ئه‌ڤرۆ نيوز:
پارێزگارێ دهۆكێ راگه‌هاند كو بۆ ماوه‌كێ ده‌مى دێ وه‌رگرتنا بهايێ ئاڤێ ب گۆره‌ى پيڤه‌رێ ئاڤێ هێته راگرتن و پارێ ئاڤێ وه‌كو به‌رێ دێ ژ وه‌لاتيان هێته وه‌رگرتن.
به‌رى ده‌مه‌كێ كێم پارێزگارێ دهۆكێ د كۆنگره‌كێ رۆژنامه‌ڤانى دا راگه‌هاند كو بۆ ماوه‌كێ ده‌مى دێ وه‌رگرتنا بهايێ ئاڤێ ب گۆره‌يى پيڤه‌رێ ئاڤێ هێته راگرتن و وه‌كو به‌رى نها پاره ژ وه‌لاتيان هێته وه‌رگرتن.
ئاشكه‌را ژى كر كو دێ ڤێ پرسێ هێلن هه‌تا پيڤه‌رێن هه‌موو مالا دهێنه دانان و ب ره‌نگه‌كێ عاديلانه سه‌ره‌ده‌رى ل گه‌ل بهێته كرن.
ئه‌ڤرۆ نيوز:
پشتى سووندخوارنا ئه‌ندامێن پێكهاتيێن كابينا نه‌هێ يا حوكمه‌تا هه‌رێما كوردستانێ، مه‌سرور بارزانى سه‌رۆكێ حوكمه‌تا هه‌رێما كوردستانێ د گۆتاره‌كێ دا هێلێت گشتى يێ كاركرنا كابينا نوو يا حوكمه‌تا هه‌رێما كوردستانێ خستنه به‌رچاڤ و راگه‌هاند كو دێ كارێ وان يێ سه‌ره‌كى روو ب رووبوونا گه‌نده‌ليێ و ئه‌نجامدانا چاكسيازيێ بيت.
ده‌قێ گۆتارا مه‌سرور بارزانى:
بە ناوی خوای گەورە و میهرەبان
بەڕێز سەرۆکی پەرلەمان،
بەڕیزان ئەندامانی پەرلەمان،
خۆم بە خۆشحاڵ و بەختەوەر دەزانم کە ئەمڕۆ لەگەل هاوکارانم لەبەردەم ئەم پەرلەمانە بەڕیزە، کە دەستکەوتی خەبات و قوربانیدانی گەلەکەمانە، متمانەمان پێ بەخشرا وسوێندی یاساییمان خوارد.
ئەمڕۆ لە سایەی خوێنی شەهیدان و تێکۆشانی پێشمەرگە قارەمانەکان و خۆراگریی گەلەکەمان، کابینەی نۆیەمی حکومەتی هەرێمی کوردستان لەدایک بوو، کە بەڵگەیەکی دیکەی ئیرادەی سیاسیی هێزە کوردستانییەکانمانە، لە پابەندبوون بە پرۆسەی دیموکراسیی و دەستاودەستکردنی دەسەڵات.
لێرەدا بە پێوستی دەزانم ستایشی هاوڵاتیانی کوردستان بکەم، کە لە 30/9/2018 لە پرۆسەیەکی دیموکراسیدا بەشداربوون و دەنگیان داو و سوپاسیان دەکەین کە لە پێناو پێکهێنانی حکومەتێکی بەهێز و پاراستنی تەبایی و یەکڕیزیی هێزەسیاسییەکان، لەگەڵمان پشوودرێژ بوون .
لەمرۆژەدا بە پێویستی دەزانم سوپاس و پێزانینم ئاراستەی جەنابی سەرۆک بارزانی بکەم کە بە ڕابەرایەتی جەنابیان گیانی بەرگری و خۆراگری لە هەرێمدا بەرز و بەهێز ماوەتەوە و بەو هۆیەشەوە توانیومانە لە هەموو ئاستەکاندا بەرگەی سەختییەکان بگرین و ئیرادەی گەلەکەمان بەسەر خواستی ناحەزان سەرخەین.
هەر لێرەدا سوپاس و رێزم ئاراستەی کابینەی هەشتەم، بە تایبەت برای بەریزم کاک نێچیرڤان بارزانی دەکەم، کە لە رۆژە سەختەکانی ڕابردوودا لە خزمەتی هاوڵاتیان و نیشتمان بەردەوام بوون و دەسکەوتی بەرچاویان بۆ خزمەت و گوزەرانی هاوڵاتیان هەبووە.
بەڕێزان سەرۆکایەتی پەرلەمان وسەرجەم پەرلەمانتارانی کوردستان، سوپاسی ئێوەی نوێنەرانی گەل دەکەم، کە متمانەتان بە خۆم و جێگری سەرەکوەزیران و وەزیرە بەرێزەکانی هاوکارم بەخشی. بێگومان بە هەموو توانایەکمان هەوڵ دەدەین لە ئاست ئەم متمانەیە بین.
پلان و ئامانجەکانمان بۆ خزمەتی هاوڵاتیان لە چوارچێوەی بەرنامەیەکی کار رێکخستووە، کە نەخشەرێگای سەرەکی و گشتیمان دەبێت لە کابینەی نۆیەمی حکومەتی هەرێمی کوردستان و وەک بڕگەی دووەمی وتارەکەم دەیخەمە ڕوو.
بەڕیزان، زۆربەی حیزب و لایەنەکانەکانی بەشداربووی ئەم کابینەیە لە ماوەکانی ڕابردوودا بە دروشم و وتاری جۆراوجۆر، باسیان لە پێویستیی خزمەتێکی باشتری هاوڵاتیان کردووە، هیوادارین ئەم بەڵین و دروشمانە لەم کابینەیەدا بکرێنە کردار و جێبەجێ بکرێن، چونکە ئەم کابینەیە ئەرکی خزمەتی هاولاتیان لە پێش هەموو کار و ئەرکەکانی دیکەی دادەنێت و خۆی بە خزمەتکاری هاونیشتمانیان دەزانێت. بۆیە لای ئێمە هاوڵاتی میحوەری سەرەکی دەبێت و ئامانجی گەورەمان خزمەتکردنیانە بەبێ جیاوازی.
چاوەڕوانیی زۆر لەم کابینەیە دەکرێت، هەوڵ دەدەین لە ئاست ئەم چاوەڕوانییە بین، لەهەمانکاتدا هیوادارم جەماوەری خۆشەویستمان واقعبین بن و کۆسپ و کێشە و گرفتە کەڵەکەبووەکان بەرچاو بگرن، چونکە تێپەڕاندنی ئەم کۆسپ و تەگەرانە بە شەو و ڕۆژێک ناکرێت و دەبێت هەموومان پشتیوان و هاوکاری یەکتر بین.
دەمانەوێت لە سەرەتاوە لەگەل هاوڵاتیانی خۆمان ڕاستگۆ و شەفاف بین و واقعی دۆخەکە لەبەرچاو بگرین، بەڵام لە هەمانکاتدا بەڵێنی ئەوە دەدەین کە ئەوەی لە توناماندا بێت درێغی ناکەین و لە پێناو چارەسەریی بنەڕەتیی گرەفتەکان وخزمەتی گەل و وڵات هەموو هەوڵ و توانایەکمان دەخەینە گەڕ.
بەرێزان، بە پێی هەموو ڕاپرسییەکان، خواستی یەکەمی هاوڵاتیانمان ڕووبەڕووبوونەوەی گەندەڵییە. خواستی یەکەمی منیش لەم کابینەیەدا ڕووبەڕووبوونەوەی گەندەڵی و ئەنجامدانی چاکسازییە. گەندەڵی دیاردەیەکی ترسناکە، بەڵام نەبووەتە کەلتور و لە تواناماندایە بە پاڵپشتیی ئیرادەی هاوڵاتیان و هاوکاریی دامودەزگا پەیوەندیدارەکان، لە ماوەیەکی کەمدا ئەم دیاردەیە بەرێژەیەکی بەرچاو بەرتەسک و بچووک بکەین. ئەو هەنگاوانەی تا ئێستا بۆ بەرەنگاریی گەندەڵی نراون بەرز دەنرخێنین و لەمەولاش بە هیچ جۆرێک بەرامبەر بە گەندەڵکاران و سەرپێچیکەران نەرمی نانوێنین و دەبێت خواستی هاوڵاتیان بەجێ بگەیەندرێت.
بەڕێزان، ئەندامانی پەرلەمان و جەماوەری خۆشەویستی کوردستان، هەموو ئەم وەزیرە بەڕیزانەی هاوکارم، کە لە لایەن حیزبەکانیانەوە پێشنیار کراون، ئێستا دوای ئەوەی متنانەیان پێ درا و سوێندی یاساییان خوارد، بوون بە وەزیری حکومەتی هەرێمی کوردستان و لە مەولا ئەجندا و بەرنامەی حکومەتی هەرێم جێبەجێ دەکەن و هیچ وەزارەتێک یان وەزیرێک ناتوانێت و ڕێگەی پێنادرێت لە دەرەوەی بەرنامەی حکومەت رەفتار بکات. وەزیرە بەڕێزەکان سەر بە هەر لایەنێک بن، پێویستە بزانن وەزارەتەکانیان هی هەموو خەلکی کوردستانە و نابێ بەرژەوەندییە تایبەتی و حیزبییەکان باڵ بەسەر هیچ وەزارەت یان دامودەزگایەکی حکومیدا بکێشێت. ئەم حکومەتە کارو چالاکی و خزمەتگوزارییەکانی لەهەر بستێکی کوردستاندا دەبێت و حکومەتی هەمووانە.
بەڕێزان، حکوومەتێکمان وەرگرتووە کە چەندین ملیارد دۆلار قەرزدارە، ئەم قەرزانە کەڵەکەبووی ڕەوشی ناڵەباری داراییی دۆخێکی نەخوازراوە و دەبێت هاوڵاتیانی ئازیزمان و هەموو دڵسۆزان لە هەرێمی کوردستان و عێراقیش بزانن، کە بەشی زۆری ئەم قەرزانە دەکەوێتە ئەستۆی حکومەتی عێراقی فیدراڵ، ئەویش بەهۆی نەناردنی بەشە بودجەیەک، کە موچە و مافی هاوڵاتیانی هەرێم بووە. ئەم ڕەوشە داراییە لە دەسپێکدا کابینەکەمان ڕووبەڕووی دۆخێکی سەختی دارایی دەکاتەوە، بەڵام هەوڵ دەدەین بە پێی بەرنامەی کارمان ئەم دۆخە تێپەڕینین.
لێرەدا جێگەی خۆیەتی ئاماژەیەک بە بەرەوپێشچوونی پەیوەندییەکانی نێوان هەولێر و بەغدا بکەین. بەڕیز عادل عەبدولمەهدی، سەرۆکوەزیرانی حکوومەتی فیدراڵ بە کردەوە نیازپاکیی خۆی بۆ چارەسەریی کێشەکان پێشانداوە، کە جێگەی پێزانینە، بۆیە دەبێت هەردوولامان سوود لەو کەشە ئیجابییە وەرگرین و بە پێی دەستور هەنگاو بۆ چارەسەریی گشت کێشە هەڵواسراوەکان بنێین. لێرەدا دڵنیایی دەدەین کە ئەرکی هەرە لەپێشینەمان کارکردن دەبێت بۆ ئەوەی زەمینەیەکی لەبارتر برەخسێنین، تاکو دانوستانەکان بەرهەمدارتر بکرێن و بەکردەوە ئەنجامەکان ببینین. بۆ دەرخستنی نیازپاکیشمان لە ماوەیەکی نزیکدا دوای جێگیربوونی کابینەی نوێ سەردانی بەغدا دەکەین و هاوکار و هاوهەڵوێستی ئەو هێزانە دەبین، کە خوازیاری سەقامگیری و پێشکەوتنی عێراق و هەرێمی کوردستانن. کوردستانێکی بەهێز هەوێنێک دەبێت بۆ عێراقێکی فیدرالیی بەهێز و پێشکەتوو.
لە کۆتاییدا داوای هاوکاری و پشتگیری لە هاوڵاتیانی کوردستان دەکەم، تاکو بتوانین پێکەوە ڕووبەڕووی گرفتەکان ببینەوە و بەرنامەی کاری حکومەت بۆ خزمەتی گەل و نیشتمان جێبەجێ بکەین.
خوا پشتیوان بێت، بەردەوام دەبین لە هەوڵ و تێکۆشانمان بۆ وەدیهێنانی ئامانجە پیرۆزەکانی باب و باپیرانمان و پابەند و بەرپرسیار دەبین لە خەباتێکی سەردەمیانە، تا گەیشتن بەو قۆناغەی کە ئاواتی شەهیدانمان و هەموو تێکۆشەران و پێشمەرگە قارەمانەکان و هاوڵاتیانی خۆراگری کوردستان بووە.
ئەمەی لێرەدا دەیخەینەڕوو تەنها هێلە گشتییەکانی کارنامەی حکوومەتە و تیایدا ئامانجی گەورەمان هەڵگرتووە و ئیرادەیەکی بەهێزیشمان هەیە بۆ جێبەجێکردنیان، بەڵام دەمانەوێت زۆرترین کار و کەمترین گوتارمان هەبێت.
ئه‌ڤرۆ نيوز:
ئه‌ڤرۆ روونشتنا 13ێ يا په‌رله‌مانێ كوردستانێ ده‌ستپێكر و په‌رله‌مانتارێن په‌رله‌مانێ كوردستانێ ب پتريا ده‌نگێن خوه باوه‌رى دا هه‌ر سه‌رۆك و جێگرێن سه‌رۆك وه‌زيران و هه‌موو وه‌زيرێن حوكمه‌تا هه‌رێما كوردستانێ كو ب ڤى ره‌نگێ ل خوارێ بوون:
1- مەسرور مەسعود مستەفا بارزانی – سەرۆک وەزیرێن حوکه‌مەتا هەرێما کوردستانێ 88 ده‌نگ
2- قوباد جەلال حسامەدین تاڵەبانی – جێگرێ سەرۆکێ حکوومەتا هەرێما کوردستانێ 73 ده‌نگ
3- فەرسەت ئەحمەد عەبدوڵڵا – وەزیرێ داد 84 ده‌نگ
4- شۆڕش اسماعیل عەبدوڵڵا – وەزیرێ کاروبارێن پێشمەرگەى 73 ده‌نگ
5- رێبەر ئەحمەد خالد – وەزیرێ ناڤخۆ 76 ده‌نگ
6- ئاوات جەناب نوری ساڵح – وەزیرێ دارایی و ئابووری 81 ده‌نگ
7- د. سامان حوسێن محەمەد بەرزنجی – وەزیرێ ساخله‌ميێ 81 ده‌نگ
8- ئالان حەمە سەعید سالح محەمەد – وەزیرێ پەروەردێ 85 ده‌نگ
9- دانا عەبدولکەریم حەمە سالح عەبدولرەحمان – وەزیرێ ئاڤەدانکردن و بنه‌جهكرنێ 80 ده‌نگ
10- ساسان عوسمان عەونی حەبیب – وەزیرێ باژێرڤانى و گەشتوگوزار 85 ده‌نگ
11- د. ئارام محەمەد قادر ئەمین – وەزیرێ خواندا بلند و ڤه‌كۆلينێن زانستی 76 ده‌نگ
12- د. دارا رەشید مەحمود – وەزیرێ پلاندانانێ 75 په‌رله‌مانتار 74 ده‌نگ
13- کوێستان محەمەد عەبدوللا مەعروف – وەزیرێ کاروبارێن جڤاكى 75 ده‌نگ
14- محەمەد سەعید عەلی – وەزیرێ رۆشنبیری و لاوان 74 ده‌نگ
15- عەبدوللا مەحمود محەمەد سان ئەحمەد – وەزیرێ شەهیدان و ئەنفالکريان 83 ده‌نگ
16- بێگەرد دلشاد شوکرللا. – وەزیرا چاندنێ و ژێده‌رێن ئاڤێ 83 ده‌نگ
17- کەمال مسلم سەعید قەرەنی – وەزیرێ بازرگانی و پیشەسازی 85 ده‌نگ
18- ئانو جەوهەر عەبدولمەسیح عەبدوکا – وەزیرێ ڤه‌گوهاستن و گه‌هاندنێ 80 ده‌نگ
19- پشتیوان سادق عەبدوللا – وەزیرێ ئەوقاف و کاروبارێن ئایینی 77 ده‌نگ
20- کەمال محەمەد سالح خەلیل – وەزیرێ کارەبێ 85 ده‌نگ
21- خالد سەلام سەعید – وەزیرێ هەرێمێ 68 ده‌نگ
22- ئایدن مەعروف سەلیم – وەزیرێ هەرێمێ 78 ده‌نگ
23- ڤالا فەرید ئیبراھیم – وەزیرا هەرێمێ 83 ده‌نگ
ئه‌ڤرۆ نيوز:
رێڤەبەرێ گشتیێ باژێرڤانیان ل پارێزگەھا دھۆکێ راگەھاند، خواندنا ئێکێ بۆ پرۆژەیاسایا تاپۆکرنا خانیێن زێدەگاڤی ل ھەرێما کوردستانێ ھاتیە کرن و ئەگەر ئەڤ پرۆژەیاسایە سەربگریت، دێ نێزیکی 25 ھزار خانیان ل سنوورێ پارێزگەھا دھۆکێ ھێنە تاپۆکرن.
ئەندازیار دیار بەحری رەسول، رێڤەبەرێ گشتیێ باژێرڤانیان ل پارێزگەھا دھۆکێ دیار کر، ماوێ 19 سالانە چو خانی و ئەردێن زێدەگاڤی ل سنوورێ پارێزگەھا دھۆکێ نەھاتینە تاپۆکرن و نھا پەرلەمانێ کوردستانێ ب رێکا پرۆژەیاسایەکێ ھەول ددەت ڤێ ئاریشێ چارەسەربکەت و ئەگە ئەڤ پرۆژەیێ فراکسیۆنا پارتی سەربگریت، دێ نێزیکی 25 ھزار خانیان ل سنوورێ پارێزگەھا دھۆکێ ھێنە تاپۆکرن و ئاریشا ھەموویان چارەسەربیت.
ئه‌ڤرۆ نيوز، نيوار محه‌مه‌د سه‌ليم:
بڕياره پشتى ده‌مه‌كێ كێم بڕياره مه‌سرو بارزانى سه‌رۆك وه‌زيرێن راسپاردى بۆ كابينا نه‌هێ يا حوكمه‌تا هه‌رێما كوردستانێ باوه‌ريا ئه‌ندامێن په‌رله‌مانى ب ده‌ست ڤه بينيت و سووندا قانوونى ب خوينيت.
گرنگترين ويستگه‌هێن ژيانا مه‌سرور بارزانى، سه‌رۆك وه‌زيرێن حوكمه‌تا هه‌رێما كوردستانێ:
ئەڤرۆ نیوز:
رێڤەبەرێ گشتی یێ زیندانیێن سیاسی ل وەزارەتا کاروبارێن شەھید و ئەنفالکریان راگەھاند کو ب گۆرەیی قانوونێ مووچێ پشکەک ژ زیندانیێن سیاسی دێ ھێتە بڕین و دا کو ئەو ئاریشە روو نەدەت، داخوازا راستڤەکرنا قانوونێ دکەن.
ئەحمەد مام رەسۆل، رێڤەبەرێ گشتی یێ زیندانیێن سیاسی ل وەزارەتا کاروبارێن شەھیدان و ئەنفالکریان بۆ رووداو راگەھاند ب گۆرەیی قانوونا ژمارە 11 یا سالا 2011 یا پەرلەمانێ کوردستانێ، پێدانا مووچەیی ب وان زیندانیێن سیاسی کو مووچێ دی نینە، بۆ ماوێ 10 سالان بیت و نھا ژی پشکەک ژ زیندانیێن سیاسی بۆ ماوێ 10 سالان بۆراندیە ژ بەر ھندێ ژی مووچێ وان دێ ھێتە بڕین، نھا ئەم د بزاڤا وێ چەندێ داینە بزاڤێن راستڤەکرنا وێ قانوونێ بکەین دا کو مووچێن وان نەھێنە بڕین.
رێڤەبەرێ گشتی یێ زیندانیێن سیاسی ل وەزارەتا کاروبارێن شەھیدان و ئەنفالکریان، بەحس ل وێ چەندێ ژی کر کو ئەوان داخوازا گوھۆڕینا دو بڕگێن قانوونێ کریە، د راستڤەکرنێ دا ئەوان داخواز کریە کو مووچێ زیندانیێن سیاسی وەکو یێ عیراقێ بھێتە ھەڤسەنگکرن و ل جھێ 10 سالان ژی بۆ 25 سالان بھێتە درێژ کرن، “کارێ گەلەک باش ژی بۆ ڤێ مەرەمێ ھاتیە کرن”.
ل ھەرێما کوردستانێ پێنج ھزار و 162 زیندانیێ، سیاسی مووچە ھەیە و مووچێ وان ژی ب گۆرەیی سالێن ناڤ زیندانێ دھێتە دان د ناڤبەرا 250 ھزار ھەتا ئێک ملیۆن دینار دایە، ئەڤە ژی ب گۆرەیی قانوونا ژمارە 11 یا سالا 2011ێ یا پەرلەمانێ کوردستانێ ھاتیە رێکخستن، ل سەر ئاستێ عیراقێ ژی زێدەتر ژ 100 ھزار زیندانیێن سیاسی ھەنە و مووچێ ژ ھەموویان زێدەتر ژی ملیۆنەک و 250 ھزار دینارە.
ئه‌ڤرۆ نيوز:
ئه‌ڤرۆ په‌رله‌مانێ كوردستانێ دێ كۆم بيت و باوه‌ريێ ده‌ته كابينا نه‌هێ يا حوكمه‌تا هه‌رێما كوردستانێ و مه‌سرور بارزانى وه‌كو سه‌رۆك وه‌زيرێن كابينا نوو و جێگرێ وى و وه‌زيرێن كابينێ دێ سووندا قانوونى خوينن.
ب گۆره‌يى به‌رنامێ كارى، په‌رله‌مان ئه‌ڤرۆ چارشه‌مبى 10ى تيرمه‌ها 2019ێ ب ئاماده‌بوونا هه‌موو فراكسيۆنان، په‌رله‌مانێ كوردستانێ دێ كۆم بيت و باوه‌ريێ ب كابينا نه‌هێ يا حوكمه‌تا هه‌رێما كوردستانێ ده‌ت كو مه‌سرور بارزانى سه‌رۆكاتيێ دكه‌ت. به‌رى نها ژى فراكسيۆنان پابه‌ندبوونا خوه ب رێكه‌فتنا حزبێن خوه بۆ پێكئنيانا حوكمه‌تێ دووپات كريه.
پێكئينانا كابينا نه‌هێ ب سه‌رۆكاتيا مه‌سرور بارزانى ژ 23 ئه‌ندامان پێك دهێت كو سێ ژ وان ژنن.
پشتى باوه‌ر دان ب كابينا نه‌هێ به‌رنامێ چار سالێن داهاتى يێ كابينا حوكمه‌تێ ل هۆلا په‌رله‌مانى بۆ په‌رله‌مانتاران و رايا گشتى دێ هێته خواندن.
ده‌نگدان ب كابينا نه‌هێ يا حوكمه‌تا هه‌رێما كوردستانێ دێ ب ره‌نگه‌كێ ئاشكه‌را بيت.
هه‌كه باوه‌رى ژ په‌رله‌مانى وه‌رگرت، كابينا نه‌هێ يا حوكمه‌تا هه‌رێما كوردستانێ دێ ب ڤى ره‌نگى بيت:
1- مەسرور مەسعود مستەفا بارزانی – سەرۆک وەزیرێن حوکه‌مەتا هەرێما کوردستانێ
2- قوباد جەلال حسامەدین تاڵەبانی – جێگرێ سەرۆکێ حکوومەتا هەرێما کوردستانێ
3- فەرسەت ئەحمەد عەبدوڵڵا – وەزیرێ داد
4- شۆڕش اسماعیل عەبدوڵڵا – وەزیرێ کاروبارێن پێشمەرگەى
5- رێبەر ئەحمەد خالد – وەزیرێ ناڤخۆ
6- ئاوات جەناب نوری ساڵح – وەزیرێ دارایی و ئابووری
7- د. سامان حوسێن محەمەد بەرزنجی – وەزیرێ ساخله‌ميێ
8- ئالان حەمە سەعید سالح محەمەد – وەزیرێ پەروەردێ
9- دانا عەبدولکەریم حەمە سالح عەبدولرەحمان – وەزیرێ ئاڤەدانکردن و بنه‌جهكرنێ
10- ساسان عوسمان عەونی حەبیب – وەزیرێ باژێرڤانى و گەشتوگوزار
11- د. ئارام محەمەد قادر ئەمین – وەزیرێ خواندا بلند و ڤه‌كۆلينێن زانستی
12- د. دارا رەشید مەحمود – وەزیرێ پلاندانانێ
13- کوێستان محەمەد عەبدوللا مەعروف – وەزیرێ کاروبارێن جڤاكى
14- محەمەد سەعید عەلی – وەزیرێ رۆشنبیری و لاوان
15- عەبدوللا مەحمود محەمەد سان ئەحمەد – وەزیرێ شەهیدان و ئەنفالکريان
16- بێگەرد دلشاد شوکرللا. – وەزیرا چاندنێ و ژێده‌رێن ئاڤێ
17- کەمال مسلم سەعید قەرەنی – وەزیرێ بازرگانی و پیشەسازی
18- ئانو جەوهەر عەبدولمەسیح عەبدوکا – وەزیرێ ڤه‌گوهاستن و گه‌هاندنێ
19- پشتیوان سادق عەبدوللا – وەزیرێ ئەوقاف و کاروبارێن ئایینی
20- کەمال محەمەد سالح خەلیل – وەزیرێ کارەبێ
21- خالد سەلام سەعید – وەزیرێ هەرێمێ
22- ئایدن مەعروف سەلیم – وەزیرێ هەرێمێ
23- ڤالا فەرید ئیبراھیم – وەزیرا هەرێمێ
ئەڤرۆ نیوز، نەوزاد هلۆری:
هونەرمەندێ دەڤەرا شێلادزێ (لقمان کاڤلکی) نووترین ستران بناڤێ (ل مە بەرزەبوون) ل سەر هونەرمەندێ وەغەرکری (شکری رێکانی) بەلاڤکر، تێدا بەحس ل وەغەرا هونەرمەندێ ناڤبری دکەت .
ئازاد کاڤلکی، مونتێرێ سترانێ بۆ ئەڤرۆ نیوز گوت: (نێزیکێ دو سالاێە هونەرمەند لوقمان کاڤلکی کار ل سەر ڤێ سترانێ دكه‌ت کو بەحس ل هونەرمەندێ وەغەرکری شوکری رێکانی دکەت).
زێدەتر گۆت: (ستران ل سەر ستایلەکێ جوان و سەردەم هاتیە چێکرن، موزیکا وێ ژلایێ زیرەک مالتایی هاتیە چێکرن، مونتێریا وێ ژلایێ من هاتیە چێکرن، دیسان ئاواز و گوتن لوقمان کاڤلکی ب خوەیە، ئەڤرۆ ب هەلکەفتا وەغەرکرنا هونەرمەند شکری رێکانی هاتیە بەلاڤکرن).
دهێتە زانین ل 10-7-2011 هونەرمەند (شکری رێکانی) ل شێلادزێ هاتە شەهیدکرن.
نيشاندان