ئه‌ڤرۆ نیوز، مه‌حمود نهێلی
ژ بۆ سڤكرنا بارێ كاره‌بێ و چاره‌سه‌ركرنا ئاریشه‌یان و كێمكرنا قوتبوونێ و گه‌هاندنا كاره‌بێ بۆ هنده‌ك جهێن نوو ده‌ست ب راکێشانا چار فیده‌رێن نوو یێن كاره‌بێ هاتیه كرن كو دێ ل وێسته‌گه‌هێ دێره‌لۆك هێنه ڤه‌گوهاستن و پتر ژ ئێك ملیار دینار ل سه‌ر بودجێ داهاتێ كاره‌بێ بو هاتینە تەرخانکرن.
سائیر ئامێدى، ئه‌ندازیارێ سه‌رپه‌رشتێ پرۆژه‌ى بۆ ئه‌ڤرۆ نیوز دیاركر، كو ئه‌ڤە پرۆژه‌یەکی گرنگه ل ده‌ڤه‌رێ دهێته ئه‌نجامدان وكێشانا ڤان فیده‌ران ژ وێسته‌گه‌هێ دێره‌لۆك دێ گه‌له‌ك ژ ئاریشه‌یێن كاره‌بێ ل ده‌ڤه‌رێ چاره‌سه‌ركه‌ت .
گۆت ژى : به‌رى نوكه بتنێ چار فیده‌ر ل ڤى ویسته‌گه‌هێ هاتبوونه كێشانه نوكه دێ چار فیده‌رێن دى هێنه زێده‌كرن و هه‌ر تاخه‌كى دێ فیده‌رێ خوه یێ تایبه‌ت هه‌بیت زێده‌بارى فیده‌ره‌كى تایبه‌ت دێ بۆ كومه‌لگه‌ها هێتوتێ و ناحیا شێلادزێ هێته كێشان.
ناڤهاتى ئاشكرا ژى كر، كو وان ل به‌ره فیده‌ره‌كى تایبه‌تێ شه‌ڤێ بۆ گوندێن گه‌له‌كا و مه‌هیدێ و هه‌روه‌سا هاریكا بهێته كێشان ، ژ به‌ر نه‌بوونا موه‌لیده‌یان ئه‌و ب شه‌ڤێ پێدڤى ب كاره‌بێ نه و گۆت: ( د پلان دایه چه‌ندین پرۆژه‌یێن دیترێن كاره‌بێ ل ده‌ڤه‌رێ بهێنه جێ به‌جێ كرن).
نيشاندان