NO IORG
نووترين نووچه
Twitter

ئه‌ڤرۆ نیوز:

رێڤه‌به‌ریا گشتى یا كه‌شناسیێ ل هه‌رێما كوردستانێ هوشداریه‌ك لدۆر هاتنا پێله‌كا باران بارینێ بۆ پارێزگه‌هێن هه‌رێمێ به‌لاڤكر.

رێڤه‌به‌ریا ناڤبرى به‌لاڤكر” سوبه‌هى ئه‌ینیێ 3/5/2019 ب شه‌ڤ، هه‌رێما كوردستانێ دێ كه‌ڤیته‌ به‌ر پێله‌كا بارانێ”.

دیاركر ژى” ل هه‌موو ده‌ڤه‌رێن هه‌رێما كوردستانێ دێ باران باریت ول هنده‌ك ده‌ڤه‌رێن پارێزگه‌هێن هه‌ولێرێ ودهۆكێ دێ باران زێده‌تر باریت و دره‌نگیا شه‌ڤا شه‌مبیێ 4/5/2019  ئه‌ڤ پێلا بارانێ دێ ب دووماهى هێت”.

516

ئەڤرۆ نیوز:
راپورتێن رۆژنامەڤانی ل برێتانیا دیارکرینە یانا پاریس سانجێرمان بوو ھاڤینا بھێت دخوازیت ھەڤبەستێ ل گەل گولچیێ ھەلبژارتیێ ئیسپانیا و یانا مانچێستەر یوناید دی خیا ئیمزا بکەت ئەوێ نوکە د رەوشەکا لاواز دا بوریت ل گەل وێ یانا ئنگلیزی.
رۆژناما دیلی ستار یا برێتانی دیارکریە یانا مانچێستەر یوناید ژی نوکە یا لێگەریانا گولچیەکێ نوو دکەت و دخوازیت بەری ب دووماھیی ھاتنا ھەڤبەستا دی خیای ب دووماھیی بھێت بفروشت داکو یا مفاداربیت ژ فروتنا ئەوی کو چاڤەرێ دھێتەکرن ل ھاڤینا ٢٠٢٠ ھەڤبەستا ئەوی گولچیێ ئیسپانی ل گەل یانا مان یوناید ب دووماھیی بھێت.
ئەوێ رۆژنامێ ئاشکراکریە ژی یانا پاریس سانجێرمان ب فەرمی دەست ب دانوستاندنان کریە ل گەل بریکارێ دی خیای بوو ڤەگوھاستنا ئەوی ل ھاڤینا بھێت بوو ناڤ رێزێن ھەلکرا قارەمانا خولا فرەنسا کو کوژمەکێ مەزن یێ پارەی بوو ئەوی بەرھەڤکریە ھەکە رازی بیت ل سەر داخوازیا پاریس.
دیلی ستار ئاشکراکریە ژی ب رێژەیا ھەرە مەزن دی خیا دێ ل سەر داخوازیا پاریس سانجێرمان رازی بیت ژبەرکو ئەوێ یانێ کوژمەکێ مەزن پێشکێشی ئەوی کریە و ژ ھەر ھەڤبەستەکا دی مەزنترە ئەوێن ل بەر دەستێ ئەوی کو پاریس بەرھەڤیا خوە دیارکریە موچەیەکێ سالانە یێ ٢٤ ملیون یورۆ پێشکێشی ئەوی بکەن .

ئەڤرۆ نیوز:

ب مەرەما دەلیڤەکا زێدەتر بۆ وان کەسێن حەزا خوە کاندیدکرنێ ھەی بۆ پوستێ پارێزگارێ نەینەوا بریار ھاتەدان ماوێ وێ ھەتا رۆژا سێشەمبی ٧ ئەیارا ٢٠١٩ ھاتە درێژکرن.

د نڤیسارەکێ دا ئەڤرۆ پێنج شەمبێ بەلاڤ بوویە کو ئیمزایا سەیدو چەتو شنگاری سەرۆکێ جڤاتا پارێزگەھا نەینەوا ل سەرە ئاماژە ب وێ چەندێ کریە ژبەر بەرژەوەندیا گشتی و زێدەتر دەلیڤێ بۆ وان کەسێن حەزا پوستێ پارێزگارێ نەینەوا و ھەردو جێگر و کارگێری و جێگرێ ھونەری ھەی بھێتو زێدەکرن ژ بەرکو ماوێ بوری چەندین رۆژ بوونە بھێنڤەدان دەلیڤە بوو ھەموو کەسان پەیدانەبوو خوە بەربژێر بکەن بۆ ڤان پوستێن دیارکری لەورا رۆژا سَشەمبیا بھێت ٧ ئەیارا ٢٠١٩ دووماھی ژڤانە بۆ ھەر کەسەکی.

ئەڤرۆ نیوز:

سەرۆکا فراکسیونا پارتی ل پەرلەمانێ عیراقێ راگەھاند ئەو پشکداری د روونشتنا ئەڤرۆ یا پەرلەمانێ عیراقێ نابن ئەگەر بابەتێ ھەلوەشاندنا ئەنجوومەنێ پارێزگەھا نەینەوا نەھێتە دەرکرن ژ کارناما کومبوونا ئەڤرۆکە.

زێدەتر ڤیان سەبری دیارکر ئەم دگەل ھەلوەشاندنا ئەنجوومەنێ پارێزگەھا نەینەوا نینن و نە یا دستوری یە بھێتە ھەلوەشاندن و ئەگەر نەھێتە لادان پشکداریێ د کومبوونا ئەڤرۆکە دا ناکەین و چەند لایەنێن دی دژی ڤێ چەندێ یە وەک لیستاء بیناء کو ئەوان ژی راگەھاندیە ئەو رازی نابن ل سەر ھەلوەشاندنا ئەنجوومەنێ نەینەوا و سەرۆکێ جڤاتا نوونەرێن عیراقێ ژی گوتوبێژ کرینە و ژبەرکو ھەلوەشاندنا ئەنجوومەنێ پارێزگەھا نەینەوا چو کێشەیا چارەسەر ناکەت.

89

ئەڤرۆ نیوز:

رۆژنامەکا فرەنسی ئاشکراکریە یانەکا فرەنسی حەزا ئیمزاکرنا ھەڤبەستێ ل گەل گولچیێ سیێ یێ یانا ریال مەدرید و کورێ راھێنەرێ یانێ زێدان ھەیە بوو وەرزێ بھێت.

فرانس فتبول یا فرەنسی دیارکریە یانا کلیرمونت یا فرەنسی ئەوا دخۆلا پلا دو یا فرەنسا دا یاریێ دکەت حەزا ئیمزاکرنا ھەڤبەستێ ل گەل لوکا زێدان ھەیە بوو وەرزێ بھێت .

لوکا زێدان کو گولچیێ سیێ یێ یانا ریال مەدرید و کورێ راھێنەرێ زێدانی یە کو ل وەرزێ ئەڤ سالە بتنێ پشکداری د ئێک یاری دا کریە دخۆلا لالیگا ئەوژی پشتی ھاتنا بابێ وی بەرامبەر ھویسکا وەکو گولچیێ سەرەکی یاری دکر لێ ل گەل تیما دوێ یا ریال مەدرید کاستیا دخولا پلا دو ئیسپانیا دا کەت وەکو گولچیەکێ سەرەکی یاری دکەت.

Image result for ‫لوكا زين الدين زيدان‬‎

ئەڤرۆ نیوز:

وەزارەتا نافخو یا ھەرێما کوردستانێ ئینانا ترومبێلێن لێدای، چێکری و ژێرئاڤبووی قەدەغە کر.

ل دووڤ نڤیسارەکێ کو ٢/٥/٢٠١٩ بەلاڤ بووی و ئیمزایا وەزیرێ نافخویا ھەرێما کورستانێ ژی ل سەرە تێدا ھاتیە ژ بەر بەرژەوەندیا گشتی و ب مەرەما پاراستنا گیان و سامانێ خەلکێ ھەرێما کوردستانێ و ل دووڤ وان دەستھەلاتێن ھەین ژ قانوونا ھژمارە شەش یا نافخو کو سالا ٢٠٠٩ دەرکەفتیە بریار ھاتیەدان:

١/ ئینانا ترومبێلێن لێدای، چێکری، ژێرئاڤبووی بۆ ناف ھەرێما کوردستانێ برێیا خالێن سنوری یێن نێڤدەولەتی و پارێزگەھێن دی یێن عیراقێ ھاتە قەجەغەکرن.

٢/ ئەڤ بریارە ل رێککەفتی ١/٧/٢٠١٩ دێ کەفتە کاری و جێبەجێکرن.

ZW3

196

ەڤرۆ نیوز:

ستێرا ھێلا بەرەڤانیا ھەلبژارتیێ ئورگواری و یانا ئەتلەتیکو مەدرید دیگو گودین پشتی کرنا ٩ سالێن یاریێ ل وێ یانێ بریارە ل ھەیڤا بھێت ب فەرمی پێکھاتیێ وێ یانێ ب جە بھێلت. رۆژناما مارکا ئیسپانی دیارکریە بریارە بەرەڤانێ خودان شارەزا و کابتنێ ئەتلەتیکو مەدرید دیگو گودین ل ١٢-٥-٢٠١٩ پشتی یاریا سیڤیلیا ب فەرمی خاترا خوە ژ جەماوەرێ ئەتلەتیکو مەدرید بخوازیت .
ھەردیسان ئەوێ رۆژنامێ ئاشکراکریە ژی ئەو یاریزان گەھشتی یە رێککەفتنێ ل گەل یانا ئەنتر میلان بوو ئیمزاکرنا ھەڤبەستا ئەوێ یانێ بوو وەرزی بھێت بەرامبەر موچەیەکێ سالانە ٥ ملیون و نیڤا يورويا.
گودین یێ ٣٣ سالی ل وەرزێ ٢٠١٠ ژ یانا ڤیاریال ھاتبوو ڤەگوھاستن بوو یانا ئەتلەتیکو مەدرید و ھەتا نوکە یێ ل گەل وێ یانێ بەردەوامە کو ل ٩ سالێن بوری ئەوی یاریزانی ٣٨٠ یاری ل گەل ئەتلەتیکو مەدرید ئەنجامدارینە و چەندین دەستکەفتی د ماوێ ئەوان ٩ سالان دا ب دەستخوڤە برینە ژ ئەوانان ل وەرزێ ٢٠١٣-٢٠١٤ ناسناڤێ خولا ئیسپانیا کاسا سوپەر ئیسپانیا ٢٠١٤ قارەمانیا یورۆپا لیگ ٢٠١١-٢٠١٢ و ٢٠١٧-٢٠١٨ کاسا سوپەرا ئورۆپا ٢٠١٠ و ٢٠١٢ و ٢٠١٨.

 

Image result for Diego Godín

378

ئه‌ڤرۆ نيوز، نيوار محه‌مه‌د سه‌ليم:

وه‌زاره‌تا ناڤخۆ يا هه‌رێما كوردستانێ ئينانا ترۆمبێلێن لێداى و چێكرى و بن ئاڤ بوويى قه‌ده‌غه‌كر.

ب گۆره‌ى نڤيساره‌كێ ئه‌ڤرۆ رۆژا پێنجشه‌مبى 2ى گۆلانا 2019ێ به‌لاڤكريه‌ و ئيمزا كه‌ريم شنگالى وه‌زيرێ ناڤخۆ ل سه‌ره‌، هاتيه‌: ژ به‌ر به‌رژه‌وه‌نديا گشتى و ب مه‌ره‌ما پاراستنا گيان و سامانێ وه‌لاتيان و ب گۆره‌ى وان ده‌سته‌لاتێن ب مه‌ هاتينه‌ دان ژ قانوونا وه‌زاره‌تا ناڤخۆ ژماره‌ 6 يا سالا 2009ێ بريار هاته‌ دان ب:

1- قه‌ده‌غه‌كرنا ئينانا ئه‌و ترۆمبێلێن (لێداى، چێكرى و بن ئاڤ بوويى) دئيننه‌ ناڤ هه‌رێما كوردستانێ د رێيا ده‌رگه‌هێن نێڤده‌وله‌تى و زالگه‌هێن ناڤبه‌را پارێزگه‌هێن عيراق و هه‌رێما كوردستانێ.

2- ئه‌ڤ بڕياره‌ دێ ژ رۆژا 1ى تيرمه‌ها 2019ێ كار پێ هێته‌ كرن.

162

ئەڤرۆ نیوز، نەوزاد ھلۆری:

وەلاتیەکێ ناحیا شێلادزێ ئەڤە 25 سالە ب رێیا عەرەبانەکێ کەلوپەلێن وەلاتیان د ناڤ بازاری بۆ مالان ڤەدگوھێزیت، بڤێ یەکێ ژی داھاتەکێ بخوە پەیدا دکەت.

ھاشم رێکانی، ئەو وەلاتیە بۆ ئەڤرۆ نیوز گۆت: (ئەڤە پتری 25 سالایە ئەز ب رێیا عەرەبانێ کەلوپەلێن خەلکی دناڤ بازاری و برکارێن ئەرزاقی ڤەدگوھێزم مالێن وان و ئەوان چەند پارە دانە من ژی دروستە، سوپاس بو خودێ ب ڤێ رێکێ داھاتەکێ خوە پەیدا دکەم).

زێدەتر گۆت: (دەستپێکا کارێ من ترومبێل کێمبوون و کار زور بو، بەلێ نوکە ترومبێل زۆرن و کارێ من ژی کێمبوویە، بەلێ ل گەل ھندێ ژی ھژمارەکا زۆرا خەلکی ب رێیا من کەلوپەلێن خوە ڤەدگوھێزن ب تایبەتی وان یێن ترومبێل نەی، ھندەکان ژی مالێن وان جھێن نەخوشن و جاددە ئاخە ئەو ژی دبێژن من).

ھاشم ژبلی کو کرێکارە ب رێیا عەرەبانا خوە، دڤان جەند سالێن دوماھیێ وەکو کرێکار ل باژێرڤانیا شێڵادزێ ژی ھاتیە وەرگرتن و زێدەتر گوت: (ھەرکارەکێ مروڤ بشێت بکەت، پێدڤی یە بکەت، چونکی خزمەتە و چ شەرم تێدا نینە، نوکە ئەز ھەمی خەلکێ شێڵادزێ دنیاسم و مالێن وان ڤێدکەڤم، ئەز ھەمی جورێن کەلوپەلان ب عەرەبانێ ڤەدگوھێزم و خەلکی چ گازندە ل من نەکرنە).

383

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

100 دولارێ ئه‌مريكى 120.100 دينار
100 يۆرۆيێ ئه‌ورۆپى 135.000 دينار
100 ليرێ توركى 20.500 دينار

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

website security
WP Facebook Auto Publish Powered By : XYZScripts.com