ئەڤرۆ نیوز:
سەرۆکێ یانا بەرشەلۆنا ماریا بارتومیو ل گەل ڤالڤێردی راھێنەرێ وێ یانێ کومبوو ل سەر چەند بابەتێن گرنگ ب وێ یانێ ڤە گرێدای و تایبەت بەحس ل فروتنا چەند ستێرێن یانێ کر ژ بوو وێ چەندێ بشێن ب کوژمێ فروتنا ئەوان یاریزانان ھەڤبەستێ ل گەل چەند یاریزانێن نوو ئیمزا بکەن .
رۆژناما سپورت یا کەتەلونی دیارکریە سەرۆکێ یانا بەرشەلۆنا بارتومیو بۆ ڤالڤێردی دیارکریە پێدڤی یە ل سەر ئەوان دەستا ژ چەند یاریزانێن یانێ بەردەن و ل جھێ ئەوان ھەڤبەستێ ل گەل چەند یاریزانێن نوو ئیمزا بکەن ژبەرکو بتنێ ١٠٠ ملیون یورۆ ل بەر دەستێ ئەوان ھەنە بۆ ڤەگوھاستنێن ھاڤینا ئەڤ سالە لەورا ل سەر ئەوان پێدڤی یە ئەو چەند یاریزانێن سەرەکی یێن یانێ بفروشن داکو مفای ژ فروتنا ئەوان بینن.
ئەوێ رۆژنامێ ئەو چەندە ژی دیارکریە ئەو یاریزانێن سەرۆکێ یانا بەرشەلۆنا بەربژارکرین بوو فروتنێ ل ھاڤینا ئەڤ سالە ھەر ئێک ژ ئەڤان یاریزانێن خوارێ نە .

فلیپ کوتینھو

عوسمان دێمبلی

ئیڤان راکیتیچ

ساموێل ئومتێتی

دەنیز سوارێز

نێلسون سێمیدو

 برنس بواتینگ

ڤێرمایلین

 جیلسون موریلو

ئەڤرۆ نیوز:
یاریزانێ یانا بایرن میونیخ جیروم بواتینگ نوکە بوویە جھێ گرنگیا سێ یانێن بەرنیاس ل سەر ئاستێ ئەلمانیا و ئیتالیا بۆ ئیمزاکرنا ھەڤبەستا ئەوی ل مێرکاتویا ھاڤینا ئەڤ سالە.
رۆژنامەیێن ئەلمانی ئاشکراکریە ھەر ئێک ژ یانێن ئەنتر میلان و یوڤانتوس یێن ئیتالی یێ بزاڤێن مەزن دکەن بوو ڤەگوھاستنا بەرەڤانێ یانا بایرن میونیخ و ھەلبژارتیێ ئەلمانیا جیروم بواتینگ .
ھەردیسان وێ رۆژنامێ دیارکریە ژی یانا بروسیا دورتموند ژی کوژمەکێ پارەی بەرھەڤکریە بوو ڤەگوھاستنا بواتینگ کو نوکە بھایێ فروتنا ئەوی یاریزانی د بازارێ ڤەگوھاستنا یاریزانان دا نزم بوویە بۆ ١٥ ملیون یورۆیا و دبیت یانا بایرن میونیخ ب رێژەیا ھەرە مەزن ئەوی یاریزانێ خوە بفروشیت ئەوێ دێ ھەڤبەستا ئەوی ل ھاڤینا ٢٠٢١ ب دووماھیی ھێت کو ل وەرزێ بوری کوژمەکێ مەزنتر ب فروتنا ئەوی یاریزانی ھاتە دانێ لێ راھێنەرێ وێ یانێ رەتکر بفروشیت و ل وەرزێ ئەڤ سالە ژی ب رێژەیەکا کێم پشت بەستن ل سەر ئەوی یاریزانی کر و نوکە بھایێ فروتنا ئەوی گەلەک نزم بوویە ژ یێ وەرزێ بوری.

ئەڤرۆ نیوز:
یانا لیفەرکوزن یا ئەلمانی دخوازیت ل ڤەگوھاستنێن ھاڤینا ئەڤ سالە ھەڤبەستێ ل گەل یاریزانەکێ یانا ریال مەدرید ئیمزا بکەت.
رۆژناما بلید یا ئەلمانی ئاشکراکریە یانا لیفەرکوزن یا ئەلمانی گرنگیەکا مەزن ب ئینانا یاریزانێ ھەلبژارتیێ نەرویجی و یانا ریال مەدرید مارتن ئودیگارد یێ ٢٠ سالی دایە بۆ ڤەگوھاستنێن ھاڤینا ئەڤ سالە.
رێڤەبەرێ وەرزشی ل وێ یانا لیفەرکوزن سیمون رولفیس د داخویانیەکێ دا بۆ وێ رۆژنامێ دیارکریە مارتن ئێک ژ یاریزانێن ھەرە باشە و ب ئینانا ئەوی بۆ ناڤ رێزێن پێکھاتیێ یانا ئەوان دێ مفایەکێ مەزن گەھیتە تیما ئەوان بوو وەرزێ نوو.
یانا لیفەرکوزن دخوازیت ھەڤبەستێ ل گەل مارتن ئیمزا بکەت پشتی یاریزانێ وێ جولیان براندت ھەڤبەستا یانا بروسیا دورتموتد ئیمزاکری .
ھەڤبەستا مارتن ئودیگارد ل گەل یانا ریال مەدرید ل ھاڤینا ٢٠٢١ دێ ب دووماھیی ھێت و یانا ریال مەدرید دخوازیت ل ھاڤینا ئەڤ سالە ئەوی یاریزانی بفروشیت بەری ھەڤبەستا ئەوی ب دووماھیی بھێت.
ھەژی گوتنێ یە ھەر ژ ئیمزاکرنا ھەڤبەستا مارتن ئودیگارد ل ھاڤینا ٢٠١٥ و ل گەل یانا ریال مەدرید ئەوی یاریزانی بتنێ دو یاریێن فەرمی ل گەل یانا ریال مەدرید کرینە و نێزیکی ٦٠ یاری ژی ل گەل یانا ریال مەدرید یا دوێ کرینە و ل دووماھیی دو وەرز ئەو یاریزان ب شێوەیێ خواستن ل خۆلا ھولەندا کریە کو ل وەرزێ ٢٠١٧-٢٠١٨ یاری ل یانا ھێرنڤین کر و ل وەرزێ ٢٠١٨-٢٠١٩ یاری یانا ڤیتیسە ئەرنھیم یا ھولەندی کر .

ئەڤرۆ نیوز:
پشتی ھەڤبەستا ستێرا بەری نوکە یا یانا بایرن میونیخ و ھەلبژارتیێ فرەنسا فرانک رێبری ل گەل یانا بایرن ب دووماھیی ھاتی ھژمارەکا یانێن ئورۆپی حەزا ئیمزاکرنا ھەڤبەستا ئەوی یاریزانی ھەیە سەرەرای ژیێ وی یێ مەزن لێ نوکە ھژمارەکا یانێن ئورۆپی ھەڤرکیا ب دەستڤە ئینانا ئەوی یاریزانی دکەن .
رۆژناما کیکر یا ئەلمانی دیارکریە یانا شیڤلد یوناید یا ئنگلیزی ئەوا ل وەرزێ ئەڤ سالە ژ خۆلا پلا ئێک یا ئنگلتەرا ب سەرکەفتی بۆ خۆلا پلا نایاب وی وەلاتی دخوازیت ھەڤبەستێ ل گەل وی رێبری ئیمزا بکەت و ئەو یانا ئنگلیزی دخوازیت ب فەرمی ھەڤبەستێ پێشکێشی ئەوی یاریزانی بکەت .
ھەردیسان ئەوێ رۆژنامێ دیارکریە ژی دبیت رێبری ل سەر داخوازیا وێ یانێ رازی نەبیت ژبەرکو ئەو یاریزان ناخوازیت یاری ل یانەکێ بکەت کو نوو سەرکەفت بیت بۆ خۆلا پلا نایاب و دخوازیت یاری ل یانەکا بەرنیاس بکەت ھەر چەندە ئەو یانا ئنگلیزی گرنگیەکا مەزن ب شیانێن ئەوی یاریزانی داینە.
ھەژی گوتنێ یە ھژمارەکا یانێن فرەنسی و تورکی و ئەلمانی گرنگیەکا مەزن ب شیانێن ئەوی یاریزانی داینە ژ ئەوانان یانا مارسیلیا فرەنسی و گەلاتەسەرای یا تورکی و چەند یانێن خۆلا بوندس لیگا.

ئەڤرۆ نیوز:
یانا روما یا ئیتالی ب فەرمی راگەھاند ئەوان خوە ژ قارەمانیا ھەڤالینی یا قارەمانێن خولا ڤەکێشا ئەوا ھەڤرکیێن وێ ل وەلاتێ ئەمریکا دھێنەکرن کو بریار بوو سێ یاریان وەکو خوە بەرھەڤکرن ل وی وەلاتی ئەنجامدات .
یانا روما ل سەر مالپەرێ خوە یێ فەرمی داخوازا لێبورینێ ژ وێ قارەمانیا ھەڤالینی کریە ژبەرکو پشکداریا وێ د ڤاڤارتنێن قارەمانیا یورۆپا لیگ دا کو دەمێ ئەوێ قارەمانیێ د ھەمان دەمێ یاریێن وێ یێن ڤاڤارتنێن دەربازبوونێ بۆ قوناغا کومان یا قارەمانیا یورۆپا لیگ پشتی ل وەرزێ ئەڤ سالە شیای رێزا شەشێ د خۆلا کاتشیو یا ئیتالی دا ب دەستخوڤە بینت.

ئەڤرۆ نیوز:
راھێنەرێ ئیسپانی و یانا مانچێستەر سیتی پیپ گواریولا پشتەڤانیا خوە بۆ وەلاتی یێ خوە و راھێنەرێ نوکە یێ یانا بەرشەلۆنا ڤالڤێردی دیارکر پشتی د داخویانیەکا رۆژنامەڤانی دا دیارکری راھێنەرێ نوکە یێ بەرشەلۆنا یێ سەرکەفتی یە ا گەل یانا کەتەلونی.
زێدەتر راھێنەرێ نوکە یێ مان سیتی دیارکر ڤالڤێردی وەرزەکێ سەرکەفتی ل گەل یانا بەرشەلۆنا ب دووماھیی ئینا و شیا سەرکێشیا یانا بەرشەلۆنا بکەت بۆ دەستڤە ئینانا ناسناڤێ لالیگا ھەردیسان ب گەھینتە پێش دووماھیا چامپیونیز لیگ ل گەل دووماھیا کاسا ئیسپانیا و دیارکر ژی ب دیتنا ئەوی ئەو دبینت ڤالڤێردی ل وەرزێ ئەڤ سالە ل گەل بەرشەلۆنا یێ سەرکەفتی بوو .

ئەڤرۆ نیوز:
یانا مانچێستەر یوناید پشتی ل ماوێ چەند رۆژێن بوری دیارکری ئەو دەستا ژ ستێرا خوە یا فرەنسی پول پوگبا بەرنادەت لێ یانا ریال مەدرید یا بەردەوامە ل سەر رازیکرنا ئەوی یاریزانی و بەرھەڤیا خوە دیارکریە بۆ ڤەگوھاستنا ئەوی یاریزانی ب ھەر شێوەکێ ھەبیت کو سەرۆکێ یانا ریال مەدرید بەری نوکە دیارکریە ئەو د بەرھەڤن کوژمێ ١٥٠ ملیون یورۆیا پێشکێشی یانا مانچێستەر یوناید بکەن بۆ دەستڤە ئینانا ئەوی یاریزانێ فرەنسی.
رۆژناما میرۆ یا برێتانی ئاشکراکریە یانا مانچێستەر یوناید ژ ترسا دەستدانا ئەوی یاریزانێ خوە یێ فرەنسی بھایێ فروتنا ئەوی یاریزانی ژ ١٥٠ ملیون یورۆیا بلندکریە ١٧٠ ملیون یورۆیا و دیارکریە ھەر یانەکا حەزا ئیمزاکرنا پوکپا ھەبیت پێدڤی یە وی کوژمێ پارەی پێشکێشی ئەوان بکەت.