ئەڤرۆ نیوز:
پشتی ئەوان داخویانیێن زێدان کو دیارکری جھێ ستێرا وێلزی ل ناڤا پێکھاتیێ یانا ریال مەدرید نەمایە و دەرگەھێ چوونێ بوو یێ ڤەکری یە ھژمارەکا یانێن جیھانی و چینی دەست ب لڤینا کرینە بوو ڤەگوھاستنا وی ستێرا وێلزی .
رۆژناما مارکا ئیسپانی دیارکریە یانا جیانگسو سونینگ یا چینی ئێک ژ ئەوان یانێن دخوازیت ھەڤبەست ل گەل کارس بێل ئیمزا بکەت و ئەوێ یانێ بەرھەڤیا خوە دیارکریە کوژمێ ١٧ ملیون یورۆیا وەکو موچەیێ سالانە پێشکێشی وی یاریزانێ وێلزی بکەت .
ھەردیسان وێ رۆژنامێ دیارکریە ژی چ یانان ھەتا نوکە بەرھەڤیا خوە دیارنەکریە وی کوژمێ پارەی وەکو موچەیێ سالانە بدەنە وی یاریزانێ بێلی .
ژلایەکێ دیڤە راپورتێن رۆژنامەڤانی ل وەلاتێ برێتانیا دیارکریە یانا توتنھام یا ئنگلیزی کو یانا بەرێ یا وی یاریزانێ وێلزی بەرھەڤیا خوە دیارکریە کوژمێ ٦٠ ملیون یورۆیا پێشکێشی یانا ریال مەدرید بکەن بەرامبەر ھەلوەشاندنا ھەڤبەستا وی یاریزانێ لێ داخوازی ژ یاریزانێ ناڤبری کریە موچەیێ خوە یێ سالانە کێمتر لێ بکەت ژ ١٧ ملیون یورۆیا .

ئەڤرۆ نیوز:

بەرەڤانێ لایێ چەپێ یێ ھەلبژارتیێ بەرازیل و یانا ئەتلەتیکو مەدرید فلیپی لوی ئەوێ ھەڤبەستا ئەوی ل ھاڤینا ئەڤ سالە ل گەل وێ یانا ئیسپانی ب دووماھیی ھاتی ب فەرمی چوونا خوە ژ ئەتلەتیکو راگەھاند پشتی کرنا ھەشت سالێن یاریێ.
فلیپی لویس د داخویانیەکێ دا بۆ دەزگەھێن راگەھاندنێ دیارکر خوشترین ھەشت سال د ژیانا ئەوی یا تەپا پێ دا ل گەل یانا ئەتلەتیکو مەدرید بوون .
زێدەتر ئەوی یاریزانی دیارکر بریارە چارەنڤیسێ خوە ل ڤێ حەفتیێ ئێکلا بکەت کو نوکە چەندین داخوازی ژ یانێن ئورۆپی و بەرازیلی گەھشتی نە بەر دەستێ ئەوی لێ ئەو دخوازیت ڤەگەریتە خۆلا بەرازیل .
ژلایەکێ دیڤە راپورتێن رۆژنامەڤانی ل بەرازیل دیارکرینە فلیپی لویس گەھشتی یە رێککەفتنێ ل گەل یانا فلامینگو یا بەرازیلی ھەتا دووماھیا سالا ٢٠٢١ و چاڤەرێ دھێتەکرن ل ماوێ چەند رۆژێن بھێت ب فەرمی ھەڤبەستا وێ یانێ ئیمزا بکەت.

ئەڤرۆ نیوز:
راپورتێن رۆژنامەڤانی ل ئیسپانیا وەسا داینە دیارکرن چاڤەرێ دھێتەکرن ل ڤێ حەفتیێ ب فەرمی دانوستاندن ل سەر ڤەگوھاستنا نیماری ژ یانا پاریس سانجێرمان بوو یانا بەرشەلۆنا بھێتەکرن .
زێدەتر ئەوان رۆژنامەیێن ئیسپانی دیارکریە ھەتا نوکە چ داخوازیێن فەرمی بەرشەلۆنا پێشکێشی پاریس نەکرینە لێ وەسا دھێتە چاڤەرێکرن دڤێ حەفتیێ دا ب فەرمی دەست ب دانوستاندنان دناڤبەرا ھەردو یانێن ئیسپانی و فرەنسی بھێتەکرن بوو ڤەگوھاستنا وی ستێرا بەرازیلی.
زێدەتر ئەوان رۆژناما دیارکریە دبیت ب رێژەیا ھەرە مەزن یانا بەرشەلۆنا دڤێ حەفتیێ دا کاروبارێن ڤەگوھاستنا نیماری ئێکلا بکەن و وێ یانا کەتەلونی بەرھەڤیا خوە دیارکریە بوو ڤەگەراندنا وی ستێرا خوە ب ھەر شێوەکێ ھەبیت .