ئەڤرۆنیوز،رەمەزان هەرنی:
پەیوەندیێن كوردستانێ‌ و بولگاریا گەهشتینە ئاستە كێ‌ بلند دبیاڤێ‌ بازرگانی دا بزاڤێن باشتر كرنا پەیوەنددیان ئابوری بەردەوامن ژ هەردولایان ڤە بۆ وێ‌ چەندێ‌ لقەكا بانكێن بۆلگاریا ل كوردستانێ‌ بهێتە ڤەكرن سەرەرای كاركرنا كومپانیێن بۆلگاریا ل كوردستانێ‌.
ماجد حەمید مزوری بەرپرسێ‌ جڤاتا كاروبارێن بۆ لگاریا ل كوردستانێ‌ بۆ ئەڤرۆ نیوز گۆت : نوكە رەوشا بازرگانی و ئابوریا ناڤبەرا كوردستانێ‌ و وەلاتێ‌ بۆلگاریا ل ئاستەكێ‌ باشدایەو چاڤەرێ‌ دكەین كابینا نوویا حوكمەتا كوردستانێ‌ بهێتە پێكئینان دا باشتر بیت ژبەركو گەلەك بابەت هەنە هەتا حكومەت نەهێتە پێكئینان ناهێنە بجهكرن ل گەل پێكئینانا كابینا نوویا حكومەتێ‌ دێ‌ ئالۆگورا بازرگانی گەلەك باشتر بیت.
گوتژی : نوكە ل كوردستانێ‌ 12 كومپانیایێن وەلاتێ‌ بۆ لگاریا هاتینە توماركرن،رەوش گەلەك ئارامبۆیەو پەیوەندیێن ئابۆری و بازرگانی روژ بۆ روژێ‌ بەرەڤ پێش دچن و گەهشتیە وی رادەی بۆلگاریا كار لسەر ڤەكرنا لقەكا بانكێن خوە بكەت ل كوردستانێ‌ ،وەلاتێ‌ بۆلگاریا بەردەوام كەرستەیێن خوارنێ‌ یێن هشك رەوانەی كوردستانێ‌ دكەن كوالیتیا وان گەلەك یا باشەو ل كەرەستەیێن گەلەك وەلاتا ئەزرانترن.بەهرا پتر جگارە ل بۆلگاریا دهێنە كوردستانێ‌ ل گەل كێك و دەرمانا .

ئەڤرۆ نیوز،رەمەزان هەرنی:
ل سنورێ‌ قەزایێن ئاكرێ‌ و شێخان و بەردەرەش ل چاڤ ساڵێن بوری ب رێژەكا باش روودانێن ئاگر بەربۆنێ‌ كێم بۆینە و بەرەڤانیا باژێری ل ئاكرێ‌ ژی هزارەها پوستەر بەلاڤكرینە لسەر هاوولاتیا و شوفێرێن دەڤەرێ‌.
موقەدەم فیراس یاسین بەرپرسێ‌ راگەهاندنا بەرەڤانیا باژێرێ‌ ئاكرێ‌ بۆ ئەڤرۆ نیوز گۆت : ل دەمێ‌ چار روژێن بوری ل سنورێ‌ قەزایێن ئاكرێ‌ و شێخان و بەردەرەش 128 روودانێن ئاگری هاتینە توماكرن بەلێ‌ چۆ زیانێن گیانی نەبۆینە بەهرا پتر پوش و پاوان هاتینە سوتن ل گەل 8 دوونەمێن گەنمی و پتر ل دوو هزار دوونەمێن گەنمی ژی هاتینە قورتالكرن ل سوتنێ‌ ژلایێ‌ تیمێن بەرەڤانیا باژێری ڤە.
گوتژی : سنورێ‌ بەرەڤانیا باژێرێ‌ ئاكرێ‌ 15 تیم هاتینە دروستكرن و بەلاڤكرن ل دەڤەرێ‌ بۆ هەر روودانەكا ئاگر بەربۆنێ‌ د بەرهەڤن مە هژمارێن تەلەفونا ژی ل هەموو جهێن گشتی بەلاڤكرینە و ئەڤساڵە 9 هزار پوستەر بۆ ئاگەهداركرنا هاوولاتی و شوفێرا هاتینە بەلاڤكرن ل دەڤەرێ‌ و بڤێ‌ چەندێ‌ ژی 60% روودانێن ئاگر بەربۆنێ‌ كێمكرینە ل چاڤ سالێن بۆری ، پێدڤیە هەر روودانەكا ئاگری دەمێ‌ دروست دبیت ئێكسەر تیمێن مە بهێنە ئاگەهداركرن و ل دەمێ‌ چونا ناڤ زەڤیێن گەنمی ژی پێدڤیە جوتیار رێنمایێن بەرەڤانیا باژیری بجهبینیت.