ئه‌ڤرۆ نیوز:
هێرشبه‌رێ گه‌نچ یێ هه‌لبژارتیێ ئوكوادور لیوناردو كامپانا بوویه جهێ گرنگیا چه‌ندین یانێن مه‌زن ل سه‌ر ئاستێ ئورۆپا پشتى شیاى ئاسته‌كێ بلند ل گه‌ل هه‌لبژارتیێ لاوێن وه‌لاتێ خوه پێشكێش بكه‌ت كو ده‌ستپێكا ڤێ سالى شیابوو بیته گولكه‌رێ قاره‌مانیا كوپا ئه‌مریكا ل سه‌ر ئاستێ لاوان و پاش ل گه‌ل هه‌لبژارتیێ خوه پشكدارى د موندیالا جیهانى دا كربوو .
لیوناردو كامپانا ئه‌وێ نوكه یاریێ ل یانا به‌رشه‌لۆنا یا ئوكوادورى دكه‌ت ژبه‌ر وى ئاستێ وى یێ بلند هاتیه سه‌رئێخستن بوو هه‌لبژارتیێ ئێكێ وه‌لاتێ وى نوكه بوویه جهێ گرنگیا هه‌ر ئێك ژ یانێن یوڤانتوس و میلان یێن ئیتالى و هه‌ردیسان یانا ریال مه‌درید یا ئیسپانى .
راپورتێن رۆژنامه‌ڤانى ل ئیتالیا دیاركرینه یانا یوڤانتوس ماوه‌كێ درێژه چاڤدرێریا ڤى یاریزانى دكه‌ت و دخوازیت هه‌ڤبه‌ستێ ل گه‌ل ئیمزا بكه‌ت لێ رێیا ده‌ستڤه ئینانا ئه‌وێ یا ب سانه‌هى نینه ژبه‌ركو یانا ریال مه‌درید ژى دخوازیت هه‌ڤبه‌ستێ ل گه‌ل ئه‌وى یاریزانى ئیمزا بكه‌ن .
هه‌ردیسان ئه‌وان رۆژناما ئاشكراكریه یانێن ریال مه‌درید و یوڤانتوس بتنێ هه‌ڤركیێ ل سه‌ر ده‌ستڤه ئینانا ئه‌وى یاریزانى نینه كو چه‌ندین یانێن دى یێن ئورۆپى حه‌زا ئیمزاكرنا هه‌ڤبه‌ستێ ل گه‌ل ئه‌وى یاریزانى هه‌یه .
https://www.youtube.com/watch?v=rZERDKTlfA8
نيشاندان