ئەڤرۆ نیوز:
ھژمارەکا یانێن مەزن ل سەر ئاستێ ئورۆپا ھەڤرکیا یاریزانێ بەرازیلی و یانا ئەیاکس ئەمستردام یا ھولەندی دیڤید نیریس دکەن بوو دەستڤە ئینانا شیانێن ئەوی ل ڤەگوھاستنێن ھاڤینا ئەڤ سالە.
مالپەرێ سکای سپورت یێ ئەلمانی دیارکریە ھەردو یانێن ئەتلەتیکو مەدرید و مانچێستەر یوناید کەڤتینە د ھەڤرکیەکا ب ھێز دا ل گەل یانا بایرن میونیخ بۆ دەستڤە ئینانا شیانێن یاریزانێ ھێلا ناڤینا ئەیاکس ئەمستردام یێ بەرازیلی دیڤید نیریس بۆ ڤەگوھاستنێن ھاڤینا نوکە .
ئەوی مالپەرێ ئەلمانی ئاماژە ب وێ چەندێ ژی کریە کو د پلانا یانا یانا بایرن میونیخ دایە ھەڤبەستێ ل گەل ئەوی یاریزانێ بەرازیلی ئیمزا بکەن لێ دبیت ل ماوێ بھێت دەلیڤەیا دەستڤە ئینانا ئەوی بو ئەوان ب زەحمەت کەڤیت تایبەت پشتی ھەردو یانێن ئەتلەتیکو و مان یوناید ھاتینە سەر ھێلا ھەڤرکیێ .
چاڤەرێ دھێتەکرن یانا ئەیاکس ئەمستردام پشتی ب دووماھیی ھاتنا قارەمانیا کوپا ئەمریکا بریارا دووماھیێ ل سەر ئەوی یاریزانێ خوە و ھەلبژارتیێ بەرازیل نیریس بدەت کو ل دیڤ راپورتێن رۆژنامەڤانی ل ئورۆپا یانا ئەیاکس مەرجەک ھەیە بۆ دەست بەردانا ئەوی یاریزانێ خوە یێ ٢٢ سالی ئەوی ھەر یانەکا حەزا ئیمزاکرنا ھەڤبەستێ ھەبیت پێدڤی یە کوژمێ ٥٠ ملیون یورۆیا پێشکێشی ئەوان بکەن.

ئەڤرۆ نیوز:
بەرەڤانێ فرەنسی و یانا بەرشەلۆنا ساموێل ئومتێتی بوویە ئارمانجا ھەر ئێک ژ یانێن ئەرسینال و مانچێستەر یوناید یێن ئنگلیزی بوو دەستڤە ئینانا ئەوی د ڤەگوھاستنێن نوکە یێن ھاڤینێ دا.
رۆژناما دیلی میل یا برێتانی دیارکریە یانا ئەرسینال کەڤتیە د ھەڤرکیا یانا مانچێستەر یوناید دا بوو دەستڤە ئینانا بەرەڤانێ فرەنسی یێ یانا بەرشەلۆنا ئومتێتی کو وێ یانا لەندەنی ٤٥ ملیون جێنێ ئیسترلینی بۆ وی یاریزانی بەرھەڤکرینە کو ئەو کوژمە ژ وی کوژمی گەلەک کێمترە یێ یانا بەرشەلۆنا بۆ دەست بەردانا وی یاریزانی دخوازیت.
ئەوێ رۆژنامێ ئەو چەندە ژی ئاشکراکریە یانا مان یوناید دەلیڤەیا دەستڤە ئینانا ئەوی پتر ھەیە ژبەرکو وی یاریزانی ژی حەزا کرنا یاریێ ل وێ یانێ ھەیە و ھەردیسان وێ یانێ کوژمەکێ مەزنتر ژ یێ ئەرسینال بەرھەڤکریە بوو شیانێن ئەوی بەرەڤانێ فرەنسی ب دەستخوڤە بینت.

ئەڤرۆ نیوز:
یانا یوڤانتوس یا ئیتالی ل سەر مالپەرێ خوە یێ فەرمی ھەڤبەستا بەرەڤانێ ھەلبژارتیێ تورکیا و یانا ساسولو یا ئیتالی مریح دەمرال راگەھاند بوو ماوێ پێنچ سالان کو بریارە ھەڤبەستا ئەوی ل ھاڤینا ٢٠٢٤ ب دووماھیی بھێت پشتی گەھشتی نە رێککەفتنێ ل گەل یانا ساسولو بەرامبەر ١٨ ملیون یورۆیا وەکو بھایێ ڤەگوھاستنا وی یاریزانێ تورکی.

مریح دەمرال یێ ٢١ سالی ل ڤەگوھاستنێن زڤستانا ٢٠١٩ پەیوەندی ب یانا ساسولو یا ئیتالی کر بوو پشتی ژ یانا ئالانیا سپور ھاتیە ڤەگوھاستن کو ل قوناغا ئێکێ یا وەرزێ ٢٠١٨-٢٠١٩ ل گەل یانا ئالانیا پشکداری د ١٦ یاریان دا کربوو ل گەل یانا ساسولو ل قوناغا دوێ یا خۆلا ئیتالیا پشکداری د ١٤ یاریان دا کربوو شیابوو دو گولان ژی توماربکەت ھەردیسان ل سالا ٢٠١٩ شەش یاریێن نیڤدەولەتی ل گەل ھەلبژارتیێ وەلاتێ خوە کرینە

کوپا ئەمریکا 

بۆ دەست نیشانکرنا خودانا رێزا سیێ
ئەرژەنتین و شیلی دەمژمێر ١٠:٠٠ شەڤ

کاسا نەتەوەیێن ئەفریقیا ل سەر ئاستێ ھەلبژارتیا
قوناغا ١٦
نێچیریا و کامیرون ل دەمژمێر ٧:٠٠ شەڤ
میسر و ئەفریقیا باشور ل دەمژمێر ١٠:٠٠ شەڤ

موندیالا جیھانی ل سەر ئاستێ ئافرەتان
بۆ دەست نیشانکرنا ھەلبژارتیێ رێزا سیێ

ئنگلتەرا و سوید ل دەژمێر ٦:٠٠ مەغرەب

خۆلا عیراقێ یاریێن گەرا ٣٥ ژ قوناغا دوێ

یاریێن دەمژمێر ٥:٠٠ ئێڤاری
ئەمانە بەغدا و سەماوە
نەفت و نەفت میسان
تەلەبە و کارەبا
یاریا ھەولێر ل گەل کەرخ ل دەمژمێر ٦:١٥ مەغرەب ھێتەکرن

ئەڤرۆ نیوز:
یانا بەرشەلۆنا گەھشتە رێککەفتنێ ل گەل یانا کاشیما ئەنتلرز یا ژاپونی بۆ ڤەگوھاستنا یاریزانێ وێ یێ ھێلا ناڤین و ھەلبژارتیێ ژاپونێ ھیروکی ئابی.
راپورتێن رۆژنامەڤانی ل ژاپونێ ئاشکراکرینە دانوستاندنێن ھەردو یانێن بەرشەلۆنا و کاشیما بەری دو رۆژان دەستپێکر بوون بۆ ڤەگوھاستنا ھیروکی و ھەردو یانە ل سەر ڤەگوھاستنا وی یاریزانێ ناڤبری رێککەفتی نە بەرامبەر کوژمێ دو ملیون یورۆیا.
ھەردیسان ئەوان رۆژناما ئاشکراکریە ژی ھیروکی ئابی یێ ٢٠ سالی رازی بوویە دەستپێکێ ل تیما دوێ یا بەرشەلۆنا یاریێ بکەت  و بریارە ئەڤرۆ یاریا خوە یا دووماھیێ ل گەل یانا خوە کاشیما بەرامبەر یانا جوبیلو ئایواتا ژ خۆلا ژاپونێ بکەت  و پاش ب فەرمی دێ بەر ب وەلاتێ ئیسپانیا ڤە چیت بوو ئیمزاکرنا ھەڤبەستا یانا بەرشەلۆنا.
ھەژی گوتنێ یە ھیروکی سێ یاریێن نیڤدەولەتی ل گەل ھەلبژارتیێ خوە ژاپون ھەنە ئەوژی ل دووماھیی قارەمانیا کوپا ئەمریکا دا بوون کو دو یاریان دا وەکو پێگوھور پشکداری کر و یاریەکێ ژی وەکو یاریزانەکێ سەرەکی یاری کر .

https://www.youtube.com/watch?v=5zvi3GOe87Y