ئەڤرۆ نیوز:
یانا ئەنتر میلان یا ئیتالی نوکە دەست ب لیڤنا کر بوو دەستڤە ئینانا ھێرشبەرەکێ نوو پشتی نەشیای د دانوستاندنێن ھێرشبەرێ بەلجیکی و یانا مانچێستەر یوناید دا لوکاکو دا ب سەرکەڤیت.
رۆژناما کوریری دیللو سپورت یا ئیتالی دیارکریە یانا ئەنتر میلان دەست ب لڤینا کریە بوو دەسڤە ئینانا ھێرشبەرێ یانا سامبەدوریا دوڤان زاباتا .
ھەردیسان وێ رۆژنامێ دیارکریە ڤەگوھاستنا زاباتا دێ ل سەر یانا ئەنتر میلان گەھیتە ٥٠ ملیون یورۆیا .
ل دووماھیێ وێ رۆژناما ئیتالی دیارکریە ژی ئەنتر خوە ژ ھەڤرکیا دەستڤە ئینانا لوکاکوی ڤەکێشا پشتی یانا مانچێستەر یوناید داخوازیا ٨٠ ملیون یورۆیا کری وەکو بھایێ ھەلوەشاندنێ.

ھەژی گوتنێ یە دوڤان زاباتا ل وەرزێ بوری ب شێوەیێ خواستن ژ یانا سامبەدوریا پەیوەندی ب یانا ئەتلانتا کربوو ل گەل وێ یانێ رولەکێ مەزن ھەبوو کو سەرجەمێ ٤٨ یاریێن وەرزێ بوری ل گەل وێ یانێ شیابوو ٢٨ گولان توماربکەت کو ٢٣ گول دخۆلا ئیتالیا دا کربوون.

ئەڤرۆ نیوز:
یانا روما یا ئیتالی یا بزاڤێن مەزن دکەت بوو دەستڤە ئینانا ھێرشبەرێ ئەرژەنتینی و یانا یوڤانتوس گونزالو ھیگواین ل ڤەگوھاستنێن نوکە دا .
مالپەرێ توتو سپورت یێ ئیتالی دیارکریە یانا روما دخوازیت ھیگواین ب رێکێن خوە یێن تایبەت تەماع بکەت بۆ رازیکرنا وی بۆ ئیمزاکرنا ھەڤبەستا یانا پایتەختێ ئیتالیا کو بەرپرسێن وێ یانێ ھزر ل وێ چەندێ کریە ھەکە ھیگواین ھەڤبەستا رونا ئیمزا بکەت ئەو دێ وەکو کابتنێ یانێ دەست نیشان کەن.
ھەردیسان روما بەرھەڤیا خوە دیارکریە بوو دانا بھایێ ھەلوەشاندنا ئەوی ل یانا یوڤانتوس بتنێ یێ بزاڤێ دکەن ئەوی یاریزانێ ناڤبری رازی بکەن بۆ موچەیێ خوە ژ ٦.٥ ملیون بکەتە ٤.٥ ملیون یورۆ .

ئەڤرۆ نیوز:
یانا ئەرسینال یا ئنگلیزی نێزیکی ئیمزاکرنا ھەڤبەستا ستێرا گەنچ یا ھەلبژارتیێ ئیسپانیا و یانا ریال دانی سیبایوس بوویە پشتی وێ یانا ئنگلیزی دەست ب دانوستاندنان ل گەل یانا ریال مەدرید کری بوو ڤەگوھاستنا وی یاریزانێ ناڤبری ب شێوەیێ خواستن بوو ماوێ سالەکێ و یانا ریال ژی ل سەر وێ داخوازیا ئەرسینال رازی بوویە ژبەرکو ئەو یانا ناخوازیت وی یاریزانێ خوە ل ڤی دەمی بفروشن .

ئەڤرۆ نیوز:
پشتی ل ماوێ چەند رۆژێن بوری کورێ زێدانی و گولچیێ سیێ یێ یانا ریال مەدرید لوکا یێ ٢١ سالی ھەڤبەستا یانا راسیسنگ سانتاندر یا ئیسپانی ئیمزاکری و برایێ وی یێ مەزن ژی ئەنزو ب فەرمی ھەڤبەستا یانەکا پورتوگالی ئیمزاکر.
ئەنزو کو د بیتە کورێ مەزن یێ راھێنەرێ یانا ریال مەدرید زێدانی ب فەرمی ھەڤبەستا یانا دیپورتیڤو ئەڤایس یا پورتوگالی ئیمزاکر بوو ماوێ سێ سالان .
ئەنزو یێ ٢٤ سالی بەری نوکە یاری ل پێگەھشتی و تیما لاوان و تیما دوێ یا ریال مەدرید کریە و ئێک یاریا فەرمی بتنێ ل گەل تیما ئێکێ یا ریال مەدرید ھەیە ل گەل تیما کاستیا ریال پشکداری د ٧٨ یاریان دا کریە و شیابوو حەفت گولان توماربکەت و ١٥ ئەسیست.

ئەڤرۆ نیوز:
یانا ئیڤەرتون یا ئنگلیزی ب فەرمی ھەڤبەستا یاریزانێ ھێلا ناڤینا یانا مانچێستەر سیتی فابیان دیلف بۆ سێ وەرزان راگەھاند پشتی گەھشتی نە رێککەفتنێ ل گەل یانا ئەوی یاریزانێ ناڤبری .
راپورتێن رۆژنامەڤانی ل برێتانیا دیارکرینە یانا ئیڤەرتون کوژمێ ١٠ ملیون یورۆیا پێشکێشی ھەلگرا وەرزێ بوری یانا مان سیتی کریە وەکو بھایێ ھەلوەشاندنا فابیان ھەردیسان ل گەل موچەیەکێ سالانە بۆ ئەوی یاریزانی ژی.

ھەژی گوتنێ یە فابیان ئەوێ ل ھێلا ناڤین دکەت خودانێ ٢٠ یاریێن نیڤدەولەتی یە ل گەل ھەلبژارتیێ ئنگلتەرا کو ژ سالا ٢٠١٦ وەرە یاری ل یانا مانچێستەر سیتی دکەت و پشکداری د ٩٠ یاریان دا کریە ل گەل وێ یانێ.

ئەڤرۆ نیوز:
یانا مانچێستەر یوناید دخوازیت ھەڤبەستێ ل گەل ستێرا ھێلا ناڤینا بەرازیلی و یانا بەرشەلۆنا ڤیلیپ کوتینھوی ئیمزابکەت بۆ ڤەگوھاستنێن ھاڤینێ لێ بریکارێ وی یاریزانێ ناڤبری چوونا وی یاریزانێ بەرازیلی بۆ یانا مان یوناید رەتکر ئەوژی ل سەر داخوازیا وی یاریزانی .
زێدەتر کیا جورابشیان بریکارێ کوتینھوی بۆ رۆژناما میرو یا برێتانی دیارکریە وی یاریزانێ بەرازیلی ئەو ئاگادارکریە ئەو ناخوازیت ھەڤبەستێ ل گەل ھەڤرکێن یانا لیڤەرپول ئیمزا بکەت ژبەرکو ئەوی پەیوەندیێن گەلەک باش ل گەل وێ یانێ ھەنە و وەکو رێزگرتن ئەو ناخوازیت د ڤی دەمی دا یاریێ دژی یانا خوە یا بەری نوکە بکەت.
ئەوێ رۆژنامێ ئەو چەندە ژی دیارکریە ب ڤێ چەندێ دێ گەلەک یا ب زەحمەت بیت کوتینھو جارەکا دی ڤەگەریتە خۆلا پرێمێرلیگ و ھەکە ب ڤەگەریت ژی ب مەرجەکی ئەوژی یاری بۆ یانا لیڤەرپول بکەت.

ھەژی گوتنێ یە کوتینھو ئێک ژ بەربژارێن سەرەکی یە پێکھاتیێ بەرشەلۆنا ب جە بھێلت ل ڤەگوھاستنێن نوکە تایبەت پشتی وێ یانێ ھەڤبەستا کرێزمان ب فەرمی ئیمزاکری .