ئه‌ڤرۆ نیوز:
به‌ره‌ڤانی هه‌لبژارتیێ عیراقێ و یانا فانکوڤه‌ر یا که‌ندی ئه‌وا پشکدار دخۆلا ئه‌مریکا دا عه‌لی عه‌دنان هه‌ڤبه‌ستا خوه‌ ل گه‌ل یانا خوه‌ درێژکر هه‌تا سالا ٢٠٢٢ پشتی وێ یانا که‌ندی شیا بهایێ هه‌لوه‌شاندنا وی پێشکێش یانا وی یا به‌ری نوکه‌ ئودنیزی یا ئیتالی بکه‌ن .
راپورتێن روژنامه‌ڤانی یێن تایبه‌ت ب خۆلا پیشه‌کاری یا ئه‌مریکی ڤه‌ دیارکرنه‌ پشتی یانا فانکوڤه‌ر هه‌ڤبه‌ستا عه‌لی عه‌دنان ب فه‌رمی ئیمزاکری ئه‌و یاریزانێ ناڤبری بۆ گرانترین به‌ره‌ڤان د مێژویا خۆلا ئه‌مریکا و هه‌ردیسان خودانێ مه‌زنترین موچه‌یێ سالانه‌ یه‌ ژی.

ئەڤرۆ نیوز:
رۆژنامەیێن نێزیکی یانا ریال مەدرید ئاشکراکرینە بەرەڤانێ بەرازیلی یانا ریال مەدرید مارسێلو ھزر ل چوونا خوە ژ یانا خوە یا نوکە کریە ل ڤەگوھاستنێن ھاڤینا ئەڤ سالە تایبەت پشتی وێ یانا مەلەکی ھەڤبەست ل گەل یاریزانێ فرەنسی مێندی ئیمزاکری.
ھەردیسان ئەوان رۆژنانا ئاشکراکریە ژی چار یانا بەرھەڤیا خوە دیارکریە بوو ئیمزاکرنا ھەڤبەستا مارسێلوی ئەوژی ھەر ئێک ژ یانێن یوڤانتوس و میلان یێن ئیتالی ل گەل پاریس سانجێرمان یا فرەنسی و ئەرسینال یا ئنگلیزی لێ یانا ژ ھەموویان نێزیکتر یانا یوڤانتوس ژبەر کریستیانو رونالدو کو ئێک ژ ھەڤالێن وی یێن ھەرە نێزیک و ھەلبژارتنا دوێ ژی یانا پاریس سانجێرمان .

ئەڤرۆ نیوز:
یانا ریال مەدرید فەرمی چوونا بەرەڤانێ خوە یێ لایێ چەپێ سێرجیو ریگیلون راگەھاند پشتی گەھشتی یە رێککەفتنێ ل گەل یانا سیڤیلیا بوو ڤەگوھاستنا ئەوی یاریزانێ ناڤبری ب شێوەیێ خواستن بۆ وەرزێ ٢٠١٩-٢٠٢٠.

سێرجیو ریگیلون یێ ٢٢ سالی ئێک ژ یاریزانێن قوتابخانەیا یانا ریال مەدرید و دەستپێکا خوە ل گەل تیمێن ریال مەدرید تازە پێگەھشتی و لاوان و تیما دوێ یا ریال مەدرید دەستپێکریە و ل سالا ٢٠١٨ بۆ تیما ئێکێ ھاتە سەرئێخستن ل وەرزێ بوری پشکداری د ١٤ یاریان دا ل گەل ریال مەدرید کر بوو.

ئەڤرۆ نیوز:

یانا مانچێستەر یوناید ل سەر مالپەرێ خوە یێ فەرمی راگەھاند ئەوان ھەڤبەستا یاریزانێ خوە یێ بەرازیلی ئەندریاس پێریرا ھەتا ھاڤینا ٢٠٢٣ درێژکر .
ئەندریاس پێریرا یێ ٢٣ سالی ل گەل ھاتنا راھێنەرێ نەرویجی یێ یانا مانچێستەر یوناید سولشایر شیا جھێ خوە دناڤا پێکھاتیێ وێ یانێ دا بینت ھەردیسان ل زوربەیا یاریان ژی وەکو پێگوھورەکێ سەرکەفتی د ھاتە ھژمارتن و یانێ ژی ل بەر وی ئاستێ وی یێ بلند ھەڤبەستا ئەوی درێژکر و د داخویانیەکێ دا بۆ مالپەرێ وێ یانێ وی یاریزانێ ناڤبری دیارکر ئەو گەلەک یێ ئارامە ل ڤێ یانێ و باژێرێ مانچێستەر ب باژێرێ خوە دبینت دخوازیت یێ بەردەوام بیت ل گەل ڤێ یانێ .

ئەندریاس پێریرا ھەر ژ سالا ٢٠١١ وەرە یاری ل یانا مانچێستەر یوناید کر کو دەستپێکێ ل تیما لاوان و تیما دوێ دەستپێکریە و ل سالا ٢٠١٤ بۆ تیما ئێکێ ھاتیە سەرئێخستن و بۆ پتر دەلیڤەیا خوە وەکو یاریزانەکێ سەرەکی بینت ل ھەردو وەرزێن ٢٠١٦-٢٠١٧ و ٢٠١٧-٢٠١٨ ب شێوەیێ خواستن بەر ب خۆلا ئیسپانیا ڤە چو یاری ل گەل یانێن گرناتە و ڤالنسیا یاری کر و پشتی شیای ئاستەکێ بلند ل گەل ئەوان ھەردو یانان پێشکێش بکەت یانا مان یوناید ل وەرزێ بوری ڤەگەراندە دناڤ رێزێن یانا خوە دا ڤە.

ئەڤرۆ نیوز:
یانا ئەرسینال یا ئنگلیزی نێزیکی ئیمزاکرنا یاریزانەکێ یانا ریال مەدرید بوویە بۆ ڤەگوھاستنێن ھاڤینا ئەڤ سالە پشتی ل ماوێ بوری د دانوستاندنێن دەستپێکی دا ل گەل وێ یانێ ب سەرکەفتی.
رۆژناما موندو دیپورتیفو یا ئیسپانی ئاشکراکریە ھەردو یانێن ریال مەدرید و ئەرسینال ھەتا رادەیەکی گەھشتی نە رێککەفتنێ دەستپێکێ بۆ ڤەگوھاستنا لوکاس ڤاسکێز یاریزانێ ریال .
ھەردیسان ئەوێ رۆژنامێ دیارکریە ژی یانا ئەرسینال کوژمێ ٣٥ ملیون یورۆیا بۆ ھەلوەشاندنا ئەوی یاریزانی بەرھەڤکرینە ھەردیسان ل گەل موچەیەکێ سالانە یێ بلند بۆ ئەوی یاریزانی.

ھەژی گوتنێ یە لوکاس ڤاسکێز دەستپێکا خوە ل گەل قوتابخانەیا ریال مەدرید دەستپێکریە و پاش یاری ل تیما کاستیا یا ریال مەدرید کریە و ژ سالا ٢٠١٥ وەرە یاری ل تیما ئێکێ یا ریال مەدرید کەت و ھەتا نوکە ١٨٣ یاری ل گەل تیما ئێکێ کرینە و شیایە ٢١ گولا توماربکەت ل گەل ٤٤ گولان ژی بوو ھەڤالێن خوە بەرھەڤبکەت