ئەڤرۆ نیوز، بارزان مزووری:
ئەفسەرێ پشکا هاتنوچوونا قه‌زا شێخان، سەکڤان ئەنوەر بۆ ئەڤرۆ نیوز راگه‌هاند:ئێڤاریا ئه‌ڤرۆ سێشه‌مبى 13/8/2019 ل سەر رێیا سەرەکی شێخان بۆ کومەلگەها چرە بەرامبەری گوندێ زیناڤا، ترۆمبێلەک ژ جۆرێ (هیونداى تایبەت) وەرگەریا و د ئەنجامدا شوفێری گیانێ خوه ژ دەستدا وبۆ نەخوه‌شخانا شێخان یا گشتی پاشى بۆ نۆشداریا داد ل پارێزگەها دهۆکێ هاته ڤەگوهاستن.
ئه‌ڤرۆ نیوز:
پشتى په‌یدابوونا ئاریشا ئاڤێ ل چه‌ندین تاخێن باژێرێ دهۆكێ، به‌رپرسێ لقا ئێك یا پارتى دیموكراتى كوردستان راگه‌هاند، دووڤچوونا ڤى بابه‌تى هاتیه كرن و ل ده‌مێ 48 ده‌مژمێرێن داهاتى دا ئه‌و ئاریشه دێ هێته چاره‌سه‌كرن.
سه‌ربه‌ست تروانشى، به‌رپرسێ لقا ئێك یا پارتى دیموكراتى كوردستان راگه‌هاند” پشتى په‌یدابوونا ئاریشا ئاڤێ ودووڤچوونا مه بۆ بابه‌تى، دیار بوویه كو ئه‌ڤ ئاریشه ژ ئه‌گه‌رێ هاتنا وێ پلا گه‌رمێ یه كو ده‌ڤه‌را مه ڤه‌گرتى و كێشه‌كا ته‌كنیكى بۆ پرۆژێ به‌لاڤكرنا ئاڤا سه‌نته‌رێ باژێرێ دهۆكێ دروست بوویه ونوكه تیمێن سه‌خبێركرنا ڤى پرۆژه‌ى ل سه‌ر كارینه سه‌ره‌راى رۆژێن جه‌ژنێ، كو هه‌تا نوكه 60% ئاڤ دهێته به‌لاڤكرن”.
ل دووماهیێ به‌رپرسێ لقا ئێك گۆت” خه‌لكێ خوه ئاگه‌هدار دكه‌ین كو ل 48 ده‌مژمێرێن داهاتى ئه‌ڤ ئاریشه دێ هێته چاره‌سه‌ركرن”.
ئه‌ڤرۆ نیوز:
ستێرا هوله‌ندى و یانێن ئه‌نتر میلان و ریال مه‌درید یێ به‌رى نوكه ویسلى شنایدر د ژیێ 35 سالى دا ب فه‌رمى ده‌ست ژ یاریا ته‌پا پێ به‌ردا كو یارى ل پێنچ یانێن به‌رنیاس ل سه‌ر ئاستێ ئورۆپا كر كو ل گه‌ل ئه‌وان یانان شیابوو 21 ناسناڤان ب ده‌ستخوڤه بینت.
شنایدر ده‌ستپێكا خوه یا وه‌رزشى ل گه‌ل ئه‌كادمیا ئه‌یاكس ئه‌مستردام ده‌ستپێكر و ل سالا 2002 هه‌تا 2007 ل گه‌ل تیما ئێكێ یا ئه‌یاكس یارى كر و ل گه‌ل وێ یانێ 189 یارى كربوون و شیابوو 58 گولان توماربكه‌ت و ل گه‌ل 45 ئه‌سیست و 2007 هه‌تا 2009 ل گه‌ل یانا ریال مه‌درید بوو كو د 66 یاریان دا ل گه‌ل وێ یانێ شیابوو 11 گولان توماربكه‌ت ل گه‌ل 11 ئه‌سیست و ژ سالا 2009 هه‌تا 2013 یارى ل ئه‌نتر میلان یا ئیتالى كر و د 116 یاریان دا ل گه‌ل وێ یانێ 22 گول توماركرن ل گه‌ل 35 ئه‌سیست و ژ سالا 2013 هه‌تا 2017 یارى ل یانا گه‌لاته‌سه‌راى یا توركى كر و د 175 یاریان دا ل گه‌ل وێ یانێ شیا 45 گولان توماربكه‌ت و ل گه‌ل 44 ئه‌سیست 2017 هه‌تا 2019 یارى ل یانا غرافه یا قه‌ته‌رى كر، هه‌ردیسان یارى ل هه‌موو هه‌لبژارتیێن هوله‌ندا كریه و ل گه‌ل هه‌لبژارتیێ ئێكێ هوله‌ندا 131 یاریێن نێڤده‌وله‌تى كرینه و 31 گول توماركرینه.
ده‌ستكه‌فتیێن وى ل گه‌ل ئه‌و یانێن یارى لێ كرى
خۆلا هوله‌ندا
سوپه‌را هوله‌ندا
كاسا هوله‌ندا
خۆلا ئیسپانیا
سوپه‌را ئیسپانیا
خۆلا ئیتالیا
سوپه‌را ئیتالیا
كاسا ئیتالیا
خۆلا توركیا
سوپه‌را توركیا
كاسا توركیا
چامپیونیز لیگ
موندیالا یانێن جیهانى
ئه‌ڤرۆ نیوز:
سه‌رۆكێ فه‌خرى و خودانێ یانا ڤالنسیا پیتر لیم ره‌تكر ل ڤه‌گوهاستنێن هاڤینا ئه‌ڤ ساله هه‌ڤبه‌ستێ ل گه‌ل ئێك ژ یاریزانێن یانا به‌رشه‌لۆنا ئیمزا بكه‌ت سه‌ره‌راى كو ئه‌و یاریزان ئێك ژ ئارمانجێن سه‌ره‌كى یێن راهێنه‌رێ یانا ڤالنسیا بوو.
رۆژناما موندو دیپورتیڤو یا ئیسپانى دیاركریه پیتر لیم مه‌لكێ یانا ڤالنسیا ره‌تكر ل ڤه‌گوهاستنێن هاڤینا ئه‌ڤ ساله هه‌ڤبه‌ستێ ل گه‌ل یاریزانێ به‌رازیلى و یانا به‌رشه‌لۆنا راڤینا ئه‌لكانتارا ئیمزا بكه‌ت كو ئه‌و یاریزان ئێك ژ ئارمانجێن سه‌ره‌كى یێن راهێنه‌رێ یانا ڤالنسیا مارسیلینو گارسیا بوون لێ خودانێ وێ یانێ داخوازیا وى راهێنه‌رى ب جه نه ئینا .
هه‌ردیسان وێ رۆژنامێ ئاشكراكریه ژى ئه‌و بریارا خودانێ یانێ ببو جهێ نه ئارامیا راهێنه‌رێ یانا ڤالنسیا كو هه‌تا گه‌هشت بوو وێ راده‌ى ده‌ستا ژ پوستێ خوه به‌رده‌ت ژبه‌ر وێ بریارا مه‌له‌كێ یانێ پتر لیم لێ ناڤبرى بوو راهێنه‌رێ یانێ دیاركر بوو یانا به‌رشه‌لۆنا كوژمه‌كێ مه‌زن ژ یانێ خواست بوو د شیانێن وێ یانێ دا نه‌بوون وى كوژمێ پاره‌ى بده‌ن.
ل دووماهیێ وێ رۆژنامێ دیاركر ژى پشتى یانا ڤالنسیا داخوازیا خوه یا ئێكێ پێشكێشى به‌رشه‌لۆنا كرى وێ یانا كه‌ته‌لونى ده‌ستپێكێ كوژمه‌كێ زێده ژ ڤالنسیا خواست لێ بوو دیاركر بوو د شیان دا هه‌یه دانوستاندنان ل گه‌ل ئێك بكه‌ن و ب گه‌هنه رێككه‌فتنێ لێ خودانێ یانا ڤالنسیا لیم نه خواست هه‌ڤبه‌ستێ ل گه‌ل راڤیناى ئیمزا بكه‌ت
ئه‌ڤرۆ نیوز:
شاندێ یانا به‌رشه‌لۆنا ب سه‌ركێشیا هه‌ر ئێك ژ ئێریك ئه‌بیدال رێڤه‌به‌رێ وه‌رزشى ل وێ یانێ و خافێر بورداسى ئێك ژ به‌رپرسێن به‌رنیاس ل وێ یانێ ئه‌ڤرۆ به‌ر ب وه‌لاتێ فره‌نسا چوونه و بریاره كومبوونێ ل گه‌ل رێڤه‌به‌رێ وه‌رزشى یێ یانا پاریس سانجێرمان لیوناردو بكه‌ن بوو ڤه‌گوهاستنا ستێرا به‌رازیلى و یانا پاریس نیمار كو وه‌سا دهێته چاڤه‌رێكرن هه‌ردو لایه‌ن ب گه‌هنه رێككه‌فتنێ د ڤێ كومبوونێ دا.
كه‌نالێ canal یێ فره‌نسى دیاركریه یانا پاریس سانجێرمان دڤێ كومبوونێ دا دێ داخوازیه‌كێ پێشكێشى یانا به‌رشه‌لۆنا كه‌ن ئه‌وژى كوتینهو ل گه‌ل 150 ملیون یورۆیا لێ یانا به‌رشه‌لۆنا دخوازیت 80 ملیون یورۆ ل گه‌ل كوتینهوى بده‌ته وێ یانێ .
هه‌ردیسان وى كه‌نالى دیاركریه ژى چاڤه‌رێ دهێته‌كرن ب رێژه‌یا هه‌ره مه‌زن هه‌ردو لایه‌ن ب گه‌هنه رێككه‌فتنێ و ل دووماهیا ڤێ حه‌فتیێ ب فه‌رمى هه‌ڤبه‌ستا نیمارى ل گه‌ل به‌رشه‌لۆنا بهێته راگه‌هاندن.
ئه‌ڤرۆ نیوز:
یانا ڤالنسیا یا ئیسپانى ب فه‌رمى ل سه‌ر مالپه‌رێ خوه دیاركر ئه‌وان هه‌ڤبه‌ستا به‌ره‌ڤانێ فره‌نسى و یانا مانچێسته‌ر سیتى ئه‌لیاكویم مانگالا ئیمزاكر هه‌تا هاڤینا 2021 .
هه‌ژى گوتنێ یه مانگالا ل سالا 2014 په‌یوه‌ندى ب یانا مانچێسته‌ر سیتى كر بوو به‌رامبه‌ر 32 جنێىێ ئیسترلینى كو ل وه‌رزێ بورى ب شێوه‌یێ خواستن ل یانا ئیڤه‌رتون كر لێ ل گه‌ل وێ یانێ نه یێ سه‌ركه‌فتى بوو.
ئەڤرۆ نیوز ، زنار تۆڤی:
ل دەمژمێر 6:45 ل سپێدەهیا ئەڤرۆ سێشەمبی 13/8/2019 فرۆکێن تورکی گوندێ چەلکا مه‌سيحيان ل دەڤەرا بەرواری بالا بوردۆمانکر.
مەحمود شوکری، وەلاتیەکێ ده‌ڤه‌رێ يه بۆ ئەڤرۆ نیوز دیار کر: ل سپێدەهیا ئەڤرۆ سێشەمبی فرۆکێن تورکی چار بۆمبە ل نێزیک گوندێ چەلکا مه‌سيحيان دان و دەنگەکێ مەزن ژ وان بۆمبەیان هات و ڤێ چەندێ گەلەک ترس ل دەف وان پەیداکریە، هەروەسا ئەو جهێ بۆمبە لێداین ژی نێزیکی کۆمەلگەها بێگۆڤا بوویە، دەنگێ وان بۆمبەیان خانیێن وان هەژاندینە و هەروەسا نوکە ئاگر بەربوویه پیش و پەلەخێ گوندێ چەلکا مه‌سيحيان، لێ زیانێن بۆمبەبارانێ نەهاتینە زانین.
ئەڤرۆنیوز:
دەمژمێر 6:15ێ ئێڤاریا ئەڤرو سنێلەکێ 14 سالی د سکرێ دهوکێ ب ناڤێ (چ. ش ) خەندقی.
ئەو گەنج خەلکێ دهوکێ یە و ب مەرەما مەلەڤانیا دگەل چەند هەڤالێن خو چوو بوو سەر سکرێ دهوکێ و پشتی تیمێن نقومڤانا گەهشتینە جهێ رودانێ تەرمێ وی ژ سکری ئینایەدەر و هاتە رەوانەکرن بو پزیشکیا داد و پەرێن ڤەکولینێ ژلایێ بنگەهێ پولیسێن زاویتە هاتینە ڤەکرن بو تەمامکرنا ڤەکولینی .
ئه‌ڤرۆ نیوز:
یانا پاریس سانجێرمان نێزیكى ئیمزاكرنا هه‌ڤبه‌ستا ستێرا هه‌لبژارتیێ ئه‌رژه‌نتین و یانا یوڤانتوس یا ئیتالى پاولو دیبالا بوویه .
راپورتێن رۆژنامه‌ڤانى ل فره‌نسا ئاشكراكرینه ئێك ژ ئارمانجێن سه‌ره‌كى یێن یانا پاریس بوو ڤه‌گوهاستنێن هاڤینا ئه‌ڤ ساله پاولو دیبالا بوو كو هه‌تا نوكه یا به‌رده‌وامه ل سه‌ر بزاڤێن ده‌ستڤه ئینانا ئه‌وى یاریزانى و كوژمه‌كێ مه‌زن یێ پاره‌ى به‌رهه‌ڤكریه بوو ده‌ستڤه ئینانا ئه‌وى سه‌ره‌راى چه‌ندین یانێن به‌رنیاس كه‌ڤتى نه د هه‌ڤركیا ئه‌وان دا لێ ده‌لیڤه‌یا پاریس ژ هه‌ر یانه‌كا دى مه‌زنتره ئه‌وى یاریزانى ب ده‌ستخوڤه بینن تایبه‌ت پشتى ل شه‌ڤا بورى بریكارێ وى یاریزانى ل پاریس هاتیه دیتن.
هه‌ردیسان ئه‌وان رۆژناما ئاشكراكریه ژى بریكارێ دیبالاى نوكه ل باژێرێ پاریس بوو ده‌ست ب دانوستاندنان بوو ڤه‌گوهاستنا دیبالاى بۆ ناڤ رێزێن وێ یانا فره‌نسى.
ئه‌ڤرۆ نیوز:
یانا ئه‌تله‌تیكو بلباو یا ئیسپانى ل سه‌ر مالپه‌رێ خوه یێ فه‌رمى راگه‌هاند ئه‌وان هه‌ڤبه‌ستا هێرشبه‌رێ خوه ئینیاكى ولیامز هه‌تا هاڤینا 2028 درێژكر و مه‌رجێ هه‌لوه‌شاندنا هه‌ڤبه‌ستا وى ژى كریه 135 ملیون یورۆ پشتى هه‌ردو لایه‌ن گه‌هشتى نه رێككه‌فتنێ ل سه‌ر درێژكرنا هه‌ڤبه‌ستا ئه‌وى بوو ماوێ 9 سالێن دى.
ولیامز یێ 25 سالى ل وه‌لاتێ ئیسپانیا ژ دایكبوویه و بابێ وى گانى یه و دایكا وى لێبیرى یه كو ده‌ستپێكا ژیانا خوه یا وه‌رزشى ل گه‌ل ئه‌كادمیا ئه‌تله‌تیكو بلباو ده‌ستپێكر بوو پاش بوو ماوه‌كێ كورت یارى ل یانا باسكوینا یا خۆلا پلا سێ یا ئیسپانیا كر و ل سالا 2015 ڤه‌گه‌ریانا یانا ئه‌تله‌تیكو بلباو و هه‌تا نوكه ل گه‌ل وێ یانێ یێ به‌رده‌وامه كو پشكدارى د 204 یاریان دا كریه ل گه‌ل وێ یانێ و شیایه 49 گولان توماربكه‌ت ب درێسێ بلباو.
نيشاندان