ئەڤرۆ نیوز:
شاندەکێ سەربازی یێ ئەمریکا گەهشتە رۆژئاڤایێ کوردستانێ و ل گەل فەرماندارێ گشتی یێ هێزێن سووریا دیموکرات کۆمبوو.
ل گۆر راگەهاندنێن نێزیکی هێزێن سووریا دیموکرات شاندێ ئەمریکا پشتەڤانیا خوە بۆ رۆژئاڤایێ کوردستانێ دیار کریە و راگەهاندیە ئەو ب چو رەنگەکێ رێ نادەن تورکیا هێرشی رۆژئاڤایێ کوردستانێ بکەت و دێ بەردەوام د بیاڤێ سەربازی دا هاریکاریا هێزێن سووریا دیموکرات کەن.
ئه‌ڤرۆ نيوز:
ژ به‌ر وه‌غه‌را ڤێ دووماهيێ يا فه‌ريد زامدار، نڤيسه‌ر و ره‌وشه‌نبير و پێشمه‌رگێ دێرين سه‌رۆك بارزانى و سه‌رۆكێ هه‌رێمىێ بروسكه‌يه‌كا هه‌ڤخه‌ميێ ئاراسته‌ى مالباتا خودێ ژێ رازى كر.
د ڤێ په‌يامى دا سه‌رۆك مه‌سعود بارزانى ئاماژه دا وێ يه‌كێ، زور دلگران بووم ب په‌ياما وه‌غه‌را دووماهيا نڤيسه‌ر و پێشمه‌رگه فه‌ريد زامدار له‌ورا سه‌ره‌خوشيێ خوه ئاراسته‌ى خێزانا خه‌باتكه‌ر و هه‌ڤالێن خودێ ژێ رازى دكه‌م هه‌ڤپشكێ خه‌ماوانم.
ژلايێ خوه ڤه سه‌رۆكێ هه‌رێما كوردستانێ نێچيرڤان بارزانى ب هه‌مان شێوه هه‌ڤخه‌ميا خوه ده‌رباره‌ى وه‌غه‌را نڤيسه‌ر و ره‌وشه‌نبير و پێشمه‌رگه فه‌ريد زامدار دياركر و سه‌ره‌خوشى ل خێزانا خودێ ژێ رازى كر و دياركر هه‌موو نڤێسين و هوزانێن هه‌رده‌م دێ د جيهانا ئه‌ده‌بياتێن كوردى دا ب ساخى مينن.
هه‌ژى گۆتنێ يه ل شه‌ڤا بورى نڤيسه‌ر و ره‌وشه‌نبير فه‌ريد زامدار ژ ئه‌گه‌رێ نه‌خوشيێ چو به‌ر دلوڤانيا خودێ.
ئه‌ڤرۆ نيوز:
ئه‌ندامێ لژنا دارايى يا په‌رله‌مانێ عيراقێ ئاشكرا كر سوبه‌هى رۆژا سێشه‌مبى 23-7-2019، ئهو پشكا ماى يا مووچێ فه‌رمانبه‌رێن هه‌رێما كوردستانێ ژلايێ حوكمه‌تا عيراقێ ڤه دێ هێته هنارتن.
زێده‌تر ئه‌حمه‌د سه‌فار دياركر وان پێزانين هه‌نه كو كێشه‌يه‌كا ته‌كنيكى بوو ئه‌گه‌ر مووچێن فه‌رمانبه‌رێن هه‌رێمێ گيروبن لێ نوكه چو كێشه نه‌ماينه و سوبه‌هى دێ مووچه هێنه هنارتن.
به‌رى نوكه ئاوات شێخ جه‌ناب وه‌زيرێ داراييا هه‌رێمێ ئاشكرا كر، به‌رده‌وام مووچه يێ دهێته به‌لاڤ كرن بێ راوستيان، ل ڤێ مه‌هێ ژى ژبه‌ر گيروبونا هنارتنا كوژمه‌كێ پاره‌ى ژ به‌غدا مووچێن چه‌ند وه‌زاره‌تان گيروبوويه لێ سوبه‌هى ئهو وه‌زاره‌تێن ماى ژى دێ مووچێن خوه وه‌رگرن.
ئه‌ڤرۆ نيوز:
ئه‌ڤرۆ رۆژا دوشه‌مبى 22-7-2019 جڤاتا وه‌زيرێن هه‌رێما كوردستانێ ب سه‌روكاتيا مه‌سرور بارزانى دووه‌م كومبوونا خوه ئه‌نجام دا.
د ڤێ كومبوونێ دا جڤاتا وه‌زيران ب توندى روودانا تيرورستيا ته‌قه‌كرنا خارنگه‌هه‌كا هه‌ولێرێ ئيدانه‌كر ديسان ده‌ستخوشى ل ده‌زگايێن ئاسايشا هه‌رێمێ ژى كر كو د ماوه‌كێ كورت دا شيان بكه‌رێن ڤێ روودانێ ده‌سته‌سه‌ر بكه‌ن.
ژلايه‌كێ دى يێ ڤێ كومبوونێ به‌حس ل جێبه‌جێكرنا رێنمايێن بريارێن ئێكه‌م كومبوونا جڤاتا وه‌زيران هاته كرن و هه‌موو وه‌زير هاتنه راسپاردن باشترين شێوه خزمه‌تا وه‌لاتيان بكه‌ن و رێز ل وان بهێته‌گرتن زێده‌بارى ده‌ركرنا رێنمايێن تايبه‌ت بۆ جێبه‌جێكرنا بريارێن جڤاتا وه‌زيران.
هه‌ر د ڤێ كومبوونێ دا سه‌رۆكێ جڤاتا وه‌زيرێن هه‌رێما كوردستانێ رووناهى خسته سه‌ر شاندێ بلند يێ حوكمه‌تا هه‌رێمێ بۆ سه‌ره‌دانا به‌غدا كو برياره نێزيكترين ده‌م دا ده‌ست ب شاندێن هه‌رێمێ و به‌غدا ب زووترين ده‌م گوتوبێژان بۆ دانانا ميكانزمه‌كێ بۆ چاره‌سه‌ركرنا كێشه‌يێن ناڤبه‌را به‌غدا و هه‌ولێرێ دا.
ل دووماهيێ د كومبوونا ئه‌ڤرۆ دا گه‌نگه‌شه ل سه‌ر گرنگيا ئه‌لكترونيكرنا كاروبارێن حوكمه‌تێ هاته كرن، ئاماژه دا وێ چه‌ندێ كو پێدڤيه مالپه‌ره‌كێ ئێكگرتى بۆ هه‌موو وه‌زاره‌ت و فه‌رمانگه‌هێن هه‌رێمێ بكه‌ڤيته كارى بۆ وه‌رگرتنا زانياريان بۆ وه‌لاتيان ديسان ئه‌ڤ چه‌نده بيته پێنگاڤه‌ك به‌ر ب ئه‌لكترونيكرنا هه‌موو كارێن حوكمه‌تێ.
ئەڤرۆ نیوز:
یانا مانچێستەر سیتی نێزیکی ئیمزاکرنا ھەڤبەستا ستێرەکا یانا یوڤانتوس بوویە بۆ ڤەگوھاستنێن ھاڤینا ئەڤ سالە.
رۆژناما لاگازیتا دیلو سپورت یا ئیتالی دیارکریە یاریزانێ ھەلبژارتیێ پورتوگال و یانا یوڤانتوس جواو کانسیلو یێ ٢٥ ئێک ژ ئارمانجێن سەرەکی یێن راھێنەرێ مانچێستەر سیتی پیپ گواردیولایە بو ڤەگوھاستنێن ھاڤینا ئەڤ سالە و داخوازی ژ بەرپرسێن وێ یانێ کریە ب زیترین دەم ھەڤبەستێ ل گەل ئەوی یاریزانی ئیمزا بکەن ژبەرکو ئەوی پێدڤی ب شیانێن ئەوی یاریزانی ھەیە و بریار دایە دەستا ژ دو یاریزانێن خوە بەردەت داکو کوژمەکێ باشتر یێ پارەی ب گەڤیتە بەر دەستێ ئەوان و ل جھێ ئەوان ھەردو یاریزانان ھەڤبەستێ ل گەل وی یاریزانێ پورتوگالی ئیمزا بکەن.
زێدەتر وێ رۆژنامێ دیارکریە ژی یانا یوڤانتوس رازی بوویە وی یاریزانێ خوە بفروشتە یانا مانچێستەر سیتی لێ پێدڤی یە بەرامبەر دەست بەردانا ئەوی کوژمێ ٦٠ ملیون یورۆیا پێشکێشی ئەوان بکەن و دبیت ب رێژەیا ھەرە مەزن مانچێستەر ل سەر ئەوی کوژمێ پارەی رازی بیت ژبەرکو یوڤانتوس رازی نینە ب کوژمەکێ کێمتر دەستا ژ وی یاریزانێ خوە بەردەن.
ھەژی گوتنێ یە جواو کانسیلو ل ھاڤینا ٢٠١٨ ژ یانا ڤالنسیا ھاتبوو ڤەگوھاستن بوو یوڤانتوس بەرامبەر کوژمێ ٤٠ ملیون یورۆیا.
ئەڤرۆ نیوز:
سەرۆکێ یانا شورتە قارەمانا خۆلا عیراقێ بوو وەرزێ ٢٠١٨-٢٠١٩ د بەرنامەیەکێ وەرزشی دا دیارکر ئەوان بوو وەرزێ بھێت پلانەکا مەزن دارشتی یە بوو دەستڤە ئینانا پیشەکارێن خودان ئاست بلند ل سەر ئاستێ جیھانێ بۆ پشکداری کرنێ د قارەمانیا چامپیونیز لیگا ئاسیا و قارەمانێن خۆلا یا عەرەبی و ھەردیسان خۆلا عیراقێ.
زێدەتر سەرۆکێ یانا شورتە عەبدولوەھاب تاھی بۆ وی بەرنامەیێ وەرزشی دیارکر ئەوان دەست ب دانوستاندنان کریە ل گەل سێ پیشەکارێن بەرنیاس ل سەر ئاستێ خولێن ئورۆپی بۆ دەستڤە ئینانا شیانێن ئەوان بو وەرزێ بھێت بۆ ژبەرکو ئارمانجا ئەوان ئەوا پاراستنا خۆلا عیراقێ بکەن ھەردیسان ب گەھنە قوناغا دووماھیێ ژ قارەمانیا چامپیونیز لیگا ئاسیا کو ژ تیمێن دەستپێکێ بکەن.
سەرۆکێ یانا شورتە ئاماژە ب وێ چەندێ ژی کر نوکە ئەوان دەست ب دانوستاندنان کریە ل گەل بریکارێ یاریزانێ نیڤدەولەتی یێ ئەرژەنتینی و یانا پاریس سانجێرمان یێ بەری نوکە و یانا ھیبا شینا فورشن یا چینی لاڤێتزی ئەوێ دێ ھەڤبەستا ئەوی ل دووماھیا ئەڤ سالە ل گەل وێ یانا چینی ب دووماھیی ھێت.
سەبارەت یاریزانێن نافخوی ناڤبری دیارکر ھەر یاریزانەکێ ئەو بخوازن د شیانێن ئەوان دا یە ھەڤبەستێ ل گەل ئیمزا بکەن ژبەرکو یانا ئەوان ب شێوەیەکێ پیشەکاری ل ئاستەکێ بلند کاردکەن و ھەردیسان ئەوان پشکداریێن دەرڤەی ھەنە و یاریزانێن بەرنیاس ل سەر ئاستێ عیراقێ حەزا خوە دیارکریە یاری بوو یانا ئەوان بکەن.
ژلایەکێ دیڤە ژێدەرێن دەنگوباسی ل عیراقێ وەسا دیاردکەن شورتە دەست ب لڤینا کریە ل گەل ھژمارەکا یاریزانێن بەرنیاس ل سەر ئاستێ ئورۆپا و کێشوارێ ئەفریقیا کو بوو دەستڤە ئینانا شیانێن یاریزانێن بەرنیاس بۆ ب ھێز پشکداری د قارەمانیا ئاسیا دا بکەن.
ھەژی گوتنێ یە لاڤێتزی یێ ٣٤ سالی ھەڤبەستا ئەوی ل گەل وێ یانا چینی ٢٨ ملیون یورۆنە .
ئه‌ڤرۆ نيوز:
بڕياره ئه‌ڤرۆ عادل عه‌بدولمه‌هدى سه‌رۆك وه‌زيرێن عيراقێ ب سه‌ره‌دانه‌كێ بگه‌هيته ته‌هران يا پايته‌ختێ ئيرانێ.
ميدايێن ئيرانێ به‌لاڤكريه كو ئه‌ڤرۆ سه‌رۆك وه‌زيرێن عيراقێ دێ گه‌هيته ته‌هران يا پايته‌ختێ ئيرانێ دا كو ل گه‌ل مه‌زنه به‌رپرسێن وى وه‌لاتى دانوستاندنێ د ده‌رباره‌ى په‌يوه‌نديێن ناڤبه‌را هه‌ردو وه‌لات و ئالوزيێن ناڤبه‌را ته‌هران و واشنتۆن دا بكه‌ت.
ئەڤرۆ نیوز:
یانا پاریس سانجێرمان نێزیکی ئیمزاکرنا ھەڤبەستا ستێرا سینگالی و یانا ئیڤەرتون یا ئنگلیزی ئەردیسا جای بوویە پشتی وێ یانا فرەنسی گەھشتی یە قوناعێن دووماھیێ بوو ڤەگوھاستنا ئەوی یاریزانێ ناڤبری.
رۆژناما لو باریزیان یا فرەنسی دیارکریە یانا پاریس سانجێرمان دێ کوژمێ ٣٠ ملیون یورۆیا پێشکێشی یانا ئیڤەرتون یا ئنگلیزی کەت بوو ھەلوەشاندنا وی یاریزانێ سینگالی و ھەڤبەستا ئەوی یاریزانی دێ ل گەل پاریس ھێتە ئیمزاکرن بوو ماوێ پێنچ سالان.
ھەژی گوتنێ یە ئەدریسا جای ئێک ژ ستێرێن ھەلبژارتیێ سینگال بوو د قارەمانیا نەتەوەیێن ئەفریقیا ئەوا بەری چەند رۆژان ل وەلاتێ مسرێ ب دووماھیی ھاتی کو ھەلبژارتیێ وی ل یاریا دووماھیا قارەمانیێ ل گەل ھەلبژارتیێ جەزائێر خوسارەت بووی ب گولەکێ بێ بەرامبەر .
ھەژی گوتنێ یە ئەدریسا جای ئەوێ ل ھێلا ناڤین دکەت ژ سالا ٢٠١٦ وەرە یاری ل یانا ئیڤەرتون یا ئنگلیزی دکەت و پشکداری د ١٠٨ یاریان دا کریە ل گەل وێ یانێ .
ئەڤرۆ نیوز، مەحمود نھێلی:
سەرۆکێ باژێرڤانیا سەرسنکی، بۆ ئەڤرۆ نیوز دیارکر، کو ئەو نوکە یێن مژیلی راکرنا کول و نەھێلانا ئاژەلی نە، ل ناڤ باژێری، و بۆ ڤێ مەبەستێ لژنەیەک ھاتیە پێک ئینان.
سەرجون خوشابە، سەرۆکێ باژێرڤانیا سەرسنکێ، بۆ ئەڤرۆ نیوز دیارکر، کو ئەڤە ھەیامەکە ئەو مژوولی راکرنا کولێن ئاژەلی نە ل ناڤ باژێری، بتایبەتی ژی ل تاخێ ئازادی و گۆت: ( بۆ ڤێ مەرەمێ لژنەیەک ھاتیە پێک ئینان، ئەڤ لژنەیە بەردەوام یێ دووڤچوونا وان کولان دکەت یێن ناڤ باژێری، و ھەروەسا یێن سەر جادا سەرەکی. تا نوکە نێزیکێ 100 کولان ھاتینە راکرن).
دەربارەی دیتنا چارەسەریەکێ بۆ جھێن کولان یێن کو دڤێن بەردەوام ئاژەلی خودان بکەن، و ژیانا وان ل سەر خودانکرنا ئاژەلی ناڤھاتی دیارکر، نوکە وان جھەک دەست نیشانکریە، یێ دوورێ سەنتەرێ باژێریە. ب ھەڤکاری ل گەل رێڤەبەریا ناحیا سەرسنکی، و ب نڤیسار رێڤەبەریا گشتی ئاگەھدار کریە، و وان ژی رازبوونا خوە ل سەر دیار کریە.
تەکەز کر، ددەمەکی نێزیک دا ، ھەموو کولێن ناڤ باژیرێ دێ ھێنە راکرن و دێ بو وی جھی ھێنە ڤەگوھاستن ئەوێ ھاتیە دەست نیشانکرن.
ئه‌ڤرۆ نيوز:
وه‌زاره‌تا ئه‌منى يا كۆمارا ئيسلامى يا ئيرانى راگه‌هاند كو تۆڕه‌كا سيخوريكرنێ بۆ ئه‌مريكا ئاشكه‌را كر كو 17 ئه‌ندامێن وێ تۆڕێ ده‌سته‌سه‌ركرن.
رێڤه‌به‌رێ گشتى يێ كاروبارێن به‌رسينگگرتنا سيخوريێ ل وه‌زاره‌تا ئه‌منى يا ئيرانێ راگه‌هاند كو بۆ جارا دويێ گۆرزه‌كێ دى يێ مه‌زن ل تۆڕا سيخوريا ئه‌مريكا دا.
ئاماژه ب وێ چه‌ندێ ژى كر كو د چارچوڤێ چالاكيێن خوه دا، شياينه تۆڕه‌كێ سيخوريێ يێ سه‌ر ب ئه‌مريكا هه‌لوه‌شينن و 17 كه‌سان ب تاوانا ئه‌نجامدانا سيخوريێ ده‌سته‌سه‌ر بكه‌ن.
ئه‌وى به‌رپرسێ ئه‌منى يێ ئيرانێ راگه‌هاند ژى كو هه‌موو ئهو كه‌سێن ب تۆمه‌تا سيخوريێ ده‌سته‌سه‌ركرين ژ لايێ ئاژانسا ناڤه‌ندى يا پێزانينان (سى ئاى ئه‌ى) هاتينه مه‌شقكرن.
هه‌ڤده‌م ده‌رباره‌ى سزايێن ئيرانێ به‌رامبه‌ر ئه‌وان ده‌سته‌سه‌ركريان، رێڤه‌به‌رێ گشتى يێ به‌رسينگگرتنا سيخوريێ گۆت: “دياره سزايێ وێ تاوانێ چيه، ژماره‌ك ژ ئه‌گه‌رێ ئه‌نجامدانا كارێ تێكده‌ريێ دێ هێنه سێداره‌دان”.
نيشاندان