ گرنگ ل دەڤەرێ هەیە و ئەمریکا دێ بەردەوام پشتەڤانیێ ل هەرێما کوردستانێ کەت.
ئەڤرۆ نیوز:
ل گۆر ئامارا ٢٤ دەمژمێرێن بۆری یا وەزارەتا ساخلەمیا هەرێما کوردستانێ ٦٣٦ کەسێن دی ل هەرێمێ تووشی ڤایرۆسێ کۆرۆنایێ بووینە و هەروەسا ١٧ تووشبوو ژی مرینە.
وەزارەتا ساخلەمیێ ئەو یەک ژی دیار کریە کو ٤٠٣ تووشبوو ژی ب تەمامی باش بووینە.
ل پارێزگەها دهۆکێ ژی ٣٥٣ کەسێن دی تووشی ڤایرۆسێ کۆرۆنایێ بووینە و ٦ تووشبوو ژی مرینە، هەروەسا ١٢٦ نەخوش ژی باش بووینە.
ئه‌ڤرۆ نیوز:
وه‌زاره‌تا ساخله‌میێ و ژینگه‌ها عیراقێ ته‌ئكید دكه‌ت، شاره‌زایێن بیاڤێ نوژداریێ بۆ چاره‌كرنا توشبوویێن ڤایرۆسێ كورونایێ ل عیراقێ هه‌بوون بۆ نینه.
حازم جومه‌یلی برێكارێ وه‌زاره‌تا ساخله‌می و ژینگه‌ها عیراقێ راگه‌هاند شاره‌زایێن چینێ و روسیا دبیاڤێ نوژداری بۆ چاره‌كرنا توشبوویێن ڤایرۆسێ كورونایێ نه‌هاتینه عیراقێ و ل گه‌ل رێكخراوا ساخله‌میا جیهانی د په‌یوه‌ندیێ دانه سه‌باره‌ت پێشهاتێن تایبه‌ت ب ڤه‌دیتنا ڤاكسین و ده‌رمانێ چاره‌كرنا توشبوویێن ڤایرۆسێ كورونایێ.
ده‌ربارێ ده‌ستپێكرنا پرۆسه‌یا خاندنێ ل عیراقێ ناڤبری ئه‌و چه‌نده ژی راگه‌هاند ئه‌و پرسه هاتیه گه‌نگه‌شه‌كرن و نوكه دهێته چاڤه‌رێكرن وه‌زاره‌تا په‌روه‌ردێ راوچوونێن خو ده‌ربارێ ئه‌ڤێ چه‌ندێ بێخنه ری.
ئه‌ڤرۆ نیوز:
ئه‌ڤرۆنیڤرۆ22-9-2020 د.علی ته‌ته‌ر پارێزگارێ دهۆكێ دگه‌ل نوونه‌رێن هۆلێن شه‌هیانا و یاریێن وه‌رزشی كۆمبوو، دكۆمبوونێدا ب ئاماده‌بوونا ماجد سه‌ید صالح جێگرێ پارێزگارێ دهۆكێ ب وه‌كاله‌ت به‌حسێ ره‌وشا خه‌لكێ پارێزگه‌هێ وكارتێكرنا ڤایروسێ كورونا ل سه‌ر ژین وژیارا وه‌لاتی وخودان كاران و رێنمایێن ته‌ندورستی یێن به‌رهنگاربونا ڤایروسی و پێگریا وه‌ڵاتیان ب وان رێنمایان هاته كرن.
نونه‌رێن هۆلێن شه‌هیانا داخاز ژپارێزگا‌رێ دهۆكێ كر كو هاریكاریا وان بكه‌ن و ده‌رگه‌هێن هۆلێن شه‌هیان ڤه‌كه‌ن وبه‌رهه‌ڤیا خو دیاركر كو دێ ب هه‌موو ره‌نگا هه‌ڤكاربن دگه‌ل ژۆرا ئوپه‌راسیونا ودێ پێگریێ ب هه‌موو رێنمایا كه‌ن یێن بو وان دهێنه ده‌ست نیشانكرن.
ژلایێ خوڤه پارێزگارێ دهۆكێ ته‌كه‌زكر كو دڤێت ئه‌م هه‌موو پێگریێ ب رێنمایێن ته‌ندورستی بكه‌ین و ل رۆژێن بهێت ژۆرا ئوپه‌راسیونا ل پارێزگه‌ها دهۆكێ دێ كۆمبوونه‌كێ دگه‌ل نونه‌رێن هۆلا سازكه‌ت وبابه‌تێ ڤه‌كرنا هۆلا گه‌نگه‌شه‌كه‌ت وهه‌كه دیت ڤه‌كرنا وان دبه‌رژه‌وه‌ندایا گشتی دا یه دێ رێنمایێن تایبه‌ت ده‌ركه‌ن وهۆلێن شه‌هیانا ویاریێن وه‌رزشی ل دووڤ وان رێنمایا هێنه ڤه‌كرن.
هه‌ژی گوتنێ یه ئه‌ڤرۆ به‌ری نیڤرو ژماره‌كا خودانێن هۆلێن شه‌هیان ویاریێن وه‌رزشی خرڤه‌بوونه‌كا ئاشتیانه ل به‌ر ده‌رگه‌هێ پارێزگه‌هێ ئه‌نجامدابوو وداخاز كربو كو پارێزگه‌ها دهۆكێ رازیبوونا خو دیاركه‌ت وهۆلێن شه‌هیانا و یاریێن وه‌رزشی بهێنه‌ڤه‌كرن.
نيشاندان