ئەڤرۆ نیوز:
یانا یوڤانتوس یا ئیتالی رازی بوو ل سەر فروتنا ستێرا خوە یا ئەرژەنتینی و پاولو دیبالا بۆ یانا مانچێستەر یوناید ل ڤەگوھاستنێن ھاڤینا نوکە.
رۆژماما مترو یا برێتانی دیارکریە یانا یوڤانتوس یا بەرھەڤە یاریزانێ خوە دیبالا بفروشیت دناڤبەرا ٧٠ ھەتا ٩٠ ملیون جێنێ ئیسترلینی .
ژلایەکێ دیڤە راپورتێن رۆژنامەڤانی ل ئیتالیا دیارکریە راھێنەرێ نەرویجی یێ یانا مانچێستەر یوناید سولساکیر داخوازی ژ بەرپرسێن یانا خوە کرینە دەست ب دانوستاندنێن فەرمی بکەن ل گەل یانا یوڤانتوس بۆ ڤەگوھاستنا وی ستێرا ئەرژەنتینی بکەن.
ژلایەکێ دیڤە رۆژناما دیلی میل یا برێتانی دیارکریە کارگێریا یانا مانچێستەر یوناید دێ ھەڤبەستێ ل گەل دیبالای ئیمزا کەن ب مەرجەکی ئەوژی ھەکە ئێک ژ یاریزانێن وێ لوکاکو یان پوگپا پێکھاتیێ وێ یانا ئنگلیزی ب جە ھێلا.

ئەڤرۆ نیوز:
یانا فەنەربخچە یا ئیتالی ل سەر مالپەرێ خوە یێ فەرمی راگەھاند ئەو گەھشتنە رێککەفتنێ ل گەل یانا ناپولی یا ئیتالی بۆ ڤەگوھاستنا یاریزانێ ئەوان یێ مەقدونی ئەلیف ئەلماس .
زێدەتر ئەوێ یانا تورکی ل سەر مالپەرێ خوە دیارکریە بریارە ل ڤێ حەفتیێ ئەلماس پەیوەندی ب یانا ناپولی بکەت پشتی گەھشتی نە رێککەفتنێ ل گەل یانا وێ یانا ئیتالی .
راپورتێن رۆژنامەڤانی ل ئیتالیا دیارکرینە یانا ناپولی کوژمێ ١٥ ملیون یورۆیا پێشکێشی یانا فەنەربخچە یا تورکی کریە بۆ ڤەگوھاستنا ئەلیف ئەلماس یێ ١٩ سالی.

ئەڤرۆ نیوز:
یانا ریال بتیس یا ئیسپانی ب فەرمی ھەڤبەستا ستێرا یانا لیون و کابتنێ وێ یانێ نەبیل فەقیر راگەھاند .
یانا ریال بتیس ل سەر مالپەرێ خوە یێ فەرمی بەلاڤەکریە ئەوان ھەڤبەستا یاریزانێ ھێلا ناڤینا ھەلبژارتیێ فرەنسا و کابتنێ یانا لیون نەبیل فەقیر ئیمزاکر ھەتا ٢٠٢٣ پشتی گەھشتی نە رێککەفتنێ ل گەل وێ یانا فرەنسی.

ئەڤرۆ نیوز:
بریکارێ ستێرا وێلزی و یانا ریال مەدرید جوناسان بارنیت تەکید ل وێ چەندێ کر بێل ب شێوەیێ خواستن ھەڤبەستا چ یانان ئیمزا ناکەت ل ڤەگوھاستنێن ئەڤ سالە.
زێدەتر بارنیت بۆ مالپەرێ سکای سپورتس دیارکر ئەو ل سەر ڤەگوھاستنا بێل رازی نابن ب شێوەیێ خواستن ژبەرکو ئەو ئێک ژ باشترین یاریزانانە نوکە ل جیھانێ و ھەکە یانە دخوازیت وی یاریزانی ب فروشیت گەلەک رێکێن دی ھەنە ئەو دشێن چارەسەربکەن .

ھەژی گوتنێ یە بەری چەند رۆژان یانا جیانگسو سونینگ یا چینی ب فەرمی بەرھەڤیا خوە دیارکریە ھەڤبەستێ ل گەل ئەوی یاریزانێ وێلزی ئیمزا بکەن ب مەچەیەکێ سالانە ١٧ ملیون یورۆیا.