ئەڤرۆ نیوز، نەوزاد ھلۆری:
حەمید ئامێدی، ھاریکارێ رێڤەبەرێ گەشتوگۆزارا ئامێدیێ بۆ ئەڤرۆ نیوز دیارکر کو ئەڤ سالە ھەمبەری سالا بوری ب رێژا 30 بو 35% رێژا ھاتنا گەشتیاران بو جھێن گەشتوگۆزار و ھاڤینگەھێن سنورێ قەزا ئامێدیێ زێدەبویە و گۆت: (ل سنوورێ قەزا ئامێدیێ 50 جھێن گەشتوگۆزاری یێن تومارکری ھەنە و چو مەترسی لسەر نینن، دبەرامبەر دا ھژمارەکا دی یا جھێن گەشتوگۆزاری ھەنە بەلێ ژ ئەگەرێ مەترسیا بوردومانا فروکێن تورکیا لسەر ھەیە).
ئه‌ڤرۆ نیوز:
پشتى ل شه‌ڤا بورى یانا به‌رشه‌لۆنا شیاى سه‌ركه‌فتنه‌كا گرنگ ل سه‌ر یانا ڤیاریال توماربكه‌ت ب دو گولان به‌رامبه‌ر گوله‌كێ ژ چارچوڤێ یاریێن گه‌را شه‌شێ ژ خۆلا لالیگا ئیسپانى .
راهێنه‌رێ یانا به‌رشه‌لۆنا ڤالڤێردى پشتى یاریێ بوو ده‌زگه‌هێن راگه‌هاندنێ دیاركر ئه‌و ب باشى چوونه دناڤ یاریێ دا و شیان هه‌ر زیكا كونترولا یارى بكه‌ن و دو گولان توماربكه‌ن لێ ل دووماهیا نیڤا ئێكێ ئه‌و توشى چه‌ند ئاریشا بوون لێ ل نیڤا دوێ جاره‌كا دى ئه‌و شیان كونترولا یاریێ بكه‌ن.
هه‌ردیسان ناڤبرى دیاركر ژى ئه‌و ل یاریگه‌ها خوه كامپ نوو ئاسته‌كێ باش پێشكێش دكه‌ن و ئه‌نجامێن سه‌ركه‌فتى ب ده‌ستخوڤه دینن و ب ئومێدن ل یاریێن بهێت دا ژى ژ ده‌رڤه‌ى یاریگه‌ها خوه ژى ئه‌نجامێن باش ب ده‌ستخوڤه بینن .
سه‌باره‌ت هنگافتنا میسى ناڤبرى دیاركر هنگافتنا ئه‌وى ئه‌و هه‌تا نوكه چ نزانن ئه‌و چاڤه‌رێ راپورتا نوژدارى نه .
ئه‌ڤرۆ نيوز:
د. سعید عەلی بەرواری سەرۆکێ لقێ دهۆک یێ سەندیکا نۆشدارێن ددانان بو نۆش نیوز دیارکر کو ب هەلکەفتا سالڤەگەرا دوێ یا ریفراندۆما کوردستانێ سوباهی رۆژا 25ى ئيلۆنا 2019، هەموو نۆشدارێن ددانان بێ بەرامبەر دێ پشکنینا نەخۆشان کەن و گۆت: بو خزمەتێن دی یێن نۆشداریا ددانان ژی ب رێژا 25% داشکاندن دێ هەبیت.
د نڤیسارەکێ دا 20 تاقیگەهێن دهۆکێ و زاخۆ و سێمێلێ بریار دایە ب هەلکەفتا سالرۆژا ریفراندۆما کوردستانێ ب رێژا 25% بهایێن هەموو پشکنینان کێم بکەن.
ل دووف نڤیسارەکا سەندیکا دەرمانسازێن کوردستانێ لقێ دهۆک، ب هەلکەفتا بوورینا دو سالان لسەر ریفراندۆمێ ل هەرێما کوردستانێ.
19 دەرمانخانە لسنورێ پارێزگەها دهۆکێ دێ دەرمانان ب بێ مفا دەنە نەخۆشان.
ئه‌ڤرۆ نيوز:
تایبەتمەندەکا نەخۆشیێن پیستی و جوانکاریێ ل دھۆکێ دیارکر کو ئیک ژ ئاریشێن بەربەلاڤ دناڤ خەلکێ مە دا نوکە زێدەبوونا قورمچینا دێم و سەروچاڤێن خەلکی یە.
د. سنور سوبحی ئاکرەی، تایبەتمەندا نەخۆشیێن پیستی و جوانکاریێ ل دھۆکێ بۆ نۆش نیوز دیارکر کو نشتەگەریێن جوانکاریێ ل دھۆکێ بەلاڤ بووینە و یێ زێدە ژی دبن و پتریا نشتەگەریان ژی بۆ سەروچاڤان دھێنە ئەنجامدان ژلایێ وەلاتیان ڤە، نوکە زەلام ژی جوانکاریێن سەروچاڤا ئەنجام دەن و قەستا مە دکەن بۆ جوانکرنا دێم و سەروچاڤیێن خوە پتر ژی یێن زێدەبوونا قورمچینێ ئەڤە بوویە ئاریشەکا مەزن نوکە پتریا حالەتێن نشتەگەریان یێن قورمچینا دێمێن مرۆڤی نە و گۆت: راستی حالەتێن قورمچینێ گەلەک یێ زێدەبن ئەم بۆ وان چارەسەر دکەین و کچ و ژن ژی پتر جوانکاریێن لێڤا ئەنجام ددەن ئەڤە گەلەک بەربەلاڤن دناڤ خەلکێ مە دا و خەلکەک حەز دکەت لێڤێن خوە چێکەت.
ئاشکەرا کرکو قورمچین ژبەر زێدەبوونا ژیێ مرۆڤی دروست دبن و ھندەک حالەت ژی ھەنە پەەیوەندی ب مەزنبوونا ژیێ مرۆڤێ ڤە نینە، بەلکو پەیوەندی ب پیستی ڤە ھەیە ئەوژی وەستیانا پیستی یە کو دبیتە ئەگەر سەروچاڤیێن مرۆڤی ب قورمچن و کلاجین کێم دبیت، بەلێ قورمچین ب گشتی ب ژیێ مرۆڤێ ڤە دگرێداینە ئەم ب رێیا دەرمانێ بودوکس چارەسەر دکەین کو رێکەکا تایبەتە و ئەو قورمچین بەرزە دبن، بەلێ نە بوو ھەتا ھەتایێ، بەلکو ب تنێ بۆ دەمێ شەش ھەیڤان قورمچین بەرزە دبن و پشتی ھینگی دیاردبنە ڤە پێدڤیە ئەو کەس جارەکا دی چێکەت .
د.سنور ئاکرەی دبێژیت: ئاموژگاریێن مە ب گشتی بۆ وەلاتیان ئەون کو چو جۆرە دەرمانەکێ جوانکاریێ بکارنەئینن بێ بزانن ئەو جۆری دەرمانێ چیە ، چونکو حالەت دھێنە دەڤ مە بۆ وان ئاریشە یێن ژ کەرەستێن جوانکاریێ دروست بووین کو پیستی وان تیکچوویە ژبەر ب کارئینانا ھندەک دەرمانان دوور ژ مەرج و رینمایێن نوشداران.
ئەڤرۆ نیوز،عەلی حاجی:
ل بەریا دەمەکێ کێم ل تاخەکێ ژ باژێرێ زاخۆ تەرمێ ھاولاتیەکێ ھاتە دیتن و پشتی دەزگاێن ئەمنی گەھشتنە جھێ دەست نیشانکری ئەو تەرمە ھاتە ڤەگوھاستن بۆ پزیشکیا داد ل باژێرێ دھوکێ .
ل دور ڤێ چەندێ ئەمیر عەلی ، بەرپرسێ راگەھاندنا ساخلەمیا زاخۆ بۆ ئەڤرۆ نیوز دیار کر ل دەمژمێر ٨:٢٠ خولەکێ سپێدەھیا ئەڤرۆ تەرمێ ھاولاتیەکێ تەمەنێ وی نێزیکی ٣٥ ھەتا ٤٠ سالی ھاتە دیتن ل نێزیک دادگەھا کەڤن ل زاخۆ ، پشتی دەزگەھێن ئەمنی گەھشتینە جھێ دەست نیشان کری ، کو ھاولاتیەکە دئاڤێ دا خەندقی یە بەلێ چو ناسنامەک و تشتەک دگەل دا نەبوو،پشتی تەرمێ وی بۆ پزیشکیا داد ل نەخوشخانا زاخۆ ھاتیە رەوانە کرن وەسا دیار بوو ئەڤە دەمەکێ درێژە ئەڤ کەسە خەندقی یە و جھێ برینا ڤێ کەڤتنا تەحتان دناڤ ئاڤێ دا و برینا جھێ ماسیان ژی ل سەر تەرمێ وی دیار بوو.
گوتژى: دنوکە دا تەرمێ وی ھاتە ڤەگوھاستن بۆ پزیشکیا داد ل باژێرێ دھوکێ و ھەتا نوکە چو کەسەک ژکەس و کارێن وی دیار نەبویە و ئەم نوزانین ئەڤ کەسە کیە و خەلکێ کیڤەیە و چو تشتەکێ فەرمی ژی پێ نەبویە دەما تەرمێ وی ھاتیە دیتن ل بەر لێڤێن خابیری ل زاخۆ .
ئه‌ڤرۆ نیوز:
به‌رى ده‌مه‌كێ كێم یانا به‌رشه‌لۆنا ل یاریگه‌ها خوه كامپ نوو شیا سه‌ركه‌فتنه‌كا گرنگ ل سه‌ر یانا ڤیاریال توماربكه‌ت ب دو گولان به‌رامبه‌ر گوله‌كێ ژ چارچوڤێ یاریێن گه‌را شه‌شێ ژ خۆلا لالیگا ئیسپانى .
هه‌ژى گوتنێ یه یانا به‌رشه‌لۆنا ل وه‌رزێ ئه‌ڤ ساله شه‌ش یارى دخۆلا لالیگا دا كرینه شیا سێ سه‌ركه‌فتنا توماربكه‌ت ل گه‌ل وه‌كهه‌ڤیه‌كێ و دو خوساره‌تیا.
https://www.youtube.com/watch?v=c5JCihVgvRw
ئه‌ڤرۆ نیوز:
یانا یوڤانتوس ل ڤه‌گوهاستنێن زڤستانا بورى بزاڤێن مه‌زن كرن بوو ڤه‌گوهاستنا ستێرا ئیسپانى و یانا ریال مه‌درید ئیسكو كو ل ڤه‌گوهاستنێن هاڤینا ئه‌ڤ ساله ژى به‌رپرسێن وێ یانێ حه‌زا ئیمزاكرنا ئه‌وى هه‌بوو لێ ژبه‌ر چه‌ند ئه‌گه‌ران ڤه‌گوهاستنا ئه‌وى سه‌ر نه‌گرت.
رۆژناما كاتشیو مێركاتو ئیتالى ئاشكراكر ئیسكو ئێك ژ ئارمانجێن سه‌ره‌كى یێن یانا یوڤانتوس بوو ل وه‌رزێ بورى كو تایبه‌ت ل ڤه‌گوهاستنێن زڤستانا بورى كو به‌رپرسێن وێ یانا ئیتالى چه‌ندین كومبوون ل گه‌ل به‌رپرسێن یانا ریال مه‌درید كرن و هه‌تا راده‌یه‌كێ مه‌زن گه‌هشتبوونه رێككه‌فتنێ .
هه‌ردیسان وێ رۆژنامێ ئاشكراكریه ژى راهێنه‌رێ یوڤانتوس یێ وه‌رزێ بورى ماسیملیانو ئه‌لگیرى پشته‌ڤانیه‌كا مه‌زن كر بوو ڤه‌گوهاستنا ئیسكو كو وێ یانا ئیتالى كوژمێ 90 ملیون یورۆیا به‌رهه‌ڤكرن بوون بۆ ڤه‌گوهاستنا ئیسكوى.
هه‌ردیسان وى مالپه‌رێ ئیتالى دیاركریه ژى پشتى چوونا ئه‌لگیرى و هاتنا راهێنه‌رێ نوو یێ یوڤانتوس ماوریسیو سارى هه‌ر تشت هاتنه گوهورین وى و وى راهێنه‌رێ نوو داخوازى ژ یانێ كر ل جهێ وى كوژمێ پاره‌ى بده‌نه ڤه‌گوهاستنا ئیسكو هه‌ڤبه‌ستێ ل گه‌ل به‌ره‌ڤانێ یانا ئه‌یاكس ئه‌مستردام ماتیاس دى لێخت ئیمزا بكه‌ن و وى یانێ ئه‌و داخوازیا ئه‌وى ب جه ئینا .
ئه‌ڤرۆ نیوز:
سكرتێرێ هونه‌رى یێ یانا به‌رشه‌لۆنا ئێریك ئه‌بیدال یێ فره‌نسى ل ده‌ستپێكا ڤێ حه‌فتیێ به‌ر ب وه‌لاتێ ئیتالیا چوبوو بۆ دانوستاندنان ل گه‌ل یانا ناپولى بۆ ڤه‌گوهاستنا ستێره‌كا وێ یانێ .
راپورتێن ئیتالى ئاشكراكرینه ئه‌بیدال سكرتێرێ هونه‌رى یێ یانا به‌رشه‌لۆنا ل دووماهیى یاریا یانا ناپولى به‌رامبه‌ر لیتشى ژ خۆلا ئیتالیا ئاماده‌بوو، پشتى وێ یاریێ كومبوون ل گه‌ل به‌رپرسێن وێ یانێ كربوون بۆ بزاڤێن ب ده‌ستڤه ئینانا ستێرا هێلا ناڤینا وێ یانێ ڤابیان رویز كو نوكه ئه‌و یاریزان ئێك ژ ئارمانجێن سه‌ره‌كى یێن یانا به‌رشه‌لۆنا یه.
هه‌ردیسان ئه‌وان رۆژنانا ئاشكراكریه ژى سه‌رۆكێ یانا ناپولى ئوریلیو دى لورینتیس بوو ئه‌بیدال ئاشكراكریه یاریزان ل ڤى ده‌مى نه‌بوو فروتنێ یه و ئه‌وان هزرا فروتنێ نه‌كریه و ده‌ستدا ژ یاریزانى به‌رناده‌ن.
ل دیڤ گوتنا ئه‌وان رۆژناما ئه‌بیدال د راپورتا خوه دا ب رێژه‌یا هه‌ره مه‌زن په‌سنا ئه‌وى یاریزانى كریه و داخوازى ژ به‌رپرسێن یانێ كریه ب زیترین ده‌م هه‌ڤبه‌ستێ ل گه‌ل ئه‌وى یاریزانى ئیمزا بكه‌ن ژبه‌ركو شیانێن گه‌له‌ك مه‌زن هه‌نه و دێ مفایه‌كێ مه‌زن ژ شیانێن ئه‌وى بینن .
هه‌ژى گوتنێ یه رویز ل هاڤینا سالا 2018 ب كوژمێ 30 ملیون یورۆیا ژ یانا ریال بتیس هاتبوو ڤه‌گوهاستن بوو یانا ناپولى و نوكه هژماره‌كا مه‌زن یا یانێن به‌رنیاس ل سه‌ر ئاستێ ئورۆپا هه‌ڤركیا ب ده‌ستڤه ئینانا ئه‌وى دكه‌ن كو به‌رامبه‌ر كوژمه‌كێ گه‌له‌ك مه‌زن.
نيشاندان