ئه‌ڤرۆ نیوز:
یانا پاریس سانجێرمان داخوازیت هه‌ڤبه‌ستێ ل گه‌ل هێرشبه‌ره‌کێ نوو ئیمزا بکه‌ت وه‌کو پێگوهورێ نیماری.
روژناما میرو یا برێتانی دیارکریه‌ به‌رپه‌رسێن یانا پاریس سانجێرمان دخوازن هه‌ڤبه‌ستێ ل گه‌ل هێرشبه‌رێ کوت دیڤواری و یانا کریستال پالاس وێلفرید زاها ئیمزا بکه‌ن وه‌کو پێگوهورێ نیماری پشتی وی یاریزانێ به‌رازیلی دیارکر داخوازیت پێکهاتی یانێ ب جهـ بهێلت.

هه‌ژی گوتنێ یه‌ زاها یێ ٢٦ سالی گرێدای هه‌ڤبه‌ستا خوه‌ یه‌ ل گه‌ل یانا کریستال پالاس هه‌تا ٢٠٢٣ و ل ماوێ بوری چه‌ندین یانێن به‌رنیاس ل سه‌ر ئاستێ ئوروپا هه‌ڤرکیا ب ده‌ستڤه‌ ئینانا ئه‌وی دکر ئه‌وژی یانێن ئه‌رسینال و چێلسی و ناپولی و یوڤانتوس.

ئه‌ڤرۆ نیوز:
راپورتێن رۆژنامه‌ڤانى ل فره‌نسا دیاركرینه‌ یانا به‌رشه‌لۆنا ئه‌ڤرۆ دووماهیى داخوازیا خوه‌ پێشكێشى یانا پاریس سانجێرمان كریه‌ بوو ڤه‌گوهاستنا ستێرا به‌رازیلى یا وێ یانێ نیمار كو به‌رى نوكه‌ ب فه‌رمى سێ داخوازى ژ ئه‌وێ یانێ كربوون .
هه‌ردیسان ئه‌وان رۆژناما ئاشكرا كریه‌ ژى یانا به‌رشه‌لۆنا دخوازیت نیمارى ب شێوه‌یێ خواستن بینته‌ دناڤ رێزێن یانا خوه‌ دا بوو ماوێ ساله‌كێ به‌رامبه‌ر كوژمێ 40 ملیون یورۆیا هه‌ردیسان بوو ئێك سال عوسمان دێمبلى ژى بده‌نه‌ یانا پاریس سانجێرمان .
هه‌ردیسان ئه‌وێ رۆژنامێ ئاشكراكریه‌ ژى یانا به‌رشه‌لۆنا د وێ داخوازیا خوه‌ دا دیاركریه‌ ژى ماڤێ یانا به‌رشه‌لۆنا هه‌یه‌ ڤه‌گوهاستنێن هاڤینا 2020 نیمارى ژ پاریس بكریت به‌رامبه‌ر 170 ملیون یورۆیا .
هه‌ردیسان به‌رشه‌لۆنا دیاركریه‌ ژى ئه‌ڤه‌ دووماهیى داخوازی یه‌ پێشكێشى یانا پاریس سانجێرمان بكه‌ن ژبه‌ركو به‌رى نوكه‌ سێ داخوازى پێشكێشى ئه‌وان كرینه‌ لێ ئه‌وان ره‌تكرینه‌ و هه‌كه‌ ڤێ جارێ ل سه‌ر داخوازیا ئه‌وان رازى نه‌بوون ئه‌و دێ خوه‌ ژ ڤه‌گوهاستنا نیمارى ڤه‌كێشێن.

ئه‌ڤرۆ نیوز:
نوونه‌را كوردا دخۆلا پلا ئێك یا ته‌پا پێ یا سویدا یانا دالكورد توشى خوساره‌تیه‌كا سه‌یر بوول گه‌ل سه‌ركێشا خۆلێ ب سێ گولان به‌رامبه‌ر دو گولان كو تیما دالكورد هه‌تا خوله‌كا 89 یا پێشكه‌ڤتى بوو ب دو گولان بێ به‌رامبه‌ر لێ پاش د ماوێ 4 ده‌قیقان دا یانا میالبى شیا سێ گولان توماربكه‌ت.
تیما دالكورد ده‌ستپێكێ پێشكه‌ڤت ب دو گولان كو ل ده‌قیقه‌یێن 62 و 71 دو گول توماركرن لێ به‌رى ب دووماهیى هاتنا یاریێ ب ئێك ده‌قیقه‌ تیما خودانا یاریگه‌هێ شیا ئه‌نجامێ یاریێ ب گوهوریت و د ماوێ 5 ده‌قیقان دا شیا سێ گولان توماربكه‌ت ئه‌وژى ل ده‌قیقه‌یێن 89 و 2+90 و 4+90 و ب ڤى ئه‌نجامى یانا میالبى شیا سه‌ركێشیا خولێ ب پارێزیت ب 42 خالان و دالكورد ل رێزا حه‌فتێ دهێت ب 30 خالان.