نێزیكی نەهـ هزار كارمەند دێ پشكداریێ د رێڤەبرنا هەلبژارتنان دا كەن
لەزگین جوقی:
بەرپرسێ نڤیسینگەها دهۆك یا كۆمسیۆنا هەلبژارتنێن ئیراقێ راگەهاند، بەری ژڤانێ هەوا بانگەشەیا هەلبژارتنان دەستپێ بكەت، هندەك بەربژارا دەست ب بانگەشەیا خۆ كریە و دبێژیت: مە راپۆرت ل سەر ڤی بابەتی بەرهەڤكرینە.
خالد عەباس، بەرپرسێ نڤیسینگەها دهۆك یا كۆمسیۆنا هەلبژارتنێن ئیراقێ بۆ ئەڤرۆ خویا كر، بەری هەوا بانگەشەیا هەلبژارتنان هندەك پۆستەر هاتبوونە دانان و هندەك بەربژارا بەری ژڤانێ كۆمسیۆنا هەلبژارتنێن ئیراقێ دەست ب بانگەشەیا خۆ كرینە و گۆت: «مە راپۆرت ل سەر ڤی بابەتی بەرهەڤكرینە، ل سالا 2021 پاقژترین هەوا بانگەشەیا هەلبژارتنان ل سەر ئاستی ئیراقێ ل پارێزگەها دهۆكێ بوو».
گۆتژی: «ئەڤ سالە دێ نێزیكی نەه هزار كارمەندان ل دهۆكێ پشكداریێ د ب رێڤەبرنا هەلبژارتنێن پەرلەمانێ كوردستانێ دا كەن».
