یوڤانتوس چاڤدێریا ڤى یاریزانێ ریال مه‌درید دكه‌ت

30/09/2019 11:43

149

ئه‌ڤرۆ نیوز:
راپورتێن رۆژنامه‌ڤانى ل ئیتالیا وه‌سا دیاركرینه‌ یانا یوڤانتوس یا چاڤدێریا به‌ره‌ڤانێ مه‌غربى یانا بروسیا دورتموند ئه‌شرف حه‌كیمى كه‌ت ئه‌وێ ب شێوه‌یێ خواستن ژ یانا ریال چویه‌ وێ یانا ئه‌لمانى.
زێده‌تر ئه‌وان رۆژناما ئاشكراكریه‌ ژى یانا یوڤانتوس گرنگیه‌كى ب ئینانا وى یاریزانێ نیڤده‌ولى یێ مه‌غربى كریه‌ لێ هه‌تا نوكه‌ بریارا دووماهیێ ل سه‌ر ئینانا ئه‌وى نه‌دایه‌ .
ئه‌شره‌ف حه‌كیمى ئه‌وێ نوكه‌ یارى ب شێوه‌یێ خواستن ل یانا بروسیا دورتموند كه‌ت كو چاڤه‌رێ دهێته‌كرن ل هاڤینا 2021 هه‌ڤبه‌ستا ئه‌وى ل گه‌ل یانا ریال مه‌درید ب دووماهیى بهێـت و یانا ریال مه‌درید ژى هزر ل وێ چه‌ندێ كریه‌ ل هاڤینا بهێت ب فه‌رمى وى یاریزانى بفروشیت به‌رى هه‌ڤبه‌ستا ئه‌وى ب دووماهیى بهێت.

كاره‌با نشتيمانى دێ زێده‌ بيت

30/09/2019 11:34

220

ئه‌ڤرۆ نيوز:

رێڤه‌به‌رێ كۆنترۆلا كاره‌با هه‌رێما كوردستانێ راگه‌هاند كو د هه‌يڤا بهێت دا پێدانا كاره‌با نشتيمانى بۆ وه‌لاتيان دێ زێده‌ بيت و زێده‌تر ژ 21 ده‌مژمێران كاره‌ب دێ بۆ وه‌لاتيان چيت.

ئۆمێد ئه‌حمه‌د، رێڤه‌به‌رێ كۆنترۆلا كاره‌با هه‌رێما كوردستانێ بۆ رووداو راگه‌هاند كو ژ ئه‌گه‌رێ ره‌وشا سه‌قايێ ڤى وه‌رزى، پێدانا كاره‌بێ زێده‌بوويه‌، هه‌كه‌ ره‌وش ب ڤى ره‌نگى بيت، ژ 20 هه‌تا 23 ده‌مژمێران كاره‌با نشتيمانى دێ ب وه‌لاتيان هێته‌ دان. د خرابترين ره‌وش دا دێ 20 ده‌مژمێران كاره‌ب هه‌بيت.

ده‌رباره‌ى داخوازيا ل سه‌ر بكارئينانا كاره‌بێ ژى، ئۆمێد ئه‌حمه‌د گۆت: “نها كۆژمێ 3200 – 3500 مێگاواتێن كاره‌بێ دهێنه‌ به‌رهه‌م ئينان، خواست ژى ل سه‌ر بكارئينانا كاره‌بێ كێمتره‌ ژ 4000 مێگاواتان، ژ به‌ر هندێ هندى خواست و رێژا به‌رهه‌مئينانێ ژ ئێك د نێزيك بن، ده‌مژمێرێن پێدانا خواستا كاره‌بێ ژى دێ زێده‌ بن و نێزيكى 24 ده‌مژمێريێ بيت”.

خێزانا مه‌ یا هه‌ڕفتیه‌

30/09/2019 10:48

740

ئه‌ڤرۆ نيوز:‎ ‎

كچه‌كا 25 سالی دلێ‌ خوه‌ بو ئه‌ڤرۆ ڤه‌دكه‌ت و دبێژیت: مه‌ خێزانه‌كا هه‌رفتی هه‌یه‌ و یا ‏پره‌ ژ ئاریشا و شه‌ره‌ده‌ڤا و كه‌رب و كینێ‌ و ژینگه‌هه‌كا گه‌له‌ك نه‌خوش و نه‌ ئارامه‌، ‏خووشك و برایێن من هه‌موویان شوو كر و ژن ئینا، مه‌ره‌ما وان ژ ڤێ‌ هه‌ڤژینیێ‌ ئه‌و بو ‏كو ژ خێزانێ‌ ب ره‌ڤن داكو رزگار ببن و بچنه‌ د ژیانه‌كا دیتر دا و ژ ڤێ‌ نه‌خوشیێ‌ ‏ده‌ركه‌ڤن و تشتێ‌ وان بڤێت بكه‌ن، لێ‌ سه‌ره‌رای ڤێ‌ چه‌ندێ‌ خووشك و برایێن من د ‏سه‌ركه‌فتی نینن د پروسا خوه‌ یا هه‌ڤژینیێ‌ دا و د په‌شیمانن، من ژی لبه‌ره‌ شوو بكه‌م ‏داكو ژ خێزانا خوه‌ خلاس ببم، به‌لێ‌ ترسا من ئه‌وه‌ ئه‌ز ژی وه‌كو خووشك و برایێن خوه‌ ‏په‌شیمان ببم ئه‌ڤجا هیڤیدارم بو من رێیه‌ چاره‌یه‌كێ‌ هوون چ دبێژن و ئه‌ز چ بكه‌م ؟

خانما هێژا:‏
مخابن ئه‌ڤ چه‌نده‌ د جڤاكێ‌ كورده‌واری دا هه‌یه‌ كو زارۆ ژ مالێ‌ د ڕه‌ڤن و ب رێیا ‏هه‌ڤژینیێ‌ خوه‌ رزگار دكه‌ن بتایبه‌تی كچ ، ژبه‌ركو كچ وه‌سا هزر دكه‌ت هه‌كه‌ خوه‌ ژ ‏خێزانا خوه‌ رزگار كر، دێ‌ ژیانا وێ‌ خوشتر لێ‌ هێت، لێ‌ ئه‌ڤه‌ خه‌له‌تیه‌ و نابیت مروڤ ‏خه‌له‌تیێ‌ ب خه‌له‌تیێ‌ چاره‌سه‌ر بكه‌ت، چونكی هه‌ر كچه‌كا ژ مالبابا خوه‌ ب ره‌ڤیت ب هه‌ر ‏ره‌نگه‌كێ‌ بیت، دێ‌ ل دووماهیێ‌ زڤریته‌ مالا بابێ‌ خوه‌ڤه‌، ژبه‌ركو هه‌لبژارتن یا دروست ‏نینه‌ و بریاره‌كا بله‌ز دایه‌، ژبه‌رهندێ‌ قه‌ت نابیت تو ب رێیا هه‌ڤژینیێ‌ خوه‌ رزگار كه‌ی، ‏لێ‌ دڤێت بزانی ئاریشه‌ چیه‌ و چاره‌ بكه‌ی، چونكی چاره‌سه‌ری ئه‌و نینه‌ كو تو ژ مال ب ‏ره‌ڤی دێ‌ ئاریشه‌ چاره‌سه‌ر بیت، له‌ورا دڤێت تو خوه‌ بگوهوری و هه‌كه‌ تو خوه‌ باش ‏بكه‌ی و بگوهۆری ره‌نگه‌ دایك و بابێن ته‌ ژی ره‌فتاره‌كا باشتر ل گه‌ل ته‌ بكه‌ن و ‏بهێنه‌ گوهورین، ئانكو ئاریشه‌ یا دناڤ ناخێ‌ ته‌ دا و باشتره‌ كێماسیێن خوه‌ دروست ‏بكه‌ی و خوه‌ بنیاسی و هه‌كو ته‌ خوه‌ گوهوری و به‌ر ب ره‌وشه‌كا باش چووی هه‌م دێ‌ ‏هه‌لبژارتنه‌كا دروست كه‌ی و هه‌م ژی دێ‌ ژیانه‌كا ئارام و به‌خته‌وه‌ر بوررینی، ئه‌ڤجا چ ‏پێنگاڤێن خه‌له‌ت نه‌هاڤێژه‌ دا په‌شیمان نه‌بی وه‌ك خووشك و برایێن خوه‌. ‏

به‌رسڤدان: ده‌روونناس ئاواز

گۆشا دلێ خۆ ڤه‌ ل سه‌ر فه‌يسبۆكى

ئه‌ردوگان دێ سه‌ره‌دانا عيراقێ كه‌ت

30/09/2019 10:36

236

ئه‌ڤرۆ نيوز:

بالوێزێ توركيا ل عيراقێ راگه‌هاند كو بۆ ڤه‌كرنا ده‌رگه‌هێ سنورى يێ ناڤبه‌را عيراقێ و وه‌لاتێ وان، هه‌ماهه‌نگيا هه‌رێما كوردستانێ يا پێدڤى يه‌.

فاتح يه‌لدز، بالوێزێ عيراقێ ل توركيا بۆ K24 راگه‌هاند: “بڕياره‌ سه‌رۆك كۆمار ئه‌ردوگان ل دووماهيا ئه‌ڤ ساله‌ سه‌ره‌دانا عيراقێ بكه‌ت، هه‌تا نها بۆ سه‌ره‌دانا خوه‌ ب تنێ عيراق ئێكلا بوويه‌”.

راگه‌هاند ژى كو ل گه‌ل وێ چه‌ندێ خواستا هندێ هه‌يه‌ كو سه‌ره‌دان ل چه‌ند باژێران ژى ب خوه‌ ڤه‌ بگريت ژ وان ژى مووسل، كه‌ركووك، هه‌ولێر، به‌سرا و سلێمانى. “ئه‌ڤه‌ ژى د داهاتى دا دێ ب ته‌مامى هێته‌ ئێكلاكرن”.

ئاماژه‌ ب وێ چه‌ندێ ژى كر كو ل هێلا په‌ترۆلا كه‌ركووك – جيهان هه‌تا نها يا ژ كار كه‌فتيه‌ و ئه‌و و عيراق ژى دخوازن دووباره‌ بێخنه‌ كار و وێ هێلێ مه‌زنتر و به‌رفره‌هتر لێ بكه‌ن، چونكو په‌ترۆلا كه‌ركووك بۆ توركيا و بۆ جيهان ژى زۆر يا گرنگه‌.

ده‌رباره‌ى ده‌رگه‌هى، بالوێزێ توركيا گۆت: “توركيا دڤێت ده‌رگه‌هێ دويێ يێ سنورى ل گه‌ل عيراقێ هه‌بيت، ده‌رگه‌هـ ل ده‌ڤه‌را ئۆڤاگۆى بيت ل نێزيك سلۆپى كو ئه‌ڤ لايێ عيراقێ به‌رامبه‌ر فيشخابۆره‌”.

روون ژى كر كو ل گه‌ل عيراقێ ئاخفتينه‌، به‌لێ ل هه‌مان ده‌م دا پێدڤيه‌ وه‌كو هه‌ر كاره‌كێ دى ئه‌ڤ پرسه‌ د ناڤبه‌را هه‌رێما كوردستانێ و عيراقێ ژى دانوستاندن و هه‌ماهه‌نگى هه‌بيت، “مه‌ دڤێت ئه‌ڤ پرۆژه‌ زوو بكه‌ڤيته‌ كار”.

به‌رشه‌لۆنا هزر ل ڤى یاریزانێ مانچێسته‌ر یوناید كربوو

29/09/2019 23:38

ئه‌ڤرۆ نیوز:
رێڤه‌به‌رێ تایبه‌ت یێ یاریزانێ سویدى و یانا مانچێسته‌ر یوناید ڤیكتور لیندلوف دانپێدان ب وێ چه‌ندێ كر كو یانا به‌رشه‌لۆنا ل ماوێ بورى بزاڤێن ب ده‌ستڤه‌ ئینانا لیندلوف كر بوو.
زێده‌تر حسن سیتینكایا رێڤه‌به‌رێ وى یاریزانى بوو رۆژناما زه‌سه‌ن یا برێتانى ئاشكراكریه‌ ژبه‌ر ئه‌و ئاستێ لیندلوف ئه‌وێ وه‌رزێ بورى ل گه‌ل یانا مان یوناید پێشكێشكرى هژماره‌كا یانێن به‌رنیاس ل سه‌ر ئاستێ ئورۆپا بزاڤێن ب ده‌ستڤه‌ ئینانا ئه‌وى كرن كو ئێك ژ ئه‌وان یانا به‌رشه‌لۆنا بوو كو ب فه‌رمى ده‌ست ب لڤینا كر بوو بۆ ده‌ستڤه‌ ئینانا وى یاریزانێ سویدى.
زێده‌تر رێڤه‌به‌رێ وى یاریزانى دیاركر پشتى ل هاڤینا بورى یانا به‌رشه‌لۆنا نه‌شیاى هه‌ڤبه‌ستا ل گه‌ل یاریزانێ هوله‌ندى و یانا ئه‌یاكس ئه‌مستردام ماتیاس دی لیگت ئیمزا بكه‌ت وێ یانا كه‌ته‌لونى بزاڤكرن هه‌ڤبه‌ستێ ل گه‌ل لیندلوف ئیمزا بكه‌ت لێ یانا مان یوناید ره‌تكر ده‌ستا ژ وى یاریزانێ خوه‌ به‌رده‌ن.

هه‌ژى گوتنێ یه‌ لیندلوف دهێته‌ هژمارتن نوكه‌ ئێك ژ به‌رنیاسترین به‌ره‌ڤانێن جیهانێ و ل سالا 2017 ژ یانا به‌نفیكا هاتبوو ڤه‌گوهاستن بوو ناڤ رێزێن مانچێسته‌ر یوناید و هه‌تا نوكه‌ پشكدارى د 75 یاریان دا كریه‌ ل گه‌ل وێ یانا ئنگلیزى.

فه‌رمانگه‌ها هه‌ماهه‌نگیێ:ئه‌گه‌ر هه‌یه‌ نیڤ ملیۆن ئاواره‌ ژ ده‌نگدانێ بێ به‌هر بن

29/09/2019 20:46

ئه‌ڤرۆ نیوز:

رێڤه‌به‌رێ فه‌رمانگه‌ها هه‌ماهه‌نگیێ و قه‌یرانان ل هه‌رێما كوردستانی راگه‌هاند، هه‌تا نوكه‌ كێشا بێ به‌هربوونا ئاواران ژ پرۆسا ده‌نگدانێ وه‌كو خوه‌ مایه‌ و نه‌هاتیه‌ چاره‌سه‌ركرن و حوكمه‌ت ژى بلا دلنیا بیت كو ئاواره‌ نا زڤرن، چونكه‌ تنێ د ڤێ هه‌یڤێ دا نێزیكى هزار كه‌س ئاواره‌ى هه‌رێما كوردستانێ بووینه‌.

هۆشه‌نگ محه‌مه‌د، رێڤه‌به‌رێ فه‌رمانگه‌ها هه‌ماهه‌نگیێ و قه‌یرانان ل هه‌رێما كوردستانی گۆت” هه‌تا نوكه‌ كێشا ده‌نگدانا ئاواران بۆ هه‌لبژارتنێن جڤاتێن پارێزگه‌ها وه‌كو خوه‌یه‌ و نه‌هاتیه‌ چاره‌سه‌ركرن و ئاواره‌ ژى نه‌شێن بزڤرن، چونكه‌ ئاواره‌ نه‌ تنێ نا زڤرن، بگره‌ جاره‌كا دى یێ ئاواره‌ دبن و تنێ د ڤێ هه‌یڤێ دا 996 كه‌س زڤرینه‌ هه‌رێما كوردستانێ و ل ده‌ستپێكا ئه‌ڤ ساله‌ هه‌تا نوكه‌ نێزیكى 5 هزار كه‌س زڤرینه‌ هه‌رێما كوردستانێ”.

هۆشه‌نگى زێده‌تر بۆ مالپه‌رێ فه‌رمیێ پارتى دیموكراتى كوردستان گۆت” د هه‌لبژارتنێن بۆرى دا ئاواران ده‌نگێ خوه‌ دایه‌ و هیچ كێشه‌ نه‌بوو، به‌لێ حوكمه‌تا عیراقێ بیانبوویان دگریت و دزانیت ئاواره‌ نه‌شێن بزڤرن، له‌وما پێدڤیه‌ چاره‌سه‌ریه‌ك بهێته‌ دیتن و كوردان ژى ل دادگه‌ها فیدرالى سكالا یا تۆماركرى”.

وەرزێ چلی برێ دەست پێ کر

29/09/2019 20:32

188

ئەڤرۆ نیوز، نەوزاد هلوری:

ل سنورێ قەزایێن ئاکرێ و ئامێدیێ، گەلەک دەڤەرێن دى ژی وەرزێ (چلی برێ) بۆ تەرش و کەوالی بۆ وەرزی زڤستانێ دەست پێ کر، پتریا جاران ب زوبارە دهێتە برین.

مێهڤان زێباری، وەلاتیەکێ گوندێ بامشمش ل ناحیا دینارتێ بۆ ئەڤرۆ نیوز گۆت: (ل گوندێن دەڤەرا نەهلێ چلی بر بۆ تەرش و کەوالی بۆ وەرزێ زڤستانێ دەست پێ کر، چونکی دەڤەرا مە ل وەرزێ زڤستانێ خوارن کێمە و بەفر ژی دباریت، لەورا خودانێن تەرش و کەوالی سالانە چەند رۆژان چلی دبرن).

زیدەتر گۆت: (چلی بر ئێکە ژ کارێن گوندان و وه‌ستیانه‌كا زۆر تیدایە، بەلێ پتریا جاران چلی ب زوبارە دهێتە برین، دیسان چلی برینێ شارەزایەکا باش بۆ دڤێت، چلی پشتی برینێ دهێتە کومکرن و پاشى دکەن گیشە).

محەمەد دێرەشی، وەلاتیەکێ گوندێ دێرەشێ ل قەزا ئامێدیێ ، بۆ ئەڤرۆ نیوز دبێژیت: (ئەڤرۆ وەکو پالە ئەز چویمە هاریکاریا مامێ خوە بۆ چلی برێ، راستی چلی بر کارەکێ ب زەحمەتە، پتریا خودانێن تەرش و کەوالی چلی برن، چلی ژی ل دەڤەرێن چیای دهێتە برین، ل وەرزێ زڤستانێ وەکو ئالیک ددەن تەرش و کەوالی، چلی خوشترین و باشترین خوارنە ل وەرزێ زڤستانێ ب تایبەتی ل رۆژێن بەفر بۆ تەرش و کەوالی بهێتەدان).

هێمن هه‌ورامى: چاكسازى دێ د هه‌موو واران دا هێته‌ كرن

29/09/2019 20:27

149

ئه‌ڤرۆ نیوز:

جێگرێ سه‌رۆكێ په‌رله‌مانێ كوردستانێ، هێمن هه‌ورامى دووپاتى ل سه‌ر ئه‌نجامدانا چاكسازیێ كر و ب پرۆسه‌كا پێدڤى ل هه‌رێما كوردستانێ

هژمارت.

هێمن هه‌ورامێ، جێگرێ سه‌رۆكێ په‌رله‌مانێ كوردستانێ ئه‌ڤرۆ ئێكشه‌مبى 29/9/2019 ل گه‌ل ستیڤن ڤاگن كونسۆلێ ئه‌مریكا ل هه‌رێما كوردستانێ كۆمبوو، د وێ كۆمبوونێ دا به‌حس ل په‌یوه‌ندیێ د ناڤبه‌را هه‌رێما كوردستانێ و به‌غدا وچاره‌سكرنرا كێشێن د ناڤبه‌را وان دا د چارچۆڤێ دستوورى هاته‌ كرن.

هێمن هه‌ورامى ئاماژه‌ ب پێدڤیا چاكسازیێ ل هه‌موو سیكته‌رێن هه‌رێما كوردستانێ كر و دووپاتى ل ئێكرێزیا هه‌موو لایه‌نێن سیاسى و فراكسیۆنێن د ناڤ په‌رله‌مانێ كوردستانێ دا ل سه‌ر پرسێن چاره‌نڤیسساز كر.

هه‌ڤده‌م كونسۆلێ ئه‌مریكا ل هه‌رێما كوردستانێ پشته‌ڤانیا ئه‌مریكا بۆ دانوستاندنێن راسته‌قینه‌ بۆ چاره‌سه‌ركرنا هه‌موو كێشێن هه‌لاویستى د ناڤبه‌را هه‌رێما كوردستانێ و به‌غدا د چارچۆڤێ دستوورێ عیراقا فیدرال به‌رچاڤكر.

نەهەمین فیستەڤالا شتى ل ئامەدێ هاتە ئەنجامدان

29/09/2019 20:18

127

ئەڤرۆ نیوز ، زنار تۆڤی:

سالانە فیستەڤالا شتى ل باژێرێ ئامەدێ ل باکوورێ کوردستانێ دهێتە ئەنجامدان و تێدا هژمارەکا مەزن یا جۆتیاران بەرهەمێ خوە یێ شتى تێدا نیشان ددەن و ئەو جۆتیارێ شتیێن وی ژ یێن هەموویان مەزنتر دهێته خەلاتکرن، ئەڤ سالە ژی ل دوماهیا هەیڤا ئیلۆنێ نەهەمین فیستەڤالا شتى ل ئامەدێ برێڤەچوویە.

زینەت دینچەر، رۆژنامەڤانەکە ل ئامەدێ بۆ ئەڤرۆ نیوز گوت: ل دەستپێکا فیستەڤالا ئەڤ سالە یا شتى، چەندین گۆڤەند و دیلانێن کوردی هاتنە کرن، ل هەمبەری چەمێ دیجلەی، پاشی جۆتیارێن ئامەدێ بەرهەمێن خوه‌ یێن شتى نیشا ئامادەبوویان دان، ئەڤ سالە جۆتیارەکێ ب ناڤێ عادل ئایدن، کو خەلکێ چەمێ فراتێ یە ل ئامەدێ، خەلاتێ فیستەڤالێ بر، کو گرانیا ئێک شتیێ وی 67 کیلۆ 600 گرام بوویە.

حوكمه‌تا هه‌رێمێ 6 ملیار دینارێن دى بۆ نووژه‌نكرنا رێیان ته‌رخان كرن

29/09/2019 20:13

128

ئه‌ڤرۆ نیوز:

بریكارێ وه‌زاره‌تا ئاڤه‌دانكرنێ له هه‌رێما كوردستانێ راگه‌هاند، پشتى حوكمه‌تا هه‌رێما كوردستانێ گۆژمێ 33 ملیار دینار بۆ نووژه‌نكرنا رێیێن هه‌رێما كوردستانێ ته‌رخان كرین، شه‌ش ملیار دینارێن دى ژى ته‌رخان كرن بۆ نووژه‌نكرنا رێیا كۆیه‌ – سماقۆلى.

سدقى ئامێدى، بریكارێ وه‌زاره‌تا ئاڤه‌دانكرنێ بۆ مالپه‌رێ فه‌رمى یێ پارتى دیموكراتى كوردستان گۆت” حوكمه‌تا هه‌رێمێ 33 ملیار دینار بۆ نووژه‌نكرنا رێێن هه‌رێما كوردستانێ ته‌رخان كرینه‌ و نوكه‌ نووژه‌نكرنا رێیێن سنورێ حاجى عومران و چۆمان و هه‌ولێر و شه‌قلاوه‌ و سۆران ده‌ستپێكریه‌ و شه‌ش ملیار دینارێن دى ژى بۆ رێیا كۆیه‌ – سماقۆلى هاتنه‌ ته‌رخان كرن، كو هه‌موو دبیته‌ 39 ملیار دینار”.

دیاركر ژى” نوكه‌ قونته‌رچى كارێ به‌رده‌وام دكه‌ن و بریاره‌ هه‌تا هاتنا وه‌رزێ سه‌رمایێ هه‌موو رێ بهێنه‌ نووژه‌نكرن، چونكه‌ حوكمه‌تێ بریار بۆ ده‌ركریه‌ و پاره‌ ژى بۆ ته‌رخان كرینه‌”.

نيشاندان 1...1,000 745746747 1,740 2,740 3,740...4,558 زێده‌تر

لاپه‌ر 746 ژ 4,558