ئه‌ڤرۆ نیوز، عه‌لى حاجى :
دداخویانیه‌كێ هاریكارێ سه‌رۆكێ زانكویا زاخۆ بۆ كاروبارێن قوتابیان بۆ ئه‌ڤرۆ نیوز راگه‌هاند ل سه‌ر ئاستێ هه‌موو زانكویێن وه‌لاتێ عیراقێ شیا رێزا ئێكێ ب ده‌ست خوه‌ڤه بینیت ل سه‌ر سیسته‌مێ ئونلاینێ و رێزا 749 ل سه‌ر ئاستێ جیهانێ ب ده‌ست خوه‌ڤه ئینات.
دكتور كاروان فه‌همى زێده‌تر گۆت: بۆ جارا ئێكێ یه زانكویا زاخۆ ل سه‌ر ئاستێ زانكویێن عێراقى پلا ئێكێ و یا جیهانى رێزا 749 ب ده‌ست خوه‌ڤه دئینیت ل سه‌ر سیسته‌مێ ئونلاینێ و بۆ ئێكه‌م جاره ژى زانكویه‌كا عیراقێ ناڤێ وى دچیته دناڤ لیستا زانكویێن ناڤێ وان دناڤ هزار زانكویان دا ، ئه‌ڤ رێزبه‌ندى یه ل سه‌ر وێ چه‌ندێ یه كو زانكویان چه‌ند ئونلاین هه‌یه، كو ل دووڤ وێ رێزبه‌ندیێ دیار دبیت زانكویا زاخۆ هه‌شت ملیون به‌ك لینك هه‌نه ، كو زێده‌ترى 25 زانكویان ژى ل سه‌رانسه‌رى جیهانێ شكدارى تێدا كرى یه و ئه‌ڤ رێزبه‌ندیه شه‌ش هه‌یڤان جاره‌كێ ژلایێ ده‌زگایێ وێبو مه‌تریكس ڤه دهێته ئه‌نجام دان.
ناڤهاتى گوت ژى : ئه‌ڤ رێبه‌ندیه ل سه‌ر چه‌ند پێنچ پیڤه‌ران دهێت و زێده‌تر زانكویا زاخۆ ژى پشت به‌ستنا خوه دانایه سه‌ر كارێن ئه‌لیكترونى و هه‌ر دیسان به‌ری حه‌فتیه‌كێ ژى زانكویا زاخۆ رێزبه‌ندیا شه‌شێ ب ده‌ست خوه‌ڤه ئینا ژ روویێ ب كار ئینانا ڤه‌كولینان، نێزیكى شه‌ش زانكویێن دیتر ژ رێزبه‌ندیا جیهانى دا ل پێشیا زانكویا زاخۆ هێنه لادان ژبه‌ر كو وان زانكویان ڤه‌كولینێن هنده‌ك زانكویێن دیتر بناڤێ خوه ب كارئیناتینه و دێ ل رێزبه‌ندیا بكار ئینانا ڤه‌كولینان ژى به‌ره‌ڤ پێش ڤه چین.
نيشاندان
