ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى ئيلونا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.400 دينار |
| 100 يۆرۆيێ ئه‌ورۆپى | 133.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
لژنا دارايى ل په‌رله‌مانێ كرودستانێ دێ سكالايێ ل سه‌ر قانوونه‌كا رێڤه‌به‌ريا دارايى ل عيراقێ تۆمار كه‌ت، چونكو قانوون هه‌ڤدژى دستوورێ عيراقێ يه.
د قانوونێ دا هاتيه كو هه‌رێما كوردستانێ پێدڤيه پرۆژێ قانوونا بوودجا خوه ب هنێريته وه‌زاره‌تا دارايى هه‌تا بهێته په‌سه‌ندكرن، به‌لێ د دستوورى دا هاتيه كو هه‌رێما كوردستانێ دشێت ل په‌رله‌مانێ خوه، بوودجا خوه په‌سه‌ند بكه‌ت. ئه‌ڤه ژى د وى ده‌مى دا دبيت كو به‌غدا پشكا بوودجا هه‌رێما كوردستانێ ژ بوودجا گشتى ديار بكه‌ت.
بۆ ڤێ مه‌ره‌مێ ژى نها لژنا دارايى ل په‌رله‌مانێ كوردستانێ رێكارێن قانوونى گرتينه به‌ر بۆ تۆماركرنا سكالا قانوونى ل دژى ڤێ بڕيارێ.
ئه‌ڤرۆ نيوز، نيوار محه‌مه‌د سه‌ليم:
وه‌زيرێ خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو د چه‌ند رۆژێن بهێت دا، دێ زانكۆلاين هێته كارا كرن و ئه‌ڤ ساله دێ خواندنا ماسته‌ر و دكتورايێ ژى هێته ڤه‌كرن.
ئه‌ڤرۆ رۆژا پێنجشه‌مبى ب هه‌ولێر ب چاڤدێريا مه‌سرور بارزانى، سه‌رۆكێ حوكمه‌تا هه‌رێما كوردستانێ، كۆنگره و پێشانگه‌ها رۆژهه‌لاتا ناڤه‌راست بۆ خواندن و ته‌كنۆلۆژيايێ و قوتابيان ده‌ست ب كارێن خوه كر.
ئه‌ڤ كۆنگره ب مه‌زنترين كۆربه‌ند و ب ئێك گه‌هشتنا زانكۆ و په‌يمانگه‌هـ و قوتابخانه و ته‌كنۆلۆژيا دهێته دانان ل گه‌ل فێرخوازان و بڕيارده‌ران و بسپۆرێن ناڤخۆ و نێڤده‌وله‌تى يێن كه‌رتێ په‌روه‌ردێ و خواندنا بلند و هه‌تا 8ى ئيلۆنێ دێ يا به‌رده‌وام بيت و رۆژانه ژ ده‌مژمێر 10:00 هه‌تا 06:00ى ئێڤارى ب ده‌مێ هه‌ولێر چالاكى دێ ب رێڤه چن.
د چارچۆڤێ ڤه‌كرنا ڤێ پێشانگه‌هێ دا، ئارام محه‌مه‌د، وه‌زيرێ خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ دا، راگه‌هاند كو د چه‌ند رۆژێن بهێت دا پلانا وه‌رگرتنێ دێ هێته كارا كرن و د چاڤ سالێن بۆرى دا كورسێن خواندنێ يێن زێده‌تر دێ هێنه دابينكرن.
گۆتژى: “د چه‌ند رۆژێن داهاتى دا رێنمايێن خواندنا ماسته‌ر و دكتورايێ دێ ب رێڤه چن و شيانێن ئنگليزيێ ژى دێ كه‌ڤنه د چارچۆڤێ سه‌نته‌رێن زمانى دا”.
ده‌رباره‌ى خواندنا پارالێل ژى، وه‌زيرێ خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو “كريا خواندنێ دێ هێته كێمكرن”.
پێشتر د كۆمبوونا جڤاتا وه‌زيران دا، خواندنا بلند و ڤه‌كۆلينێن زانستى راگه‌هاندبوو كو ئه‌وان دڤێت سيسته‌مێ خواندنا بلند ب ره‌نگه‌كێ وه‌سان بهێته دارێتن كو ئێدى رێگر بيت ل چوونا ژ ده‌رڤه يا سامانى گشتى يێ وه‌لاتى.
ئه‌ڤرۆ نيوز:
کچەکا 25 سالی دلێ خوە ڤەدکەت و دبێژیت: سەرەدەریا دایکا من گەلەک یا خرابە ل گەل من و زور ئیزعاجا من دکەت، ھەردەم پت پتێ و گازندا ل من دکەت و دبێژیت ئەڤە کەس ناھێت تە بخوازیت تو پیر بوی کچ خالا تە، کچ مەتا تە، جیرانا مە، فلانی و بێڤانی… شوو کر و ھێشتا تە شوو نە کریە و کەس ناھێتە خوازگینیێن تە تو دێ قەیرە بی، ئەڤ چەندە گەلەک یا بو من نەخوشە و ئاخفتنێن دایکا من زور کارتێکرنێ ل دەروونێ من دکەن، ھەرچەندە ھەتا نھا کەس نەھاتیە من بخوازیت، لێ من ئەو باوەریا ھەی کو ھێشتا رزقێ من نەھاتیە وەکی دژی خو ئەز ناچم بێژمە خەلکی وەرن من بخوازن و لدووڤ گەنجا بکەڤم، ژبەرکو جڤاکێ مە نە ئەو جڤاکە و دێ بو من ب کێماسی زڤریت بەس نزانم چاوا باوەریێ بو دایکا خو چێکەم کو ئێدی فشارێ ل من نەکەت؟
کچا ھێژا:
پروسا ھەڤژینیێ ھند یا ب ساناھی نینە، ژبەرکو شوو کرن و ژن ئینان نە کراسەکە مرۆڤ بکەتە بەر خوە و دەمێ کەڤن بو ل بەر خوە بکەت، ئەڤجا ھەکو مرۆڤ بریارا ھەڤژینیێ ددەت دڤێت باش ھزرا خوە بکەت داکو ھەلبژارتنەکا دروست بکەت، ھەکە ھەلبژارتنا دروست بیت مرۆڤ ل پاشەروژێ تووشی ئاریشان نابیت، راستە دایکا تە فشارێ ل تە دکەت و ھەستێن تە بریندار دکەت، لێ ھشیار بی چ بریارێن شاش نەدەی و دڤێت تو یا ب تەحەمول بی و لێ نەگری، پێدڤیە تو ب رەنگەکێ جوان دانوستاندنێ ل گەل دایکا خوە بکەی و وێ تێ بگەھینی و باوەریێ بو چێکەی کو تە دڤێت ھەڤژینیەکا باش پێک بینی، د جڤاکێ کوردەواری دا دیاردا چاڤلێکرنێ ھەیە و مخابن د شوو کرن و ژنئینانێ ژی دا ئەڤ چاڤلێکرنە ھەیە، حەتا د عەشق و ئەڤینیێ ژی دا ھەیە!، ئەڤ چاڤ لێکرنە یا خەلەتە و نابیت مرۆڤ لدووڤ بچیت، ھەکە ھاتو تە بریارەکا بلەز دا و ب ڤێ رێیێ تو ژ گازندێن دایکا خوە ب رەڤی و ل گەل کەسەکێ ھەڤژینیێ پێک بینی کو ل گەل تە نەگونجیت ھینگێ دێ تووشی شکەستنێ بی ئەڤجا یا ھشیار بی.
ئه‌ڤرۆ نيوز:
ژ نوكه و پێڤه ل ده‌مێ هه‌بوونا هه‌ر خه‌مساريه‌كێ ژ لايێ ئه‌فسه‌ر و كارمه‌ند و فه‌رمانبه‌رێن وه‌زاره‌تا ناڤخوه ل هه‌رێما كوردستانێ، وه‌لاتى دشێن ب رێيا لينكه‌كێ تايبه‌ت سكالايێن خوه تۆمار بكه‌ن.
ب گۆره‌ى ده‌نگوباسه‌كێ وه‌زاره‌تا ناڤخوه ل هه‌رێما كوردستانێ كو ئاراسته‌ى وه‌لاتيان هاتيه كرن، ل ده‌مێ هه‌بوونا هه‌ر خه‌مساريه‌كێ ژ لايێ ئه‌فسه‌ر و كارمه‌ند و فه‌رمانبه‌رێن وه‌زاره‌تا ناڤخوه، وه‌لاتى دشێن ب رێيا لينكه‌كێ تايبه‌ت سكالايێن خوه تۆمار بكه‌ن.
هه‌ر ل دووڤ ناڤه‌رۆكا وێ فۆرمێ چه‌ند پێرابون هاتينه دياركرن كو وه‌لاتى ب راستى و دروستى و باوه‌رى پێ كرن دشێن ئه‌و سكالا و گازنده و ره‌خنێن خوه بگه‌هيننه جهێ مه‌ره‌مێ و پاشى ڤه‌كۆلين و دووڤچوون دێ بۆ هێته كرن و بريارێن پێدڤى ل دۆر وان دێ هێنه دان.
ب كليككرنا وێ پشكێ، ژ چه‌ندين خانه‌يان پێكهاتيه ئه‌وژى: ناڤێ كه‌سێ سكالايێ تۆمار دكه‌ت و هژمارا مۆبايلا وى كو ب كه‌يفا خوه يه وان بنڤيسيت، ئانكو ئه‌و كه‌سێ سكالايێ تۆمار دكه‌ت دشێت ناڤێ خوه و همارا مۆبايلا خوه نه نڤيسيت.
بۆ تۆماركرنا سكالايان ڤى لينكى كليك بكه:
ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى ل هه‌رێمێ به‌رهه‌ڤيان دكه‌ت بۆ كێمكرنا كريا خواندنێ ل زانكۆ و په‌يمانگه‌هێن تايبه‌ت و كريا خواندنا پارالێل دكه‌ت.
عه‌باس ئه‌كره‌م، په‌يڤدارێ وه‌زاره‌تا خواندنا بلند و ڤه‌كۆلينێن زانستى ل هه‌رێما كوردستانێ راگه‌هاند” د چارچۆڤێ رێفۆرمێ پلانێن پێشخستنا كه‌رتێ خواندنا بلند ل هه‌رێما كوردستانێ، ب مه‌ره‌ما پاشخستنا كه‌رتێ خواندنا بلند ل كوردستانێ، وه‌زاره‌تا خواندنا بلند به‌رهه‌ڤيان دكه‌ت بۆكێمركنا كريا خواندنێ ل زانكۆ و په‌يمانگه‌هێن تايبه‌ت و كريا خواندنا پارالێل ل زانكۆيان دا”.
گۆت ژى” بۆ ڤێ چه‌ندێ چاڤه‌رێ دهێته كرن ل ده‌مه‌كێ نێزيك هوورده‌كارى و بزاڤێن كێمكرنا كريا خواندنێ ل زانكۆ و په‌يمانگه‌هێن تايبه‌ت بۆ رايا گشتى بهێنه به‌رچاڤكرن”.
دياركر” كريا خواندنێ كاريگه‌ريێ ل سه‌ر كواليتيا خواندنێ ناكه‌ت و ئارمانج ژى ژ ڤێ بزاڤا وه‌زاره‌تێ ل به‌رچاڤ وه‌رگرتنا ره‌وشا دارايى يا خه‌لكێ كوردستانێ و په‌يداكرنا ده‌ليڤا زێده‌تر يا خواندنێ و پێشڤه‌برنا شيانێن گه‌نجێن هه‌رێما كوردستانێ يه”.
ئەڤرۆنیوز،سەباح زوهێر زێباری:
حسێن هێرش نوبەدارێ کارگێری ل نه‌خوه‌شخانا هەوارهاتنا ئاکرێ بۆ ئەڤرۆنیوز دیارکر کو ئەڤرۆ ئێڤاری دەمژمێر ٥ گه‌نجه‌كێ ب ناڤێ(عبداللە عزیز عبداللە) کو خەلکێ گوندێ کەلاتێ یە ل ناحیا بجیل ل قه‌زا ئاکرێ كو كارێ وى پێشمه‌رگه‌يه و د ژیێ ۲۳سالیێ دایە و خێزاندارە ،ل دەمێ پاقژكرنا چەکێ خوه دمالدا گوله‌يه‌ك ژ دەستی چوویە دەر و ب زکێ وی كه‌فتيه و ب مخابنی ڤە د ئەنجامدا گیانێ خوه ژ دەست دایە.
ناڤهاتی گۆت ژی کو ژبەرکو گۆلە ل جهەکێ مەترسی کەفتبوو، ئەندامێن لاشی یێن ناڤ زکێ وی دا زیانەکا مەزن گه‌هشتبوويێ و خوین بەربوون بۆ دروست ببوو، لەوما هەتا گەهشتیە نه‌خوه‌شخانێ گیانێ خوه ژدەست دابوو، تەرمێ ناڤبری ژی هاتيه هنارتن بۆ نوشداریا داد ل باژێرێ دهۆکێ.
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ چارشه‌مبى 4/9/2019 پێشوازى ل نۆليڤيێ ديكۆنتى كونسۆلێ گشتيێ نوو يێ فره‌نسا ل هه‌ولێرێ كر.
د ديداره‌كێ دا كونسۆلێ گشتيێ فره‌نسا ل هه‌ولێرێ سلاڤێن سه‌رۆكێ فره‌نسا و وه‌زيرێ ده‌رڤه‌يێ فره‌نسا گه‌هاندنه سه‌رۆك بارزانى و خوه‌شخاليا خوه ژى ب هه‌بوونا سه‌قامگيريێ ل هه‌رێمێ و ده‌ستبكاربوونا حوكمه‌تا نوو يا هه‌ريمێ نيشاندا و دووپاتى ل دۆستايه‌تيا د ناڤبه‌را گه‌لێ فره‌نسا و گه‌لێ كوردستانێ كر.
هه‌روه‌سا راگه‌هاند كو وه‌لاتێ وى ب ئه‌رێنى سه‌حدكه‌ته باشتربوونا په‌يوه‌نديێن د ناڤبه‌را هه‌ولێرێ و به‌غدا و دياركر كو سه‌قامگيريا هه‌رێما كوردستانێ بۆ فره‌نسا يا گرنگه و وه‌لاتێ وىحه‌زا پێشڤه‌برنا په‌يوه‌نديان و به‌رده‌وامبوونا وان د پشته‌ڤانيكرنا هه‌رێما كوردستانێ دا يا هه‌ى.
ژ لايێ خوه‌ڤه سه‌رۆك بارزانى سوپاسيا سه‌رۆك و و وه‌زيرێ ده‌رڤه‌يێ فره‌نسا كر و هيڤيا سه‌ركه‌فتنێ بۆ كونسۆلێ نوو يێ فره‌نسا ل هه‌ولێرێ خواست، زێده‌بارى ئاماژه دان ب په‌يوه‌ندى و دۆستايه‌تيا ديرۆكى يا گه‌لێ كوردستانێ و گه‌لێ فره‌نسا، سوپاسيا سه‌رۆك و حوكمه‌تێن فره‌نسا كر كو ل رۆژێن ته‌نگاڤ و شه‌رێ داعشێ دا پشته‌ڤانێن گه‌لێ كوردستانێ بوون.
ل دۆر گه‌فێن داعشێ و هزرا توندره‌ويا وێ، سه‌رۆك بارزانى دووپاتكر كو ئه‌و هۆكارێن بووينه ئه‌گه‌رێ په‌يدابوونا داعشێوهزرا توندره‌ويێ، هێشتا نه هاتينه چاره‌سه‌ركرن، له‌وما مه‌ترسيا ب هێزبوونا تيرۆرێ يا هه‌ى.
نيشاندان