ئه‌ڤرۆ نیوز:
وه‌زاره‌تا په‌روه‌ردێ ل هه‌رێما كوردستانێ رێنمایێن وه‌رگرتنا مۆله‌تا خواندنا ماسته‌ر ودكتۆرایێ ژ لایێ مامۆستا وفه‌رمانبه‌ران ڤه به‌لاڤكرن.
ل دووڤ نڤیساره‌كا وه‌زاره‌تا په‌روه‌ردێ، مۆله‌ت وه‌رگرتن دێ ب مووچێ بنه‌ره‌تى بیت وچه‌ند مه‌رج ژى بۆ ده‌مێ خزمه‌تێ وكونمرا گشتى و وارێ خواندنێ دیار كرینه.
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند، شایستێ دارایى وپشكا هه‌رێمێ ژ بودجا عیراقێ دا 12.84 ترلیۆن دیناره، به‌لێ به‌غدا تنێ 5.44 ترلیۆن دیناران د ده‌مێ ساله‌كێ دا بۆ هه‌رێمێ دهنێریت.
جوتیار عادل، په‌یڤدارێ حوكمه‌تا هه‌رێما كوردستانێ گۆت” ئه‌و پارێ ژ پشكا هه‌رێما كوردستانێ ژ بودجا گشتى یا عیراقێ دهێته برین، گه‌له‌ك زێده‌تره ژ بهایێ وى داهاتێ ژ ئه‌گه‌رێ فرۆتنا رۆژانه 250 هزار به‌رمیلێن په‌ترۆلێ دگه‌هیته هه‌رێما كوردستانێ”. و گۆت” هه‌رێما كوردستانێ یا به‌رهه‌ڤه وێ رێژا په‌ترۆلێ راده‌ستى به‌غدا بكه‌ت”.
گۆت ژى” د نوكه دا سالانه 7.39 ترلیۆن دینار پشكا هه‌رێما كوردستانێ هاتیه برین وحوكمه‌تا هه‌رێمێ ئه‌و داخوازیه ئاراسته‌ى به‌غدا كریه وخوه‌شبه‌ختانه تێگه‌هشتنه‌كا ئه‌رێنى ل دۆر وێ پرسێ یا هه‌ى”.
ئه‌ڤرۆ نیوز:
راهێنه‌رێ نوكه یێ یانا ریال مه‌درید زێدان پێشڤه هاته رێزا شه‌شێ د لیستا ئه‌وان راهێنه‌رێن پتر سه‌رپه‌رشتیا یانا ریال مه‌درید كرى د مێژویا یانێ دا پشتى یاریا ده‌ستپێكا خولێ ل گه‌ل سالتاڤیگو ئه‌وى راهێنه‌رى هژمارا یاریێن خوه ل گه‌ل ریال مه‌درید وه‌كو راهێنه‌ر گه‌هاندنه 161 یاریا .
لیستا باشترین شه‌ش راهێنه‌ر د مێژویا ریال مه‌درید دا ئه‌وێن پتر یارى ل گه‌ل یانێ هه‌ین
میشێل مونوز ل رێزا ئێكێ دهێت ب 605 یاریان كو سالا 1960 هه‌تا 1974 سه‌رپه‌رشتیا یانا ریال مه‌درید كر بوو هه‌ردیسان وه‌كو یاریزان ژى 10 سالان بوو وێ یانێ یارى كریه
دیل بوسكى ل رێزا دوێ دهێت ب 246 یاریان كو ژ سالا 1999 هه‌تا 2003 كو ده‌ستپێكا خوه یا راهێنه‌رى ل گه‌ل تیمێن ریال مه‌درید ده‌ستپێكر بوو هه‌ردیسان وه‌كو یاریزان ژى بوو ماوێ 16 سالان یارى ل یانا ریال مه‌درید كریه ژ سالا 1968 هه‌تا 1984 .
راهێنه‌رێ هوله‌ندى لیو بینهاكر ل رێزا سیێ ب 197 یاریان كو دو جاران پوستێ راهێنه‌ریا یانا ریال مه‌درید وه‌گرتى یه كو ل جارا ئێكێ ژ سالا 1986 هه‌تا 1989 و جارا دوێ ماوێ نیڤ وه‌رزى ل گه‌ل ما ئه‌وژى ل سالا 1992 .
مولونی ل رێزا چارێ دهێت ب 183 یاریان كو ئێك ژ ئه‌وان راهێنه‌رایه یێ گه‌له‌ك جاران پوستێ راهێنه‌ریا وێ یانا مه‌له‌كى وه‌رگرتى كو دو جاران وه‌كو راهێنه‌رێ به‌روه‌خت هاتیه ده‌ست نیشانكرن كو جارا ئێكێ ل سالا 1975 و جارا دوێ دناڤبه‌را سالێن 1977 هه‌تا 1979 و جارا سێ وه‌كو راهێنه‌رێ به‌روه‌خت ل سالا 1982 و جارا چارێ و دووماهیێ بوو ماوێ وه‌رزه‌كى سه‌رپه‌رشتیا یانێ كر ئه‌وژى وه‌رزێ 1985-1986 هه‌ردیسان ناڤبرى بوو ماوێ 11 سالان یارى ل وێ یانێ كریه ئه‌وژى 1946 هه‌تا 1957
مورینهو یێ پورتوگالى ل رێزا پێنجێ دهێت ب 178 یاریان كو ژ سالا 2010 هه‌تا 2013 سه‌رپه‌رشتیا وێ یانێ كریه
راهێنه‌رێ نوكه یێ فره‌نسى زێدان هه‌كه ئه‌و هه‌تا دووماهیا ڤى وه‌رزى ل گه‌ل یانێ یێ به‌رده‌وام بیت دبیت به‌ر ب رێزا سیێ ڤه بچیت كو نوكه ل رێزا شه‌شێ دهێت ب 161 یاریان كو دو جاران پوستێ راهێنه‌ریا یانێ وه‌رگرتى یه كو جارا ئێكێ 2016 هه‌تا 2018 بوو هه‌ردیسان جارا دوێ ل زڤستانا بورى یا 2019 و هه‌تا نوكه یێ به‌رده‌وامه ل گه‌ل یانێ.
ئەڤرۆ نیوز:
ئۆزگوور ئوزێل سەرۆکێ فراکسیۆنا پارتا کۆماریا گەل ل پەرلەمانێ تورکیا د داخۆیانیەکێ دا راگەهاند کو حوکمەتا ئاکپارتیێ رەفتارەکا فاشیستی ل گەل نوونەرێن هەلبژارتی یێ خەلکی دکەت و ئەو یەک ب چو رەنگەکێ ناهێتە قەبوولکرن.
ناڤهاتی راگەهاند کو سەرۆکێن باژێرڤانیان ژ ئالیێ خەلکی ڤە هاتینە هەلبژارتن و لادانا وان ژ ئالیێ حوکمەتێ ڤە بنپێکرنا قانوونانە و دیموکراسی هاتیە بنپێکرن.
ئه‌ڤرۆ نیوز:
راپورتێن رۆژنامه‌ڤانى ل وه‌لاتێ كوت دیڤوار به‌لاڤه‌كرینه ستێرا به‌رێ یا یانا چێلسى یا ئنگلیزى و هه‌لبژارتیێ كوت دیڤوار دیدیه دروگبا دێ خوه به‌ربژاركه‌ت بوو پوستێ سه‌رۆكاتیا ئێكه‌تیا ته‌پا پێ یا وى وه‌لاتى .
هه‌ردیسان ئه‌وان رۆژناما ئاشكراكریه ژى دروگبا بوو هه‌لبژارتنێن بهێت یێن ئێكه‌تیا ته‌پا پێ یا كوت دیڤوارى دێ خوه به‌ربژار كه‌ت بوو پوستێ سه‌روكاتیێ كو بریاره ل دووماهیا ڤێ سالێ هه‌لبژارتنێن ئێكه‌تیا كوت دیڤوارى بهێنه‌كرن كو هه‌ڤركى دێ دناڤبه‌را سه‌رۆكێ نوكه و دروگباى دا هه‌بیت بوو پوستێ سه‌رۆكاتیێ.
هه‌ژى گوتنێ یه درگبا دهێته هژمارتن ئێك ژ به‌رنیاسترین هێرشبه‌ره ل سه‌ر ئاستێ ئورۆپا كو به‌رى نوكه ل یانا چێلسى شیابوو ئاسته‌كێ بلند پێشكێش بكه‌ت و چه‌ندین ناسناڤێن نافخوى و ئورۆپى ل گه‌ل وێ یانێ ب ده‌ستخوڤه بربوون.
ئه‌ڤرۆ نیوز، عه‌لى حاجى :
د كونگره‌یه‌كێ روژنامه‌ڤانى دا رێڤه‌به‌ریا گه‌شت و گوزارێ ل زاخۆ ئامارا هاتنا گه‌شتیارن بۆ جه‌ژنا قوربانى راگه‌هاند و 30% هانا گه‌شتیاران بۆ جهێن گه‌شتیارى ل زاخۆ به‌ره‌ڤ زێده‌بوویه.
چیا ئه‌مین رێڤه‌به‌رێ گه‌شت و گوزارێ ل زاخۆ ، د كونگره‌یێ روژنامه‌ڤانى دا دیاركر پشتى سه‌روكێ حكومه‌تێ هه‌رێما كرودستانێ ئاسانكارى ل زالگه‌هێن ئه‌منى ل كوردستانێ بۆ گه‌شتیاران كرین، ڤێ چه‌ندێ كارتێكرنه‌كا ئه‌رێنى هه‌بوو دهاتنا گه‌شتیاران دا بۆ كوردستانێ، ل دووڤ وان ئامارێن ب ده‌ست مه كه‌فتین ل روژانێن جه‌ژنا قوربان دا 46832 گه‌شتیاران ژ باشور و ناڤه‌راستا عێراقێ و ده‌ڤه‌رێن كوردستانێ قه‌ستا جهێن گه‌شتیارى ل باژێرێ زاخۆ كرینه، هه‌ر دیسان ئه‌و گه‌شتیارێن ب رێیا هه‌ردوو ده‌روازه‌یێن ئیبراهیم خه‌لیل و سه‌رزێرى قه‌ستا كوردستانێ كرین 20439 گه‌شتیار بوینه، ئه‌ڤ رێژه ژى تنێ بۆ قه‌زا زاخۆ نینه، به‌لكو ده‌ڤه‌رێن دیتر ژى بوینه.
دا زانین ژى هه‌ر دیسان مه چه‌ندین كێماسى هه‌بوینه و زێده‌بارى وێ چه‌ندێ ژى چه‌ندین روودانێن ده‌رفه‌ت وه‌رگرتنێ ژى هه‌بوینه ل زاخۆ،ژبه‌ر كو ئه‌و رێژه گه‌شتیاران هاتى نه ل گوره‌ى پێشبینیێن مه بویه به‌لكو زێده‌تر ژى هاتینه،ب رێیا یاسایێ دێ سه‌ه‌رده‌رى دگه‌ل وان كه‌سان هێته كرن و دێ ب یاسایێ هێنه سزادان.
و گوت ژى : وه‌كو كه‌رتێ گه‌شت و گوزار دقوناغا ڤه‌ژاندنێ دایه و ئه‌م پێشبینى دكه‌ین بۆ سالێن بهێت دا كوردستان بكه‌ڤیته دچارچوڤه‌یه‌كێ گه‌شتیاریا نێڤ ده‌وله‌تى دا،له‌ورا داخاز ژ سه‌روكێ حكومه‌تا هه‌رێما كوردستانێ دكه‌ین بۆ قوناغا بهێت پێداچوونێ دكه‌رتێن گه‌شت و گوزارێ بكه‌ن و بودجه‌یه كه‌رتێ گه‌شت و گوزارێ زێده‌تر بیت دێ بیته پالده‌ره‌ك ئه‌م پێشوازیێ ل رێژه‌یا زێده‌تر یا گه‌شتیارن بكیه‌ن، هه‌ر دیسان داخاز ژى دكه‌ین ماسته‌ر پلانا ده‌سته‌یا گه‌شت و گوزارێ یا سالا 2014 بهێته په‌سه‌ند كرن، هه‌كه بهێته په‌سه‌ند كرن ژى زاخۆ ئێك ژ وان قه‌زایه دێ پروژه لێ هێنه جێبه‌جێ كرن.
ئەڤرۆ نیوز:
پشتی کو ئەڤرۆکە ب فەرمانا وەزارەتا ناڤخوە یا تورکیا هەڤسەرۆکێن سێ باژێرڤانیێن مەزن یێن باکورێ کوردستانێ ژ کاری هاتنە دوورخستن سەرۆک کۆمار و سەرۆک وەزیرێن بەرێ یێن تورکیا نەرازیبوونا خوە دیار کرن.
عەبدوللا گویل سەرۆک کۆمارێ بەرێ یێ تورکیا دیار کر کو کەسێن نوو ژ ئالیێ خەلکی ڤە هاتینە هەلبژارتن دوورخستنا وان دربەکا مەزن ل دیموکراسیێ و ئەو یەک د جهێ خوە دا نینە.
سەرۆک وەزیرێن بەرێ یێ تورکیا ئەحمەد داوود ئوگلۆ ژی راگەهاند کو هەکە ئاریشەک هەبیت دڤێت ب رێیا قانوونی بهێتە چارەکرن و دوورخستنا هەڤسەرۆکێن باژێرڤانیان زیانەکا خوە یا مەزن بۆ دیموکراسیێ ل تورکیا یا هەی.
ئەڤرۆ نیوز:
ئەحمەد تورک هەڤسەرۆکێ بەرێ یێ باژێرڤانیا مەزن یا مێردینێ پشتی کو ئەڤرۆ ب بریارا وەزارەتا ناڤخوە ژ کاری هاتە دوورخستن بۆ دەزگەهێن راگەهاندنێ دیار کر کو ئەڤرۆکە کۆدەتایەک ل دژی ئیرادا کوردان هاتە کرن و بریارا وەزارەتا ناڤخوە ژی بریارەکا سیاسی یە.
ناڤهاتی ئەو یەک ژی دیار کر کو بریارا وەزارەتا ناڤخوە نیشا ددەت کو ل تورکیا چو رامانا هەلبژارتنان نەمایە و قانوون هاتینە بنپێکرن.
ئەڤرۆ نیوز:
ئه‌ڤرۆ به‌هزاد علی ئاده‌م پارێزگه‌رێ دهوكێ ب وه‌كاله‌ت سه‌رپه‌رشتیا كومبونه‌كا به‌رفره دگه‌ل قایمقامێن سنورێ پارێزگه‌ها دهوكێ و یه‌كه‌یێن ئیدارى یێن گرێداى پارێزگه‌ها دهوكێ كر.
دكومبونێ دا ب ئاماده‌بونا جێگرێن پارێزگه‌رێ دهوكێ به‌حسێ پلانا چوار سالێنڕ بهێت یێن وه‌زاره‌تا نافخو یا هه‌رێما كوردستانێ هاته كرن.
دكومبونێ دا به‌حسێ پلانا هاتیه دانان بو وه‌زاره‌تا نافخو كو كار پێ بهێته كرن پشتى گه‌نگه‌شه و دان و ستاندن ل سه‌ر دهێته كرن و په‌سه‌ند دبیت دڤێ پلانێ هژماره‌كا خالا هاتیه دانان وه‌كو مانا سه‌روكێ یه‌كه‌یا ئیدارى ل قه‌زا و ناحیه و پارێزگه‌ها پشتى ده‌وامى دخزمه‌تا وه‌لاتیان و كارى دا و به‌رهه‌فكرنا جهه‌كێ تایبه‌ت بو مانه‌ڤه‌یا وى سه‌روكێ یه‌كه‌یا ئیدارى.
هه‌روه‌سا به‌لافكرنا فه‌رمانبه‌را ل دیف پێدڤیا هه‌ر ده‌ڤه‌ر و قایمقامیه‌كا پێدڤى پێ هه‌ى
وه‌ك هه‌ڤى كرنا پێشینه‌یێن خزمه‌تگوزارى یێن هه‌مى قایمقامیا
ڤه‌كرنا یه‌كه‌یێن ژمێریاری جهێن پێدڤى
یه‌كخستنا میلاكى و هه‌یكه‌لێ هه‌مى جها وه‌ك ئێك
دابه‌زاندنا ده‌ستهه‌لاتێ و كێمكرنا روتینا كارێ روژانه
بهێزكرنا فه‌رمانبه‌رێن وه‌زاره‌تا نافخو برێكا ڤه‌كرنا خولێن تایبه‌ت و بهێزكرنێ.
وه‌كهه‌ڤكرنا موچێ فه‌رمانبه‌رێن شارستانى یێن وه‌زاره‌تا نافخو دگه‌ل یێن هێزێن ئێمناهیێ یێن نافخو ,
دكومبونێ گه‌نگه‌شه‌كا به‌رفره‌ه لسه‌ر ڤان بابه‌تا و هژماره‌كا دى هاته كرن بیخه‌مه‌ت دانا بوچون و پێشنیارا و بساناهى كرنا بجهئینانا پلانا چوار سالى یا وه‌زاره‌تا ىنافخویا حكومه‌تا هه‌رێما كوردستانێ.
ئه‌ڤرۆ نیوز، بارزان مزوورى:
صالح یونس ئه‌حمه‌د، برایێ وه‌لاتى كه‌سێ بێ سه‌رۆشین ل كومه‌لگه‌ها چره بۆ ئه‌ڤرۆ نیوز گوت: ل ئێك شه‌مبیا بورى ده‌مژمێر 7 سپێدێ رێككه‌فتى 18/8/2019 برایێ من بناڤێ”محه‌مه‌د یونس” ل مال ده‌ركه‌فتیه گوتیه ده‌یكامن دێ چمه خولێن بهێزكرنا بابه‌تێن رێزا نه‌هێ ژبه‌ركۆ قوتابیێ رێزا نه‌هێ بۆ چه‌ند بابه‌تان كه‌فتبوو ل خوێندنگه‌هێ ل وى ده‌مى چویه نه‌ڤه‌گه‌ریایه مال چوینه ده‌ف وى ماموستایێ خول ڤه‌كرى پرسیارا وى كریه گوته‌مه كورێ هه‌وه نه‌هاتیه خولێ هه‌موو مرۆڤێن مه ئاگه‌هداركرینه نه‌چویه مالێن وان هه‌تا نها چ زانیارى ل سه‌ر دیاربوونا وى نه‌گه‌هشتینه‌مه.
ناڤهاتى خویاكر پولیس و ئاسایش و زالگه‌هێن ده‌ڤه‌رێ ئاگه‌هداركرینه ئه‌وژى ژلایێ خوڤه دووڤچوونێ ل سه‌ر بێ سه‌رۆشین بۆنا وى دكه‌ت لێ چ زانیارى لدووڤ به‌رزه‌بونا ئاشكرا نه‌بوینه.
ناڤهاتى گوت “محه‌مه‌د یونس” ژیێ وى 15 ساله قوتابى یه ئاكنجیێ كومه‌لگه‌ها چره‌یه سه‌ر ب قه‌زا شێخان ڤه.
نيشاندان