حەفت جۆیێن ئاڤدانێ ل سنۆرێ ناوچەدارییا كانی ماسێ هاتینە چێكرن
ئامێدیێ، مەحمود نهێلی:
ب مەرەما پتر گەهاندنا پڕۆژەیێن خزمەتگوزاری بۆ گوندان و گرنگی دان ب كەرتێ چاندنێ و خزمەتكرنا جۆتیاران، د ڤان دو سالان دا حەفت جۆیێن ئاڤدانێ ل سنۆرێ ناوچەداریا كانی ماسێ هاتینە چێكرن و كەفتینە د خزمەتا جۆتیاران دا.
ئەندازیار بۆتان ئامێدی، بەرپرسێ هۆبا ئاڤدێریا ئامێدیێ بۆ رۆژناما ئەڤڕۆ دیاركر، حوكمەتا هەرێما كوردستانێ، ب تایبەتی ژی كابینەیا نەهێ، گرنگییەكا زۆر دایە كەرتێ چاندنێ و چێكرنا جۆیان و سكڕێن ئاخێ.
ناڤهاتی گۆت: «ل سنۆرێ ناوچەداریا كانی ماسێ د ڤان دو سالان دا حەفت جۆیێن ئاڤدێریێ ب گوژمێ 900 ملیۆن دیناران ل سەر جودجەیا پارێزگەها دهۆكێ هاتینە چێكرن و كەفتینە د خزمەتا جۆتیارێن دەڤەرێ دا.»
