ئه‌ڤرۆ نیۆز، عه‌زیز هه‌ورامی:
گروپێك له پارێزگای سلێمانییه‌وه پڕۆژه‌یه‌كیان ڕاگه‌یاندووه بۆ دابه‌شكردنی كوردستان داوای ده‌كه‌ن هه‌رێمی سلێمانی ڕابگه‌یه‌ندرێت، ئه‌ندامێكی ئه‌نجوومه‌نی پارێزگای سلێمانی ده‌ڵێ، له‌گه‌ڵ ئه‌و پڕۆژه‌یه‌نین و كه‌سانێك وا خۆیان نیشان ده‌ده‌ن ده‌بنه پاڵه‌وانی تێپه‌ڕاندنی قه‌یرانه‌كان به‌ڵام كارده‌كه‌ن بۆئه‌وه‌ی له ئاینده خۆیان كایه‌ی سیاسی و ئیداریدا ببیننه‌وه.
عه‌لی كه‌ریم ئه‌ندامی ئه‌نجوومه‌نی پارێزگای سلێمانی له فڕاكسیۆنی بزووتنه‌وه‌ی گۆڕان، تایبه‌ت به ئه‌ڤرۆ نیۆز گوتی:”كاتی نوسینه‌وه‌ی ده‌ستووری عێراق وه‌فدێكی باڵای كوردستان له‌به‌غدابوون سه‌رپه‌رشتی دانوستانیان كرد له‌گه‌ڵ لایه‌نی عێراقی تواندرا له ده‌ستووردا هه‌رێمی كوردستان بچه‌سپێندرێت.
كه‌ریم ئاماژه‌ی به‌وه‌كرد، له‌گه‌ڵ ئه‌و پڕۆژه نییم هه‌رێمی كوردستان دابه‌شبكات و هه‌رێمی سلێمانی دروست بكرێت، نه‌له‌گه‌ڵیم و نه‌پشتیوانیشی ده‌كه‌م،له‌گه‌ڵ ئه‌وه‌م له ناو چوارچێوه‌ی قه‌واره‌ی هه‌رێمی كوردستان لامه‌ركه‌زی ئیداری و دارایی بچه‌سپێندرێت و هه‌رناوچه‌یه‌ك سود له‌داهاتی خۆی ببینێت.
ئاماژه‌ی به‌وه‌كرد، ئه‌گه‌ر بگه‌ڕێنه‌وه بۆ مێژووی له‌ت كردنی كوردستان له دووای شه‌ڕی چاڵدێران ڕێكه‌وتن نامه‌ی زه‌هاو كوردستانی گه‌وره دابه‌شده‌كرێت بۆ دوو پارچه،له ڕێكه‌وتن نامه‌ی سایكیس بیكۆی 1916 كوردستانی گه‌وره دابه‌شده‌كرێت بۆ چوار به‌ش به‌شی پێنچم ده‌خرێته سه‌ر یه‌كێتی سۆفییه‌ت،دووای ئه‌و دابه‌شكردنه پاش 100 ساڵیش ناتوانین به ده‌نگێكی ئاشكرا داوای مافه ڕه‌واكانی خۆمان بكه‌ین.
ئه‌گه‌ر بێت و هه‌رێمی كوردستان دابه‌شبێت بۆ دووهه‌رێم، ئه‌وكاته یان پارێزگاكانی هه‌ولێر و دهۆك پێ بوترێت هه‌رێمی كوردستان یان پارێزگاكانی سلێمانی و هه‌ڵه‌بجه، چونكه نابێت دوو هه‌رێم هه‌بێت به ناوی هه‌رێمی كوردستان، ده‌بێت ئێمه له چوارچێوه‌ی قه‌واره‌ی هه‌رێمی كوردستان هه‌وڵی چاكسازی بده‌ین له ڕێگا مه‌ده‌نییه‌كانه‌وه ئێمه گرفتی پاره و ئه‌منیمان نییه به‌ڵام گرفتی ئیداره‌دانی داهاتمان هه‌یه،عه‌لی كه‌ریم وای گوت”
ئەڤرۆ نیوز، عەلی حاجی:
د سەرەدانا خوە دا بۆ بژێرێ زاخۆ پارێزگەرێ دهوكێ دكتور عەلی تەتەر شەش جاددە ل تاخێن جوودایێن زاخۆ ڤەكرن و كەڤتنە د خزمەتا وەلاتیان زاخۆ دا.
د كونگرەیەكێ روژنامەڤانی دا دكتور عەلی تەتەر پارێزگەرێ دهوكێ گۆت: (ڤەكرنا شەش جاددەیاێن نوو ل تاخێن جودایێن زاخۆ دێ بیتە ئەگەر نێزیكی هزتر مالان مفایی ژێ ببینن كو ئەڤرۆ كەڤتیە د خزمەتا وەلاتیان دا و هەر دیسان سەرەدانا بۆ زاخۆ ژی بۆ زێدەتر هایدار بوو ل سەر وان پروژەیێن پێشتر سەروكێ حكومەتا هەرێما كوردستانێ رەزامەندی ل سەر جێبەجێ كرنا وان دەركری ژبەر كو ئەو پروژەیە دبنە دوو پشك پشكەك راستەوخۆ دهێنە ئەنجام دان كو هندەك ژ وان د كاركرنێ دانە و نێزیكی 40% كار كرن ل سەر ب دوماهی هاتیە و دێ هەولدەین د زووترین دەم دا وان پروژەیان ب دوماهی بینن و بێخینە د خزمەتا وەلاتیان دا وپشكەكا دیتر ژی دێ بنە تەندەر و پشتی ب دوماهی ئینانا كارێ تەندەراتیێ د وان پروژەیان دا دێ دەست ب كاری هێتە كرن، ئێك ژ ئارمانجێن حكومەتێ ئەوە كو بێ جیاوازی پروژەیێن خێرخازی بۆ هەمی وەلاتیان ئەنجام بدەت بەلێ دەستپێكی دێ بۆ گەرەكێن هەژار نشین بیت كو ئەو پروژەیە ب رەنگەكێ بیت خەلكەكێ زێدەتر مفایی ژێ ببینیت و دێ كاروانێ ئاڤەدانیێ ژی ل هەمی باژارێن پارێزگەها دهوكێ بەردەوام بیت) .
ناڤهاتی ئەو چەندە ژی گۆت: (بەری بنیاتێ بۆ گەلەك پروژەیان هات بوو دانان بەلێ ژ ئەگەرێ قەیرانا دارایی هەتا نوكە نەكەڤتینە د بوارێ جێبەجێ كرنێ دا و لەورا ئەو پروژەیێن بهێنە جێبەجێ كرن كو ئەو پروژەیەنە یێ كو سەر 90% یان ژی سەر 75% یان ژی 50% هاتینە پولین كرن كۆ دێ خزمەتا وەلاتیان كەت و دێ هێنە دروست كرن و هەر دیسان پێدڤی یە هندەك پاركێن گشتی ژلایێ حكومەتێ ڤە بهێنە دروست كرن بۆ وەلاتیان و ئەو پاركە بكەڤیتە د خزمەتا وان دا و حكومەتا هەرێمێ ئەو پلان دایە كو هندەك پروژەیێن د بیاڤێن جهێن بهێنڤەدانێ دا بێخیتە د بوارێ جێبەجێ كرنێ دا).
ئه‌ڤرۆ نیوز:
لژنا بلندا ساخله‌می و سلامه‌تیێ ل عیراقێ بریار دا ته‌ڤایا خالێن توخیبی بۆ لهه‌ڤگوهارتنا بازرگانیێ ل ته‌ڤایا رۆژێن هه‌فتیێ دێ هێنه‌ڤه‌كرن، ده‌واما سازیێن حوكمه‌تێ ژی ب 50% فه‌رمانبه‌ران ده‌ست پێ كه‌ت، چالاكیێن وه‌رزشی بێ هانده‌ر دێ ده‌ست پێ كه‌ن.
لژنا بلندا ساخله‌میێ و سلامه‌تیێ ل عیراقێ كۆ ب سه‌رۆكاتیا سه‌رۆك وه‌زیرێ حوكمه‌تێ چه‌ند بریاره‌ك ده‌رخستن ژ وان، ته‌ڤایا خالێن توخیبی یێن عیراقی ل هه‌مو رۆژێن هه‌فته‌یێ دێ دڤه‌كری بن بۆ لهه‌ڤگوهارتنا بازرگانی و دابینكرنا پێدڤیێن رۆژانه، هه‌روه‌سا ده‌واما فه‌رمانگه‌هێن حوكمی ب رێژا 50% یا فه‌رمانبه‌ران ده‌ست پێ دكه‌ت، خارنگه‌هـ و هول و ناڤه‌ندێن گه‌شتیاری دێ هێنه‌ڤه‌كر، هه‌روه‌سا چالاكیێن وه‌رزشی و گه‌نجان دووباره ده‌ست پێ كه‌ن، به‌لێ بێ به‌رهه‌ڤبوونا هانده‌ران.
لژنا بلندا ساخله‌میێ و سلامه‌تیێ ل عیراقێ ئه‌و چه‌نده ژی دیاركر پیگیربوون ب رێكارێن ساخله‌مێ و خوپارێزیێ مه‌رجه بۆ به‌رده‌وامیا بریاران.
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته 27 ملیۆن و 50 هزار و 581 كه‌سان.
لگۆری دوماهی ئامارێن جیهانی یێن ئه‌ڤرۆ ژماره‌یا توشبوویێن كورونایێ ل جیهانی گه‌هشته 27 ملیۆن و 500 هزار و 581 كه‌سان، ژ ئه‌ڤێ ژماره‌یێ ژی هه‌شت سه‌د و 96 هزار و 083 كه‌سان گیانێ خوه ژ ده‌ست دایه.
ل سه‌ر ئاستێ وه‌لاتێن جیانێ ئه‌مریكا زۆرترین رێژه‌یا توشبوونێ ب ڤایرۆسێ كورونایێ تێدا هاتیه توماركرن و گه‌هشتیه شه‌ش ملیۆن و 485 هزار و 575 كه‌سان و 193 هزار و 534 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
پەرلەمانی کوردستان خاڵێکی دیکە بۆ بەرنامەی کار زیاد دەکات
بریاره ئه‌ڤرۆ ده‌مژمێر ئێكێ نیڤرۆ په‌رله‌مانێ كوردستانێ رنشتنا ژماره 2 یا ئاسایی یا خولا پایزدێ یا سالا دوێ ژ خولا پێنجێ یا هه‌لبژارتنان ساز بكه‌ت.
ده‌ستێكێ سێ خال ئێخست بوونه ناڤ به‌رنامه‌یێ كارێ كۆمبوونێ، به‌لێ پاشی سه‌رۆكاتیا په‌رله‌مانی خالا چارێ ژی بۆ به‌رنامه‌یێ كاری زێده‌كر.
خالا ئێكێ یا كارێ كۆمبوونا په‌رله‌مانێ كوردستانێ به‌رده‌وامبیدانه ب خاندنا دوێ بۆ پێشنیارا یاسایا ماف و ئه‌ركێن نه‌خوشی ل هه‌رێما كوردستانێ.
به‌رنامه‌یێ كارێ دوێ یێ په‌رله‌مانی ئیخستنه ری و ده‌نگدان ل سه‌ر پێداچوونا چه‌ند ماده و برگه‌یێن یاسایا ژماره 1 یا سالا 2020 یاسایا به‌رهنگاربوونا ماده‌یێن هوشبه‌ر و كارتێكرنێن عه‌قلی ل هه‌رێما كوردستانێ.
به‌رنامه‌یێ كارێ سیێ خاندنا دوێ بۆ پێشنیارا یاسایا بستوڤه‌گرتنا فه‌رمانبه‌ران ل هه‌رێما كوردستانێ.
خالا چارێ ژ به‌رنامه‌یی كارێ كۆمبوونا په‌رله‌مانێ كوردستانێ سیوندخارنا به‌ربژار (عه‌مه‌ر عه‌بدللا فه‌تاح ل شوونا ئه‌ندامێ په‌رله‌مانی یێ ده‌ست ژ كاریڤه‌كێشایی سوران عومه‌ر سه‌عیدی.
ئەڤرۆ نیوز:
وەزارەتا کارەبا ھەرێما کوردستانێ راگەھاند: ب گۆژمێ زێدەتر ژ ملیارەک و ٢٥٠ ملیۆن دیناران، ب مەرەما راکێشانا ھەشت گوھورکێت کارەبێ گرێبەست بۆ وێستگەھا ١٣٢ یا کەسنەزانێ ئیمزا کر.
وەزارەتا کارەبا ھەرێما کوردستانێ راگەھاند ژی: ب مەرەما ئەنجامدانا پرۆژێ دەرئینانا ھەشت گوھورکێن (١١kv) ل وێستگەھا ( ١٣٢kv) یا کەسنەزان، ئەڤرۆ ٧/٩/٢٠٢٠ کەمال محەمەد سالح، وەزیرێ کارەبێ گرێبەستەک ل گەل کۆمپانیا (دلسۆز) ب بھایێ ملیارەک و ٢٥٠ ملیۆن و ١٤٨ ھزار دیناران ئیمزا کر.
هەروەسا وەزیرێ کارەبێ داخواز ژ وێ کۆمپانیێ کر ب ھەمان شێوە د دەمێ دیارکری دا، کو ٦٠ رۆژن وی پرۆژەی ب دیزایین و کوالێتیەکا باش جێبەجێ بکەن و پابەندی رێنمایی و راسپاردێن وەزارەتێ بن.
ئەڤرۆ نیوز:
زانکۆیا پۆلیتەکنیک یا دهۆکێ، رۆژا شەمبیێ (3/10/2020) وەک ئێکەم رۆژا دەستپێکرنا دەواما فەرمى یا سالا نوو یا خواندنێ (2020-2021) دەست نیشانکر.
سەرۆکاتیا زانکۆیا پۆلیتەکنیک یا دهۆکێ دیار کریە: شێوازێ خواندنا ئەڤ سالە دێ تێکەل بیت، ئانکو وانێن تیۆرى دێ ب شێوازێ ئۆنلاین یان تۆمارکرنێ بن، هەروەسا وانێن پراکتیکى و تاقیگەهان و ئەزموونێن وەرزان دێ ل ناڤ کەمپا زانکۆیێ هێنە کرن، دیسان دێ دەرگەهێ مێهڤانداریێ بۆ قوتابیێن خوەجهێن دهۆکێ یێن ل باژێرێن دى دخوینن، دێ ڤەکرى بیت.
هەروەسا پشکێن ناڤخویى، بۆ وەرزێ ئێکێ یێ سالا خواندنا (2020-2021) ژ بەر رەوشا ساخلەمیێ ناهێنە ڤەکرن.
نيشاندان