ئه‌ڤرۆ نيوز:
سه‌رۆكا په‌رله‌مانێ كوردستانێ، هه‌موو ئه‌ندامێن په‌رله‌مانێ كوردستانێ داخواز دكه‌ت بۆ ئاماده‌بوون د روونشتنا ژماره (7) يا ئاسايى، سالا ئێكێ ژ خولا ئێكێ يا هه‌لبژارتنێن پێنجێ يا په‌رله‌مانى، ل ده‌مژمێر 11:00ى به‌رى نيڤرۆيا رۆژا دوشه‌مبى رێكه‌فتى 10ى خزيرانا 2019ێ وئه‌ڤه ژى ده‌قێ وێ يه:
ئه‌ڤرۆ نيوز:
گه‌نجه‌كێ كورد ل ده‌مێ كێشانا جگارا ئه‌لكترۆنى پێڤه په‌قى و پشكه‌ك ژ ده‌ف و دفن و لێڤ و ئه‌زمانێ وى تووشى زيانه‌كا مه‌زن بوون.
ب گۆره‌ى وى وێنه و پێزانينێن ل تۆڕێن جڤاكى به‌لاڤ بووين، ئه‌و گه‌نج خه‌لكێ كه‌ركووكێ يه و شه‌ڤا بۆرى ل ده‌مێ كێشانا جگارا ئه‌لكترۆنى، پێڤه په‌قى يه و ب دژوارى بريندار بوويه.
هه‌ڤده‌م ئه‌و گه‌نج نها ل نه‌خۆشخانا ئازادى يا باژێرێ كه‌ركووكێ يه و ل بن چاڤدێريا نوشدارى دايه و نشته‌رگه‌رى دێ بۆ هێته ئه‌نجام دان.
ئه‌ڤرۆ نيوز:
ئه‌ندامه‌كێ مه‌كته‌با سياسى يا پارتى ديموكراتى كوردستان ئاشكه‌را كر كو هه‌كه ئێكه‌تى نشتيمانى كوردستان هه‌ر يا سور بيت ل سه‌ر پشكدارينه‌كرن د پرۆسێ دا، پێكئينانا حوكمه‌تێ ناهێته راگرتن و دێ هه‌ر هێته پێكئينان.
هشيار زێبارى، ئه‌ندامێ مه‌كته‌با سياسى يا پارتى، سورسومانيا خوه ژ پشكدارينه‌كرنا ئێكه‌تيێ د روونشتنا په‌رله‌مانى بۆ هه‌لبژارتنا سه‌رۆكێ هه‌رێمێ دا ده‌ربڕى و راگه‌هاند: “سه‌رسورمان بووين كو د ده‌مێن دووماهيێ دا، بڕياره‌كا سياسى هه‌بوو د ناڤ بالێن ئێكه‌تيێ دا كو پشكداريێ نه‌كه‌ن، ب راستى ژى ئه‌ڤه ئاماژه‌يه‌كا باش نه‌بوو”.
زێبارى د وێ چاڤپێكه‌فتنێ دا ل گه‌ل پشكا كوردى يا “ده‌نگێ ئه‌مريكا” نه‌ڤه‌شارت كو پشكدارينه‌كرنا ئێكه‌تيێ د روونشتنا باوه‌رى دان ب سه‌رۆكێ هه‌رێمێ بۆ “كێشێن بالێن ناڤ ئێكه‌تيێ” ڤه‌گه‌راند نه‌كو بۆ بابه‌تێ دانانا پارێزگارێ كه‌ركووكێ. گۆتژى: “ديار هێشتا كێشه يێن د ناڤبه‌را بالێن ئێكه‌تيێ دا هه‌ين، دڤێت د رێيا ده‌ست گرتن ب سه‌ر ڤێ پرۆسێ دا، ره‌هينه‌يه‌كى بۆ به‌رژه‌وه‌نديا وى بالى و بالێ دى ببينن، ئه‌ڤه ژى نه د به‌رژه‌وه‌ندا ئێكه‌تيێ و خه‌لكێ كوردستانێ و چو لايه‌كى دا نينه”.
به‌حس ل وێ چه‌ندێ ژى كر كو كێشێن كه‌ركووك ب تنێ د ده‌ستێ پارتى و ئێكه‌تيێ دا نينن، به‌لكو په‌يوه‌ندى ب عه‌ره‌ب و توركمان و حوكمه‌تا عيراقێ ژى ڤه هه‌يه، ژ به‌ر هندێ “ئه‌ڤى بابه‌تى په‌يوه‌ندى يا ب بالێن ناڤ ئێكه‌تيێ ڤه هه‌يى”.
د درێژاهيا چاڤپێكه‌فتنا خوه دا گۆت: “مه گه‌له‌ك ئارامى راگرت، زێده‌تر ژ شه‌ش هه‌يڤان، ب تنێ ژ به‌ر وێ چه‌ندێ دا كو هه‌موو لايه‌ك پشكداريێ د حوكمه‌تێ دا بكه‌ت، به‌لێ هه‌كه ئێكه‌تى يا رژد بيت ل سه‌ر پشكدارينه‌كرنێ، پرۆسه راناوه‌ستيت و دێ يا به‌رده‌وام بيت، بلا ئه‌و لايه‌نێن ئاماده پشكداريێ د حوكمه‌تێ دا بكه‌ن”.
ئه‌ندامێ سه‌ركرداتيا پارتى ديموكراتى كوردستان گۆتژى: “وه‌سان هاتيه دانان هه‌تا دووماهيا هه‌يڤا شه‌ش حوكمه‌تا نوو يا هه‌رێما كوردستانێ بهێته پێكئينان”.
ئه‌ڤرۆ نيوز:
ژێده‌رێن رۆژنامه‌ڤانى يێن عيراقى راگه‌هاند كو بڕياره پشتى جه‌ژنێ ئوسمانه نوجێفى هه‌ڤپه‌يمانيه‌كا نوو ب راگه‌هينيت.
ب گۆره‌ى مالپه‌رێ سومه‌ريه نيوز يێ عيراقى، بڕياره ئوسامه نوجێفى، سه‌رۆكێ هه‌ڤپه‌يمانيا قرار و ژماره‌كا په‌رله‌مانتار و وه‌زير و سه‌ركرداتيێن به‌رى و نها يێن حوكمه‌تا عيراقێ هه‌ڤپه‌يمانيه‌كێ پێك بينن.
هه‌ر چه‌نده مالپه‌رێ ناڤبرى چو پێزانينێن زێده‌تر ل سه‌ر ناڤێن وان كه‌سان به‌لاڤ نه‌كرينه و ژێده‌رێ پشت به‌ستن ژى ل سه‌ر كرى ئاشكه‌را نه‌كريه، به‌لێ دهێته پێشبينيكرن ل رۆژانێن بهێت ب ره‌نگه‌كێ كارا ئه‌ڤ فراكسيۆنه بهێته راگه‌هاندن و وه‌كو ئه‌و دده‌نه زانين ژى مه‌ره‌م پێ ئه‌وه كێشێن هه‌ين نه‌هێلن و پرۆسا سياسى يا عيراقى راست ڤه كه‌ن.
ئه‌ڤرۆ نيوز:
سيروان محه‌مه‌د، سه‌رۆكێ ده‌سته‌يا گشتى يا ئامارا هه‌رێما كوردستانێ راگه‌هاند كو بڕياره د چارێكا دووماهيا 2020ێ دا سه‌رژمێريا گشتى يا روونشتڤانان بهێته ئه‌نجام دان و چه‌ند رۆژان دێ يا به‌رده‌وام بيت و ب ئه‌لكترۆنى ب رێيا تابلێتێ هێته ئه‌نجام دان.
سه‌رۆكێ ده‌سته‌يا گشتى يا ئامارا هه‌رێما كوردستانێ ئاشكه‌را ژى كر كو پێدڤى ب 20 هه‌تا 30 هزار كه‌سان هه‌بيت، بۆ ئه‌نجامدانا ڤێ پرۆسێ.
ئاماژه ب وێ چه‌ندێ ژى كر كو عيراقێ ل سالا 2019ێ كۆژمێ 50 مليۆن ديناران بۆ قووناغا ئێكێ يا سه‌رژمێريا گشتى يا روونشتڤانان ته‌رخانكرينه.
گۆتژى: “وه‌زاره‌تا پلاندانانا حوكمه‌تا عيراقێ ب گشتى به‌رپرسن ل سه‌رژمێريێ، مه‌سه‌له‌يا سه‌رژمێريێ پرسه‌كا حه‌سريه و دڤێت حوكمه‌تا فيدرال كۆنترۆل بكه‌ت، هه‌كه نه‌شيا ڤێ چه‌ندێ بكه‌ت ئه‌و به‌رپرسن ژ وێ چه‌ندێ.
ئەڤرۆنیوز،رەمەزان هەرنی:
ل هەیڤا رەمەزانێدا درامایەكا كوردی ب ناڤێ سەما تەرزە ل كەنالەكێ كوردی دهێتە نیشاندان بەلێ زورترین رەخنەو تێبينی هاتينە سەر درامایی و ئەكتەرێن وێ پشكدارێن دراما سەما تەرزە ب رێیا ئەڤرۆ نيوز پەیامێن خوە ئاشكرا دكەن.
شوانە جەزا ئەكتەرێ سەرەكیێ دراما سەما تەرزە بۆ ئەڤرۆ نیوز گۆت : چۆ جارا پەشیمان نیمە ژبەر كو هەست دكەم كو من پێنگاڤەگا مەزن هاڤێتیە بۆ پێش ، هەتا نوكە لسەر دراما تەرزە توشی چۆ ئاریشا نەبۆیمە و بەلێ ئەو ئاخفتنێن كرێت دوور ل راستیێ نە كەس و كارێن من دلگران بۆینە ژبەر وان ئاخفتنێن كریت.
گولی حەسەن پشكدارا دراما سەما تەرزە بۆ ئەڤرۆ نیوز گۆت : ل دوو ر پشكداریكرنێ ل دراما سەما تەرزە پەشیمان نیمە ، راستە كەم و كوری هەنە ل درامایێ دا بەلێ من رولێ خوە ب جوانی بەرجەستە كریە ، هەتا نوكە ژی توشی چۆ ئاریشا نەبۆیمە بەریا دەركەفتنێ گەلەك گازندە لمن دهاتنە كرن روژانە چەندین نامە بۆمن دهاتن بەلێ پشتی دەركەفتێ بەروڤاژی دەركەفت ب باشی پەسنا رولێ من دكەن چەند زنجیرەك ژی ماینە ل دوماهیێ بۆ رایا گشتی.
نیگار ئوسمان پشكدارا دراما سەما تەرزە بۆ ئەڤرۆ نیوز گۆت : پەشیمان نیمە ل پشكداری كرنێ ل دراما سەما تەرزە دلخوشم كو بۆیمە نونەرا وان ئافرەتێن ل ناڤ جڤاكی دەنگێن وان هاتیە گرتن ژانێن وان بەرچاڤ كەم ،ل كوردستانێ هەڤژینی هەیە كو ژن ب نهێنی و ب دەمكی دهێتە ئەنجامدان و مە ل ناڤ درامای بەحسكریە ،تەرزە نمونەیا وان ئافرەتایە كو خوە دكەن قوربانی مروڤایەتیێ .
ئەڤرۆ نیوز ٬ عەلی حاجی :
ب پشکداریا هژمارەکا ئەکتەرێن چار پارچەێن کوردستانێ ٬ کار دوێنەگرتنا کورتە فلمێ ” وەسیەت ” دا دەستپێکر کو دەرهێنەرێ کورد کامیران بێتاسی کارێ دەرهێنانێ وی کورتە فلمی دکەت.
دەرهێنەر کامیران بێتاسی ل دور کورتە فلمێ خوە بو ئەڤرۆ نیوز دیار کر ئەڤرۆ روژا چارشەمبێ ۲۹/٥/۲۰۱۹ ئێکەم روژا وێنەگرتنا کورتە فلمێ وەسیەت بو ؍ چێروکا ڤی فلمی راستەقینەیە کو ل باژێرێ زاخۆ روودایە دەما کو دوو کەسێن دانعەمر وەسیەتێ ل زاروویێ خوە دکەن ؍ بەلێ من سێناریو هندەک گوهۆرین تێدا کرینە و وەکی خوە لێکری یە و دەمێ زارو هێشتا یێ دژیەکێ بچووک دا دکەڤیتە بەر وەسیەتێن مەزن و دوان وەسیەتان دا ئەو زاروویە توشی چەندین ئاستەنگان دبیت ؍ ئەکتەرێن مە ژهەر چار پارچەێن کوردستانێ پشکداریێ دڤی کورتە فلمی دا کرینە و دیمەنێن ڤی فلمی ژی دێ هه‌موو ل باژێرێ زاخۆ و دەوروبەرا هێتە وێنەکرن .
گوت ژى : پێدڤیه د زوویترین دەم دا کارێ وێنەگرتنا ڤی فلمی ب دووماهى بهێت ؍ ئەف فلمە دێ بیتە بەرهەمێ باژێرڤانیا زاخۆ ژبەر کو سەروکێ باژێرڤانیا زاخۆ خوە ل ڤی فلمی کری یە خودان و ژدل سوپاسیا وی دکەم کو دڤان کاودانان دا خوە ل مە کری یە خودان و پشتەڤانی ل کارێ مە کری یە؍مە گەلەک کار بو ڤی کورتە فلمی کریە و مە خوە ماندی کریە داکو ب شێن کورتە فلمەکێ ب هێز دروست بکەین و ئێکەم ڤیستەڤال ئەڤ کورتە فلمە پشکدار ببیت دێ فلمه ڤیستەڤالا دهوکێ بیت .
ئه‌ڤرۆ نیوز ، زنار تۆڤى:
وه‌سا دهێته پێشبینى كرن كو ل رۆژانێن جه‌ژنا ره‌مه‌زانێ هژماره‌كا مه‌زن یا گه‌شتیاران سه‌ره‌دانا هه‌رێما كوردستانێ بكه‌ن و د ئه‌ڤ ساله‌دا هاتنا گه‌شتیاران دێ ژ سالا بورى پتر بیت.
په‌یڤدارێ ده‌سته‌یا گشتى یا گه‌شتوگۆزارێ ل هه‌رێما كوردستانێ بۆ ئه‌ڤرۆ نیوز دیار كر: لدووڤ تێبینیێن مه ئه‌ڤ ساله ل رۆژانێن جه‌ژنا ره‌مه‌زانێ دا، هژمارا وان گه‌شتیارێن سه‌ره‌دانا هه‌رێما كوردستانێ دكه‌ن دێ زێده‌بن، هه‌روه‌سا ل رۆژانێن جه‌ژنا ره‌مه‌زانا سالا بورى ” 250 ” هزار گه‌شتیاران سه‌ره‌دانا هه‌رێما كوردستانێ كربوو، لێ ئه‌م چاڤه‌رێ دكه‌ین د ئه‌ڤ ساله‌دا ئه‌ڤ رێژه گه‌له‌ك ژ سالا بورى پتر لێ بهێت و دێ پتر گه‌شتیار سه‌ره‌دانا باژێرێن هه‌رێما كوردستانێ كه‌ن، هه‌روه‌سا پرانیا وان گه‌شتیارێن دهێنه هه‌رێما كوردستانێ ل ناڤه‌راست و ژێریا عیراقێ دهێن، هه‌روه‌سا ب رێژا “16%” یا گه‌شتیارێن هه‌رێمێ ژ ئیرانێ دهێن، پشكه‌كا وان ژى ژ وه‌لاتێ توركیا دهێن.
نادر روستى په‌یڤدارێ ده‌سته‌یا گشتى یا گه‌شتوگۆزارێ ل هه‌رێما كوردستانێ زێده‌تر دبێژیت: ئه‌م چاڤه‌رێ دكه‌ین كو د ئه‌ڤ ساله‌دا رێژه‌كا مه‌زن یا گه‌شتیاران بهێنه هه‌رێما كوردستانێ، هه‌روه‌سا مه پلانه‌ك هه‌یه، كو كۆمه‌كا كار و چالاكیێن گه‌شتیارى ب خوه‌ڤه دگریت، دێ بزاڤێ كه‌ین، ژ پێخه‌مه‌ت بشێین هژماره‌كا مه‌زن یا گه‌شتیاران بینینه هه‌رێما كوردستانێ، هه‌روه‌سا ل سالا بورى 3 ملیۆن و 57 هزار گه‌شتیاران سه‌ره‌دانا هه‌رێما كوردستانێ كربوو، لێ د ئه‌ڤ ساله‌دا ئه‌ڤ هژماره دێ زێده‌تر لێ هێت و دیسا ل دووڤ پلانێن مه یێن گه‌شتیارى، مه ل به‌ره ئه‌م ڤێ رێژێ زێده‌تر لێ بكه‌ین، داكو ڤه‌ژاندنه‌كا باش بێخینه كه‌رتێ گه‌شتیارى ل سه‌رانسه‌رى هه‌رێما كوردستانێ.
ئه‌ڤرۆ نیوز، نه‌وزاد هلۆرى:
ده‌مه‌كێ كێم به‌رى نوكه پێنج كه‌س كو هه‌موو زارۆك بوون كه‌فتنه د چاله‌كا ئاڤێ دا ل گوندێ قوته‌وه‌ى ل نێزیك هه‌ولێر، سێ ژ وان خه‌ندقین و دو ژى هاتنه رزگاركرن.
كاروان خوشناو، ئه‌فسه‌رێ پولیسان ل هه‌ولێرێ بۆ ئه‌ڤرۆ نیوز گۆت: (ده‌مه‌كێ كێم به‌رى نوكه چه‌ند زارویه‌ك كو خه‌لكێ گوندێ قوته‌وه‌ى ل نێزیك هه‌ولێرێ قه‌ستا ده‌وروبه‌رێن گوم و چاله‌كا ئاڤێ كربوو، به‌لێ جهێ داخێ یه پێنج ژ وان زاروكان كه‌فتنه د وێ ئاڤێ دا).
زێده‌تر گۆت: (سێ ژ وان زاروكان خه‌ندقین و دوو ژى هاتنه رزگاركرن، تیمێن به‌ره‌ڤانیا باژێرى ل هه‌ولێر جهێ روودانێ به‌رهه‌ڤن و مژیلێ ده‌رئینانا ته‌رمێن وان سێ كه‌سانن). ناڤبرى داخوازژ هه‌موو خه‌لكێ ده‌ڤه‌رێ كر كو ل زاروكێن خوه هوشیار بن داكو پووشى ڤان جۆره روودانان نه‌بن.
ئه‌ڤرۆ نیوز:
سه‌رۆكێ فراكسیۆنا پارتى دیموكراتى كوردستان ل په‌رله‌مانێ كوردستانێ ل دۆر ئاخڤتنێن ئه‌ندامه‌كێ سه‌ركردایه‌تیا ئێكه‌تى نیشتمانى كوردستان وره‌وشا وى یا ساخله‌میێ، پێشنیازه‌كێ ئاراسته‌ى ئێكه‌تیێ دكه‌ت.
ئومێد خوشناو، سه‌رۆكێ فراكسیۆنا پارتى دیموكراتى كوردستان ل په‌رله‌مانێ كوردستانێ د گۆتاره‌كێ دا ب ناڤێ ( فه‌رید ئه‌سه‌سه‌رد ژى سوحبه‌ت چیه!) تێدا دبێژیت” هندى بیرا من دهێت، من نه‌دیتیه ئه‌و فه‌رید ئه‌سه‌سه‌رده ئاخڤتنه‌كا باش یان گه‌شبینى وژبۆ به‌رژه‌وه‌ندیا گشتى وكوردستانێ بكه‌ت، به‌لكو به‌رده‌وام یێ ره‌شبین وبێ سه‌لیقه ونه‌خوه‌ش بوو به‌رامبه‌ر پێشڤه‌برنا كوردستانێ وهه‌رده‌م یێ دامایه ژ سه‌ركه‌فتنا پارتى وكوردستانێ، هه‌تاكو ب په‌یوه‌ندیێن د ناڤبه‌را پارتى وئێكه‌تیێ ولایه‌نان، یێ دلنه‌خوه‌شه”.
ئومێد خوشناو گۆت ژى” د نووترین داهێنانا گوتنێن نه‌راست دا، ئه‌سه‌سه‌رد دبێژیت، پارتى وكێشێن ناڤخوه‌یى یێن پارتى ئه‌گه‌رێن ئه‌وا د هه‌لبژارتنا سه‌رۆكێ هه‌رێما كوردستانێ دا رووداى، جارێ باشه بیرا ئه‌سه‌سه‌ردى بینین ئه‌وێن خه‌ون ب كێشا ناڤخوه‌یا پارتى دبینن، ئه‌و خه‌ونه نه‌بوو راستى، به‌لكو ئه‌و ب ئێكجارى نڤستن وخه‌ونا خوه بن گۆر كر”.
خوشناوى بۆ ئێكه‌تیێ پێشنیازكر كو زه‌حمه‌تێ بكێشیت وفه‌رید ئه‌سه‌سه‌رد ببه‌نه لایێ نوشداره‌كێ ده‌روونى بۆ وه‌رگرتنا چاره‌سه‌ریا، ئه‌گه‌ر نه ئه‌ز یێ پشت راستم ئه‌و كه‌سه وه‌كو چاوان ئاخڤتنه‌كا خێرێ نزانیت، خه‌وه‌كا خوه‌ش ژى نابینیت، ژ روویێ مرۆڤبوونێ ڤه دلێ من یێ ب حالێ وى ڤه!”.
ل دووماهیێ دبێژیت” پارتى وئه‌وێن كوردستان دڤێت، چو جاران ده‌لیڤێ ناده‌ن یێن وه‌كو فه‌ریدى مورتاح بن، دیسا ژى دوباره دكه‌م چوونا لایێ نوشدارى باشترین رێیا ل به‌ر نه‌خوه‌شى یه، نه‌كو چوونا نه‌خوه‌شى بۆ لایێ خه‌لكى!”.
نيشاندان