ئەڤرۆ نیوز:
بۆریس جۆنسن سەرۆک وەزیرێن بریتانیا راگەهاند کو ٣١ چریا ئێکێ یا ئەڤسالە دێ بریتانیا ب تەمامی ژ ئێکەتیا ئورۆپا جودا بیت.
سەرۆک وەزیرێن بریتانیا ئەو یەک ژی دیار کر کو گەلەک بزاڤ هاتینە کرن دا ئاستەنگی ل هەمبەر جودابوونا بریتانیا ژ ئێکەتیا بهێنە دروستکرن لێ گەلێ بریتانیا بریارا خوە یا دای و دێ ئەڤسالە ژ ئێکەتیا ئورۆپا جودا بین.
ئه‌ڤرۆ نيوز:
ئه‌ڤرۆ رۆژا دوشه‌مبى 29-7-2019 مه‌سرور بارزانى، سه‌رۆك وه‌زيرێن هه‌رێما كوردستانێ پێشوازى ل نيرانجان راسنينگا باليوزێ وه‌لاتێ سريلانكا ل عيراقێ كر.
د هه‌ڤديتنه‌كێ دا باليوزێ سريلانكا پيروزباهيا سه‌رۆك وه‌زيرێن هه‌رێمێ كر و هيڤى خواست يێ سه‌ركه‌فتى بيت د ئه‌ركێ خوه يێ كابينه‌يا نه‌هێ يا حوكمه‌تا هه‌رێما كوردستانێ، ديسان ئاماژه ژى دا وێ چه‌ندێ بشێن په‌يوه‌نديێن هه‌رێما كوردستانێ و سريلانكا بهێزتربكه‌ن تايبه‌ت د بوارێ وه‌به‌رهێنانێ دا و برياره ئايينده‌كێ نێزيك به‌رهه‌مێن سريلانكا د پيشانگه‌هه‌كێ دا ل هه‌ولێرێ بهێنه نيشادان.
ژلايێ خوه ڤه مه‌سرور بارزانى بۆ شاندێ مێڤان يێ وه‌لاتێ سريلانكا روونكر كو د كارنامه‌يا كابينه‌يا نوو يا حوكمه‌تێ دا بهێزكرنا ئابورێ كوردستانێ يه تايبه‌ت د بوارێ كشتوكالى دا ديسان رێيه‌كا باشتر بهێته به‌رهه‌ڤ كرن بۆ وه‌به‌رهێنانا وه‌لاتێن بيانى ل هه‌رێما كوردستانێ.
ئەڤرۆ نیوز:
مایک پۆمپیۆ وەزیرێ دەرڤە یێ ئەمریکا بەری دەمەکێ راگەهاند کو ژ بەر سزایێن کو وەلاتێ وی ل سەر ئیرانێ سەپاندینە رێژا هنارتنا پەترۆلا ئیرانێ ٩٥% کێم بوویە و ئیران تووشی قەیرانەکا مەزن یا هاتی.
وەزیرێ دەرڤە یێ ئەمریکا ئەو یەک ژی دیار کر کو ئەم ب چو رەنگەکی رێ نادەین ئیران ببیتە خوەدان چەکێن ئەتۆمی.
ئەڤرۆ نیوز:
راپورتێن رۆژنامەڤانی ل ئیسپانیا دیارکرینە یانا بەرشەلۆنا رەتکریە بەرەڤانێ خوە یێ پورتوگالی نێلسون سێمیدو بفروشن پشتی ھژمارەکا یانێن ئینگلیزی حەزا خوە دیارکری ھەڤبەستێ ل گەل ئەوی یاریزانی ئیمزا بکەن.
ھەردیسان ئەوان راپورتێن رۆژنامەڤانی دیارکریە ژی بەرپرسێن یانا بەرشەلۆنا راگەھاندی یە سێمیدو بوو فروتنێ نینە ل ڤی وەرزی و ھەر یانەکا حەزا ئیمزاکرنێ ل گەل ئەوی یاریزانێ ئەوان ھەبیت پێدڤی یە کوژمێ ١٠٠ ملیون یورۆیا پێشکێشی بەرشەلۆنا بکەن بەرامبەر دەست بەردانا ئەوی یاریزانی.
ئەڤرۆ نیوز:
پشتی ھەردو بەرەڤانێن وێ کوسیلنی و ھولدینگ توشی ھنگافتنێ بووین یانا ئەرسینال دخوازیت ھەڤبەستێ ل گەل بەرەڤانەکێ خودان شیان ئیمزا بکەن بوو ب ھێز ئێخستنا ھێلا بەرەڤانیا خوە بۆ وەرزێ نوو یێ تەپا پێ.
رۆژناما مترو یا برێتانی دیارکریە یانا ئەرسینال دەست نێزیکی ئیمزاکرنا ھەڤبەستا بەرەڤانێ نیڤدەولەتی یێ ئیتالی و یانا یوڤانتوس دانیێل روگانی بوویە ئەوێ ل وەرزێ بوری ٢٠ یاریان دا پشکداری ل گەل وێ یانا ئیتالی کری .
ھەردیسان وێ رۆژنامێ دیارکریە ژی وی یاریزانی ژی حەزا چوونێ ھەیە ژ یانا یوڤانتوس تایبەت پشتی وێ یانێ ھەڤبەستا ماتیاس دی لیگیت یێ ھولەندی ئیمزاکری کو دبیت دەلیڤەیا یاریێ بوو ئەوی ژ وەرزێ بوری کێمتر بیت لەورا ئەو دخوازیت بەر ب یانەکا نوو ڤە بچیت .
ھەردیسان وێ رۆژناما برێتانی دیارکریە ژی یانا یوڤانتوس ژی نابیتە رێگر د رێیا چوونا ئەوی یاریزانی دا و یانا ئەرسینال ژ ھەر یانەکا دی نێزیکترە بوو ئیمزاکرنا ھەڤبەستا ئەوی یاریزانێ ناڤبری
ئه‌ڤرۆ نیوز:
د. نزار عسمەت، رێڤەبەرێ گشتی یێ ساخلەمیا پارێزگەھا دھۆکێ دیارکر کو ئەڤرۆ 29/7/2019 رۆژا جیھانیا نەخۆشیا تالاسیمیا یە، مە حەز دکر ساخ بکەین بۆ ھندی بیرا خوە ل ڤێ نەخۆشیێ بینین کا چ بۆ ھاتیە کرن وچ بۆ بھێتە کرن و زێدەتر ھەماھەنگی بھێتە کرن بۆ پتر پشتەڤانیکرنا ساخلەمیێ دا کو باشتر خزمەتا نەخۆشان بھێتە کرن ئەڤ نەخۆشیە ئێکە ژ نەخۆشیێن خوەجە ل دەڤەرا بەھدینان ب گشتی و سالانە حالەتێن ڤێ نەخۆشیێ پەیدا دبن ھەر کەسەکێ د مالا خوە دا نەخۆشەکێ تەلاسیمیا ھەبیت دزانیت چەند ئێش و ژان ھەنە.
ئاشکەرا ژی کر کو ئەڤ نەخۆشیە بەردەوام پێدڤی ب خوینێ ھەیە ل گۆری پێدڤیاتیا نەخۆشی و ھندەک نەخۆشان پێدڤی دەرمان و کەرەستە و فاکتەرێن دی یێن خوینێ ھەیە ئەو ژی پێدڤیە بەردەوام بۆ وان بھێنە دابینکرن ژ بەر ھندێ ئەم سوپاسیا ھەموو کەسان دکەین یێن شیان ھەین و خوینێ پێشکێش دکەن ھەکە خۆین بەخش نەبانە ژیان بۆ نەخۆشێن تالاسیمیا ژی نەدبوو لەورا ئەم ژ دل سوپاسیا وان دکەین.
زێدەتر گۆتژی ئەم ل ساخلەمیا دھۆکێ ب تنێ رێیێن چارەسەریێ ناگەرینە بەر، بەلکو چارەسەریێن بەردەوام و بنەجھـ دگەریێن بۆ نەخۆشان دا کو نەخۆش قورتال بن ژ نەخۆشیێ لەورا ژی بۆ جارا ئێکێ ئەم کاردکەین پشکنینا بکەین بۆ وان کەسێن ژیانا ھەڤژینیێ پێک دئینن و خەلکێ خوە پتر رەوشەنبیر دکەین ل سەر ڤێ نەخۆشی.
د. نزار عسمەت تەیب ئەو ژی دیارکر کو ل سەر ئاستی چارەسەریا بەردەوام و رۆژانە ساخلەمیا دھۆکێ ئێک ژ سەنتەرێن تازە نوژەن کریە و ھەموو ئامیرە و کەرەستێن پێدڤی بۆ وان دابینکرینە دا کو بشێن پتر چارەسەریا وان بکەن و پتر پووتە ب وان بھێتە دان ئەم ل ڤێدەر ژی نە راوەستیاینە مە ھەولێن بەردەوام دان بشێین کادرَی خوە پتر پێش بێخین و سەرەدەریەکا جوانتر د گەل نەخۆشان بکەین و کادرێ مە بۆ ئیتالیا ھاتینە رەوانەکرن ل وێدەر ھاتنە مەشقدان دا بشێن سیتسەمێ باشتر بۆ سەنتەری دروست بکەین و پتر خزمەتا نەخۆشان بکەین.
رێڤەبەرێ گشتی یێ ساخلەمیا پارێزگەھا دھۆکێ راگەھاند ژی کو نوکە ساخلەمیا دھۆکێ پلانەکا نوو ھەیە بۆ نەخۆشان ب تایبەتی ژی بۆ زارۆکان دەمێ تووشی ڤێ نەخۆشیێ دبن ئەو ژی چارەسەریا بنبڕە بۆ ڤی نەخۆشی ب رێیا چاندنا مەژیێ ھەستی ب رژدی ئەم ل سەر ڤی کار دکەین ئەڤە پێنچ سالن ئەم پلانێ ددانین وھەولێن مە ھێدی ھێدی نە و پرۆفیسورەکێ ئیتالی ژی ھەڤکاریێ دکەت ئەم د گەل وان کاردکەین بەرنامەکێ گونجایی و باش دانین پشتی پێنچ سالان ئەردێ ھاتیە دەست نیشانکرن و دیزاین ژی ھاتینە دانان و ئەندامێن پەرلەمانێ کوردستانێ و عێراقی ب تایبەتی ژی لیژنا دارایی راستی وان کارەکێ مەزن ئەنجام دان و کوژمەکێ پارەیی ھاتە دەست نیشانکرن و ھاتە رەوانەکرن بۆ وەزارەتا ئاڤەدانیا عیراقێ ب سوپاسی ڤە ژی وەزیری ئاڤەدانکرنی ئەڤە چەندە قەبوول کر و بەردەوام د گەل مەدایە بۆ ھندی ئەم بشێین ڤێ پرۆژەی بێخینە وارێ بجھئینانێ دا ئەم یێ ھەولددەین ئەڤ سالا پرۆژە بکەڤیتە وارێ بجھئینانێ دا و ئاڤاھیێ وێ بھێتە دروستکرن ب شێوەیەکێ مۆدرین و ھەڤچەرخ و دێ ھەموو کار ژی ل گۆری پێڤەرێن جیھانی بن و گەلەک لایەیان حەز کریە بۆ ڤی پرۆژەی د گەل ساخلەمیا دھۆکێ بەشدار بن ب تایبەتی ژی وەزارەتا ژینگەھێ ل ئیتالیا وان حەز کریە ئەڤ ئاڤاھیێ دھێتە دروستکرن ئاڤاھیەکێ ھەڤال بیت د گەل ژینگەھێ و باشترین و مۆدرێنترین ئاڤاھی بیت دەم تمام بیت دشێن پتر خزمەتا خەلکێ خوە و نەخۆشان بکەین.
د. نزار عسمەت ئاشکەرا کر کو ئەڤ ھەولێن حوکمەتا ھەرێما کوردستانێ د بەردەوامن د سکتەرێ ساخلەمیێ دا بۆ ھندی بشێین کوالێتیا خزمەتێن دھێنە پێشکیشکرن بۆ خەلکی مە بگەھیتە وی ئاستی ئەم شانازیێ پێ بکەین و خەلک ژی شانازیێ پێ بکەن ئێک ژ وان ھەولان ژی ئەو بوویە ئەڤ سەنتەرە بوویە. ئەم دێ بەردەوام بین بۆ پشتەڤانیا بەنکا خوینێ و سەنتەرێ تالاسیمیا و ھەموو لایەنێێن پەیوەندی پێڤە ھەی بۆ ھندێ بشێین بگەھینە وی ئاستێ ئەم شانازیێ پێ بکەن.
د. ئان فواد توما، پەیڤەک ل دۆر نەخۆشێن تالاسیمیا ل دھۆکێ پێشکیشکر و گۆت: “ل دھۆکێ 1193 نەخۆش ھەنە ژ وانا ژی 155 ئاوارەنە و 31 ژی پەنابەرن و 73 نەخۆش ژی بۆ چاندنا مەژیێ ھەستی بۆ دەرڤەی وەلاتی ھاتینە رەوانەکرن.
ئەڤرۆ نیوز، عەلی حاجی:
پشتی ھاتنا ھێزێن پێشمەرگەی بۆ ناحیا دەرکارێ ھند ژ تورێن جڤاکی و سایتێن سێبەر ل کوردستانێ، ھاتنا ڤێ ھێزێ بۆ دەڤەرا دەرکارێ بو لێدانا ھێزێن پەکەکێ دا بوون زانین.
ل دور ڤێ چەندێ زێرەڤان موسا رێڤەبەرێ ناحیا دەرکارێ بۆ ئەڤرۆ نیوز گۆت: “پشتی رزگارکرنا کوردستانێ، ھێزەکا پێشمەرگەی ل دەڤەرا مە ھەبوو، ئەو ھێزا دوھی ل رۆژا ئێک شەمبێ ھاتیە سنورێ رێڤەبەریا مە ب تنێ گوھورینا ھێزێن پێشمەرگەیی بوویە و نە زێدەتر، چو راستیەک بو وێ چەندێ نینە کو ھندەک کەسان وەسا دا بو زانین کو ب چەکێن ب ھێز ڤە ئەڤ ھێزە ھاتیە دەڤەرا مە، ھاتنا وێ ھێزێ ب تشتەکێ نورمال دبینم و ب تنێ پێگھورینا ھێزێن پێشمەرگەی ھاتیە کرن و بو زانین ژی ئاڤاھیێ فەرماندەیەکا پێشمەرگەی ل سنورێ رێڤەبەریا مە ھەیە”.
ناڤبری گۆتژی: ھەردەما گوھورینا ڤان ھێزان ژی دروست بیت، نە ددەستھەلاتا مە دایە ئەم بھێينە ئاگەھدار کرن، ژ بەر کو ئەڤە کارەکێ سەربازی یە و پێگوھورین کارێ فەرماندەێن ھێزێن پێشمەرگەیی یە، ئەڤ بابەتە گریدایی وانایە و مە چو پەیوەندی پێڤە نینە و ئەڤ ھێزە نە ژبوو چوو شەرەێ ھاتیە ڤێ دەڤەرێ و مافێ وێ ھێزێ یە ژی بچیتە ھەمی دەڤەرێن کوردستانێ ژ بەر و ھێزێن پێشمەرگەیی ھێزێن ھەمی کوردستانێ نە”.
ئەڤرۆ نیوز:
راپورتێن رۆژنامەڤانی ل ئیسپانیا دیارکرینە راھێنەرێ یانا ریال مەدرید سەرۆکێ وێ یانێ ئاگادارکریە ب زیترین دەم دەست ب دانوستاندنان بکەن بوو ڤەگوھاستنا ستێرا فرەنسی و یانا مانچێستەر یوناید پول پوگپا کو ئەوی پێدڤی ب شیانێن ئەوی یاریزانی ھەیە .
ھەردیسان ھاتیە دیارکرن ژی سەرۆکێ یانا ریال پێرێز داخوازی ژ زێدان کریە دەلیڤەیێ بدەتە ئەوی ھەتا بشێن دەست ب دانوستاندنان ل گەل یانا مانچێستەر یوناید بکەن ژبەرکو وێ یانا ئنگلیزی نوکە بھایێ ھەلوەشاندنا ئەوی یاریزانی گەلەک بلندکریە.
ھەژی گوتنێ یە یانا مانچێستەر رەتکریە ئەوی یاریزانێ خوە کێمتر ژ ١٨٠ ملیون یورۆیا بفروشن و ئەو چەندە بوویە رێگر د رێیا وێ یانا ئیسپانی دا کو سەرۆکێ ریال دخوازیت ب کوژمەکێ کێمتر ھەڤبەستێ ل گەل پوگپای ئیمزا بکەت .
ئەڤرۆ نیوز، عەلی حاجی:
چاڤدێریا بازرگانی ل زاخۆ ۲۰۰ کێلویێن پسکێتان ژناڤ دبەت ؍ پشتی بازرگانەکێ ئەو پێسکتێن دەمب سەر ڤە چووی رادەستی چاڤدێریا بازرگانی کرین .
جەگەرخوین عەبدوللا، بەرپرسێ چاڤدێریا بازرگانی ل زاخۆ، بۆ ئەڤرۆ نیوز دیار کر پشتی بازرگانەکێ ل زاخۆ ئەم ئاگەھداری کرین کو ٦۰۰ کێلویێن پسکێتان ژبەرھەمێ دەمێ وان ب سەرڤەچوویە، تێمێن مە ل چاڤدێریا بازرگانی ئێکسەر دەست ب سەر وێ رێژەیا پسکێتان دا ھاتە گرتن و ل دووڤ را ھاتنە ژناڤبرن و سوتن؍ و گوت : ئەڤە دووەم جارە دماوەیێ حەفتیەکێ دا بازرگانێن زاخۆ لسەر ھەبونا بەرھەمێن خراب بووی مە ئاگەھدار دکەن و ئەم ژناڤ دبەین و ئەڤە پێنگاڤەکا باشە ژلایێ بازرگانێن مەڤە و ژھەژی دەست خوەشیێ نە .
بو زانین ل حەفتیا دەرباز بووی نەھـ تەنێن تەمەر ھندا خراب بووی ژلایێ چاڤدێریا بازرگانی ڤە ھاتنە سوتن و ژناڤبرن.
ئەڤرۆ نیوز:
یاریزانێ ھێلا ناڤینا بەرازیلی یانا بەرشەلۆنا رافینا ئەلکانتارا ھەڤبەستا ئێک ژ یانێن خۆلا ئیتالیا رەتکر پشتی وێ یانێ ب فەرمی داخوازی ژ ئەوی کری بۆ ئیمزاکرنا ھەڤبەستا ئەوی ل ڤەگوھاستنێن ھاڤینا ئەڤ سالە.
رۆژناما موندو دیپورتیڤو یا کەتەلونی دیارکریە پشتی یاریزانێ بەرازیلی رافینا ل وەرزێ بوری نەشیای ئاستەکێ باش ل گەل بەرشەلۆنا پێشکێش بکەت یانا فیروتنینا یا ئیتالی دخواست ھەڤبەستێ ل گەل ئەوی یاریزانی ئیمزا بکەت لێ ئەوی یاریزانێ ناڤبری داخوازیا وێ یانێ رەتکر و ناخوازیت جارەکا دی ڤەگەریتا خۆلا کاتشیو پشتی بەری نوکە ب شێوەیێ خواستن یاری ل یانا ئەنتر میلان کری.
ھەردیسان وێ رۆژنامێ دیارکریە ژی رافینا دخوازیت بەردەوامی بدەتە ژیانا خوە یا پیشەکاری ل ئیسپانیا و دبیت ل سەر داخوازیا یانا ڤالنسیا رازی بیت کو وێ یانێ ژی دەست ب دانوستاندنان ل گەل ئەوی یاریزانی کریە و یانا بەرشەلۆنا ژی نابیتە رێگر د فروتنا ئەوی یاریزانی دا.
نيشاندان