ئەڤرۆ نیوز،عەلی حاجی :

د داخویانیەکێ دا ھاریکارێ سەروکێ زانکویا زاخۆ بۆ کاروبارێن قوتابیان بوۆ ئەڤرۆ نیوز دیار کر ناڤەندەکا تایبەت ب پرکرنا فورمێن سیستەمێ زانکولاین دناڤ زانکویا زاخۆ دا ھاتیە ڤەکرن و بێ بەرامبەر فورمان بۆ قوتابیان پر دکەن.

دکتور کاروان فەھمی زێدەتر گوت ژی : دگەل کاراکرنا سیستەمێ زانکولاین ، وەکو زانکویا زاخۆ رابوین ب دانانا ناڤەندەکا تایبەت بۆ پرکرنا فورمێن سیستەمێ زانکولاین بۆ قوتابیان بێ بەرامبەر،ئەڤ ناڤەندە ژلایێ ماموستا و فەرمانبەرێن زانکویا زاخۆ دھێتە ب رێڤەبرن وھەر ئەو ب خوە ژی فورمان بۆ قوتابیا پر دکەن، سالانە ژی وەکو زانکو ناڤەندەکێ دانین ب مەرەما پرکرنا فورمێ بۆ قوتابیان،روژانە ب سەدەھان قوتابی سەرەدانا زانکویێ دکەن و بێ ھیچ جیاوازیەک ئەم خزمەتا وان قوتابیان دکەین.

گوت ژی : ئەڤ ناڤەندە دێ بەردەوام بیت ھەتا ژڤانێ کاراکرنا سیستەمێ زانکولاین ب دوماھی دھێت،ئارمانجا مە یا سەرەکی ژڤەکرنا ڤێ ناڤەندێ ئەو بوو کو گەلەک قوتابی ژئەگەرێ خەلەتیەکا بچیک ناڤێ وی ل جھەکێ دەردکەڤیت کو نە ل گورەی نمرا وی بوو،ھەر دیسان مە ئەکاوەنتەک ژی دروست کری یە ل دور چاوانیا چارەسەرکرنا خەلەتیێن دپێشکێشکرنا فورمان دا ھاتیە کرن و ھەر دیسان سالانە ئەڤ ناڤەندە ژلایێ زانکویێ ڤە دھێتە ڤەکرن .

ئەڤرۆ نیوز،عەلی حاجی :

د داخویانیەکێ دا رێڤەبەرێ ناحیا دەرکارێ بۆ ئەڤرۆ نیوز ئاشکەرا کر ژئەگەرئێ شەرێ بەردەوامێ تورکیا و پەکەکێ ھەتا نوکە ٩ گوندێن مەسیحیان ل سنەرێ ناحیا دەرکارێ ھاتینە چولکرن .

زێدەتر زیرەڤان موسا گوت : ژبەر بوردوانا بەردەوام یا ھێزین تورکیا و ھەبونا ھێزێن پەکەکێ ل دەڤەرێ،ھەتا نوکە ٩ گوندێن مەسیحیان ل سنورێ ناحیا دەرکارێ ھاتینە چول کرن،دئەڤ سالە دا ژبەر بوردومانا سوپایێ تورکیا کو دبیتە ئەگەر توپەک ب مالەکا ھاولاتیێ مەسیحی دکەڤیت و ژبەر ترسا بەردەوام یا توپبارانکرنێ دبیتە ئەگەر کو ھاولاتیێن شەرانشا مەسیحیان گوندێ خوە چول بکەن ژ نەچاری،ھەر دیسان گوندێ دەشتە تەخێ ئاڤایە بەلێ خەلکێ وی گوندی نەچار بویە گومدێ خوە چول بکەن و پشکا دی یاگوندێن مەسیحیان ژبەر شەری ھەتا نوکە نەھاتینە ئاڤاکرن.

ناڤھاتی گوت ژی : ھەکە شەرێ تورکیا و ھێزێن پەکەکێ ل وان دەڤەرا نەبایە دا زێدەتر حکومەتێ ھەرێما خزمەتگوزاریان بەتە وان دەڤەرێن ھاتینە چول کرن،ھەردیسان چو مەترسیەک ل سەر ژدەست دانا وان دەڤەرێن مەسیحیان نینە کو کەسەک دی بشێت دەست دانیتە سەە ملکێ ھاولاتیێن مەسیحی،بەلێ گەلەک جاران ژی ھندەک ژ ھاولاتیێن دەشتە تەخێ سەرەدانا جھـ و ورێن خوە دکەن.

ئه‌ڤرۆ نیوز، نه‌وزاد هلۆرى:

پشتى كو كه‌نالێ وار دبه‌رنامه‌كێ دا به‌حس ل شارستانیا رۆژهه‌لاتا ناڤه‌راست كرى و تێدا مێهڤانه‌كێ وان به‌حس ل ئیسلامێ كرى، كارڤه‌دانێن مه‌زن ل پشت خوه‌ هێلان، پارێزه‌ره‌كێ دادگه‌ها دهۆكێ دیاركر كو چوار سالا هه‌تا نوكه‌ هاتینه‌ توماركرن.

پارێزه‌ر به‌هدین ده‌شتانى ل دادگه‌ها دهۆك تایبه‌ت بۆ ئه‌ڤرۆ نیوز گۆت: (ئه‌ڤرۆ سپێدێ هژماره‌كا ماموستایێن ئاینى قه‌ستا دادگه‌ها دهۆكێ كر، هه‌تا نوكه‌ چوار سالا ب فه‌رمى ل سەر کەنالێ وار و مێهڤانێ وان هاتینه‌ توماركرن و ره‌نگه‌ سكالا توماركرن به‌رده‌وام ژى بیت).

زێده‌تر گۆت: (ب گوره‌ى ماددا 172 یا قانونا سزایێن عیراقى ڤه‌كولین یا به‌رده‌وامه‌، سزایێ وان ژى دێ حه‌بس بیت كو پتر نه‌بیت ژ سێ سالان).

ئه‌ڤرۆ نیوز، نه‌وزاد هلۆرى:

ئه‌ڤرۆ ل تاخێ به‌روشكێ ژنه‌كا ب ره‌گه‌ز عه‌ره‌ب یا دو گیان كه‌فته‌ به‌ر په‌روانێ مالیده‌كا كاره‌بێ و گیانێ خوه‌ ژ ده‌ست دا، جێگرێ رێڤه‌به‌رێ نه‌خوشخانا ته‌نگاڤیان ژى بۆ ئه‌ڤرۆ نیوز دیاركر كو زاروكێ وێ ژى گیانێ خوه‌ ژ ده‌ست دا.

د.عه‌بدوللا ئێحسان، جێگرێ رێڤه‌به‌رێ نه‌خوشخانا ته‌نگاڤیان یا فێركارى بۆ ئه‌ڤرۆ نیوز گۆت: (ئه‌ڤرۆ رودانه‌كا دلته‌زین ئینا نه‌خوشخانا ته‌نگاڤیان ل دهۆكێ ئه‌و ژى كو ژ ئه‌گه‌رێ مالیده‌كێ كاره‌به‌كێ ژنه‌كێ گیانێ خوه‌ ژ ده‌ستدایه‌، هه‌ر چه‌نده‌ ژن گه‌هشته‌ نه‌خوشخانێ، به‌لێ جهێ داخێ یه‌ ب رێڤه‌ گیانێ خوه‌ ژ ده‌ست دابو، ژبه‌ركو سه‌رێ وێ كه‌فت بو به‌ر مالیدێ كاره‌بێ و پرانیا سه‌روێ وێ لێڤه‌ ببو).

ل بارا زاروكێ وێ ژى گۆت: (مه‌ بله‌زترین شێوه‌ نوژدارا ژن و زاروكبوونێ هایداركر، به‌لێ جهێ داخێ یه‌ زاروكى ژى گیانێ خوه‌ ژ ده‌ست دابوو).

ب گوره‌ى پێزانینێن ئه‌ڤرۆ نیوز، ئه‌و ژنه‌ ب ره‌گه‌ز عه‌ره‌به‌ و خواست تێشتا سپێدێ بو هه‌ڤژینێ خوه‌ ببه‌ت كو كرێكاره‌ ل سه‌ر مالیده‌كا تاخێ به‌روشكێ، ده‌رسوكا وێ دكه‌ڤیته‌ به‌ر په‌روانێ مالیدێ و دهێته‌ كێشان.