ئەڤرو نیوز، نەوزاد هلۆری:
هاڤینگەها بیاوێ ل سنورێ ناحیا دێرەلوک ئێکە ژ خوه‌شترین جهێن گەشتوگۆزاری ل دەڤەرا ئامێدیێ و پارێزگەها دهۆکێ، پتری 70 کەپرێن گەشتوگۆزاری و جهێن ڤەحەویان و مەلەڤانیان هاتینە دروستکرن، بەلێ خرابیا رێکا سەرەکی، گەشتیار ل هاڤینگەهێ دوورکرینە، خودانێن جهی و گەشتیار ژی دخوازن جهێن شولەژێ رێکا سەرەکی درۆست بکەن داکو خەلک زێدەتر قەستا بیاوێ بکەن.
ئەڤرۆ نیوز:
ئه‌ڤرو سپێدێ 8/ 8/2019 ل هولا رێڤه‌به‌ریا پولیسا فه‌رهاد ئه‌مین ئه‌تروشى پارێزگه‌رێ دهوكێ ب ئاماده‌بونا رێڤه‌به‌رێ پولیسێن دهوكێ رونشتنه‌كا ڤه‌كرى دگه‌ل ئه‌فسه‌ر وكارمه‌ندێن رێڤه‌به‌ریا پولیسان ل سنورێ پارێزگه‌هێ ئه‌نجامدا.
ل ده‌ست پێكا رونشتنێ لیوا تارق ئه‌حمه‌د رێڤه‌به‌رێ پولیسێن دهوكێ سوپاسیا پارێزگه‌رێ دهوكێ كر كو به‌رده‌وام هاریكاریێ دگه‌ل رێڤه‌به‌ریا پولیسان وپشته‌ڤانیێ ل هه‌موو چالاكیان وده‌زگه‌هێن ئێمناهیێ تایبه‌ت پولیسان دكه‌ت بو وێ یه‌كێ كارمه‌ندێن پولیسان كار وئه‌ركێن خو باشتر ئه‌نجامده‌ن .
رێڤه‌به‌رێ پولیسێن دهوكێ دیاركر كو ل ڤێ دوماهیێ رێڤه‌به‌ریا پولیسان تایبه‌تى رێڤه‌ریا نه‌هێلانا گونه‌هباریێ كارێن جوره‌یى ئه‌نجامداینه وهنده‌ك تاوان وتاوانبار دماوه‌كێ كورت دا ده‌ست نیشانكرینه وتاوانبار گرتینه وئه‌ڤ كاره جهێ سه‌ربلندیێ نه چونكو ئه‌فسه‌روكارمه‌ندێن پولیسان ب رژدى كار وئه‌ركێن خو ئه‌نجامده‌ن ول دوماهیێ ته‌كه‌زكر كو ب شه‌ڤ وروژ ئه‌فسه‌ر وكارمه‌ندێن رێڤه‌به‌ریا پولیسان دێ كار وئه‌ركێن خو بجه ئینن بو یه‌كێ ئارامى وسه‌روه‌ت وسامانێ وه‌لاتیان بمینیت یێ پاراستى.
پاش پارێزگه‌رێ دهوكێ په‌یڤه‌ك پێشكێشكر وب ناڤێ خو وكارگێریا پارێزگه‌هێ وحكومه‌تا هه‌رێمێ وخه‌لكێ پارێزگه‌هێ سوپاسى وده‌ست خوشى ل رێڤه‌به‌ر وئه‌فسه‌ر وهه‌موو كارمه‌ندێن رێڤه‌به‌ریا پولیسان كر ودیاركر كو خه‌لكێ پارێزگه‌هێ سه‌ربلنده ب وان كار وئه‌ركێن پولیسێن دهوكێ ب شه‌ڤ وروژ ئه‌نجامده‌ن بو به‌رقراكرنا ئێمناهیێ ل هه‌موو جهه‌كێ پارێزگه‌هێ .
هه‌روه‌سا گوت: ل پارێزگه‌ها دهوكێ ژهه‌موو جهێن دن یاسا پتر دهێته به‌رقراكرن ویاسا سه‌روه‌ره وهه‌ر كه‌سه‌كێ سه‌رپێچیا بكه‌ت دهێته سزادان.
پارێزگه‌رێ دهوكێ ئه‌و یه‌ك ژى دیاركر كو ل ده‌مێ بورى هنده‌ك تاوانێن هوڤانه ل پارێزگه‌هێ هاتینه ئه‌نجامدان لێ جهێ خوشحالیبو تاوان وتاوانبار دده‌مه‌كێ كورت دا (48-72 ) ده‌مژمێران دا هاتینه ئاشكراكرن وبو دادگه‌ها ڤه‌كولینان هاتینه ره‌وانه‌كرن وپێرابونێن یاسایى به‌رامبه‌ر بكه‌ران هاتینه وه‌رگرتن وئه‌ڤ ئه‌نجام وپێرابونه ژى جهێ خوشحالیا وه‌لاتیان بوینه وخواست كو رێڤه‌به‌ریا پولیسان به‌رده‌وامبن ل سه‌ر كار وئه‌ركێن خو ژبو به‌رقراكرنا ئه‌من وئاسایشێ ل هه‌موو پارێزگه‌هێ وماڵ گیانێ وه‌لاتیان به‌رده‌وام بهێته پاراستن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ .
ل دوماهیێ پارێزگه‌رێ دهوكێ دوو پێشنیار ئاراسته‌ى رێڤه‌به‌ریا پولیسان كرن یا ئێكێ ڤه‌كرنا پشكا ڤوكولینا ل دور هوكارێن دهێنه پێش تاوانبارا كو تاوانێن هوڤانه ئه‌نجامده‌ن وخالا دووێ : دڤێت كارمه‌ندێن هه‌موو فه‌رمانگه‌هێن میرى رێزێ ل هه‌موو وه‌لاتیان بگرن وسه‌ره‌ده‌ریه‌كا جوان وشارستانى دگه‌ل بكه‌ن .
ئەڤرۆ نیوز:
بو ئاماده‌كرنا پلانا چار سالى وده‌ست نیشانكرنا پروژان ئه‌ڤرو نیڤرو 8/ 8/2019 ل هولا كوچكا مێهڤانداریا ل گه‌لیێ دهوكێ فه‌رهاد ئه‌مین ئه‌تروشى پارێزگه‌رێ دهوكێ ب ئاماده‌بونا جێگرێن پارێزگه‌رى كومبونه‌كا تایبه‌ت دگه‌ل هه‌موو قایمقام ورێڤه‌به‌رێن گشتى ورێڤه‌به‌رێن فه‌رمانگه‌هێن په‌یوه‌ندیدار ئه‌نجامدا .
لبه‌راهیێ پارێزگه‌رێ دهوكێ دیاركر كو ئارمانج ژكومبونێ ئه‌وه پلانه‌كا چار سالى یا رێكخستى ل دوڤ به‌رنامێ كابینا نه‌ه یا حكومه‌تا كوردستانێ ژلایێ فه‌رمانگه‌هان بهێته ئاماده‌كرن كو پروژێن ستراتیجى ویێن گرنك وگرنگتر ب هوربینى بهێنه ده‌ست نیشانكرن بو خزمه‌تكرنا وه‌لاتیان ، هه‌روه‌سا دیاركر كو دڤێت لیژنه‌ك ل سه‌ر ئاستێ پارێزگه‌هێ بهێته ئاڤاكرن ودوڤ چونا پلانێ بكه‌ت وهه‌موو پروژه ب هوربینى بهێنه ده‌ست نیشانكرن هه‌روه‌سا ئه‌و لیژنه یا هه‌ڤكار وهایداربیت ل سه‌ر پلانێن وه‌زاره‌تان بو وێ یه‌كێ پلان ب رێك وپێكى بهێته ئاماده‌كرن ویا به‌رهه‌ڤبیت هه‌رده‌مێ بودجا وه‌زاره‌تا هاته ته‌رخانكرن یان بودجا گه‌شه‌پێدانا هه‌رێما كه‌ته كارى پروژێن پلانێ بهێنه بجهئینان.
پاش گه‌نگه‌شێن تێر وته‌سه‌ل ل سه‌ربابه‌تێن كومبونێ هاتنه كرن.
ل دور كومبونێ پارێزگه‌رێ دهوكێ بو ده‌زگه‌هێن راگه‌هاندنێ گوت: مه ژهه‌موو فه‌رمانگه‌هان خواست كو پلانه‌كا چار سالى ئاماده‌كه‌ن هه‌م بو وه‌زاره‌تا هه‌م ژى بو كارگێریا پارێزگه‌هێ وپلان یا گونجابیت دگه‌ل به‌رنامێ حكومه‌تا نوو یا كوردستانێ وسیه روژ هاتینه ده‌ست نیشانكرن كو ئه‌ڤ پلانه بهێته ئاماده‌كرن وئه‌م هه‌ولده‌ین پروژێن فه‌ر بێخینه دپلانێدا چ بو وه‌زاره‌تا بیت یان بو پارێزگه‌هێ و پروژێن گه‌شه‌پێدانا هه‌رێما هه‌كه بودجه هاته ته‌رخانكرن.
وگوت: هنده‌ك سه‌كته‌ر وپروژێن فه‌ر هه‌نه مینا پروژێن ئاڤاكرنا 5-6نه‌خوشخانا ل پارێزگه‌هێ مه داكوكى ل وان كریه كو بهێنه چێكرن و حكومه‌تا ئیراقێ ژى رازیبونا خو دیاركریه كو نه‌خوشخانه‌كا 50 ته‌ختى ل سنورێ ناحیا فه‌یدیێ ئاڤاكه‌ن ئه‌م دێ ب هه‌موو شیانا هه‌ڤكاربین بو بجه ئینانا وى پروژه‌ى، هه‌روه‌سا مه خواستیه كو نه‌خوشخانا ئێشا په‌نجه‌شێرێ ل دهوكێ بهێته‌ئاڤاكرن ومه داخازكریه كو ژێرخانا كه‌رتێن ساخله‌میێ بهێته كاراكرن.
ل دوماهیێ گوت: دێ دگه‌ل سه‌روكێ حكومه‌تا هه‌رێما كوردستانێ هه‌ولده‌ین فروكخانا دهوكێ وتونێلا مه‌تین و پالاوگه‌هه‌كا پترولێ وچه‌ندین پروژێن دى بهێنه چێكرن .
ئەڤرۆ نیوز؍عەلی حاجی :
پشتی دوهی ل روژا چارشەمبێ رێکەڤتی ۷/۸/۲۰۱۹ ژئەگەرێ پارچە زەڤیەکا چاندنێ ل گوندێ مەتیفا شەرەک دروست بویی؍بو ئەگەرێ گیان ژدەست دانا دو کەسان؍ئەڤرۆ ئەو کێشەیە هاتە چارەسەر کرن.
شڤان سندی ؍ رێڤەبەرێ ئاسایشا زاخۆ د داخویانیەکێ دا بۆ ئەڤرۆ نیوز ئاشکەرا کر پشتی روودانا دوهی ل روژا چارشەمبێ ل گوندێ متیفا روودایی ؍ ئێکسەر پولیس و ئاسایشا زاخۆ شیان وێ کێشەیێ کونترول بکەن؍پشتی دماوەیێ ۲٤ دەمژمێرێن بێ نڤستن؍ئەڤ کێشەیە ژلایێ رهـ سپیێ دەڤەرا بەنستانیان عسمەت دینو و هەردیسا ژلایێ من و شڤان شێخو نوینەرێ لقا هەشت یا پارتی دیموکراتی کوردستان و پولیسێن زاخۆ و هند کەسایەکێن دیتر؍مە شیا ڤێ کێشەیێ ب دوماهی بینن و ب ئامادەبونا هەردوو بنەمالان ئەڤ کێشەیە ب ئێکجاری هاتە چارەسەر کرن و هەردوو خێزان بێ هیچ مەرجەک ل هەڤدوو خوەش بون .
دا زانین ژی هەر ئەڤرۆ ل ئێک ژمزگەڤتێن زاخۆ بەهیا هەردوو بنەمالان دێ ل ئێک مزگەڤت هێتە دانان و بێ هیچ کێشەیەک.
و گوت ژی : ئەڤە ئێکەم کێشەیا خوینداریێ یە ل کوردستانێ دا دماوەیێ ۲٤ دەمژمێران دا دهێتە چارەسەر کرن و سوپاسیا هەلویستێ هەردوو بنەمالان ژی دکەین کو هەلویستەک مەردانە هەبون و نەخاستن کێشە مەزنتر بببیت و ئەڤ کێشەیە چارەسەر کرن و دنوکە دا هەردوو خێزانان ژی پێکڤە نانێ نیڤرو ژی خوارن.
ئەڤرۆ نیوز، عەلی حاجی :
پشتی دوهی ل روژا چارشەمبێ رێکەڤتی ۷/۸/۲۰۱۹ ژئەگەرێ پارچە زەڤیەکا چاندنێ ل گوندێ متیفا شەرەک دروست بویی؍بو ئەگەرێ گیان ژدەست دانا دو کەسان، ئەڤرۆ ئەو کێشەیە هاتە چارەسەر کرن.
شڤان سندی، رێڤەبەرێ ئاسایشا زاخۆ دداخویانیەکێ دا بۆ ئەڤرۆ نیوز ئاشکەرا کر پشتی روودانا دوهی ل روژا چارشەمبێ ل گوندێ متیفا روودایی، ئێکسەر پولیس و ئاسایشا زاخۆ شیان وێ کێشەیێ کونترول بکەن؍پشتی دماوەیێ ۲٤ دەمژمێرێن بێ نڤستن؍ئەڤ کێشەیە ژلایێ رهـ سپیێ دەڤەرا بەنستانیان عسمەت دینو و هەردیسا ژلایێ من و شڤان شێخو نوینەرێ لقا هەشت یا پارتی دیموکراتی کوردستان و پولیسێن زاخۆ و ەند کەسایەکێن دیتر؍مە شیا ڤێ کێشەیێ ب دوماهی بینن و ب ئامادەبونا هەردوو بنەمالان ئەڤ کێشەیە ب ئێکجاری هاتە چارەسەر کرن و هەردوو خێزان بێ هیچ مەرجەک ل هەڤدوو خوەش بون .
دا زانین ژی هەر ئەڤرۆ ل ئێک ژمزگەڤتێن زاخۆ بەهیا هەردوو بنەمالان دێ ل ئێک مزگەڤت هێتە دانان و بێ هیچ کێشەیەک.
گوت ژی: ئەڤە ئێکەم کێشەیا خوینداریێ یە ل کوردستانێ دا دماوەیێ ۲٤ دەمژمێران دا دهێتە چارەسەر کرن و سوپاسیا هەلویستێ هەردوو بنەمالان ژی دکەین کو هەلویستەک مەردانە هەبون و نەخاستن کێشە مەزنتر بببیت و ئەڤ کێشەیە چارەسەر کرن و دنوکە دا هەردوو خێزانان ژی پێکڤە نانێ نیڤرو ژی خوارن هەر وەکو چو تشتەک روونەدایی.
ئەڤرۆ نیوز، عەلی حاجی :
ئەڤرۆ ل روژا پێنچ شەمبێ ۸/۸/۲۰۱۹ دکتور سامان حسێن وەزیرێ ساخلەمیێ یا حکومەتا هەرێما کوردستانێ سەرەدانا باژێرێ زاخۆ کر و کومبونەک دگەل رێڤەبەرێ ساخلەمیا زاخۆ ئەنجام دا.
دکتور قەرەنی سەعید رێڤەبەرێ ساخلەمیا زاخۆ بۆ ئەڤرۆ نیوز ئاشکەرا کر پشتی سەرەدانا بەرێز وەزیرێ ساخلەمیێ بو باژێرێ زاخۆ و کومبونەک هاتیە ئەنجام دان دگەل جنابێ وەزیری، مە ب ب رێیا وێ کومبونێ چەندین داخوازی رادەستی دەستێ وی کرن داکو بهێنە چارەسەر کرن و ژگرنگترین بابەتێن هاتینە بەحسک رن و مە داخازا جێبەجێکرنا وان بابەتان کرین ئەو ژی بابەتێن کێمیا میلاکێ کارمەندان و چارسەرکرنا ئامیرێن رەنینێ و هندەک ئامیرەیێن دیتر و کێمیا هندەک ورێن دەرمانان و چەندین بابەتێن دیتر؍ژلایێ خوەڤە ژی وەزیرێ ساخلەمیێ سوز دا دیفچوونێ بو کێماسیێن هەین دکارتێ ساخلەمیێ دا ل باژێرێ زاخۆ بهێتە کرن.
ناڤهاتی گوت ژی : مەزنترین ئاریشەیا کەرتێ ساخلەمیا زاخۆ کێمیا نوشدارێن نیشتەجێ خولاون و ئەو چەندە ژی یێ بویە ئاریشە ل کەرتێ ساخلەمیێ دا و پێدڤی ب چارەسەرکرنێ هەیە و هەتا بهێتە چارەسەکرن ژی دێ یا ب زەحمەت بیت.
ئەڤرۆ نیوز ، زنار تۆڤی:
سەرۆکێ پەیمانگەها ڤەکۆلینێن کوردی ئەمریکی کارۆخ خۆشناو بۆ ئەڤرۆ نیوز دیار کر: ئەڤە دەمێ ۱٦ سالانە ناکۆکی دناڤبەرا ئەمریکا و تورکیا دا هەیە، هەروەسا دەمێ ل دەسپێکا سەدەیا بیست و ئێکێ ئاکەپێ ل تورکیا دەستهەلات گریە دەست و ب تایبەتی ژی ل سەر دەمێ ئەردۆگانی، د ڤان 16 سالێن بوری دا پەیوەندیێن ئەمریکا و تورکیا گەلەک بلندی و نزمی ب خوەڤە دیتینە، هەروەسا هەر ژ سالا (۲۰۰۳) وەره وەلاتێ تورکیا مامەلەکا نە ساخلەم ل گەل ئەمریکا کریە، ژ ئالیەکێ ڤە تورکیا رەچاڤا بەرژەوەندیێن ئەمریکا نەکرینە، ژ ئالیەکێ دیتر ڤە تورکیا ل گەل هەڤرک و دژبەرێن ئەمریکا دا مامەلە کریە، دیسان ل سالا (۲۰۰۳) تورکیا رێگری ل ئەمریکا کر و نەهێلا ئەمریکا بنگەهێ سەربازی یێ ئەنجەرلیک بۆ لێدانا ڕژێما سەدامی ب کار بینیت، ل دەستپێکا دروستبوونا رێکخراوا تیرۆستی یا داعشێ ژی دا تورکیا چاڤپۆشی کر ژ چوونا تیرۆریستێن داعش بۆ ناڤ ئاخا سووریێ، هەروەسا د نوکە دا تورکیا خوە نێزیکی رووسیا کریە و رێککەفتن ل گەل کریه بۆ کرینا سیستەمێ موشەکی یێ (S-400)، دیسان تورکیا خوە نێزیکی ئیرانێ ژی کریە و قۆناغا ئێکێ یا سزایێن ئەمریکا ژی شکاند و مامەلە ل گەل ئیرانێدا کر، پشتی هنگێ ژی قەشە (ئەندرۆ برۆنسن) دەستگیر کر.
ناڤهاتی گۆت ژی: ئەو نووچەیێ دوهی وەزارەتا دەرڤە یا تورکیا ناڤ لێ ئینای رێککەفتن، یا دناڤبەرا وان ئەمریکا دا، ب تنێ ئەو نووچەیە بۆ پاراستنا کەرامەتا ئەردۆغانی بوویە و هیچ دەسکەفتەک بۆ تورکیا تێدا نینە، دڤێ رێککەفتنێ دا تورکیا دبێژیت هەردو لا پێکهاتینە ل سەر پێکئینانا بنگەهێ ئۆپەراسیۆنا هەڤبەش دناڤا رۆژئاڤا دا لێ ئەڤە بەحس ل وێ دەڤەرا ئارام ناکەت، کو د بنەرەت دا کێشا سەرەکی یا گوتۆبێژان بوویه دناڤبەرا وان دا، لەوما ئەڤ رێککەفتنا ب ڤی شێوەی، ب تنێ وێ دگەهینیت کو ب تنێ رێککەفتنەکا میدیایی بیت، لەوما ئەوا جهێ دلخۆشیێ ئەوە، کو د نوکە دا کابوسێ شەری ل سەر رۆژئاڤایێ کوردستانێ نەما، بۆ ڤی ماوەی، چونکی تورکیا بێی ئەمریکا نەشێت چ هێرشان بکەتە سەر ڤێ دەڤەرێ، ژبەرکو هێزێن ئەمریکا ل وێ دەڤەرێ هەنە و ل ڤان رۆژێن بوری ژی هژمارەکا چەکی بریە رۆژئاڤا، هەروەسا بەری نوکە ژی تورکیا داخواز ژ ئەمریکا کربوو، کو چێکرنا دەڤەرا ئارام ب کووراتیا 32 کیلۆ مەترا بیت، لێ ئەمریکا داخوازا 5 _ 14 کیلۆ مەتران کریە، هەر چەندە هەتا نوکە چ د رێککەفتنا تورکیا و ئەمریکا دا یا دیار نینە، لێ ئەمریکا دەلیڤێ نادەتە تورکیا بچیتە دناڤا رۆژئاڤێ کوردستانێ دا.
ئەڤرۆ نيوز:
پەرلەمانێ کوردستانێ دێ خواندنا دویێ بۆ پرۆژە قانوونا تاپۆکرنا خانیێن زێدەگاڤی کەت و پەرلەمانتارەکی ژی دیار کر کو ئەو بھایێن حوکمەتێ دیارکرین د گرانن.
ل ھەرێما کوردستانێ ب ھزاران خانیێن بێ تاپۆ ھەنە و ھەتا نوکە ژی نەھاتینە تاپۆکرن، ژ بەر ڤێ چەندێ ژی پەرلەمانێ کوردستانێ بزاڤێن بەردەوام بۆ چارەسەرکرنا ڤی بابەتی دکەت و بڕیارە د ھەیڤا ئیلۆنا ئەڤ سالە دا خواندنا دویێ بۆ ڤێ پرۆژە قانوونێ بھێتەکرن.
ھیڤیدار ئەحمەد، ئەندامێ فراکسیۆنا پارتی دیموکراتی کوردستان ل پەرلەمانێ کوردستانێ دیار کر کو بەری نوکە خواندنا ئێکێ بۆ ڤێ پرۆژە قانوونێ ھاتبووکرن و بڕیارە پشتی بھێنڤەدانا ھاڤینێ یا پەرلەمانی د ھەیڤا ئیلۆنا ئەڤ سالە دا خواندنا دویێ بۆ ڤێ پرۆژە قانوونێ بھێتەکرن.
ناڤھاتی ئاماژە دا وێ چەندی َکو ئەو بھایێن حوکمەتێ بۆ تاپۆکرنا خانیێن زێدەگاڤی دیارکرین د گرانن و د شیانێن وەلاتیێن ھەژار دا نینن و بۆ مالپەرێ فەرمیێ پارتی دیموکراتی کوردستان گۆت: “دەمێ ئەڤ بڕیارە دھێتە بجھئینان ژی بتنێ بۆ وان وەلاتیانە یێن کو چو مولک ل سەر ناڤێ وان نەبن، چونکی ئەو وەلاتی د نەچاربوون و خانی نەبوون ژ بەر ڤێ چەندێ ئەڤ بڕیارە بتنێ بۆ وەلاتیێن ھەژار و کێم دەرامەتە.
ل دووماھیێ ھیڤیداری خویا کر کو ئەڤ پرۆژە قانوونە وان ھەموو جھان ب خوەڤە دگریت یێن ل بن دەستھەلاتا حوکمەتا ھەرێما کوردستانێ ڤە.
ئه‌ڤرۆ نیوز:
حوكمه‌تا هه‌رێما كوردستانێ ئه‌ڤرۆ چارشه‌مبى 7/8/2019 ب شێوه‌كێ فه‌رمى رۆژێن بهێنڤه‌دانا جه‌ژنا قوربانى یا پیرۆز راگه‌هاند.
جوتیار عادل، په‌یڤدارێ حوكمه‌تا هه‌رێما كوردستانێ راگه‌هاند” ب هه‌لكه‌فتا جه‌ژنا قوربانی یا پیرۆز، حوكمه‌تا هه‌رێمێ بهێنڤه‌دانا فه‌رمى ل هه‌موو فه‌رمانگه‌هێن حوكمه‌تا هه‌رێمێ رادگه‌هینیت ژ رۆژا ئێكشه‌مبى 11/8/2019 هه‌تا رۆژا پێنجشه‌مبى 15/8/2019″.
ئه‌ڤرۆ نیوز، مه‌حمود نهێلی
به‌رپرسێ بنگه‌هێ به‌ره‌ڤانیا باژێرى ل ناحیا سه‌رسنكى دیاركر، كو د هه‌یاما چه‌ند هه‌یڤێن ده‌ربازبوویى دا و ژ ئه‌نجامێ روودانێن ئاگر به‌ربوونێ ل سنورێ ناحیا سه‌رسنكى ب كوژمێ پتر ژ 25 ملیون دیناران زیان گه‌هشتینه وه‌لاتیان و دورێن 600 دونه‌مێن ئه‌ردى هاتینه سوتن.
كومیسه‌ر ئه‌میر فه‌خرى، به‌رپرسێ بنگه‌هێ به‌ره‌ڤانیا باژێرى ل ناحیا سه‌رسنكێ بۆ ئه‌ڤرۆ نیوز دیار كو كو هه‌یاما چه‌ند هه‌یڤێن ده‌ربازبوویى دا 46 روودانێن ئاگربه‌ربوونێ ل ده‌ڤه‌را وان دروست بووینه كو ژوانا 35 یێن دارستانێ بووینه و تێدا دورێن 600 دونه‌مێن پیش و په‌له‌خى هاتینه سوتن و گۆت : ” هه‌ر دڤان روودانان دا دو خانى و ئێك كوگه‌ه و ئێك موه‌لیده و ئێك په‌نزیخانه و ئێك ترۆمبێل ژى هاتینه سوتن”.
گۆت ژىگ هه‌ر ” د ڤان روودانان دا پرۆژه‌یه‌كى مریشكان هاتیه سوتن و هه‌روه‌سا روودانه‌كا ئاگر به‌ربوونێ ل فه‌رمانگه‌ها ئاڤا سه‌رسنكێ ژى دروست بوویه. و ئاشكرا كر، كو سێ روودانێن ره‌ز و بیستان و داروبارى ژى دروست بووینه و تێدا پتر ژ 25 ملیون دیناران زیان گه‌هشتینه وه‌لاتیان”.
نيشاندان