ئەڤرۆ نیۆز:
ھەردوو بکۆژێن دلینێ ژلای پۆلیسێن دھۆکێ ڤە ھاتنە دەستەسەرکرن.
بکوژێن دلینێ هاتنە گرتن
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سه‌ره‌كى Twitter
رۆهنكرنه‌ك ل دۆر گيرۆبوونا هاتنا عومره‌كارێن كورد ژ سعوديێ دهێته دان
ئه‌ڤرۆ نيوز:
وه‌زاره‌تا ئه‌وقاف وكاروبارێن ئاينى ل هه‌رێما كوردستانێ راگه‌هاند، هژماره‌كا عومره‌كارێن هه‌رێما كوردستانێ نوكه ژ وه‌لاتێ سعوديێ نه‌وڤرينه ژئه‌گه‌رێ دروستبوونا كێشه‌كا ته‌كنيكى ل فرۆكا وان، دياركر ژى كو هه‌تا رۆژا 17 حزه‌يرانێ هه‌موو عومره‌كارێن هه‌رێمێ دێ زڤرن.
نه‌به‌ز ئيسماعيل، په‌يڤدارێ وه‌زاره‌تا ئه‌وقاف وكاروبارێن ئاينى ئه‌ڤرۆ شه‌مبيێ 8/6/2019 گۆت” ل هه‌يڤا ره‌مه‌زانێ ئه‌و وه‌لاتيێن هه‌رێما كوردستانێ كو ب مه‌ره‌ما عومرێ سه‌ره‌دانا سعوديێ كربوو زێده‌ترن ژ شه‌ش هزار كه‌سان، دناڤ وان دا هه‌يه ب حه‌زا خوه بۆ ده‌مێ 10 بۆ 30 رۆژان ماينه، ئه‌وێن دو دڤێت ل ڤان چه‌ند رۆژان هاتبان، ژ ئه‌گه‌رێ شاشيه‌كا ته‌كنيكى ل ده‌مێ چوونا وان، فرۆكا وان گيروبوويه”.
زێده‌تر گۆت” ساخله‌ميا هه‌موو عومره‌كارێن هه‌رێما كوردستانێ يا باشه ول 17 حزه‌يرانێ دێ هه‌موو زڤرن بۆ كوردستانێ، ئه‌وێ نه‌رازى يه دشێت ل ده‌مێ هاتنا وى سكالايێ ل ده‌ف مه ل سه‌ر كۆمپانيان تۆمار بكه‌ت”.
خوياكر ژى” د نوكه دا رێڤه‌به‌ريا حه‌ج وعه‌مرێ ل هه‌رێما كوردستانێ ل گه‌ل هێلا ئه‌سمانى يا عيراقى وده‌سته‌يا حه‌ج وعومرێ ل عيراقێ ل سه‌ر خه‌تن بۆ وێ چه‌ندێ هه‌ر چ زوويه كار بۆ زڤرينا وان عه‌مره‌كاران بهێته كرن كو ل وه‌لاتێ سعوديێ ماينه”.
ب ڤیدیو.. هاڤینگەهەکا نوو ل شێلادزێ ببینە
ئەڤرۆ نیوز، نەوزاد هلۆری:
پشتی چەند سالێن هشکبوون یان کێمبوونا ئاڤا گوندێ بەرێسکێ ل سنوورێ ناحیا شێلادزێ، ئەڤ سالە ژ ئەگەرێ زور بارینا بارانان ئاڤا گوندێ بەرێسکێ ب شێوەیەکێ بەرچاڤ زێدەبویە، د نوکە دا هژمارەکا زور یا گەشتیار و خەلکی ب مەرەما بوراندنا دەمەکێ خوه‌ش و گەشتوگۆزارێ قەست دکەنێ. ئاڤا بەرێسکێ دکەڤیتە سەر رووبارێ زێ مەزن تەنشت پرا ژ شێلادزێ دچیتە گوندێن دەڤەرا زێبارێ.
د روودانه‌كێ دا شوفێرەكێ گیانێ خوه ژ دەست دا
ئەڤرۆ نیوز،بارزان مزووری:
ژێدەرەكى ژ كومپانیا “كار “یا بەرهەم ئینانا په‌ترولێ ل دەڤەرا ئەترۆش بۆ ئەڤرۆ نیوز گوت:ئەڤرۆ شه‌مبيێ8/6/2019 ل چیایێ خێرێ ل سنورێ ناحیا چەمانكێ ترۆمبێلەك ژ جورێ (تانكەر بارهەلگر) وه‌رگريا د ئەنجام دا شوفێرێ ترۆمبێلێ گیانێ خۆ ژ دەست دا و بۆ نوشداريا داد ل پارێزگەها دهوك هات رەوانەكرن،
خویاكر” ئەو شوفێر یێ كومپانیا كار بۆ بتنێ سوتەمەنی بۆ شەفەلێن كارێ راكێشانا بوریا په‌ترولێ دكەن ڤەدگوهاست ب ناڤێ”ئەحمەد محەمەد” ژ دایكبویێ 1986 و ب رەگەز عەرەب بوو و خەلكێ پارێزگه‌ها “بابل” بوو، پشتی راپورتا نوشدارى ژ نوشداريا داد دوماهی دهێت، دێ ته‌رمێ وى بۆ كه‌سوكارێن وی دهێته ڤەگوهاستن”.
باژێرڤانیا زاخۆ دێ سکالایەکێ دژی چار گەنجان تۆمارکەت
زاخۆ، عەلی حاجی:
سەرپەرشتێ پارکا شەھیدان ل زاخۆ بو ئەڤرۆ نیو دیار کر، پشتی چار گەنجان ل رۆژا ئێکێ یا جەژنا رەمەزانێ زیان ب پارکا شەھیدان گەھاندین، باژێرڤانیا زاخۆ سکالایەکا قانوونی ل سەر وان گەنجان دێ تۆمارکەت.
ئەلند رەمەزان، سەرپەرشتێ پارکا شەھیدان خویا کر، ل رۆژا ئێکێ یا جەژنێ چار گەنج رابووینە ب شکاندنا پشکەکا کەلوپەلێن د ناڤ پارکێ دا و زیان ب پارکێ گەھاندینە و گۆت: “پشتی ڤەگەڕیانا سەرۆکێ باژێرڤانیا زاخۆ ئەم دێ سکالایەکێ ل سەر وان گەنجان تۆمارکەین، ژ بەرکو وان ئەڤ کارە پێکڤە ئەنجامدایە و ب تنێ دڤیان زیانێ ب پارکێ بگەھینن، ئەڤە ژی نەیا رەوایە، ژ بەرکو پارکا شەھیدان جھەکێ گشتی یە و بۆ وەلاتیان یا ھاتیە دروستکرن و نابیت دەستدریَّژی ل سەر بھێتە کرن”.
گۆتژی: “بھێنڤەدانا جەژنێ بوو و دەوام نەبوو، ژ بەرڤێ چەندێ ھەتا نوکە چو سکالا نەھاتینە تۆمارکرن، لێ ھەردەما دەوامێ دەستپێکر سکالایەک ژ لایێ باژێرڤانیا زاخۆ ل سەر وان گەنجان دێ ھێتە تۆمارکرن و ب رێیا قانوونێ ئەو کەسە دێ ھێنە سزادان، ھەموو بەلگێن پێدڤی ب وێنە و ڤیدیۆ مە ل بەر دست ھەنە و وێنێن وان کەسان ژی ل دەڤ مە د پاراستینە و بڕیارە د دەمەکێ نێزیک ژی دا سەرۆکێ باژێرڤانیا زاخۆ پەیامەکێ ل دۆر ڤێ چەندێ بەلاڤ بکەت”.
باندەکێ دزیکەران ل زاخۆ ھاتە دەستەسەرکرن
ئەڤرۆ نیوز، عەلی حاجی:
پۆلیسێن زاخۆ د کۆنگرەکێ رۆژنامەڤانی دا ئامارا روودانێن جەژنێ راگەھاند کو شیابوون چەندین تۆمەتباران ل گەل باندەکێ دزیکەران ل زاخۆ دەستەسەر بکەن.
موقەدمێ مافپەروەر ھێمن سلێمان، بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ دیار کر، ل رۆژا ٢/٦/٢٠١٩ بەری جەژنێ ب دو رۆژان، ئەو ژ لایێ کۆمپانیەکا بازرگانی ڤە ل زاخۆ ھاتنە ئاگەھدارکرن کو کوژمێ ٤٠ ھزار دۆلار و ٢٠ ملیۆن دینار ژێ ھاتینە دزین و گۆت: “پشتی ھینگێ ئێکسەر تیمێن ڤەکۆلەر ھاتنە پێکئینان و دەست ب کارێ خوە کرن، پشتی وێ روودانێ ب ٢٤ دەمژمێران تیمێن مە شیان دو تاوانباران دەستنیشان بکەن و د ماوێ ٤٨ دەمژمێران دا شیان وان ھەردو کەسان دەستەسەر بکەن و ھەردو کەسان ل ھەمبەر دادوەرێ ڤەکۆلینێ دان ب تاوانا خوە کرینە، دیسا ھەمان کەسان دان ب تاوانەکا دیتر ژی کریە کو ئەو کریارە ل ناڤ سەنتەرێ زاخۆ ئەنجامدا بوو”.
ھێمنی گۆتژی: “وان ھەردو کەسا بەری نوکە ژی ٥٠ ھزار دۆلارێن دیتر ژ کۆمپانیەکا دیتر یا بازرگانی دزیبوون، لێ پۆلیسێن مە شیابوون وی پارەی بوو خودانێ کۆمپانیێ ب زڤڕینن”.
ل دۆر روودانێن رۆژێن جەژن ژی موقەدمێ مافپەروەر ھێمن سلێمان گۆت: “د رۆژێن جەژنێ ژی دا ئامارا تاوانا بەرەڤ کێمبوونێ ڤەچوویە، ل سنوورێ پارێزگەھا دھۆکێ پۆلیسێن مە شیابوون دو کەسان ژ بەر خەلەت بکارئینانا مۆبایلێ دەستەسەر بکەن و شەش کەس ژی ژ ئەگەرێ مەی ڤەخوارنێ ل جھێن قەدەغە دەستەسەر بکەن و نەە کەس ژی ژ ئەگەرێ روودانێن شەری ھاتینە گرتن و دو کەسێن دیتر ژی ل سنوورێ پارێزگەھا دھۆکێ داوی ب ژیانا خوە ئینابوو”.
بازرگانەکێ قەزا شێخان ب پێنج کێران دھێتە کوشتن
ئەڤرۆ نیوز، بارزان مزووری:
بازرگانەکێ ئێزدی یێ قەزا شێخان ب پێنج کێران ل بەغدا دھێتە کوشتن و تۆمەتبار ترۆمبێل و پارێن وی ژی ل گەل خوە دبەن، برایەکێ وی ژی دبێژیت: مە گۆمان یا ل سەر کەسەکێ ب رەگەز عەرەب ھەی.
سەعید شەمۆ، برایێ ئەو بازرگانێ ھاتیە کوشتن بۆ ئەڤرۆ نیوز دیار کر، ل رێکەفتی ٦/٦ برایێ من بناڤێ (شەمۆ دەروێش خەتاری) ل رۆژا ٦/٦/٢٠١٩ ژ سەر کارێ خوە ڤەگەڕیایە شقا خوە د ناڤ سەنتەرێ باژێرێ بەغدا دا، ھندەک کەس دبنە مێھڤانێن وی، پشتی مێھڤانداریێ ژ لایێ وانڤە ب پێنج کێران دھێتە کوشتن و گۆت: “وان تاوانباران ترۆمبێلا برایێ من ژ جۆرێ مونیکا ھژمارە دھۆک و چانتەکێ مەزن یێ پاران دگەل گۆستیلکا تبلا وی ل گەل خوە یێن برین و دەرگەھێ شقا وی ژی یێ دائێخستی و لاشێ وی د ناڤ ژوورەکا شقێ دا بجە ھێلایە”.
ناڤھاتی خویا کر، بەری برایێ من بھێتە کوشتن خێزانا وی تلەفۆن بۆ کربوو و دگەل ئاخڤتبوو، ل رۆژا د دووڤ دا پەیوەندی بۆ کرەڤە تلەفۆنا وی یا گرتی بوو و گۆت: “مە پەیوەندی ب پسمامێن خوە کرن ل بەغدا چوونە بەر دەرێ شقێ ترۆمبێلا وی بەر دەرێ شقێ نەبوو، ئێکسەر دچنە شقێ دەرگەھێ شقێ شکاند کو لاشێ وی د ژوورەکێ ڤە یێ دانای”.
گۆتژی: “مە گۆمان ل سەر کەسەکێ ب رەگەز عەرەب یا ھەی کو ئەڤ تاوانە ل ھەمبەر برایێ من کربیت”.
بر ایێ بازرگانێ ھاتیە کوشتن دا زانین کو ئەڤە زێدەتری ٢٠ سالایە برایێ وی ل بەغدا کارێ بازرگانی دکەت و گۆت: “ئەڤە برایێ من یێ سیێ یە، ب ڤی شێوەی دھێتە کوشتن، برایێ من ژ دایک بوویێ سالا ١٩٦٣ یە و بابێ شەش زارۆیایە، سێ کچ و سێ کوڕان و ئاکنجیێ کۆمەلگەھا خەتارێ یە یا سەر ب قەزا شێخان ڤە”.
پشتی سێ رۆژان تەرمێ دلینا ١٠ سالی ھاتە دیتن
ئەڤرۆ نیوز، حەمۆ محەمەد:
بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ دیار کر، تەرمێ وێ زارۆیا ١٠ سالی یا بەری سێ رۆژان ژ مال دەرکەفتی و بێ سەروشوون بووی د ناڤ چەمێن د بن یاریگەھا دھۆکێ دا ھاتە دیتن و بۆ نۆشداریا داد ل دھۆکێ ھاتیە ھنارتن.
موقەدمێ مافپەروەر ھێمن سلێمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ خویا کر، دوھی بەری نیڤرۆ ٨/٦/٢٠١٩ تەرمێ وێ زارۆیا ١٠ سالی یا بناڤێ (دلین وەلید) بەری سێ رۆژان ژ مال دەرکەفتی و بێ سەروشوون بووی د ناڤ چەمێن د بن یاریگەھا دھۆکێ دا ھاتە دیتن و گۆت: “ڤەکۆلینان ل سەر ڤێ روودانێ دەستپێکریە و پەڕێن ڤەکۆلینێ ل پۆلیسێن نەھێلانا گونەھباریا ل دھۆکێ ھاتینە ڤەکرن، بۆ زانینا ئەگەرێن گیان ژ دەستدان و نیاسینا وێ و ل رێڤەبەریا نۆشداریا داد پشکنین بۆ دھێنە ئەنجامدان”.
ل دووڤ پێزانینان ژی ئەوا د پشکنینێن دەستپێکی دا دیار بووی ئەوە کو ئەو زارۆیە ب چەقۆیان ھاتیە کوشتن و بزاڤا سەربڕینا وێ ژی ھاتیە کرن، لێ ھەتا نوکە راپۆرتا نۆشداریا داد دەرنەکەفتیە و ھوورکاریێن چاوانیا کوشتنا وێ دیار نەکرینە.
ل گۆرەی زانیاریێن وار ژی، دو کەسێن بەرگۆمان ھاتینە دەستەسەرکرن و لێپرسین ل گەل بەردەوامە.
ژڤانێ سویند خوارنا سه‌رۆكێ هه‌رێمێ وراسپاردنا سه‌رۆكێ حوكمه‌تێ هاته دیاركرن
ئه‌ڤرۆ نیوز:
ده‌سته‌یا سه‌رۆكاتیا په‌رله‌مانێ كوردستانێ به‌رنامێ كارێ روونشتنا ئاسایى یا په‌رله‌مانى ل رۆژا دوشه‌مبى 10/6/2019 راگه‌هاند.
د به‌رنامێ كارى دا هاتیه” خواندنا بریارا هژمار 6 سالا 2019 یا تایبه‌ت ب هه‌لبژارتنا نێچیرڤان بارزانى وه‌كو سه‌رۆكێ هه‌رێما كوردستانێ وسویند خوارنا سه‌رۆكێ هه‌رێمێ ل دووڤ مادێ 9 ژ قانوونا هژمار 1 سالا 2005 یا راستڤه‌كرى.
هه‌ر ل دووڤ به‌رنامێ كارێ روونشتنى دێ نێچیرڤان بارزانى سه‌رۆكێ هه‌رێما كوردستانێ په‌یڤه‌كێ پێشكێش كه‌ت، دیسا ل دووڤ برگا 3 ژ مادێ 56 یا قانوونا هه‌لبژارتنا په‌رله‌مانێ كوردستانێ یا هژمار 1 سالا 1992 یا راستڤه‌كرى، دێ ناڤئینانا سه‌رۆكێ جڤاتا وه‌زیرێن هه‌رێما كوردستانێ هێته ئه‌نجامدان.
دهێته زانین مه‌سرور بارزانى به‌ربژارێ پارتى دیموكراتى كوردستانه بۆ وه‌رگرتنا پۆستێ سه‌رۆك وه‌زیرێن هه‌رێما كوردستانێ.
وه‌زیرێ په‌روه‌ردێ په‌یامه‌كێ ئاراسته‌ى قوتابیێن 12 ئاماده‌یى دكه‌ت
ئه‌ڤرۆ نیوز:
پشتیوان سادق وه‌زیرێ په‌روه‌ردێ ل هه‌رێما كوردستانێ ئه‌ڤرۆ شه‌مبیێ 8/6/2019 د په‌یامه‌كێ دا قوتابیێن 12 ئاماده‌یى پشت راست دكه‌ت سه‌باره‌ت وان تێبینیێن ل دۆر ئه‌زموونان به‌حس لێ دهێته كرن.
وه‌زیرێ په‌روه‌ردێ د په‌یاما خوه دا گۆت” ئه‌ڤرۆ شه‌مبیێ ل سه‌ر سه‌رنج وتێبینیێن هه‌وه‌یێن خوه‌شتڤى ل گه‌ل سه‌رۆكێ لژنا بلند یا ئه‌زموونان ورێڤه‌به‌رێ ئه‌زموونان وبه‌رپرسێن كونترۆلى كۆمبووین، هه‌رچه‌نده بابه‌تێ ئه‌زموونان راسته‌وخوه چو په‌یوه‌ندى ب منڤه نینه وچو ده‌مه‌كى ئه‌م مایتێكرنێ د كارێن وان دا ناكه‌ین، وئه‌م گه‌له‌ك د پشت راستین ژ ئه‌زموون ودلسوزیا به‌رێزێن به‌رپرس ژ ڤان كاران، به‌لێ هه‌ر چ سه‌رنج وتێبینیا هه‌وه هه‌بیت د ده‌مێ رۆژێن بۆرى دا، دێ دانوستاندنێن ئه‌رێنى ل سه‌ر كه‌ین”.
گۆت ژى” هیڤیدارم تنێ بخوینن وگوهێ خوه نه‌ده‌نه چ ئاخڤتنان، هه‌ر كه‌سه‌ك تنێ دێ مافێ خوه وه‌رگریت، سالێن بۆرى ژى ل ده‌مێ راگه‌هاندنا ئه‌نجامێن ئه‌زموونان رۆهن بوو كو 100% هه‌ر كه‌سه‌ك تنێ مافێ خوه دێ وه‌رگریت”.
پشتى د ئه‌زموونێن گشتى يێن 12 ئاماده‌یى دا، د چه‌ند وانه‌يان دا پرسيارێن شاش هاتين، نه‌زايبوونه‌كا زێده ل ده‌ڤ قوتابيێن 12 ئاماده‌یى په‌یدابوو و داخواز كرن كو د وان پرسياران نمران بده‌‌نێ و بۆ ب دروست ب هه‌ژمێرن.
نيشاندان
WP Facebook Auto Publish Powered By : XYZScripts.com