ئەڤرۆ نیوز:
عەباس نیلفرۆشان هاریکارێ فەرماندارێ گشتی یێ پاسداران ئیرانێ راگەهاند کو هەکە ئیسرائیل شیاشیەکێ بکەت و هێرشی ئیرانێ بکەت ئەو دێ وانەکا وەسا دەنە ئیسرائیلێ کو هەتا هەتای ژبیر نەکەت.
هەمان فەرماندارێ ئیرانێ ئەو یەک ژی دیار کر کو ئیرانێ چەکێن گەلەک نوو و مودێرن هەنە کو دشێت ب وان چەکان دربێن کوژەک ل ئیسرائیلێ بدەت.
ئەڤرۆ نیوز:
سەرۆک مەسعود بارزانی ل گەل ئەندامێن فراکسیۆنا پارتی ل خۆلا بۆری یا پەرلەمانێ کوردستانێ کۆمبوو و د کۆمبوونێ دا سەرۆک بارزانی راگەهاند کو ئەندامێن خۆلا بۆری یا پەرلەمانێ کوردستانێ د رەوشێن گەلەک زەحمەت و دژوار دا شیان ئەرکێن خوە ب رەنگەکێ باش بجه بینن و ژ بەر هندێ ژی هەژی رێزگرتنێ یە.
هەر د کۆمبوونێ دا سەرۆک بارزانی بەحسێ رەوشا نها یا عیراقێ و کوردستانێ کر و نێرینێن خوە ل دۆر ئاریشێن د ناڤبەرا هەولێرێ و بەغدایێ و چاوانیا چارەسەرکرنا وان ژی دیار کر.
ئه‌ڤرۆ نیوز،هه‌ژار مه‌عروف:
یاریزانێ كورد و هێرشبه‌رێ یانا هاتا سپور یا توركى مێركان ئایدین ناڤێ وى چوو دناڤا لیستا 10 باشترین یاریزانێن ئه‌لمانى ئه‌وێن پتر گول توماركرین ل سالا 2019.
مالپه‌رێ ترانسفر ماركێت یێ جیهانى لیستا 10 باشترین یاریزانێن ره‌گه‌ز ئه‌لمانى به‌لاڤه‌كرى یه ئه‌وێن پتر گول توماركرین ل سالا 2019 كو دناڤا وێ لیستێ دا ناڤێ یاریزانێ كورد و یانا هاتا سپور یا توركى مێركان ئایدین دناڤدا بوو كو ل سالا 2019 وى یاریزانێ ناڤبرى د 24 یاریان دا شیابوو 12 گولان توماربكه‌ت كو ل قوناغا دوێ یا خۆلا پلا ئێك یا توركیا د 17 یاریان دا شیابوو حه‌فت گولان توماربكه‌ت و ل گه‌ل سێ یاریێن قوناغا پله‌ى ئوف شیابوو دو گولان توماربكه‌ت و چار یارى د كاسا توركیا دا كو شیابوو سێ گولان توماربكه‌ت .
هه‌ژى گوتنێ یه مێركان ئایدین یێ 31 سالى خه‌لكێ باكورێ كوردستانێ یه و خودان دو ره‌گه‌زنامه‌یا ئه‌لمانى و توركى یه و یارى ل یانێن بوخوم یا ئه‌لمانى و ئه‌سكیشه‌هیر و گوزته‌به و ئه‌لتینورد و هه‌تا سپور یێن و دالكورد یا سویدى كریه .
ئه‌ڤرۆ نیوز، عه‌لی حاجی :
د داخویانیه‌كێ دا به‌رپرسێ ئوفیسا زاخۆ یا ده‌زگایێ خێرخوازیێ بارزانیێ نه‌مر بۆ ئه‌ڤرۆ نیوز دیار كر دبه‌رده‌وامیا گه‌هاندنا هاریكاریان دا ژلایێ ده‌زگایێ مه‌ڤه ل هه‌یڤا نه‌ه دا هاریكاریان ماددی ل سه‌ر 100 زارویێن بێ سه‌میان هاتنه به‌لاڤ كرن و چه‌ندین ئامیره ژی ل سه‌ر په‌ككه‌ڤتیان هاتنه به‌لاڤ كرن .
زێده‌تر محه‌مه‌د مه‌هدی گوت : ژ پروژه‌یێ ئازیزانی كوردستان یێ ده‌زگایێ بارزانیێ نه‌مر كو تایبه‌ته ب به‌لاڤ كرنا كوژمه‌یه‌كێ پاره‌یی ل سه‌ر زارویێن بێ سه‌میان ل سنورێ ده‌ڤه‌را زاخۆ،كو ئه‌ڤ پروژه‌یه هه‌ر ماوه‌یێ سێ هه‌تا چار یان ژی شه‌ش هه‌یڤان كوژمه‌یه‌كێ پاره‌یی ل سه‌ر زاروویێن بێ سه‌میان به‌لاڤ دكه‌ین،ل هه‌یڤا نه‌ه دا بۆ 100 زاروویان كو پرانیا وان زاروویێن شه‌هیدان بون هه‌ر زاروویه‌كێ 200 دولار هاتنه دان وه‌كو پروژه‌یێ ئازیزانی كوردستان و ئه‌ڤ پروژه‌یه دێ یێ به‌رده‌وام بیت ژلایێ ده‌زگایێ مه‌ڤه و ئه‌ڤه بۆ ماوه‌یێ چه‌ندین جارایه ئه‌ڤ هاریكاری یه هاتنه به‌لاڤ كرن .
گوت ژی : هه‌ر دڤێ هه‌یڤێ دا 12 ئامیره‌یێن هاتن وچوونێ ل سه‌ر 12 په‌ككه‌ڤتیان ل سنورێ ده‌ڤه‌را زاخۆ هاتنه به‌لاڤ كرن و زێده‌باری وێ چه‌ندێ ژی چه‌ندین پێدڤیێن دیتر ژی ل سه‌ر وان په‌ككه‌ڤتیان هاتنه به‌لاڤ كرن و ئه‌ڤ پروژه‌یه ژی تایبه‌ته بۆ په‌ككه‌ڤتیان و دێ یێ به‌رده‌وام بیت هه‌تا كو هاریكاری دگه‌هیته هه‌می په‌ككه‌ڤتیێن سنورێ ده‌ڤه‌را زاخۆ .
ئه‌ڤرۆ نیوز،عه‌لی حاجی :
ل بن دروشمێ ب پلان دێ كار كه‌ین،ئێكه‌تیا قه‌تابیێن كوردستانێ لقا زاخۆ په‌نه‌له‌ك ل دور چاره‌سه‌ر كرنا كێشه و گرفتیچن قوتابیان دكه‌رتێ په‌روه‌ردێ دا ساز كر و چه‌ندین خالێن وان كێشه‌یان دێ راده‌ستی نڤێسینگه‌هێن ئه‌ندام په‌رله‌مانترێن عێراقێ و كوردستانێ كه‌ت .
ئه‌حمه‌د سه‌عید به‌رپرسێ لقا زاخۆ یا ئێكه‌تیا قوتابیێن كوردستانێ بۆ ئه‌ڤرۆ نیوز دیار كر ئارمانجا مه یا سه‌ره‌كی ژ وێ په‌نه‌لێ ئه‌و بوو ل ده‌ست پێكا هاتنا وه‌رزێ نوویێ هانا خواندنا مه دخاست ئه‌م وان كێشه و گرفتان ده‌ست نیشان بكه‌ین یێ دناڤ كه‌رتێ په‌روه‌ردێ و خواندنا بلند دا دروست دبن و ئه‌م وه‌كو ئێكه‌تیا قوتابیان فوكسا خوه دانینه سه‌ر وان ئاریشه‌یان و رێكێن چاره‌سه‌ریێ ببینن، ب رێیا نڤێساره‌كێ ئه‌م وان ئاریشه‌یا راده‌ستی نڤێسینگه‌ها ئه‌ندام په‌رله‌مانتارێن كوردستانێ و عێراقێ بكه‌ین كو هه‌ر چو نه‌بیت 10% ئه‌و ئاریشه‌یه بهێنه چاره‌سه‌ر كرن،هه‌ر دیسان ب رێیا وێ په‌نه‌لێ ژی مه پلانا خوه یا سالێ راگه‌هاند و كو ئێدی ئه‌م پێخه‌مه‌تی باشتر كرنا ره‌وشا قوتابیلن ب پلان كار بكه‌ین .
گوت ژی : پرلنیا وان ئاریشه‌ییچن دكه‌رتێ په‌روه‌ردێ دا ل زاخۆ هه‌ین كێمیا میلاكێ ماموستایان و نه‌بونا رێژه‌یه‌كا پیچدڤی یا قوتابخانه‌یان و هه‌ر دیسان رێكێن قوتابخانه‌یان،ژبه‌ر كو هنده‌ك قوتابخانه هه‌نه ل وه‌رزێ زڤستانێ دا هاتن و چوونا وێ زورا ب زه‌حمه‌ته بۆ قوتابیان و ئه‌ڤ چه‌نده ژی كارتێكرنه‌كا خراب ل سه‌ر قوتابیان دكه‌ت، پێتشر ژی ئاریشه‌یا كێم بونا په‌رتوكان ژی هه‌بوو به‌لێ هه‌تا راده‌یه‌كێ ئه‌و ئاریشه‌یه هاتیه چاره‌سه‌ر كرن و زێده‌باری وێ چه‌ندێ ژی چه‌ندین كێماسیێن دیتر ژی هه‌نه .
ئه‌ڤرۆ نيوز، نيوار محه‌مه‌د سه‌ليم:
ل رۆژا پێنجشه‌مبى رێكه‌فتى 26ى ئيلۆنا 2019ێ ل باخچێ ئێكه‌تيا نيڤسه‌ران ل دهۆكێ و ب ئاماده‌بوونا جه‌ماوه‌ره‌كێ زۆر، درباس مسته‌فا پرتووكا خوه يا نوو يا ب ناڤێ “گۆله‌ك ژ باغێ كوردا” دا راگه‌هاند و د ڤێ ده‌ربارێ دا، سميناره‌ك ژى پێش كێش كر.
پشتى به‌لاڤكرنا ڤێ پرتووكێ هه‌لبه‌ستڤان و ئاوازدانه‌رێ به‌رنياسێ باژێرێ دهۆكێ شه‌عبان سلێمان ئاواز بۆ ئێك ژ ڤان هه‌لبه‌ستان دانايه و ب ده‌نگێ خۆ گۆتيه.
شه‌عبان سلێمان د داخۆيانيه‌كێ دا بۆ ئه‌ڤرۆ نيوز گۆت: “پشتى برايێ هێژا درباس مسته‌فا، پرتووكا خۆ يا (گۆله‌ك ژ باخێ كوردا) خستيه به‌رده‌ستێ خوانده‌ڤانان، كو پێكهاتيه ژ قه‌فته‌كا هه‌لبه‌ستێن ئه‌حمه‌دێ نالبه‌ند من ئێك ژ وان ئاواز كر و وه‌كو تێست ب ده‌نگێ خوه گۆت”.
گۆله‌ك ژ باغێ كوردان ژ كۆمه‌كا هه‌لبه‌ستێن هه‌لبه‌ستڤانێ ناڤدارێ كورد ئه‌حمه‌دێ نالبه‌ند پێك دهێت كو ب زمانێ كوردى و عه‌ره‌بى هاتينه ڤه‌هاندن و ئه‌ڤ هه‌لبه‌ستن يێن د ناڤ ديوانا وى يا ناڤدار يا ب ناڤێ باغێ كودان دا نه‌يى.
ئه‌ڤرۆ نيوز، نيوار محه‌مه‌د سه‌ليم:
چه‌نده‌كێ به‌رى نها، كۆمبوونا لايه‌نێن سياسى ل هه‌رێما كوردستانێ ب مه‌ره‌ما پشكداريكرن د هه‌لبژارتنێن پارێزگه‌هێن عيراقێ دا ده‌ستپێكر.
كۆمبوون ل باره‌گايێ جڤاتا سه‌ركرداتيا هه‌ولێر يا پارتى ب رێڤه دچيت و تێدا ژماره‌كا زۆر يا حزب و لايه‌نێن سياسى يێن كوردستانى د پشكدارن.
بڕياره د كۆمبوونا ئه‌ڤرۆ دا، دانوستاندن ل دۆر دروستكرنا ليسته‌كا هه‌ڤپشك بۆ پشكداريكرن د هه‌لبژارتنێن جڤاتێن پارێزگه‌هێن عيراقێ دا بكه‌ن.
پشتى 16ى ئوكتۆبه‌رێ و هه‌تا نها ده‌ڤه‌رێن كوردستانى ل پارێزگه‌هێن (كه‌ركووك، نه‌ينه‌وا، ديالا و سه‌لاحه‌دين) روو ب روويێ بزاڤه‌كا زۆر يا ته‌عريبكرنێ دبن و ده‌ركرنا كوردان ل وێرێ ل بن فشارێن جودا يا به‌رده‌وامه.
ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ل ده‌مژمێر 10:00 شه‌ڤ دێربیا مه‌درید دناڤبه‌را هه‌ردو یانێن ئه‌تله‌تیكو مه‌درید و ریال مه‌درید بهێته‌كرن ژ چارچوڤێ یاریێن گه‌را حه‌فتێ ژ خۆلا ئیسپانیا یا ته‌پا پێ .
راهێنه‌رێ یانا ریال مه‌درید زێدان بوو ڤێ یاریێ بوو ده‌زگه‌هێن راگه‌هاندنێ دیاركر هه‌موو ده‌مان به‌رپرساتیه‌كا مه‌زن ل سه‌ر مللێ وى یه كه‌سى یه یێ پوستێ راهێنه‌ریا یانه‌كا وه‌كو ریال مه‌درید وه‌ربگریت و د هه‌مان ده‌م دا ل سه‌ر مللێ یاریزانى ژى یه ژبه‌ركو كرنا یاریێ ل یانه‌كا وه‌كو ریال مه‌درید پێدڤى به‌رپرساتیێ یه و ل سه‌ر ئه‌وان پێدڤى یه ناڤێ یانێ ب ئه‌نجامێن باش ب پارێزن .
هه‌ردیسان ناڤبرى دیاركر ژى ئه‌و دێ هه‌مبه‌رى ئێك ژ ب هێزترین یانه كه‌ت ل سه‌ر ئاستێ ئورۆپا و خولا ئیسپانیا و نوكه هه‌ردو یانه د ره‌وشه‌كا باش دا بورن و ئارمانجا ئه‌وان هه‌ردویان سه‌ركه‌فتنه.
ناڤبرى دیاركر ژى ئه‌وى 25 یاریزان هه‌نه و ژ ئاستێ هه‌موویان یێ رازى یه لێ ئه‌ڤه ته‌پا پێ یه 11 یاریزان دێ یارى سه‌ره‌كى كه‌ن و 11 ژى یه‌ده‌گ به‌ن و ئه‌وى باوه‌رى ب هه‌موو یاریزانێن خوه هه‌یه.
ئه‌ڤرۆ نیوز:
بریاره ئه‌ڤرۆ هژماره‌كا مه‌زن ل سه‌ر ئاستێ خولێن ئورۆپى بهێنه‌كرن .
حه‌فتیا حه‌فتێ ژ خۆلا ئنگلته‌را
شیفلد یوناید و لیڤه‌رپول ده‌مژمێر 14:30
یاریێن ده‌مژمێر 17:00
چێلسى و برایتون
توتنهام و ساوسهمتون
ئه‌ستون ڤێلا و بیرنلى
ولڤرهامبتون و واتفورد
ده‌مژمێر 19:30 ئیڤه‌رتون و مانچێسته‌ر سیتى
خولا ئیسپانیا حه‌فتیا 7
ئه‌تله‌تیكو بلباو و ڤالنسیا ده‌مژمێر 14:00
خیتافى و به‌رشه‌لۆنا ده‌مژمێر 17:00
گرناته و لیگانیس ده‌مژمێر 19:30
ئه‌تله‌تیكو مه‌درید و ریال مه‌درید ده‌مژمێر 22:00
خۆلا ئیتالیا حه‌فتیا 6
یوڤانتوس و سپال ده‌مژمێر 16:00
سامبدوریا و ئه‌نتر میلان ده‌مژمێر 17:00
ساسولو و ئه‌تلانتا ده‌مژمێر 21:45
خۆلا ئه‌لمانیا حه‌فتیا 6
یاریێن ده‌مژمێر 16:30
ماینیز و فولفسبورگ
ئوگسبورگ و بایرن لیفه‌ركوزن
هوفنهایم و بروسیا مشنگلادباگ
بادربورن و بایرن میونیخ
لایبزگ و شالكه
یاریا بروسیا دورتموند و فێرده‌برێمه‌ن ده‌مژمێر 19:30
خۆلا فره‌نسا حه‌فتیا 8
لیون و نانت ده‌مژمێر 14:30
بوردو و پاریس سانجێرمان ده‌مژمێر 18:30
یاریێن ده‌مژمێر 21:00
موناكو و ستاد برێست
نیس و لیل
ئه‌نجه و ئه‌میان
ستاد رێمس و دیجون
خۆلا پورتوگال حه‌فتیا 7
به‌نفیكا و ڤیتوریا سیتوبال ده‌مژمێر 21:00
خولا هوله‌ندا حه‌فتیا 8
فی فی فی فینلو و هێرنڤین ده‌مژمێر 19:30
ئه‌یاكس ئه‌مستردام و غرونینڤین ده‌مژمێر 20:45
فورتانا سیتارد و سپارتا روتردام ده‌مژمێر 21:45
خولا توركیا حه‌فتیا 6
ئالانیا سپور و سیڤاس سپور ده‌مژمێر 17:30
گه‌لاته‌سه‌راى و فه‌نه‌ربخجه ده‌مژمێر 20:00
نيشاندان