ئەڤرۆ نیوز:
پشتی چەندین دانوستاندنان یانا مانچێستەر یوناید گەھشتە رێککەفتنێ ل گەل یانا کریستال پالاس بوو ڤەگوھاستنا یاریزانەکێ وێ یانێ یێ ھێلا ناڤین لایێ راستێ.
یانا مانچێستەر یوناید ل سەر مالپەرێ خوە یێ فەرمی راگەھاندی یە ئەوان ھەڤبەستا یاریزانێ کریستال پالاس ئارون بیساکا ئیمزاکریە بۆ ماوێ ٥ سالان بەرامبەر ٥٠ ملیون جێنێ ئیسترلینی.

ھەژی گوتنێ یە ئارون بیساکا یێ ٢١ ل لایێ راستێ یێ ھێلا بەرەڤانیێ دکەت و ل وەرزێ ٢٠١٨-٢٠١٩ ئێک ژ باشترین یاریزانێن خۆلا ئنگلتەرا بوو ل گەل یانا خوە و شیابوو پشکداری د ٣٥ یاریان دا بکەت دخۆلا پرێمرلیگ بکەت.

ئەڤرۆ نیوز:

پشتی راپورتێن رۆژنامەڤانی ل ئیسپانیا بەلاڤەکری یانا میلان گەھشتی یە رێککەفتنێ ل گەل یانا ریال مەدرید بوو ڤەگوھاستنا تیو ھێرناندرێز ئەوێ یانا ئیتالی نوکە دەست ب لڤینا کریە بوو دەستڤە ئینانا یاریزانێ دوێ یێ ریال .

رۆژناما کوریری دیللو سپورت یێ ئیتالی بەلاڤەکریە یانا میلان دخوازیت ھەڤبەستێ ل گەل یاریزانێ یانا ریال مەدرید دانی سیبایوس ئیمزا بکەت و بەرپرسێن وێ یانا ئیتالی کوژمێ ٤٠ ملیون یورۆیا بوو ڤەگوھاستنا ئەوی یاریزانی بەرھەڤکرینە.
ئەوێ رۆژنامێ ئاماژە ب وێ چەندێ ژی کریە رێیا دەستڤە ئینانا سیبایوس بوو میلان یا ب سانەھی نابیت ژبەرکو یانا سیڤیلیا ژی یا ھەڤرکیەکا دژوار یا ل گەل وێ یانێ دکەت بوو دەستڤە ئینانا ئەوی یاریزانی.

لێگەریانا خانیەکێ نوو دکەت ل مەدرید
ئەڤرۆ نیوز:
پشتی یانا ریال مەدرید نەشیای شیانێن یاریزانێ فرەنسی و یانا مانچێستەر یوناید پول پوکپا ب دەستخوڤە بینت نوکە یا لێگەریانا یاریزانەکێ دی دکەت ل جھێ ئەوی یاریزانی و رۆژنامەیەکا ئیسپانی ئەڤرۆ وەسا دایە دیارکرن ستێرەکا خۆلا ئنگلتەرا نوکە ل مەدرید و لێگەریانا خانیەکێ نوو دکەت .
رۆژناما سپورت یا کەتەلونی دیارکریە ستێرا یانا توتنھام و ھەلبژارتیێ دانیمارک کریستیان ئاریکسن نێزیکی ئیمزاکرنا ھەڤبەستا ریال مەدرید بوویە تایبەت پشتی ئەو یانا مەلەکی نەشیای شیانێن پوکپای ب دەستخوڤە بینت و بەربژارێ دوێ یێ یانا ریال ئاریکسنێ دانیمارکی یە .
ئەوێ رۆژنامێ دیارکریە ژی یانا توتنھام رازی بوویە ئەوی یاریزانێ خوە بفروشیت ژبەرکو ھەڤبەستا ئەوی یاریزانی دێ ل ھاڤینا ٢٠٢٠ ب دووماھیی ھێت و بەرپرسێن وێ یانێ داخوازیا ١٠٠ ملیون یورۆیا دکەن بوو دەست بەردانا وی یاریزانێ خوە یێ دانیمارکی .

ئەڤرۆ نیوز:
ستێرا گەنچ یا فرەنسی و یانا پاریس سانجێرمان کلیان مباپێ پێنگاڤەک ھاڤێت بوو ب جھێلانا پێکھاتیێ یانا خوە پشتی رەتکری ھەڤبەستا خوە ل گەل وێ یانێ درێژ بکەت.
رۆژناما مارکا ئیسپانی بەلاڤەکریە ھەر چەندە ھەڤبەستا مباپێ ھێشتا ل گەل یانا پاریس سانجێرمان سێ سال ماینە لێ ئەو یانە یا گڤاشتنا ل سەر ئەوی یاریزانی دکەت بوو درێژکرنا ھەڤبەستا ئەوی لێ ئەوی یاریزانی داخوازیا ئێکێ یا یانا پاریس رەتکر پشتی بەری چەند رۆژان بەرپرسێن وێ یانێ داخوازی ژێ کری.
ئەوێ رۆژنامێ ئاشکراکریە ژی ڤەگوھاستنا مباپێ ل وەرزێ ئەڤ سالە دێ یێ بەردەوام بیت ل گەل یانا خوە و ھەکە ھەتا ھاڤینا بھێت بەرپرسێن پاریس نەشیان مباپێ رازی بکەن بوو درێژکرنا ھەڤبەستا ئەوی دێ ل ھاڤینا بھێت ب رێژەیا ھەرە مەزن ئەوی یاریزانێ خوە فروشن ژبەرکو ھەڤبەستا ئەوی ٢٠٢٢ دێ ب دووماھیی ھێت.
ھەژی گوتنێ یە راپورتێن رۆژنامەڤانی ئەو چەندە چاڤەرێکر بوو کو مباپێ ھەڤبەستا خوە ل گەل پاریس سانجێرمان درێژ ناکەت ل وەرزێ ئەڤ سالە و دێ گڤاشتنێ ئێختە سەر وێ یانا فرەنسی داکو ل وەرزێ بھێت دەستا ژ ئەوی یاریزانی بەردەت و بەر ب ئارمانجا خوە یا سەرەکی ڤە بچیت ئەوی پەیوەندی ب ریال مەدرید بکەت کو وێ یانا ئیسپانی ژی بەری نوکە دیارکر بوو د پلانا ئەوان دایە ل ھاڤینا ٢٠٢٠ ھەڤبەستێ ل گەل ئەوی یاریزانی ئیمزا بکەن.

ئەڤرۆ نیوز:
یانا پاریس سانجێرمان یا فرەنسی ب فەرمی گەھشتە رێککەفتنێ ل گەل یاریزانەکێ ئیسپانی بوو ئیمزاکرنا ھەڤبەستا ئەوی پشتی گەھشتی یە رێککەفتنێ ل گەل یانا ئەوی یاریزانێ ناڤبری
رۆژناما لکیپ یا ئیسپانی دیارکریە یانا پاریس سانجێرمان ب فەرمی گەھشتە رێککەفتنێ ل گەل یاریزانێ ئیسپانی و یانا سیڤیلیا بابلو سارابیا پشتی وێ یانا فرەنسی کوژمێ ١٨ ملیون یورۆیا وەکو بھایێ ھەلوەشاندنا ھەڤبەستا ئەوی یاریزانێ ناڤبری پێشکێشی یانا ئیسپانی کری .
ئەوێ رۆژنامێ ئەو چەندە ژی ئاشکراکریە ھەڤبەستا سارابیا بوو ماوێ چار سالان ھاتیە ئیمزاکرن و چاڤەرێ دھێتەکرن ل ڤێ حەفتیێ دا ب فەرمی ھەڤبەستا ئەوی یاریزانێ ناڤبری ژلایێ یانا پاریس ڤە بھێتە راگەھاندن .

ھەژی گوتنێ یە پابلو سارابیا ل ھێلا ناڤین یاری دکەت و  ئێک ژ یاریزانێن قوتابخانەیا ریال مەدرید و ژ سالا ٢٠١٦ وەرە ل گەل یانا سیڤیلیا یاری دکەت ھەتا نوکە ل گەل وێ یانێ پشکداری د ١٥١یاریان دا کریە و  شیایە ٤٣ گولان توماربکەت و ٣٨ گولان ژی بوو ھەڤالێن خوە بەرھەڤبکەت کو وەرزێ ٢٠١٨-٢٠١٩ باشترین وەرزێ وی بوو د ژیانا وی یا تەپا پێ دا کو پشکداری د ٥٢ یاریان دا ل وەرزێ ئەڤ سالە د ئەوان ھەموو قارەمانیێن یانا سیڤیلیا تێدا پشکداری کری و شیابوو ٢٣ گولان توماربکەت ل گەل ١٧ ئەسیست کو ١٣ گول ژ ئەوان دخۆلا لالیگا دابوون.

ئەڤرۆ نیوز:
یانا ریال مەدرید یا بەردەوامە ل سەر فروتنا یاریزانێن خوە و پشتی یاریزانێ ھێلا ناڤینا وێ یانێ لورینتی ب فەرمی ھەڤبەستا ئەتلەتیکو مەدرید ئیمزاکری ئێک ژ دەزگەھێن وەرزشی یێن نێزیکی یانا ریال مەدرید چونا چار یاریزانێن دی ژی تەکید کریە و دیارکریە ئەو یاریزان ب فەرمی گەھشتی نە رێککەفتنێ بۆ ب جھێلانا پێکھاتیێ وێ یانێ .
رادیویا کادینا یا ئیسپانی دیارکریە یانا ریال مەدرید ب فەرمی ل سەر فروتنا چار یاریزانێن خوە رازی بوویە پشتی گەھشتی نە رێکەفتنێ ل گەل ئەوان یاریزانان.
ھەردیسان ئەوێ رادیویێ ناڤێ ئەوان یاریزانان و یانێن ئەوان یێن نوو ژی ئاشکراکرینە کو بوو وەرزێ بھێت دێ ب فەرمی بنە یاریزانێن ئەوان یانان.
ئەو یاریزان ژی ئەڤێن خوارێ نە

کوڤاسیچ یێ کرواتی پشتی ل وەرزێ ئەڤ سالە ب شێوەیێ خواستن یاری ل یانا چێلسی کری بوو وەرزێ نوو ب فەرمی دێ بیتە یاریزانێ وێ یانا لەندەنی پشتی ھەردو یانێن چێلسی و ریال مەدرید ل سەر فروتنا ئەوی یاریزانی رێککەفتین بەرامبەر کوژمێ ٤٥ ملیون یورۆیا.

و ئودریگاردی یێ نەرویجی ل وەرزێ ئەڤ سالە یاری ب شێوەیێ خواستن ل یانا ڤیستە یا ھولەندی کر و بوو وەرزێ نوو یێ ٢٠١٩-٢٠٢٠ ب فەرمی دێ بیتە یاریزانێ ریال سوسیداد یا ئیسپانی .

تیتو ھێرناندز یێ فرەنسی پشتی ل وەرزێ ئەڤ سالە یاری ل یانا ریال سوسیداد یا ئیسپانی کر ب شێوەیێ خواستن بوو وەرزێ نوو دێ یاری ل یانا میلان یا ئیتالی کەت پشتی وێ یانێ کوژمێ ٢٠ ملیون یورۆیا وەکو بھایێ ھەلوەشاندنا ئەوی پێشکێشی یانا ریال مەدرید کری.

رئول دی توماس یێ ئیسپانی پشتی ل وەرزێ ئەڤ سالە شیای ئاستەکێ بلند ل گەل یانا رایو ڤالیکانو پێشکێش بکەت و شیای ١٤ گولان دخۆلا لالیگا دا توماربکەت کو ب شێوەیێ خواستن یاری ل وێ یانێ کر بوو وەرزێ نوو دێ بیتە یاریزانێ یانا بەنفیکا پشتی ئەوێ یانێ ب فەرمی رێککەفتن ل گەل یانا ریال مەدرید کری.