ئەڤرۆ نیوز:
ئەڤرۆ پشکێشانا ڤاڤارتنێن موندیالا جیھانی یا ٢٠٢٢ ل قەتەر بۆ کێشوارێ ئاسیا ھاتە کێشان ب پشکداریا ٤٠ ھەلبژارتیان و ھاتنە بەلاڤەکرن ل سەر ھەشت کومان کو قارەمانێن ھەر کومەکێ ئێکسەر دەربازی قوناغا دووماھیێ یا ڤاڤارتنا بیت ل گەل چار باشترین ھەلبژارتیێن رێزا دوێ. ئەرکێ ھەلبژارتیێ عیراقێ دێ یێ ب زەحمەت بیت پشتی کەقتی یە د کوما سیێ دا پێکھاتی نە ژ ھەلبژارتیێن ئیران و بەحرێن و کومبودیا و ھونگ کونگ.
ھەر ھەشت کوم ب ڤی رەنگێ خوارێ نە کو قارەمانێن کوما وەکو
کوما ئێکێ: چین، سوریا،ڤلپین، مالدوڤیا و گوام.
کوما دوێ: ئوسترالیا، ئوردون، تایوان، کوێت و نیپال
کوما سیێ: ئیران، عیراق، بەحرێن، ھونگ کونگ و کومبودیا.
کوما چارێ: سعودیە، ئوزباکستان، ڤەلەستین، یەمەن و سەنگاڤورە
کوما پێنچێ: بنگلادیش، عومان، ھندستان، ئەڤغانستان و قەتەر.
کوما شەشێ: ژاپون، قیرغستان، تاچیگستان ، میانمار و منگولیا
کوما حەفتێ: ئیمارات، ڤێتنام، تایلەند، مالیزیا و ئەندونوسیا

ئەڤرۆ نیوز:
یانا ئەتلەتیکو مەدرید دخوازیت ھەڤبەستێ ل گەل یاریزانێ ئنگلیزی و یانا توتنھام کیران تریپیر بوو مێرکاتویا نوکە ئیمزا بکەت بۆ ب ھێز ئێخستنا لایێ بەرەڤانیێ یێ راستێ.
رۆژناما میرو یا برێتانی دیارکریە ئەتلەتیکو بەرھەڤیا خوە دیارکریە کوژمێ ٢٥ ملیون جێنێ ئیسترلینی پێشکێشی یانا توتنھام بکەت بۆ ڤەگوھاستنا بەرەڤانێ وێ یێ لایێ راستێ کیران تریپیر .
ھەردیسان وێ رۆژنامێ ئاشکراکریە ژی دبیت ب رێژەیەکا مەزن توتنھام ل سەر وێ داخوازیا یانا ئیسپانی رازی بیت .

ئەڤرۆ نیوز:
یانا مانچێستەر یوناید بەرھەڤیا خوە دیارکریە بوو ئیمزاکرنا ھەڤبەستا گولکەر و ستێرا سپورتینگ لەشبونا برونو فیرناندیز ئەوێ ل وەرزێ بوری شیای ئاستەکێ بلند ل گەل یانا خوە د قارەمانیا ئورۆپا و خۆلا نافخوی دا پێشکێش بکەت.
راپورتێن رۆژنامەڤانی ل برێتانیا دیارکرینە یانا مانچێستەر یوناید کوژمێ ٥٠ ملیون جێنێ ئیسترلینی بەرھەڤکرینە بۆ ڤەگوھاستنا یاریزانێ نیڤدەولەتی یێ ھەلبژارتیێ پورتوگال و ھێلا ناڤینا سپورتینگ لەشبونا برونو فیرناندیز ئەوێ ل وەرزێ بوری شیای ٣٢ گولان توماربکەت و ل گەل ١٥ ئەسیست .

ھەژی گوتنێ یە یاریزانێ ناڤبری نوکە بوویە جھێ گرنگیا چەندین یانێن بەرنیاس ل سەر ئاستێ ئنگلتەرا و ئیسپانیا لێ وەسا دھێتە چاڤەرێکرن یانا مان یوناید ژ ھەموو یانێن دی پتر نێزیکی ئیمزاکرنا ھەڤبەستا ئەوی یاریزانی یە.

ئەڤرۆ نیوز:
کابتنێ ھەلبژارتیێ بەرازیل و بەرەڤانێ یانا پاریس سانجێرمان یا فرەنسی دانی ئەلڤێس نێزیکی ئیمزاکرنا ھەڤبەستا یانا ئەرسینال یا ئنگلیزی بوویە پشتی وێ یانێ داخوازی ژ یاریزانێ ناڤبری کری موچەیێ خوە کێم بکەت بۆ ڤەگوھاستنا ئەوی و ئەو یاریزان ژی ل سەر وێ داخوازیا وێ یانا ئنگلیزی رازی بوو کو موچەیێ خوە یێ حەفتیانە ژ ٢٣٠ ھەزار جێنێ ئیسترلینی بگەتە ٢٠٠ ھەزار جێنێ .
راپورتێن رۆژنامەڤانی ل برێتانیا دیارکریە ئەلڤێس بۆ بەرپرسێن یانا ئەرسینال دیارکریە ئەو ناخوازیت موچەیێ وی یێ حەفتیانە کێمتر بیت ژ ٢٠٠ ھەزار جنێێ ئیسترلینی و دبیت ب رێژەیا ھەرە مەزن بەرپرسێن وێ یانا ئنگلیزی ل سەر داخوازیا ئەلڤێس رازی بن ژبەرکو ئەو دێ ب ھەڤبەستەکا سەربەست پەیوەندی ب وێ یانێ کەت پشتی ھەڤبەستا ئەوی ل گەل پاریس ب دووماھیی ھاتی.

ئەڤرۆ نیوز:
راھێنەرێ بەرنیاس یێ عیراقی و یانا نەفت باسم قاسم دیارکر نوکە چەندین داخوازی ژ یانێن نافخوی و یانەکا بەرنیاس یا خۆلا لوبنانێ گەھشتی نە بەر دەستێ ئەوی بۆ وەرزێ نوو یێ تەپا پێ لێ ھەتا نوکە ئەوی چ بریار ل سەر ئەوان داخوازیا نەدایە و بریارە پشتی ب دووماھیی ھاتنا خولێ ئەو چارەنڤیسێ خوە دیاربکەت.
.
زێدەتر باسم قاسم د داخویانیەکا رۆژنامەڤانی دا دیارکر ئەو دخوازیت بوو وەرزێ بھێت بەر ب ژیانا پیشەکاری بچیت و ھەکە ئەو گەھشتە رێککەفتنێ ل گەل وێ یانا لوبنانی دبیت ب رێژەیا ھەرە مەزن ل گەل وێ یانێ ھەڤبەستێ ئیمزا بکەت.
زێدەتر ناڤبری نەڤیا ناڤێ وێ یانێ دیاربکەت لێ دیارکر یانەکا بەرنیاس .
ھەژی گوتنێ یە باسم قاسم دھێتە ھژمارتن ئێک ژ بەرنیاسترین راھێنەرێن عیراقی و شیا ناسناڤێ خولا عیراقێ ل گەل یانێن دھۆک و شورتە و زەورا و جەویە ب دەستخوڤە بینت ھەردیسان دو جاران ل گەل یانا جەویە ناسناڤێ کاسا ئێکەتیا ئاسیا ل گەل یانا جەویە ب دەستخوڤە بریە.