ئه‌ڤرۆ نيوز:
ئه‌ڤرۆ كۆمبوونا دويێ يا جڤاتا وه‌زيران دێ هێته ئه‌نجام دان.
بڕياره ئه‌ڤرۆ رۆژا دوشه‌مبى 22ى تيرمه‌ها 2019ێ كۆمبوونا دويێ يا جڤاتا وه‌زيرێن هه‌رێما كوردستانێ دێ هێته ئه‌نجام دان. د كۆمبوونێ دا دانوستاندن د ده‌رباره‌ى رێكار و ميكانيزمێن بجهئينانا هێلێن گشتى يێن كارناما حوكمه‌تا هه‌رێما كوردستانێ هێنه كرن.
حه‌فتيا بۆرى هه‌موو وه‌زيرێن كابينا نوهێ يا حوكمه‌تا هه‌رێما كوردستانێ ده‌ست ب كاربوون.
ئه‌ڤرۆ نيوز:
به‌رهه‌مێ نوو يێ هۆنه‌رمه‌ندێ پێشمه‌رگه حه‌سه‌ن شه‌ريف ب ناڤێ “گريڤانا سۆر” د ساليادا جينوسايدا ئێزديان د رێوره‌سمه‌كێ تايبه‌ت دا ل سنورێ ئێزديخانێ دێ ب رێڤه چيت و هێته نيشاندان و پێش وه‌خت ژى دێ ل كه‌نالێن تله‌ڤزيۆنى و سوشيال ميديايێ هێته نيشان دان.
ئه‌ڤ به‌رهه‌مێ نوو يێ حه‌سه‌ن شه‌ريف ژ په‌يڤێن هۆنه‌رمه‌ند ئه‌مين بۆتانى يه و ئاواز ژى ب ره‌نگه‌كێ هه‌ڤپشك ژ لايێ هه‌ردو هۆنه‌رمه‌ندان حه‌سه‌ن شه‌ريف و ئه‌مين بۆرتانى ڤه هاتيه دانان.
حه‌سه‌ن شه‌ريف ل دۆر ڤى به‌رهه‌مى دبێژيت: “گريڤانا سۆر ل ده‌مێ كاره‌ساتا خووشك و برايێن ئێزدى ژ لايێ هه‌لبه‌ستڤانێ مه‌زن ئه‌مين بۆتانى ڤه نڤيسايه، ئه‌مين ئه‌و هه‌لبه‌سته دا من و من ژى دڤيا د كۆنسێرته‌كا به‌ركه‌فتى دا ب ره‌نگه‌كێ زيندى وه‌كو هه‌واره‌كێ بێخمه به‌ر گوهێ دونيايێ كو چو تاوان و زۆريه‌ك ژ ڤێ مه‌زنتر هه‌يه كو ل سه‌ر مرۆڤان هاتبيته ئه‌نجام دان، به‌لێ ده‌رفه‌تا ڤێ چه‌ندێ دروست نه‌بوو”.
زێده‌تر گۆت: “ب ڤى به‌رهه‌مى نه‌شێن برينێن دژوارێن ئێزديخانێ ساخ بكه‌ين، به‌لێ ئه‌وا مه كرى به‌حسكرنا خه‌مه‌كا گرانه كو يا ب زه‌حمه‌ته ده‌رمان ببيت. رێزگرتنه‌كه بۆ وێ قوربانيدانا مه‌زن يا ئێزديخانێ”.
ده‌رباره‌ى شێوازێ سترانێ ژى حه‌سه‌ن شه‌ريف گۆت: “هه‌لبه‌ستا وێ سترانێ ب ره‌نگه‌كێ گه‌له‌ك جودا و كوور هاتيه نڤيسان، “ژ به‌ر هندێ گه‌له‌ك سه‌رنجا من راكێشايه… من دڤيا د سه‌قايه‌كێ بێ ده‌نگ و ئارام دا و ب تنێ ب هه‌ڤالينيا ئێكدو و ئاميرێن ميوزيكێ ببێژم”.
ئه‌ڤرۆ نیوز، عه‌لى حاجى :
رێڤه‌به‌رێ سایلویا زاخۆ د داخویانیه‌كێ دا بۆ ئه‌ڤرۆ نیوز ئاشكرا كر زێده‌ترى 40 روژایه مه ده‌ست ب وه‌رگرتنا گه‌نمێ جوتیارێن قه‌زایێن زاخۆ و مانگێشكێ و ئامێدیێ كرى یه و زێده‌ترى 24 هزار ته‌نان وه‌رگرتینه و هه‌تا ماوه‌یه‌كێ دیتر ژى دێ وه‌رگرتنا گه‌نمى یا به‌رده‌وام بیت .
ئه‌ندازیار سه‌ربه‌ست عه‌بدولسه‌تار زێده‌تر گوت : هه‌تا نوكه گه‌نمێ جوتیارێن زاخۆ هه‌مى هاتینه وه‌رگرتن و ب دوماهى هاتیه ، ب تنێ گه‌نمێ جوتیارێن مانگێشكێ و ئامێدیێ مایه ، وه‌رگرتنا گه‌نمێ وان ده‌ڤه‌ران یا به‌رده‌وامه ، ل گوره وێ پلانا هاتیه دارێشتن ، بۆ سنورێ ده‌ڤه‌را زاخۆ 21 هزار 500 ته‌ن هاتبونه ته‌رخان كرن و بۆ ئامێدیێ 500 ته‌ن و مانگێشكێ ژى 4 هزار و 500 ته‌ن ، بۆ ئه‌ڤ ساله سه‌رجه‌مێ گشتى مه مافێ هه‌یى 26 هزار ته‌نان وه‌ربگرین و هه‌تا نوكه 24 تون مه وه‌رگرتینه ل سایلویا زاخۆ ، و گوت : ‘‘ پشكا زاخۆ یا گه‌نمى هاریكار بوویه ل سه‌ر ده‌شتا سلێڤانه‌یان ژبه‌ر كو پشكه‌كا گه‌نمێ وێ ده‌ڤه‌رێ ب سه‌ر ده‌ڤه‌را زاخۆ ڤه هاتيه هه‌ژمارتن و مه وه‌رگرتیه ,, .
ناڤهاتى گوت ژى : هه‌ر دیسان پشكه‌كا گه‌نمێ زاخۆ ژى هاتیه ره‌وانه كرن بۆ پشكا گه‌نمێ جوتیارێن ده‌شتا سلێڤانه‌یان و ل دووڤ را ل سه‌ر وێ پشكا ئه‌و گه‌نم ل سایلویا فه‌یدیێ هاتیه وه‌رگرتن ، ئه‌ڤ ساله مه هزر دكر ژبه‌ر هاتنا رێژه‌یا زێده یا بارانێ دێ گه‌نم كێم بیت ، به‌لێ خوه‌ش به‌ختانه ئه‌ڤ ساله پشكا زاخۆ ژهه‌مى پشكێن ده‌ڤه‌رێن دیتر باشتر بو ، و گوت ژى : ‘‘ ل ئه‌ڤ ساله دا رێژه‌یه‌كا كێم یا گه‌نمى هاتیه لادان و ژسالێن بورى باشتر بوو ، هنده‌ك گه‌نم هات بونه لادان به‌لێ پشكه‌كا كارگه‌هێن پاقژكرنا گه‌نمى هاتینه دانان، پشتى ئه‌و گه‌نم هاتینه پاقژ كرن ژنوو ئه‌و گه‌نم هاتیه وه‌رگرتن .
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ رۆهنكرنه‌كێ ل دۆر مووچێ فه‌رمانبه‌رێن هه‌رێمێ به‌لاڤ دكه‌ت.
ئاوات شێخ جه‌ناب وه‌زیرێ دارایی و ئابووری یێ حوكمه‌تا هه‌رێما كوردستانێ د رۆهنكرنێ دا دبێژیت:(ئه‌م ل سه‌ر به‌لاڤكرنا مووچێ فه‌رمانبه‌ران د به‌ردوامین، لێ هه‌تا نوكه پاره ژ به‌غدا نه‌گه‌هشتیه).
گۆت ژی:(چو گوهۆڕین ب سه‌ر به‌رنامێ به‌لاڤكرنا مووچێ فه‌رمانبه‌ران دا نه‌هاتینه و هه‌ر ده‌مێ به‌غدا پاره هنارت، ل دووڤ وی خشتێ هاتیه دانان، مووچه دێ هێته به‌لاڤكرن).
ئه‌ڤه د ده‌مه‌كی دایه، كو هه‌یڤانه 454 ملیار دینار بۆ فه‌رمانبه‌رێن هه‌رێمێ و پتر ژ 68 ملیار دیناران ژی بۆ هێزێن پێشمه‌رگێ كوردستانێ د بودجا گشتی یا عیراقێ دا هاتینه جهگیركرن و هه‌تا نوكه هه‌یڤانه وی كۆژمێ پاره‌ی د هنێریت، به‌لێ بۆ ڤێ هه‌یڤێ چه‌ند رۆژه‌كه گه‌هشتنا وی پاره‌ی ژ به‌غدا گیرۆ بوویه.
ئەڤرۆ نیوز:
مەحمود ئەحمەدی نەژاد سەرۆک کۆمارێ بەرێ یێ ئیرانێ راگەهاند کو دڤێت بەرپرسێن ئیرانێ ل گەل ئەمریکا دەست ب دانوستاندنان بکەن و هەلویستێ نها یێ حوکمەتێ خزمەتا ئیرانێ ناکەت و رەوش دێ ئالۆزتر لێ هێت.
ئەو داخۆیانیا ئەحمەدی نەژادی د دەمەکێ دایە کو سەرۆکێ شۆرەشا ئیرانێ عەلی خامنەیی چەندین جاران دیار کریە ئەو ب چو رەنگەکێ ل گەل ئەمریکا دانوستاندنان ناکەن و ئەمریکا جهێ باوەریێ نینە.
ئەڤرۆ نیوز:
پارتیا دیموکراتی یا گەلان (هەدەپە) سپێدێ ل باژێرێ ئامەدێ میتینگەکێ بۆ ئاشتیێ ساز دکەت و وەزارەتا ناڤخوە یا تورکیا ئەڤرۆ ب فەرمی رزامەندیا خوە ل دۆر سازکرنا وێ میتینگێ راگەهاند.
بەرپرسێن هەدەپێ دبێژن وان دڤێت جارەکا دی دەنگێ خوە بۆ ئاشتیێ و چارەکرنا پرسا کوردی ل تورکیا بلند بکەن و پێدڤیا تورکیا نها ب ئاشتیێ هەیە و ب شەری چو پرس ناهێنە چارەکرن.
ئه‌ڤرۆ نيوز، نيوار محه‌مه‌د سه‌ليم:
ژماره‌كا زۆر يا حه‌جيێن هه‌رێما كوردستانێ نها گه‌هشتينه وه‌لاتێ سعودى.
هنده‌ك ژ حه‌جيێن هه‌رێمێ ل سعودى به‌حس ل جهێ مانه‌ڤا خوه دكه‌ن و ئاماژێ ب وێ چه‌ندێ دكه‌ن كو ژبلى كو جهێ وان پيچه‌كێ يێ دوورى كه‌عبێ يه، هه‌كه ژ هه‌موو لايێن دى ڤه خزمه‌تێن گه‌له‌ك باش پێشكێشى وان دهێنه كرن و د ره‌وشه‌كا باش دانه.
ئه‌ڤرۆ نيوز:
سوبه‌هى كۆمبوونا دويێ يا جڤاتا وه‌زيران دێ هێته ئه‌نجام دان.
سوبه‌هى رۆژا دوشه‌مبى 22ى تيرمه‌ها 2019ێ كۆمبوونا دويێ يا جڤاتا وه‌زيرێن هه‌رێما كوردستانێ دێ هێته ئه‌نجام دان. د كۆمبوونێ دا دانوستاندن د ده‌رباره‌ى رێكار و ميكانيزمێن بجهئينانا هێلێن گشتى يێن كارناما حوكمه‌تا هه‌رێما كوردستانێ هێنه كرن.
حه‌فتيا بۆرى هه‌موو وه‌زيرێن كابينا نوهێ يا حوكمه‌تا هه‌رێما كوردستانێ ده‌ست ب كاربوون.
ئه‌ڤرۆ نيوز:
سه‌رۆك وه‌زيرێن حوكمه‌تا هه‌رێما كوردستانێ ب نڤيساره‌كا فه‌رمى ئاشتى هه‌ورامى وه‌كو هاريكارێ سه‌رۆك وه‌زيران بۆ كاروبارێن وزێ ده‌ست نيشان كر.
د فه‌رمانێ دا هاتيه كو عه‌بدولا عه‌بدولره‌حمان عه‌بدولا به‌رنياس ب ئاشتى هه‌ورامى وه‌كو هاريكارێ سه‌رۆكێ حوكمه‌تا هه‌رێما كوردستانێ ده‌ست ب كار بوو.
نيشاندان