ئەڤرۆ نیوز:
چۆی کوانگ ژین کونسولێ گشتی یێ کوریا باشور راگەهاند کو وەلاتێ وی ب گوژمێ ٣٠٠ هزار دۆلاران دێ هاریکاریا وان ئاواران و پەنابەران کەت یێن کو ل کەمپێن ل هەرێما کوردستانێ د ئاکنجی نە.
ناڤهاتی راگەهاند کو ئەو گوژمە بۆ دابینکرنا پێدڤیاتێن ئاواران و پەنابەران بۆ وەرزێ زڤستانێ هاتیە تەرخانکرن و وەلاتێ وی دێ بەردەوام هاریکاریا پەنابەرێن ل کەمپێن هەرێما کوردستانێ کەت.
ئەڤرۆ نیوز:
وەزیرێ دەرڤە یێ تورکیا مەولوود چاڤوش ئوگلۆ راگەهاند کو ل گۆر رێککەفتنا بەری نها یا کو د ناڤبەرا تورکیا و روسیا دا هاتیە کرن پێدڤی بوو روسیا هێزێن یەپەگێ ژ چەندین دەڤەران دەرخستبان، لێ مخابن ئەو یەک نەهاتە کرن و نها روسیا ناڤبژیڤانیێ د ناڤبەرا یەپەگێ و شامێ دا دکەت و تورکیا ب چو رەنگەکێ هەلویستێ نها یێ روسیا قەبوول ناکەت.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل ماتیۆ تولەر بالیوزێ ئەمریکا ل بەغدا کر و د روونشتنەکێ دا بەحسێ پێشهاتێن نوو یێن سیاسی ل دەڤەرێ و عیراقێ هاتە کرن.
بالیۆزێ ئەمریکا دیار کو هەرێما کوردستانێ جهەکێ خوە یێ تایبەت ل دەڤەرێ و ناڤەندێن گرنگ ل جیهانێ دا هەیە و هێڤی خواست کو ئاریشێن د ناڤبەرا هەرێمێ و بەغدا دا بهێنە چارەسەر کرن.
سەرۆک بارزانی ژی بەحسێ پەیوەندیێن ئەمریکا و هەرێما کوردستانێ کر و راگەهاند کو ناڤەندێن ستراتیژی ل ئەمریکا گرنگیەکا مەزن ددەنە هەرێما کوردستانێ ئەو یەک جهێ کەیفخوەشیا کوردانە و پەیوندیێن دوستانە یێن گەلێ کورد و گەلێ ئەمریکا جهێ دلخوەشیێ یە، هەروەسا سەرۆک بارزانی داخوازا سەرکەفتنێ بۆ بالیۆزێ ئەمریکا ل عیراقێ کر.
ئەڤرۆ نیوز،عەلی حاجی :
رێڤەبەرێ پەیمانگەها پەروەردا وەرزشی ل زاخۆ بۆ ئەڤرۆ نیوز دیار کر ب مەرەما وەرگرتنا قوتابیان د وەرزێ نوویێ خواندنێ دا ل پەیمانگەها وان بۆ دەما دوو روژایە ل زاخۆ تاقیکرنێن پراکتیکی ژلایێ وان ڤە بۆ قوتابیێن ناڤێن خوە تومار کرین دەست پێکری یە .
زێدەتر جەلال محەمەد گۆت : بۆ دەما دوو روژایە تاقیکرنێن پراکتیکی بۆ وان قوتابیێن دەست پێکری یە یێ کو ناڤێن خوە تومار کرین ب مەرەما خواندنێ ل پەیمانگەها پەروەردا وەرزشی ل زاخۆ کو ب رەنگەكی د ئەڤ سالە دا زێدەتری ٥٠٠ قوتابیان ناڤێ خوە تومار کری یە دا کو ل پەیمانگەها مە بهێنە وەرگرتن بەلێ ل دویف وێ بریارا گەهشتیە مە بتنێ دشێن ٤٥ قوتابیان ژ کچ و کوران وەربگرین ( ٢٥ کور و ٢٠ کچ ) ئەڤە ژی رێژەیەکا کێمە بۆ پەیمانگەها مە ژبەر کو سنورێ پەروەردا زاخۆ بەرفرەهە و پێدڤی یە ژمارەیەکا دیتر ژی بهێنە وەرگرتن و هەر دیسان ئاریشەیا مەزن ژی د رێیا مە دا نەبوونا ئاڤاهیەکێ تایبەتە ب پەیمانگەها مە ڤە ژبەر کو هەتا نوکە ئەم د ئاڤاهیێ قوتابخانەیەکا بنەرەت دا دەواما خوو دکەین و ئەڤە ژی رێگریەکا مەزنە ل بەرامبەر پەیمانگەها مە کو بشێن قوتابیێن زێدەتر وەربگرین و کارێن خوە باشتر ب رێڤەبەین .
ناڤبری گۆت ژی : ئەڤ تاقیکرنە دێ بۆ دەما سێ روژان بیت و د ئەڤ سالە دا ب شێوەیەکێ گەلەک بەرچاڤ قوتابیان فورمێن خوە پێشکێشی پەیمانگەها مە کرینە و پشتی ئەنجام دانا تاقیکرنێن پراکتیکی دێ ٤٥ قوتابیێن باش دەست نیشان کەین یێ کو د تاقیکرنێن پراکتیکی دا شیایین نمرەیێن باش ب دەست خوەڤە بینن .
ئه‌ڤرۆ نیوز:
رێكخراوا ساخله‌میا جیهانی راگه‌هاند پێشبینیێ دكه‌ین ل دو هه‌یڤێن بهێت دا رێژه‌یا مرنێ ب ئه‌گه‌رێ ڤایرۆسێ كورونایێ بلند بیت و سه‌ره‌ده‌ریكرن ل گه‌ل ڤایرۆسی د ئه‌ڤان دو هه‌یڤان دا دژوار تر دبیت.
هانز كلوگی رێڤه‌به‌رێ لقا ئه‌ورۆپا یا رێكخروا ساخله‌میا جیهانی راگه‌هاند پێشبینیێ دكه‌ین ل دو هه‌یڤێن بهێت مه‌ترسیا بلاڤبوونا كورونایێ و كارتێكرنێ زێده‌تر بكه‌ت د ئه‌ڤان دو هه‌یڤان دا رێژا مرنێ ب ئه‌گه‌رێ كورونایێ زێده دبیت.
ناڤبری ئه‌و چه‌نده ژی دیاركر سه‌ره‌ده‌ریكرن ل گه‌ل ڤایرۆسێ كورونایێ د ئه‌ڤان دو هه‌یڤان دا دژوار تر دبیت و ژماره‌یا توشبوویان وه‌ك ئامار دیاره و تانوكه ژی ل ئه‌ورۆپا به‌رده‌وام د بلند بوونێ دایه، ل گه‌ل ئه‌وێ چه‌ندێ ژی دا ژماره‌یا رۆژانه‌یا مرنێ ژی ب ئه‌گه‌رێ كورونایێ دبیت.
ئه‌و داخویانیا به‌رپرسێ رێكخراوا ساخله‌میا جیهانی كۆ ئاماژه ب وێ چه‌ندێ دایه ل گه‌ل هاتنا وه‌رزی سه‌رمایێ پێلا دوێ یا كورونایێ نێزیك دبیت، ئه‌ڤه‌ژی ته‌ئكیدكریه ل سه‌ر وه‌لاتان كۆ رێكارێن توندتر بكار بینن بۆ رێگرتن ژ زیده‌تر به‌لاڤبوونا ڤایرۆسی.
لگۆری دوماهی ئامارا توشبوویێن ڤایرۆسێ كورونایێ ل جیهانێ، 29 ملیۆن و 185 هزار و 779 كه‌سن، ژ ئه‌ڤێ ژماره‌یێ 21 ملیۆن و 31 هزار و 17 كه‌س ساخ بووینه و 928 هزار و 287 كه‌س ژی مرینه.
ئه‌ڤرۆ نیوز:
حه‌مید نائیف په‌یڤدارێ وه‌زاره‌تا چاندنا عیراقێ راگه‌هاند حوكمه‌ت ب ژڤانه هه‌فتیا بهێت 700 هزار ته‌نێن ده‌خل و دانی د زێده‌كرنه‌كا ئاشكرا دا بفرۆشیت، كێمترین نرخ 125 دۆلار دبیت بۆ هه‌ر ته‌نه‌كێ، زێده‌كرن دێ سه‌رنجا ده‌وله‌تێن كه‌نداڤێ عه‌ره‌بی و ئوردن و ده‌وله‌تێن باكوری ئه‌فریقا راكێشیت، ئه‌گه‌رێ زێده‌بوونا جه‌هی ژی ڤه‌دگه‌ریت كۆ ئاڤ ل سالا بووری زۆر بوو ئه‌ڤێ چه‌ندێ وه‌كر به‌رهه‌مێ ناڤخو باش بیت.
ناڤبری ئه‌و چه‌نده ژی دیاركر به‌رهه‌مێ جه‌هی ب ئاوایه‌كی زێده‌بوویه ب ئه‌گه‌ری بهایێ وی كۆ حوكمه‌ت دده‌ته جوتیاران كۆ 389 بۆ 414 دۆلاران بۆ هه‌ر ته‌نه‌كێ وه‌ردگریت پاشی وه‌ك ئالیك دفرۆشیته خودان پرۆژه‌یێن په‌له‌وه‌ران.
ئه‌ڤرۆ ینوز:
بریاره ئه‌ڤرۆ شانده‌كێ ته‌كنیكی یێ هه‌رێما كوردستانێ بۆ دانوستاندنێ ده‌ربارێ بودجا سالا 2021 یا عیراقێ سه‌ره‌دانا به‌غدا بكه‌ت.
لگۆری زانیاریان، شاند ژ نوونه‌راتیا هه‌ردو وه‌زاره‌تێن دارایی و پلاندانانا حوكمه‌تا هه‌رێمێ پێك دهێت، ئانكو پتر شانده‌كێ ته‌كنیكی یه.
ئه‌گه‌رێ سه‌ره‌دانا شاندی ژی بۆ دانوستاندنێ یه ل سه‌ر پرۆژه‌یێ یاسایا بودجا 2021، ل گه‌ل شاندێ حكومه‌تا عیراقێ ده‌ربارێ پشك و ماف و ئیمتیازاتێن هه‌رێمێ و خه‌لكێ كوردستانێ د بودجا 2021 دانوستاندنێ بكه‌ن.
به‌ریا نها شاندێ ته‌كنیكی یێن هه‌ردو وه‌زاره‌تێن دارایی و پلاندانانێ ل گه‌ل وه‌زاره‌تا دارای یا عیراقێ چه‌ند جاره‌كان كوم بووینه ژبوی دانوستاندنێ ل سه‌ر پرۆژه‌یێ یاسایا بودجا سالا 2021 كۆ بریاره بۆ ده‌مێ سێ سالان دهێته به‌رهه‌ڤكرن.
ئه‌ڤرۆ نیوز:
بینامین نه‌تانیاهو سه‌رۆك وه‌زیرێ ئیسرائیلێ راگه‌هاند ئه‌و رێكه‌تنا ئاشتیێ ل گه‌ل ئیماراتێ و به‌حره‌ینێ مه ئیمزاكری، كارڤه‌دانێن مه‌زن ل سه‌ر بیاڤێ ئابووری و سیاسی یێن دناڤبه‌را مه‌دا هه‌بوون.
نه‌تانیاهو سه‌رۆك وه‌زیرێ ئیسرائیلێ راگه‌هاند ئه‌و رێكه‌تنا دناڤبه‌را مه و به‌حره‌ین و ئیماراتێ په‌یمان و رێكه‌تنه‌كا دیرۆكی یه و ئاشتیا ئیسرائیل ل رۆژهه‌لاتا ناڤه‌راست و پێشڤه‌برنا په‌یوه‌ندیێن دناڤبه‌را مه وه‌لاتێن عه‌ره‌بی دا، گه‌شتێن زۆر دناڤبه‌را ئیسرائیلێ و دو وه‌لاتێن عه‌ره‌بی دا هه‌بیت و كۆ ئه‌ڤه ژی كارتێكرنه‌كا مه‌زن ل سه‌ر بیاڤێ ئابووری و گه‌شتیاری و دشیێن لگۆری ئه‌وێ ئه‌زموونا هه‌یی مفایی ژ ئێك وه‌ربگریت.
دونالد تره‌مپ سه‌رۆكێ ئه‌مریكا ژی راگه‌هاند ئه‌و په‌یمانا ئاشتییێ یا دناڤبه‌را ئیسرائیلێ و به‌حره‌ین هاتیه ئیمزاكرن ب سه‌ركه‌ڤتنه‌كا دیرۆكی بناڤ كر.
نيشاندان