ئەڤرۆ نیوز،عەلی حاجی :

سپێده‌یا زوو یا ئه‌ڤرۆ  وه‌لاتیەکێ روژئاڤایێ کوردستانێ د ناڤ مالا خوە دا خوه‌ خەندقینیت ، ئەگەرێن خوە کوشتنا وی ژی نەھاتینە زانین.

ئەمیر عەلی، بەرپرسێ راگەھاندنا ساخلەمیا زاخۆ،بۆئەڤرۆ نیوز دیار کر” ل دەمژمێر ٢سپێده‌یا زوو یا ئه‌ڤرۆ ژئەگەرەکێ نەدیار زەلامەکێ خێزاندار کو وه‌لاتیەکێ رۆژئاڤایێ کوردستانێ یە د ژیێ ٢٤ سالیێ دا بوو ل کومەلگەھا (چەم کورکێ) ل قەزا زاخوۆ د ناڤ مالا خوە دا خوه‌ خەندقینیت بێ ھیچ کەسەکێ ئاگەھدار بکەت،وه‌لاتیێ ب ناڤێ حاجی خێزاندارە و بۆ ماوەیەکە ل کومەلگەھا چەم کورکێ دژیت و نوکە تەرمێ وی بۆ پزیشکیا داد ل نه‌خوه‌شخانا زاخۆ ھاتیە ڤەگوھاستن .

ئه‌ڤرۆ نیوز، نه‌وزاد هلۆرى:

ژ ئه‌گه‌ره‌كێ نه‌دیار ئاگر به‌ربویه‌ نێزیكێ هاڤینگه‌ها خالانه‌ ل سنوورێ ناحیا شێلادزێ و هه‌تا نوكه‌ نه‌هاتیه‌ كونترۆلكرن، ژ ئه‌نجامێ ئه‌وى ئاگرى سه‌دان دونه‌مێن دارستان و پوش و پاوان و ره‌زێن ترى و سماقێ سوتینه‌.

عه‌بدوللا محه‌مه‌د سه‌دیق، هه‌لبژێرێ گوندێ هلورا بۆ ئه‌ڤرۆ نیوز گۆت: (ئه‌ڤرۆ ده‌وروبه‌رێن نیڤرۆ ئاگر به‌ربویه‌ نێزیكێ هاڤینگه‌ها خالانه‌ ل سنوورێ گوندێ هلورا و زیانێن زۆر ب ژینگه‌هـ و دارستان و ره‌زێن سماقێ و ترى ل خالانه‌ گه‌هاندینه‌).

زێده‌تر گۆت: (ژبه‌ركو رێیا گه‌هشتنا ترومبێلێ نینه‌، هه‌تا نوكه‌ تیمێن به‌ره‌ڤانیا باژێرى نه‌شیاینه‌ بچن بو ڤه‌مراندنا ئاگرى، هنده‌ك ژ وه‌لاتیێن گوندى بزاڤێ دكه‌ن كو ئاگرى كونترول بكه‌ن، به‌لێ ژبه‌ركو ئاگر یێ مه‌زنه‌ كونتروكرنا وى یا ب زه‌حمه‌ته‌، بڤى ره‌نگى به‌رده‌وام بیت دێ زیانێن زۆر مه‌زنتر ب ژینگه‌هـ و دارستان و ره‌زێن سماقێ یێن خه‌لكى گه‌هیت).

ناڤبرى دیاركر ژى كو ئه‌گه‌را ئاگرێ خالانه‌ هه‌تا نوكه‌ نه‌هاتیه‌ زانین و زێده‌تر گۆت: (رۆژانه‌ هژماره‌كا زۆرا گه‌شتیار و وه‌لاتیان ب مه‌ره‌ما گه‌شت و سه‌یران و بوراندنا ده‌مه‌كێ خو قه‌ستا هاڤینگه‌ها خالانه‌ دكه‌ن، دیسان هژماره‌ك ژى ب مه‌ره‌ما چنینا سماقێ قه‌ستا چیایى دكه‌ن، له‌ورا گرنگه‌ پاراستن لسه‌ر سوتنا سرۆشتێ خالانه‌ بهێته‌كرن).