ئەڤرۆ نیوز:
دەزگەهێن راگەهاندنا تورکیا دیار دکەن کو عەلی باباجان جێگرێ بەرێ سەرۆک وەزیرێن تورکیا بۆ پارتا خوە یا نوو سەرەدانا گەلەک کەسایەتیێن کورد ل تورکیا کریە و داخوازا هاریکاریێ ژ وان کریە.
هاتە زانین باباجانی داخوازا هاریکاریێ ژ ئالتان تان ئەندامێ بەرێ یێ پەرلەمانێ تورکیا ژی کریە کو د ناڤ پارتا وی یا نوو دا جه بگریت، لێ ئەو یەک ژ ئالیێ ئالتان تانی ڤە هاتیە رەتکرن.
ئه‌ڤرۆ نیوز، عه‌لى حاجى:
دكتور لاوین هابیل ئه‌ندامێ لیژنا هه‌ڤپشك ل زاخۆ، بۆ ئه‌ڤرۆ نیوز دیار كر دماوه‌یێ حه‌فتیا بورى دا د به‌رده‌وامیا كارێ لیژنا مه پا هه‌ڤپشك دا ل زاخۆ، مه سه‌ره‌دانا چه‌ندین كومپانى و جهێن بازرگانى كرى، مه شیا ده‌ست ب سه‌ر 200 كیلو گرامێن بویاغا ده‌م ب سه‌رڤه چوویى دا بگرین، هه‌ر دیسان من شیا ده‌ست ب سه‌ر 242 كێلوگرامێن زه‌یتونێن خراب بەویى دا بگرین ، زێده‌بارى وێ چه‌ندێ ژى مه شیا 135 كێلو گرامێن مریشكان ژى دا بگرین، هه‌ر دهه‌ما حه‌فتى دا مه شیا 418 كارتونێن سارده‌مه‌نیا ئه‌زبه‌رى دا بگرین كو ده‌مێ وێ یێ دروست ب سه‌رڤه چوویى بوون، پشتى مه ده‌ست ب سه‌ر هه‌مى ڤان كه‌ل و په‌لان دا گرتین، ب ئێكجارى هاتنه سوتن و ژناڤبرن ژلایێ لژنا هه‌ڤپشك ڤه.
ئەڤرۆ نیوز:
ژ بەر وەفاتا کەسایەتیێ ناڤدار یێ باژێرێ سەقز ل رۆژهەلاتێ کوردستانێ سەرۆک مەسعود بارزانی د پەیامەکێ دا هەڤخەمیا خوە بۆ مالباتا خودێ ژێ رازی و خەلکێ باژێرێ سەقز یێ رۆژهەلاتێ کوردستانێ دیار کر.
سەرۆک بارزانی د پەیاما خوە دا دیار دکەت کو ژ بەر وەفاتا ماموستایێ ناڤدار و وەلاتپارێز ماموستا محەمەد ئیمامی ئەز خەمبار بووم و هەڤخەمیا خوە بۆ مالباتا خودێ ژێ رازی و هەموو کەسوکارێن وی دیار دکەم و هێڤیدارم خودایێ مەزن رەحمەتی ب بهەشتا خوە شاد بکەت.
ئه‌ڤرۆ نیوز، عه‌لى حاجى:
دبه‌رده‌وامیا گه‌هاندنا هاریكارین دا بۆ كێم ئه‌ندامان، ده‌زگایێ خێرخوازیێ بارزانی ل زاخۆ 14 كورسیێن كێم ئه‌ندامان ل ناحیا ده‌ركارێ به‌لاڤ كرن و دڤێ حه‌فتیێ دا دێ 15 كورسیێن دیتر ژى به‌لاڤ كه‌ن.
محه‌مه‌د مه‌هدى به‌رپرسێ نڤێسینگه‌ها زاخۆ یا ده‌زگایێ خێرخوازیێ بارزانی بۆ ئه‌ڤرۆ نیوز ئاشكهرا كر دحه‌فتیا بورى دا و د به‌رده‌وامیا گه‌هاندنا هاریكاریان بۆ كێم ئه‌ندامان، ده‌زگایێ بارزانى ل زاخۆ ب هه‌ڤكارى دگه‌ل رێكخراوا ئه‌مریكى LDS ، مه 14 كورسیێن گه‌روك بۆ 14 كێم ئه‌ندامێن ناحیا ده‌ركارێ دابین كرن، كو چار ژ وان ئه‌ندامان ژى ئافره‌ت بوون، هه‌ر دیسان بریاره دماوه‌یێ ڤێ حه‌فتیێ دا ئه‌م 15 كورسیێن گه‌روك ل سه‌ر 15 كێم ئه‌ندامێن تاخێ تلكه‌به‌رێ ل باژێرێ زاخۆ به‌لاڤ بكه‌ین، ژبه‌ریا ئه‌م ڤان كورسیان به‌لاڤ ژى بكه‌ین، ئه‌م پیڤانێ بۆ وان كێم ئه‌ندامان دگرین، دا كو ل دووڤ خاسته‌كا هه‌ر كێم ئه‌ندامه‌كێ ئه‌م بۆ وان ئامیره‌یان دابین بكه‌ین.
ناڤبرى گوت ژىدماوه‌یێ هه‌یڤا حه‌فت دا، مه چار جاران هاریكارى گه‌هاندینه كێم ئه‌ندامان ل سنورێ ده‌ڤه‌را زاخۆ ، بریاره ژى ئه‌ڤ هاریكاریه دبه‌رده‌وام بن، هه‌تا كو هه‌مى كێم ئه‌ندام مفا دار بن ژڤان هاریكاریان.
ئەڤرۆ نیوز؍عەلی حاجی :
سپێده‌یا ئەڤرۆ شەمبیێ ۳۱/۸/۲۰۱۹ ل سەر رێیا دوکەرێ ترومبێلەکا بارهەلگر خوە ل گەرەکێ پەزی ددەت و دبیتە ئەگەرێ برینداربوونا شڤانێ پەزی و کوشتنا ٦۰ سه‌رێن پەزی و برینداربوونا ۲۰ پەزەكێن دى .
ئەحمەد گوللی؍شاهد حالەکێ روودانێ بۆ ئەڤرۆ نیوز دیارکر ئەڤ روودانە ل دەمژمێر ۱۰ی سپێدێ روویدا دەما ترومبێلەکا بارهەلگر ژ ئەگەرێ نەمانا ستوپ خوە ل گەرەکێ پەزی د دەت ؍د ئەنجامدا شڤانێ وێ گەڕێ پەزی بریندار دبیت و دهێتە هنارتن بۆ نەخوه‌شخانا زاخۆ، ل دووڤ پێزانینان ژی نوکە رەوشا ساخله‌مى یا وی شڤانی یا باشە.
هه‌روه‌سا د وێ روودانێ دا ٦۰ سەرێن پەزی هاتنە کوشتن و ۲۰ پەزێن دی ژی بریندار دبن؍نێزیکی ۳ هەتا ٤ سەرێن پەزی ژی ژئەگەرێ دژواریا برینا وان دهێنە سەرژێکرن؍ئەڤ روودانە د ناڤبەرا گوندێن گوفکا سەری و گوفکا بنی سەر ب ناحیا باتیفا دروست بوویە .
ناڤهاتی گوت ژی :ب گۆره‌ى پێزانینان ئەو پەزە یێ وه‌لاتیەکێ دەڤەرا زاخۆیە ؍شڤانێ گەڕێ پەزی ژی خزمێ خودانێ وێ گەڕێ؍بتنێ وەکو شڤان ل ڤان گوندان ئەو پەزە د چەراند و شڤانێ پەزی خەلکێ شنگالێ یە و ماوەیەکێ ل ڤێ دەڤەرێ کاری شڤانیێ دكه‌ت.
ئەڤرۆ نیوز، مەحمود نهێلی
بەکر بلاڤەی بەرپرسێ تیپا هەلبەرز یا هونەری بەری وەغەر بکەت بەشداری د چەندین چالاکی و ڤیستەڤالێن دەڤەرێ و کوردستانێ دا کرینە و هەروەسا کەسەکی خەمخور و پارێزڤانێ کەلتورێ کوردی بوویە. پشتی نیڤرۆیا ئەڤرۆ ۳۰/۸/۲۰۱۹ د مالا خوەدا د روودانەکێ دا داوی ب ژیانا خوە ئینا.
بەکر بلاڤەی ئێک ژ پارێزڤان و حەژێکەرێن کەلتور و فلوکلورێ کوردی بوو و شیا تیپا نهێل یا فلوکلوری دامەزرینت وچەندین سالان بەرپرسێ تیپا نهێل بوو و بەشداری د چەندین ڤیستەڤال و ئاهەنگێن کوردستانێ دا کریە. و هەروەسا تیپا هەلبەرز یا گۆڤەند وشەهیانا پێک ئینا و بەری وەغەر بکەت بەرپرسێ تیپا ناڤهاتی بوو.
ئەڤرۆ نیوز ، زنار تۆڤی:
گۆڤارا (زە ئیکۆنۆمیستی) یا بریتانی راپۆرتەک دەربارەی 60 سلامەتترین باژێرێن جیهانێ ل سالا 2019 بەلاڤەکرینە، لدووڤ وێ گۆڤارا بریتانی باژێرێ تۆکیۆ یێ پایتەختێ ژاپۆنێ ل رێزا پێشیێ یێن باژێرێن جیهانێ دایە. هەروەسا پشتی باژێرێ تۆکیۆ، سەنگافوورا ل پلا دویێ دهێت و باژێرێ ئۆساکا ل ژاپۆنێ ل پلا سییێ دهێت، دیسان ب ڤێ چەندێ هەردو باژێرێن ژاپۆنێ ل رێزبەندیا ئێکێ و سیێ یێن ب سلامەتترین باژێرن ل جیهانێ.
ئه‌ڤرۆ نیوز، نه‌وزاد هلۆرى:
ده‌مه‌كێ كێم به‌رى نوكه هونه‌رمه‌ندێ ملى یێ سنوورێ ناحیا دێره‌لوك یا سه‌ر ب قه‌زا ئامێدیێ بناڤێ ( به‌كر موسته‌فا نهێلى) دوماهى ب ژیانا خوه ئینا.
ژێده‌ره‌كێ ژ گوندێ بلاڤه بۆ ئه‌ڤرۆ نیوز گۆت: (ده‌مه‌كێ كێم به‌رى نوكه ژ ئه‌گه‌ره‌كێ نه‌دیار هونه‌رمه‌ندێ ملى و فولكلوریێ ده‌ڤه‌را نهێڵى بناڤێ به‌كر نهێلى، خوه كوشت).
زێده‌تر گۆت: (به‌كر ئێك بوو ژ وان هونه‌رمه‌ند و كه‌سانێن هه‌ژى و ژێهاتى و خودانێ كه‌لتوورێ ره‌سه‌نێ ده‌ڤه‌را نهێلێ و روله‌كێ به‌رچاڤ د ساخكرنا هونه‌ر و كه‌لتورێ ده‌ڤه‌رێ دا هه‌بوویه).
ئەڤرۆ نیوز، نەوزاد هلوری:
باهيڤ ئێکە ژ بەرهەمێن هاڤینی يه و ل پتريا دەڤەرێن کوردستانێ هەیە، دەڤەرا مزیریا ل سنوورێ ناحیا زاویتە ئێکە ژ وان دەڤەرێن کوردستانێ کو رێژەیەکا زۆرا باهيڤان يێن لێ هه‌ين، پشکەک ژ رەزڤانێن وان گوندان دەست ب چنینا باهیفکان کر، بەلێ وەکو رەزڤان د دەن دیارکرن کو بەرهەمێ باهيڤان ئەڤ سالە هەمبەری سالێن بوری کێم بوویە.
نيشاندان