ئەڤرۆ نیوز:
یانا مانچێستەر سیتی ھەلگرا ناسناڤیچ خۆلا ئنگلتەرا نێزیکی ئیمزاکرنا ھەڤبەستا خوە یا ئێکێ بوویە ل مێرکاتویا ھاڤینا ئەڤ سالە .
رۆژناما میرو یا برێتانی ئەڤرۆ بەلاڤەکریە ھەردو یانێن مانچێستەر سیتی و ئەتلەتیکو مەدرید گەھشتی نە رێککەفتنێ بوو ڤەگوھاستنا یاریزانێ وێ یێ ھێلا ناڤین رودری پشتی یانا ئنگلیزی بەرھەڤیا خوە دیارکری کوژمێ ھەلوەشاندنا وی یاریزانێ ناڤبری پێشکێشی وی یانا ئیسپانی بکەت کو ٦٢ ملیون جێنێ ئێسترلینی بوون.

ھەژی گوتنێ یە رودری ل ھاڤینا بوری ژ یانا ڤیاریال ھاتبوو ڤەگوھاستن بۆ یانا ئەتلەتیکو مەدرید بەرامبەر ١٨ ملیون جێنێ ئێسترلینی

ئەڤرۆ نیوز:
پشتی وی ئاستێ بلند ل گەل ھەلبژارتیێ خوە د قارەمانیا کوپا ئەمریکا دا پێشکێشکری بەرپرسێن یانا بەرشەلۆنا دخوازن ھەڤبەستێ ل گەل ھێرشبەرێ ئەرژەنتینی و یانا ئەنتر میلان لاوتارو مارتێنیز ئیمزا بکەن و راپورتێن رۆژنامەڤانی ل ئیسپانیا وەسا دیارکریە بەرپرسێن وێ یانا کەتەلونی بەرھەڤیا خوە دیارکریە بھایێ ھەلوەشاندنا ھەڤبەستا ئەوی یاریزانی بدەن.
راپورتێن رۆژنامەڤانی ل کەتەلونیا بەلاڤەکریە یانا بەرشەلۆنا دخوازیت ھەڤبەستێ ل گەل لاوتارو مارتێنیز ئیمزا بکەت پشتی شیای ئاستەکێ بلند ل گەل ھەلبژارتیێ خوە د قارەمانیا کوپا ئەمریکا دا پێشکێش بکەت.
ژلایەکێ دیڤە رێڤەبەرێ کاروبارێن وی یاریزانی ئەلبرتو باکیە بۆ دەزگەھێن راگەھاندنا ئیسپانی دیارکریە دەنگوباس گەھشتی نە ئەوی لێ ھەتا نوکە چ پێنگاڤێن فەرمی ژلایێ بەرشەلۆنا نە ھاتیی نە ھاڤێتن لێ ئەو یێ ئاگادارە کو بەرپرسێن بەرشەلۆنا حەزا ئیمزاکرنا ھەڤبەستێ ھەیە ل گەل یاریزانێ وی .

ئەڤرۆ نیوز:

پشتی ماوەکێ درێژ و ھژمارەکا یانێن بەرنیاس ل ماوێ شەش ھەیڤێن بوری ھەڤرکی ل سەر دەستڤە ئینانا ستێرا فرەنسی و یانا پاریس سانجێرمان ئەدریان رابیو کری ل دووماھیێ یانا ئەوی یاریزانێ فرەنسی ئاشکرا بوو.
مالپەرێ توتو مێرکاتو یێ ئیتالی پارچە ڤیدیویەکا وی یاریزانی ل سەنتەرێ بزیشکی یێ یانا یوڤانتوس بەلاڤەکریە و تێدا دیارکریە رابیوو بۆ وەرزێ نوو دێ  درێسێ یوڤانتوس ل بەر خوە کەت .
ھەردیسان وی مالپەری دیارکریە ژی یوڤانتوس و ئەو یاریزانێ ناڤبری ل سەر ھەموو بەندێن ھەڤبەستێ رێککەفتی نە و بریارە ل چەند دەمژمێرێن دی ھەڤبەستا ئەوی ب فەرمی بھێتە راگەھاند.

ئەڤرۆ نیوز:
یانا ریال مەدرید بۆ دەستڤە ئینانا ستێرا سنگالی و یانا لیڤەرپول سادیو مانێ پلانەکا نوو دارشتی یە و دخوازیت ئێک ژ یاریزانێن خوە یێن بەرنیاس بکەتە قوربان بۆ دەستڤە ئینانا ئەوی یاریزانێ ناڤبری.
رۆژناما ئکسپرێس یا برێتانی ئاشکراکریە یانا ریال مەدرید دخوازیت گوھورینەکێ ل گەل یانا لیڤەرپول بکەتە کو ئەسینسوی بدەنە ئەوێ یانا ئنگلیزی بەرامبەر دەستڤە ئینانا سادیو مانێ ل گەل کوژمەکێ پارەی ب رێژەکا کێم .
ئەوێ رۆژنامێ ئاشکراکریە ژی ئەو ھزرا یانا ریال مەدرید باشترین رێکە بۆ دەستڤە ئینانا ئەوی یاریزانێ لیڤەرپول ژبەرکو راھێنەرێ وێ یانا ئنگلیزی ژ ھاڤینا بوری وەرە داخوازی ژ بەرپرسێن وێ یانا ئنگلیزی کریە بۆ ئیمزاکرنا ئەسینسوی .

ساديو مانێ

ئەسینسو